天下無雙

Open Now

Now Closed

講到我最鍾意既麵食，首選當然係車仔麵啦💁🏻‍♀️一黎餸菜款式夠多，又可以試埋唔同種類嘅小食😆😆今日就同朋友仔嚟到呢間🌟天下無雙🌟主打各款港式車仔麵🍜餸菜款式選擇眾多，而且有多款自家製小食，例如鬼馬炸魚腐、燒賣及魚蛋，即刻同朋友仔嚟刷番餐先！———————————————————🔹自選5餸車仔麵 （菜底）呢度有晒我最鍾意食嘅餸菜，我就揀咗一款5餸車仔麵，配以通菜底，夠晒健康！餸菜就揀咗爆汁潮汕牛肉丸、豬手、鬼馬炸魚腐及牛腩，超豐富！！特別推介鮑汁潮汕牛肉丸，大大粒得來口感彈牙，而且入邊咬落爆曬汁，值得一試！🔹自選4餸車仔麵朋友仔就揀左豬紅、蘿蔔、午餐肉及豬大腸～4款傳統懷舊餸菜配搭油麵，當然唔少得加埋招牌辣汁，咁至食得惹味又過癮！特別一讚呢度嘅豬紅同豬大腸，豬紅煮得夠晒入味，咬落口感一流；豬大腸夠晒肥美，滷水味道夠晒香濃！🔹滷水雞中翼滷水雞中翼亦係餐廳主打菜式之一！雞翼夠大隻，肉質保持鮮嫩多汁，外層索滿濃濃滷水汁，香甜又惹味！🔹生菜魚肉生菜魚肉亦係港底懷舊小食之一！魚肉粉嫩滑順，鮮味十足，搭配爽脆生菜，層次感一流！🔹紫菜雲吞潮式紫菜，搭配大大粒鮮蝦雲吞，呢個組合非常正！紫菜彈牙口感一流；雲

車仔麵嘅選擇永遠都好多。無論咩麵底都有得簡，而且食物選好多。我叫左芝士腸，散發出濃濃的芝士香氣。接著再加上嫩滑的雞中翼和軟腍豬手，增添了口感的層次。咖喱汁的香濃味道淋在麵上，讓整碗麵更加香濃可口，配上公仔麵便更好吃再加上多蔥提味和一點點的小辣，讓整碗麵更加惹味。不可錯過的小食有燒賣和街頭魚旦，兩種都蒸得剛剛好。最後，來一杯凍檸檬薏米水來解渴。這款飲品酸甜開胃，加入了新鮮的檸檬和薏米，清新怡人，少少甜很好喝。

今日食既呢一間係尖沙咀既車仔麵店, 叫天下無雙(咁誇張)主力賣既除左有車仔麵之外仲有不同既小食, 價錢係尖沙咀黎講唔算貴, 而且冇加一, 價錢上其實無得輸呢度既車仔麵有得任揀或者跟佢既配搭, 價錢上會平D, 但係自己揀餸就自由度高D我揀既係魷魚+牛筋+炸魚腐+烏冬, 佢湯底仲可以2溝!! 非常之咁傳統!! I LIKE!!先講湯底, 我揀左係辣椒醬加咖哩汁, 中辣但係辣味唔算勁魷魚超爽彈, 加上咖哩汁味道似食緊咖哩魷魚, 好味牛筋勁淋加入味, 質素很好!!整個份量都唔少, 同友人一齊嗌左個小食SHARE, 就係呢個荔枝炸蝦, 個樣似荔枝, 入面係滿滿的蝦滑!! 即叫即炸, 炸得岩岩好!! 點埋呢個泰式辣醬, PERFECT MATCH!!!

