Video
Read full review
2023-05-06
658 views
【深水埗區】【太子茶餐廳】上次同大家一齊探索咗海達在西九，咁今次就去佢對面海盈邨繼續搵嘢食。我係行新起嗰條全港跨度最長嘅公屋行人天橋過去嘅，條橋長約 145 米，闊約 6 米，連接海達邨和海盈邨，橫跨十六條行車線，係又高又靚喎。不過，橫過十六條行車線對我嚟講唔算好特別，喺阿根廷首都布宜諾斯艾利斯的七月九日大道就有十八條行車線，全球最闊，嗰時我喺嗰度，過馬路都要花啲時間呀。落橋就會見到海盈邨啲商舖，咁我就當然搵間茶記入去坐。佢都係啲街坊茶記嚟，除咗附近做嘢啲人我估都冇乜外人會特登走入呢個地方係為咗食嘢嘅，哈哈。咁就簡簡單單，叫個「常餐」啦。主食我揀咗「沙嗲牛肉米粉」，食落就真係非常之咁普通，冇驚喜，都係為咗填飽個肚。反而個配菜有得揀「鹹牛肉奄列」係畀到啲衝擊我，起碼唔使成日食火腿奄烈先，即刻揀呢個。食落都唔錯，味道濃，生熟度係中間偏熟，夠大份都幾唔錯嘅。不過個「蒜蓉厚多士」唔多厚，比較失望，要加兩蚊有啲搵笨。餐飲我揀「凍檸茶」少甜少冰，都係正常水準，不過不失，成份餐要我 $49 我冇乜感覺，反正都未必有下次。收銀嗰時有個小插曲，本身我想用八達通畀錢，點知佢系統唔知做乜取消咗我張單，見個收
不過，橫過十六條行車線對我嚟講唔算好特別，喺阿根廷首都布宜諾斯艾利斯的七月九日大道就有十八條行車線，全球最闊，嗰時我喺嗰度，過馬路都要花啲時間呀。落橋就會見到海盈邨啲商舖，咁我就當然搵間茶記入去坐。
佢都係啲街坊茶記嚟，除咗附近做嘢啲人我估都冇乜外人會特登走入呢個地方係為咗食嘢嘅，哈哈。咁就簡簡單單，叫個「常餐」啦。主食我揀咗「沙嗲牛肉米粉」，食落就真係非常之咁普通，冇驚喜，都係為咗填飽個肚。
反而個配菜有得揀「鹹牛肉奄列」係畀到啲衝擊我，起碼唔使成日食火腿奄烈先，即刻揀呢個。食落都唔錯，味道濃，生熟度係中間偏熟，夠大份都幾唔錯嘅。不過個「蒜蓉厚多士」唔多厚，比較失望，要加兩蚊有啲搵笨。
餐飲我揀「凍檸茶」少甜少冰，都係正常水準，不過不失，成份餐要我 $49 我冇乜感覺，反正都未必有下次。收銀嗰時有個小插曲，本身我想用八達通畀錢，點知佢系統唔知做乜取消咗我張單，見個收銀阿哥呆咗砲，算啦，我畀現金。。。
（地址：深水埗荔盈街1號海盈邨地下9號舖）
Post
