好德來小籠包店 (Closed)

平時藍妹比較少食上海野，係網上搵左陣佐敦有咩上海野可以試下，呢間「好德來小籠包店」就出現左啦。對呢間野期待唔高，希望唔會難食就得。😅我地訂左位，不過去到個場已經坐滿人，我地都等左接近10分鐘先有位。😮—因為同屋企人食，叫既野都偏向揀屋企人鐘意食既。鱔糊湯麵湯麵冇乜特別，清淡。鱔糊未達到藍妹既要求，鱔都算大條，但係肉質太實，咬落去完全冇口感，勾芡亦有啲重手，好傑身。—雞絲粉皮呢味餸好少整到好難食，呢間不過不失，粉皮滑而薄，最重要既花生醬一大碟另上，撈埋一齊黎食，流哂口水啊🤤—紅燒肉百頁結等左好耐先上枱，醬汁好濃味，唔撈飯／麵去食既話，會超級咸。紅燒肉真係好肥，肥膏同肉既比例係3:1，咬走啲肥膏唔食之後，基本上只剩返丁屎咁大舊肉😭因為醬汁濃既關係，百頁結相當入味，屋企人覺得太咸，於是藍妹自己掃左好多舊😂—必食鍋貼鍋貼可以鍛人頭叫既，皮唔會好厚，底煎得香脆，一咬落去，成口都係裡面熱辣辣既肉汁，令人食指大動啊！😆—招牌小籠包都唔多講啦，小籠包最重要係咩？皮薄 ❗️汁多 ❗️呢間合格啦！兩樣都做到哂👍—紫薯水晶糰藍妹見到有紫薯甜品食，膽粗粗叫黎試下。結果真係試一次就算啦，藍妹從來唔抗拒熱食既中式甜品

平日晚餐，叫左小籠包，鱔糊湯麵，回鍋肉(sorry無影) 同埋一個三色百頁卷。整體而言，抵食、味道正路，地點算就腳，幾好招呼，如果係佐敦想食餐快靚正上海嘢，唔錯。小籠包中規中矩，皮比較厚，湯汁算多。新鮮滾熱辣，不俗。鱔糊中上，個人而言上海嘢最好食係鱔糊。呢碟鱔糊比起其他有驚喜。鱔身夠爽，銀芽份量夠，蒜香味啱啱好。個麵就好普通。個湯底似滾水多過湯。下次會叫一客鱔糊加白飯。回鍋肉有得揀牛或豬，揀左豬。味道幾好，唔會太甜太辣。配菜夠多，爽口。肉都唔吝嗇。本身想叫個菜，事頭婆推介我試三色百頁卷。係冷盤，食落小小麻油味，感覺好清新。開胃。幾特別，值得一試。環境就一般港式中餐格局，坐位偏細，乾淨企理。冷氣較涼。值得一提，免加一。性格比高。

《好德來小籠包店》 #佐敦📍九龍佐敦德興街18號地下-🔹招牌小籠包 （4隻）$44熱辣辣，但皮就唔算太薄，入面既肉好大舊，但個醋就唔太夠味，美中不足，唔算覺得特別出色，而且價錢都有小小貴-🔹上海春卷（4條）$33上海春卷即叫即炸，入面仲有冬菇，粉絲同素，個皮夠脆身 非常好食 但價錢都係偏貴-🔹上海炒年糕$79呢個年糕食落醬油味，入面仲有娃娃菜同冬菇既配料，但年糕就有小小淋，我就覺得淋身麻麻地，同埋分量比較小-🔹花彫醉雞 例$78例 係一碟 另外仲可以叫半隻，花彫酒味好濃，我就好喜歡，好入味，雞肉好滑而且仲夠凍，非常推薦叫返碟試試，多人食一定叫半隻先夠食-🔹上海粗炒$88我自己本身唔太鍾意食上海粗炒，因為驚太油，反而今次試呢個，睇落顏色好深，但食落就完全唔會覺得油，而且味道好夠，同樣入面仲有娃娃菜同冬菇既配料-🔹豆漿 （枝）可分2杯 $12去食上海菜 豆漿一定係必飲，豆漿好滑，飲落唔會太甜覺得多糖，幾好飲-環境來說坐得好舒服，而家仲有好多款既上海菜，而員工禮貌都好好，係一間不錯既小店-byM: 8/10