點了兩碗車仔麵，三餸。牛筋，雲吞，豬紅！牛筋好大件，有兩大件，食落滿滿骨膠原嘅感覺，雲吞入面有兩隻蝦加豬肉，都幾足料。豬紅冇腥臭味，數量都幾多！另一碗三餸係牛腩，鬼馬魚腐，午餐肉，牛腩炆得好腍，好味。湯底方面，同平時車仔麵差不多，我加咗腩汁，同秘製回味麻辣醬🤩見到好多地道小食，所以叫多咗個小食拼盤，有咖喱魚蛋、魷魚和廚師腸。整體都好入味，魷魚好爽口。油菜加$25 ，價錢喺尖沙咀嚟講都可以接受！😬

想食打邊爐，但又唔想成日都係麻辣火鍋，朋友就介紹俚間豆腐黃骨魚火鍋，佢過湯抵跟魚都好正，所以收工去試😋裝修好特別，員工都招待周到我們點左豆漿煮魚配掛面，店員話魚湯已經配入黃骨魚，豆腐，魚腐、仲有猪筒骨，掛面就會另上😍我地就另外點碟湘沬牛肉丸，加碟生菜🥬先上魚煲，豆漿另上，店員話慢慢加豆漿落湯，等湯滾起就可以食，其實本身湯抵我都覺得好好味☺️加入豆漿變特別濃，材料真係好豐富，黃骨魚肉好滑，而且唔算多骨，三大舊猪筒骨，話骨骨髓好正，好有骨膠原，吸收埋豆漿魚湯，好正😊湘沬牛肉丸，少少辣，牛肉味好正，爽口彈牙👍佢地魚腐都等別好食，唔似出面咬落一口都係油，有豆味又有魚味，最後都再追加一碟，超正🤩打到最後，湯越滾越濃，加入掛面索埋啲魚湯，好滿足一餐😋地方環境都真係幾舒服，招呼周到，見到隔離台點明爐燒鴨煲都好似幾正，下次要嚟試🤩

環境乾淨企理，服務員態度不錯點了懷舊四寶麵蘿蔔：一般，唔算好入味豬紅：一般，又唔太差豬皮：一般，唔算好入味陳皮魚蛋： 幾好👍🏻油麵：麵質ok,煮得偏稔湯底：ok價錢：HKD 55總括：不太差，可以啦

好耐冇食過車仔麵，喺尖沙咀附近，特登check OpenRice邊度有車仔麵，見呢間評語都OK，order咗個河粉，和三個餸，滿心期待，點知中伏，雞翼有啲鞋，海膽丸一面有啲熟味，韭菜餃皮又厚，連杯凍檸茶夾到苦，得個河粉夠滑，個湯OK，絕對冇下次

地址 尖沙咀亞士厘道16號地舖G/F, 16 Ashley Road, Tsim Sha Tsui今日同朋友嚟到尖沙咀嘅「天下無雙」試下佢哋嘅招牌好食車仔麵。走入餐廳,裝潢簡單明亮,坐落於街頭,感覺好鬆快。 首先我哋點咗一個「牛柏葉豬腸」同一個「全豬麵」。豬腸炒得好彈牙爽口,配搭上牛柏葉,清新爽脆,又帶有一點牛油香味。佢哋用嘅豬腸份量十足,肥瘦適中,好有咬勁。 而「全豬麵」,就係傳統嘅港式好食車仔麵,用料十足,麵條Q彈,上面鋪滿了肥瘦兼備嘅燒豬肉,肉質鮮嫩多汁,配搭上清甜嘅蔥花同薑蓉,好香好味。我哋仲點咗一個荔枝蝦球同埋無雙魷魚，兩樣嘢都好出色餐廳仲提供自製嘅辣椒油,適中嘅辣度剛好襯托出麵嘅鮮味,令整碗麵口感層次更豐富。最後連湯汁都唔放過,我哋仲加咗好多白飯來淋汁飲。 整體嚟講,「天下無雙」嘅好食車仔麵實在係一絕,每一樣配料都好新鮮好味道,仲有貼心嘅自製辣椒油,令我哋食完後胃口大開,流連忘返。價錢合理,性價比高,係一個值得推薦嘅好去處。

