大龍燒鵝餐廳小廚

Open Now

Now Closed

不要以貌取呢間餐廳 。嚟到呢間一定係食燒味。 我建議唔好選任何是日午餐。選雙拼燒味一定唔會錯。扣肉飯也可 不過極小出現喺是日午餐餐牌。燒味方面… 必試嘅就係… 叉燒 叉燒 叉燒。搜叉 或 肥叉… 都好食 。但係識食嘅梗係食肥叉啦！ 我經常嚟食午餐。通常我會叫 乳豬肥叉飯 燒鵝肥叉飯 或 肥叉燒肉飯。燒鵝都唔差嘅。但係叉燒真係有信心保證 百分百中。但係要記住 唔好點午餐嘅叉燒滑蛋飯因為用嘅叉燒係好似超市叉燒質素 完全另一回事。最後 警告 呢到嘅叉燒會食上癮。

呢間餐廳其實都經常買外賣，因為佢哋嘅燒鵝味道好特別.. 好好食，同埋套餐晚餐都非常抵食，一星期入邊一定有一兩天是幫襯他們，如果唔出街食飯嘅話可能四五日都會幫襯佢＇對於一個「無飯」煮的我，佢嘅價錢同味道都係相當大眾化+好味道😋⋯⋯🤣—————-食極佢嘅餸菜都唔厭嘅，就知道佢有幾好味，所以唔使多講，好味道就自然會成日幫襯😝佢呢度啲魚腩好大碟，又大件又抵食，味道更出色的燒鵝，吃落有煙熏味又係非常做得特別，皮脆肉嫩，其他餸都食過好多，每款都各有特色各有千秋，但我最鍾意食呢幾款，所以經常食呢幾款都食唔厭🤣🤣🤣🤣——————-喺中環區價錢大眾化又好食的一間燒味餐廳其實開心簡單就在＇你身邊❤️😋食….拍…寫.. 已經成為我生活中的一部份鍾意食..鍾意拍…鍾意寫..留下美好回憶————

Central seems to have a lot of Hong Kong style roast meat restaurants as it's fast, cheap and filling. Perfect for those that are rushing  back to work. 大龍燒鵝餐廳小廚 (no English name) is one such place. And it was busy even at 3 in the afternoon. When we were there, they had the afternoon tea set menu available. Menu is in English and Chinese. There is no 10% service charge and you pay on your way out. Along with roast meat sets, they also offer cha chaan teng items. But everyone was ordering the ro

中環其實都有好多間窮人恩物，大龍燒鵝係其中一間，堂食大概$55-$60，外賣燒味飯$40有找，所以每次經過都大排長龍。我都係食佢嘅叉燒燒肉飯，貪佢叉燒燒得好香脆好靚，燒肉就有事要撞手神，七成時間佢啲燒肉都好食，有時啲皮會過咗氣。嚟呢度食都預咗係快食，當你差唔多食完，d姐姐會不停問你仲要唔要，意思即係吹你快啲走，出邊仲有好多人等。所以每次食嘢完都要急急腳走。唯一可取之處就係姐姐叫你走時係會不停講唔好意思。如果頂唔順嘅朋友就唔好嚟。

lunchtime 黎左食燒味 舖頭出面排滿人龍等外賣 堂食反而好快有位叉雞瀨瀨粉份量唔算多, 男仔會唔夠食叉燒燒得幾入味 而且有燶邊 半肥瘦 唔錯雞就偏肥 整走晒d 肥膏之後都冇咩肉食到除左燒味之外 仲有其他午餐選擇都唔少 如果想食快靚正嘅午餐 呢到都係一個好選擇

每次經過門口，也見店內人山人海，想知是食物水準出色，還是因價錢平；在好奇心驅使下，早兩日便一於過來試吓！🤔叫了早餐A，有叉燒米粉、丹麥多士、太陽蛋及熱奶茶；多士已放涼，好在還酥脆，叉燒則偏瘦兼且太燶邊，奶茶和奶水分別不大，飲了一口便直接放棄。早餐水準有點令人失望😅，不知午餐或晚餐會否好啲，有機會再試吓。😬#大龍燒鵝餐廳小廚地址: 中環德輔道中88-98號中環88地下2號舖電話: 28543888

新店開張，有優惠貨以$35購買外賣雙拼燒味飯叉燒 加例湯，一於試一試。叉燒燒鴨飯：我這碟菜芯 相比其他人的 比較少，只有一條。份量適中，叉燒頭尾位置偏多焦炭，肥瘦均勻。燒鴨都幾大舊，偏瘦，但肉質都嫩滑。例湯：老火湯，冇乜味精，仲有好多雪耳，不錯。