最近見網站介紹佐敦上海菜館，稱讚上海小龍包皮薄，但又鎖住湯汁，除小龍包，還有其他精美菜式，小小菜館受到高度讚美，一於去試下菜。行街行到9點幾，9:45進店，老闆娘話last order 喇，見倒餐紙原來鋪頭閂10點😬差d無口福。怱怱點左一客小龍包（hkd44)，口水雞，回窩肉，及一個靚仔。小龍包比一般連鎖店還貴，索價hkd 44大元，真係期望好高架。四隻包子熱熱上場，夾落又真係好薄皮喎，咬落十分多沙汁，亦都好鮮甜！抵讚，難怪要十一蚊一隻。口水雞分量頗細，味道不錯，唔辣，不過熱盤上有點奇怪，哈哈。回窩肉叫左牛肉，牛肉分量都多，用干辣椒仔炒，好野味，不過就好油。98蚊都算幾貴架！本身叫左個冷面但售罄，不如就改叫白飯，橫掂回窩肉好送飯。可能就收鋪，白飯全部係飯焦，硬到咬唔落😖好陰公。小店價錢雖然唔便宜，不過就免加一，抵讚嘅。

好有小時候上海食店味道佐敦小食街—德興街臥虎藏龍，有好多不同餐廳，但呢一間好德來一直都係我同honey 既飯堂❤️ 小籠包好濃味，鱔糊又好正，糖醋排骨同薰魚都送飯 😍 但我最愛銀絲卷 😍 仲有一碗既水煮魚麵 😍 我好鐘意食辣，但有時同行人仕又唔食辣，就可以自己一個享受 👍🏻👍🏻👍🏻❤️ A good place for authentic Shanghainese food for gathering with friends and dishes come in good price 👍🏻 No long queuing as the well-known Shanghainese restaurant from Taiwan 😛

喱間上海舖真係好特別！排住兩間喱間一個人都無，入去只因為比較新淨，冷氣夠！一坐低便放下最低消費牌，限時幾多，我都無多理，諗住過夜咩！！！佢仲要平日下午完全無餐叫，全散叫，但無加一的！咁叫嘢食呢。。。銀絲卷，不論炸或蒸我們都沒有練奶的。。。姐姐介紹不如食小籠包啦，好在咁確實多汁，唔錯！戲肉酸辣湯，望落無辣椒純辣唔香，鎮江醋味去到廁所位都聞到酸，咁喱個我覺得好個人口味嘅，之但係因為咁，便請姐姐比少少葱得嘛，結果，換來師傅話喱個麵係無葱的，你要就加錢啦，咁當然加啦，未試過嘛！唔係邊有相影，邊有食評寫呀！之後姐姐行開左，就收到加單，原來係$6之後，我碗排骨麵到左，我發現其實我係咪可以叫多葱咪得囉，但排骨係不錯的！！所以我之後咪就係返公司話比同事們人知喱件事，讚，彈我都講，等佢地自己揀下先囉，反正佐敦大把選擇🤣🤣🤣

Lunch最低消費每人$50叫左小籠包 蘿蔔絲酥餅 雞絲粉皮 豆漿一支可以倒倒兩杯 雲吞湯麵 擔擔麵雞絲粉皮$60 其實份量唔算多小籠包 $40/4 湯唔算多豆漿ok雲吞湯麵 $52 無影到 個面爽既 雲吞4粒擔擔麵 個湯底okay好味但個面淋左D蘿蔔絲酥餅 男朋友話好好味🙊食到好飽 但無想像甘好味上菜都快

好德來小籠包，聽個名就覺得好特別，因此帶著好奇去試試看。直到今天已經去過十次以上了馳名的小籠包，果然出色，皮薄肉汁豐富，外面好多聲稱正宗的都不及這個今次試了三色百頁卷、鍋貼、砂鍋魚頭粉皮、蒜蓉炒娃娃菜、上海排骨每一次都有驚喜不會失望老闆還推介牛脷冷盤，都是他的拿手菜式，連我不吃這個東西的人，下次都要試試，因為它每個菜都用心去做，有時候也主動問下食客意見，希望改善。不過記得早點去，因為每次我都是有好多人排隊，這證明是值得去試試看

臨近新年 食個飯團年................先來一個醉雞....不錯....入味....！料足.........！必吃小籠包...........皮薄......好食過好多大型連鎖店..................雞絲粉皮...................同樣出息牛展麵...............麵很彈牙.......！再來最後的甜品.....高力......不過內裡的不是豆沙....是奶黃........好吃！