店鋪名字霸氣，入去會一會佢💪🏽還有很多街頭小食。留返下一次試下座位比較多 佈置得比較有香港情懷⭐️🇭🇰選了自選車仔麵，裏面分別有：蘿蔔 陳皮魚蛋 豬紅 手工雲吞 牛筋 爆汁潮汕牛肉丸 無雙魷魚蘿蔔冇渣之餘幾甜陳皮魚蛋買少見少，是正常size的 好食豬紅做得幾出色 食落很滑溜同埋好甜 沒有豬臊味👍🏻爆汁潮州牛丸，有香濃濃郁的牛而且第一啖會爆汁😌配油麵 煮得爽口👍🏻面湯底可配清湯、腩汁、回味麻辣醬、咖喱、 秘制辣汁。我選擇了秘製辣汁。 辣汁都偏向辣，而且有少少辣喉幾過癮。👏🏻凍檸茶凍檸茶 查膽靚沒有苦澀味👏🏻

呢家八寶車仔麵真係好味!首先,麵條咬落去有彈牙口感,QQ十足,唔係太軟烂。佐料無論係小冬菇、豬皮、豬紅、雞翼尖,定係陳皮魚蛋、紅腸、牛腩同蘿蔔,全部都煮得好入味。尤其係雞翼尖特別鮮甜軟爛,而紅腸同牛腩都肥而不膩,真係好對襯呢道麵。至於湯底,濃郁醇厚,有豐富嘅港味,飲落覺得暖暖地好滿足。加上麵好味,整個食落都幾充滿滋味。總括嚟講,呢家車仔麵味道實在太正,價錢亦相當合理,無論係平日定節假日,想食正滋味車仔麵,我都會首選嚟呢度。好好玩吖!

天下無雙尖沙咀好少車仔麵店，見到呢間餐廳新開張，經過就入去試吓懷舊四寶麵有蘿蔔、豬紅、豬皮、陳皮魚蛋，加配無雙魷魚，同埋蠔皇小花菇，無需猶豫出奇地入味同埋軟滑，真係好出色，其他配料都好入味，車仔麵一定要食蘿蔔，呢間嘅蘿蔔都煮得好自選車仔麵朋友就叫咗牛腩，魚蛋，牛丸，魚皮餃，牛腩炆汁軟腍多汁，牛丸又爆汁效果，配埋河粉底，粉麵都好入味紅醬蝦甜醬加炸蝦球，真係邪惡之選荔枝蝦球炸粉外皮真係好似荔枝一樣，像真度好高，外脆內軟

今日放工見到呢間車仔麵幾吸引咁，同同事入左黎食，又估唔到咁正！尤其係個魷魚同辣汁！價錢唔貴，又大大份，真心好地道，唔錯唔錯！。車仔麵自己擇餸，最少3餸1麵，我就擇左雞翼、豬大腸同牛柏葉。雞翼炆得入味，豬大腸有嚼勁，牛柏葉夠爽口，最掂係個辣汁！夠辣又帶少少麻，精華所在。。同事就擇左：豬手、酸齋、無雙魷魚配讚歧烏冬。豬手軟嫩，酸齋分碟上，無雙魷魚辣辣地好好食！。小食方面都幾唔錯，「街頭魚蛋 $20」陳皮魚蛋好夠辣同入味。「鬼馬炸魚腐 $38」金黃酥脆，魚腐外脆內軟，非常開胃。「荔枝蝦球 $48」蝦球炸左，外表似荔枝，夠晒脆卜卜。。呢間車仔麵掂👍🏻抵食大份，重點個辣汁真心正😍

