Video
3-min walk from Exit B2, Prince Edward MTR Station
continue reading
Payment Methods
Above information is for reference only. Please check details with the restaurant.
今日過開旺角，我見到有一間同棋哥燒鵝大王餐牌相似嘅舖頭，個播晒電視機自己燒，諗住入去試一試，我叫咗個燒鵝拼乳豬飯，我做得生招牌，燒鵝同乳豬一次過試哂，一嚟到個賣相已經好差，乳豬啲皮係唔脆嘅，最過分嘅就係隔籬枱嗰碟好靚，同個阿姐講佢話，個個部份都唔同，咁就當算我唔好彩，啱啱嗰一隻最尾買剩，人哋就開一隻新，但乳豬皮都唔脆，同埋邊可以隻隻到咁參次，老實講，次次去食棋哥都冇問題，係有新舊，但都唔會咁離譜。水渠道分店
continue reading
2023年3月17號，下午14:17，本人去水渠道奇趣燒鵝大王，購買油雞飯切雞飯各一盒外賣。等候期間，本人禮貌向收銀阿姐問：請問仲有免費例湯嗎？怎知道收銀阿姐用極不禮貌語氣回應：你幾耐冇幫襯呀？邊有可能送免費例湯？燒味阿叔加入唱雙簧：$3一個例湯，今時今日， $3仲邊係錢呀？有乜理由送免費例湯？跟住佢哋兩個不停口，你一言我一語對答：深水埗有間燒味舖夠有免費例湯，你敢唔敢飲？人哋賣幾錢？你比幾多錢？兩個不斷將個話題發酵，不斷單單打打，而我一直都冇出聲⋯⋯直至等到最後⋯⋯我忍唔住口還擊，好大聲同收銀阿姐講：過年前買過一次外賣，當時係收銀阿姐你主動送例湯俾我。我好客氣去問你一句，唔送例湯就算啦，可以收口結朿。你兩條友唔使一直講落去，講難聽說話去單打客人，直頭趕客咁，你兩個態度，係咁樣做生意咩？不斷串貢貢咁去回應客人😡😡😡仲有，我係嚟幫襯，唔係向你地拎著數，你地咁樣趕客，唔會再有下次⋯⋯🤬🤬🤬⋯⋯企我後面，仲有幾位客人聽到我哋嘅對話。呢兩位企鋪人士，我唔知佢地係老闆定伙記。如果係員工，老闆股東見到我留言，應該要炒咗佢地😡😡😡如果佢地係老闆股東之一，祝佢地好生意做長啲⋯⋯奉勸各位開飯網客人小心中伏。
continue reading
午餐經過見到購買，22蚊，單拼？試下！加多個燒髀都係20蚊隻。共$42！就買來醫肚吧！嗰幾塊紅腸加個飯：$22元正！點知出事⋯我直接跟師傅問究竟，得幾片簿到咁既紅腸？他說：$22蚊，你想點？哦！你不如賣10蚊啦！咁咪餸都唔洗俾？以優惠價益街坊，唔係出正常既出品俾客人？而將價就貨？咁就唔係優惠價啦，即頭係搵街坊笨啦？總結：飯凍、餸少、汁無味！食客執生吧！
continue reading
有相為證，8月12日，行過見門口個牌寫$110套餐，有半隻雞+半斤燒腩仔，於是買返屋企加餸，返到屋企打開個盒，話明燒腩仔，點知全部比晒啲做特價外賣飯盒嘅雜肉我，都算，食落一肚氣，皮又韌又淋，肉質又乾又鞋又無味，再睇埋盒雞，無錯係半隻，不過啲油多到喺雞嘅皮面形成咗一層保護膜，一食落口，嘩...一陣酸宿味🤮🤮🤮，如果唔係呢隻酸宿雞，我都唔會寫呢個食評，奉勸大家千萬要小心，順帶一提，呢間垃圾好似係(唐X興)集團嘅。
continue reading
奇趣燒鵝大王位於旺角水渠道30-32號地下， 此店在弼街都有一另間分店，約50至70元左右一碟燒味飯，是一間中間的燒味店。由於此店子是一間只做外賣的燒味店，所以價錢上比弼街的分店平不少。單併飯盒只是20元，雙併燒味飯也只不過是22元，在旺角來講真的唔貴。叫了一個燒腩仔燒鴨飯，燒鴨賣相唔錯，外皮唔諗，亦有不少肉，而燒腩仔有很香的肉味，肉質軟諗，幾好味，可惜的是外皮淋了少許，不過這是飯盒，燒味焗了一會難免會變淋。售22元，性價比極高。淨食可能dry了一點，所以加多3元加一罐可口可樂，和去ok便利店買位盒維他山水豆腐花作甜， 這樣就是$30的30/7糧尾晚餐。 Anyway, 貴有貴食，平有平食，只要食得好味食得飽，就已經滿足了！
continue reading