叫左一碗雲吞麵，味道中規中矩. 買單個時以為比$50就走得啦,點知掌櫃同我講餐廳有最低消費$70 ,焗住我唉多咗個湯圓。＄26一碗仔湯圓得個兩粒，天氣咁凍食完都仲有啲餓。真係一肚氣。

之前店鋪細細，現在新裝修又地方大好多。。值得一提就是店內員工好禮貌，殷勤服務態度。推介：小籠包 （4粒）$40 鍋貼（3粒）$39 - 汁多排骨湯麵 $60 - 排骨（豬扒）外脆內滑，份量又多

話說老公好鐘意食上海野， 今日係附近見到好似唔錯便進內一試。 入到去好多外地人， 好似誤入左遊客潮勝既地方。 不過見佢既菜式貌似好地道， 一於坐低一試。餐牌好多野揀， 得2個人食唔到咁多， 唯有揀啲黎試。 最後叫左老公至愛既獅子頭飯， 我近排唔知做咩好鐘意食既擔擔麵， 順手試埋小籠包同雞絲粉皮， 查實我仲想食高力流沙球同流沙蒸堆同豆沙鍋餅的…雞絲粉皮黎到， 都幾大份， 而且醬汁好香濃， 粉皮亦好爽滑， 相當有水準！跟住試下個獅子頭， 醬汁煮得非常出色， 香濃不過咸， 不過個獅子頭好淋， 軟淋淋的口感有點怪， 可能啲肉攪得太爛， 有返啲口感會好啲。擔擔麵湯底非常香， 有著濃濃的花生醬味， 湯底帶輕輕的麻辣味， 越吃越起勁！小龍包都唔錯， 不過同其他上海食店分別不大， 並沒有特別出色， 個人覺得可以唔食， 試下其他小食仲好。整體黎講呢度價錢唔算平， 不過食物唔錯環境企理， 為左我未試果啲小食， 我會再黎的

上海菜一向係我嘅”飛忽”，今次起佐敦站附近比我搵到間叫好德來小籠包店，店舖位於街內... 所以一般行人可能會看漏眼，好容易走寶今日早點食過午飯先。門面很整潔還掛上幾個紅紅嘅燈籠，真很有老上海嘅感覺店內裝修清新，環境整潔，座位寛躺，牆上掛滿不同食物的照片，店內全是方枱組合，坐位舒適店員服務殷勤，剛見到店員幫食客分配豆漿茶水每位最少兩蚊，所以我也叫了一杯食物種類繁多，食客可以點半份而不用浪費食物食物數量也寫得很清晰（3件、2粒、8隻）先來個必食上海小籠包一籠四粒（$40）外皮厚薄適中，熱騰騰香噴噴，輕點一下香醋，再咬開頂部包皮，深深吸一口熱辣辣嘅湯汁，肉汁清甜，回味無窮，肉香而不膩，味道清淡美味再來一碗排骨湯麵（$40）大大塊厚切豬扒，分量十足，外皮係蛋漿炸的緣故，外皮很鬆脆，肉質鮮甜，鬆軟美味，吃到最後三塊，外皮開始變硬，口感反而打折～蔥花湯麵... 麵質柔軟順滑可口，湯底很足料，香甜順喉多喝也不嗆喉，一般食開上海麵嘅我，也覺得好食今次午餐消費成為＄100元，佐敦地區消費來講應該差不多吧～ 食物有質素，價錢一般，環境舒適，店員服務殷勤，報告完畢!

突然好想食小龍包，行開佐敦openrice 一下最後黎左呢度。我地一行四人七點左右到已經有幾個人等緊位，好彩等左十幾分鐘我地就有位。醉雞：好有酒味，雞夠滑，唔錯！小龍包：個皮都算薄，餡料足有湯汁酸辣湯：我冇試到但朋友評價唔錯，足料裏面仲有d蝦tim紅油炒手：有八隻幾抵食，朋友話食落口幾香上海粗炒：整得唔錯，唔會油淋淋又夠哂味，係少左d肉絲炸排骨：岩岩炸起夠哂脆同香口呢度冇收加一，茶錢每人兩蚊，服務都好好，會再黎～

這間店既小籠包拍得住糸台灣食個d皮薄，肉嫩，多汁信最正係個排骨麵，排骨炸得脆脆的不是一般出面食又薄又乾，而係厚切，入面係有質感，似日式既炸豬扒獅子頭也好吃，不會過喊