餐廳位置顯眼，係亞士厘道同宜昌街交界，設計有濃濃的香港風味，座位都算多，而且用左落地玻璃，感覺幾寬落。🍲餐廳主打車仔麵食，另外有幾款特別的港式佳肴小食。🐮餐廳有四款配搭好的車仔麵，吾使唸。試左牛魔王麵食$78, 價錢有點小貴，不過材料好多，有牛筋，牛腩，潮汕牛丸，樣樣都好入味。重點係個鮮雞湯底，用左全隻鮮雞同金華火腿煲成，飲落鮮甜，不加味精。🍲自由選麵吾想食carbs可以揀菜底，試左惹味豬手同韮菜餃。豬手超級淋，入口即溶咁，好惹味。韮菜餃餡料多，自家新鮮包👍🏻另一亮點係秘制辣汁，自家炒製，香辣惹味😋🍤荔枝蝦球賣相100分😍彈牙蝦膠配上紅色麵包糠，睇得又食得👍🏻🥟紫菜雲吞每日新鮮自己制，鮮蝦同豬肉都新鮮，仲有鮮甜湯底同紫菜👍🏻🥬油菜必叫，清清腸胃🥤凍檬賓🥤凍檬茶

天下無雙 (尖沙咀)尖沙咀亞士厘道16號地舖尖沙咀嘅天下無雙！佢嘅獨特菜式同高超廚藝有別於一般車仔麵。湯底濃郁，餸菜精細，係車仔麵界的頂流。招牌菜之一，荔枝蝦班$48。呢道菜以炸蝦球造型仿荔枝，真係視覺同味覺兩重享受！蝦球外脆內腍，再加上外形勁似荔枝，每一口都帶嚟驚喜嘅口感。滕椒魚皮，呢道招牌涼拌小菜$58。魚皮薄脆，再加上辣椒同香料嘅調味，帶嚟一種清新開胃嘅感覺，絕對係夏天消暑嘅最佳選擇，魚皮口感爽脆。最令我驚喜嘅係佢哋嘅車仔麵，我揀咗自選車仔麵，價錢就係根據每樣餸而計。呢度嘅車仔麵真係同啲一般嘅唔同，湯汁濃郁，餸菜選擇多元。我揀咗大肥腸同牛柏葉嚟配麵，每一口都飽含濃郁滷味同鮮嫩口感。份量絕對夠食，一定滿足到你嘅胃口！最後，叫了杯清爽嘅荔枝特飲，$18，同餐相得益彰。荔枝嘅甜美同特飲嘅清新完美結合，帶嚟一種愉快嘅口感。

天下無雙 (尖沙咀)尖沙咀亞士厘道16號地舖我點了他們的招牌菜「吉列帶子」。這道菜以新鮮的帶子搭配上充滿嚼勁的吉列帶子，烹調得非常出色。帶子鮮嫩多汁，口感鮮美，吉列帶子則提供了不同的口感和風味層次。整體而言，這道菜色香味俱佳，絕對是海鮮愛好者的一個不容錯過的選擇。我品嚐了他們的「荔枝蝦球」。這道菜以新鮮的蝦球和甜蜜荔枝造型結合在一起，形成了一個出乎意料的美味組合。蝦球炸得金黃酥脆，口感鮮嫩，絕對是一道令人驚艷的美食。他們的「滕椒魚皮」。這道菜以魚皮炸得酥脆，搭配上滕椒的香辣味道，非常開胃。魚皮的質感脆爽，香辣口味則帶來了一種辣味和麻感的結合，讓人回味無窮。這道菜非常適合作為開胃菜或下酒菜，絕對能夠滿足辣味愛好者的味蕾。我品嚐了他們的招牌主食「爆汁潮汕牛肉丸腩汁油麵」。這道主食以彈牙的油麵搭配上豐富的潮汕牛肉丸和腩汁，味道豐富濃郁。油麵煮得剛好，口感彈牙，潮汕牛肉丸則鮮嫩多汁，腩汁的濃郁口味完美地融入了整道菜的每一口。這道主食絕對是一道令人滿足的美食，讓人回味無窮。