Video
13-min walk from Exit E, Long Ping MTR Station
continue reading
Telephone
96629848
92058272
Payment Methods
Above information is for reference only. Please check details with the restaurant.
Recommended Dishes
記得佢啱啱開嗰時網上都多人讚佢哋嘅糖水好足料但一直都冇去試因為見鋪面賣蛇羹龜湯唔係好吸引咁岩今日經過又秋風起 一於試一試佢既糖水今次叫左碗✨椰汁雪燕雪耳✨其實睇佢一路準備既過程都感受到伏伏地好似唔知係邊到拎碗野出黎 唔似即日新鮮整….番到屋企打開個刻Er….點解有西米既🥴佢聲稱冇落糖係落蜜糖唔知係咪因為咁所以食落酸酸地🫠整體黎講唔知食緊乜感覺我求其食個椰汁西米露總好食過佢哈哈 元朗咁多糖水鋪 下次唔會再揀呢間😝
continue reading
個女人唔知係咪老闆娘所以口氣都大好多，所有問題都有攻擊性回復，我話要碗薏米糖水佢問我乜薏米，你成個餐牌得一個腐竹薏米糖水使唔使全部講曬名畀你聽，等咗陣佢喺舗入面走出嚟之後又俾佢鬧話我唔出聲話堂食就當咗我外賣要收我外賣盒錢，真係食咁耐嘢未聽過唔講外賣就當係外賣，我話叫佢收返外賣盒錢佢就掟返錢落張枱話唔收，最慘佢碗熱糖水同蛋又凍又唔好食仲要句句都要受佢氣，真係唔好怪個個都話要上去深圳食，希望佢生意興隆上市指日可待，評分可唔可以唔畀一粒星都嫌多，受你氣先係重點
continue reading
老母介紹話佢成日去呢度食糖水，見滔滔排哂隊無位，唯有轉個彎粗粗地試下d糖水，本身都已經無期望，但估唔到係咁差。叫左個芋圓仙草凍 & 桃膠個仙草凍上面有一堆罐頭生果，芋圓呢？原來得3粒⋯⋯ d生果好難食，咪就係罐頭菠蘿囉！其實乜野都無味，淨係得糖水味，垃圾。然後食到一半太難食，打包半碗，問佢囉個蓋，問佢個蓋係咪唔駛錢？佢話唔收啦（因為淨係囉左個蓋，膠袋都無要佢）然後埋單走人，佢收我30+35+2。我問「佢果2蚊邊度黎？」阿叔兇我話「外賣丫嘛！外賣加$1你睇唔到架咩？」我話「外咩賣呀？我堂食架喎」阿叔話「你唔係用外賣碗咩？咁咪加$1囉，寫左架啦！」我話「我無叫過你用外賣碗喎 ! 係你自己用外賣碗！我明明坐係度堂食」阿叔話「你打包呢個咩黎？唔係外賣咩？」我話「我係將你個堂食個外賣兜囉個蓋咋wo 我堂食架！ 岩岩問你話唔駛收錢我先囉個蓋！」阿叔話「算啦唔駛比啦 咁計較果兩蚊」我話「唔係我計較！係你而家堂食屈人比外賣錢！」非常差嘅服務態度，食物又唔係好食，無下次。
continue reading
北上食完飯，趕福田關，再一團7個冒險者開車去食糖水，B仔就算了，然後第一次的娜姐糖水金錢龜湯，有冇龜我唔知，我有飲過呢個藥材味嘅湯，甘甘甜甜，無苦味，以我鐘意飲湯黎講，飲完一碗，會想要多碗。佢寫功用係行氣活血，消除暗瘡，化痰止咳，清熱解毒。信不信由你，老闆仲好心提醒，飲完第日有機會肚瀉，去毒咁話。個人認為，當湯飲下好了，一般涼茶都有呢d功效，最多飲兩款涼茶囉。以呢一點黎睇獨特之前就唔算大，勝在幾好味。然後。。。沒有然後 （本來想講）皆因我都深信專門店就應該食番專門野。見有蛇羹，普蛇羹鋪嘅糯米飯都蒸得好食，通透，煙韌，有少咬口（口感），然後足料夠味。呢到係例外，不論糯米飯還是臘味，都蒸到非常通透，入口即溶，千年蒸爐，蒸足七七四十九個小時般，非常適合長者當餐食，係比較挺身嘅糊餐😂。我仲後生，唔建議食用。另外糖水部分，使用精煉製成嘅糖水，味道特甜，充滿工業風格，喜歡吃甜水嘅朋友仔不妨去挑戰下。旺角有兆萬_____塔，元朗糖水都可能有代表。最後老闆娘問，點解唔食佢d新式糖水，我。。我隨意幾句就打發了，畢竟身在元朗，異世界中的異世界，我還想回家。臨走前，聽到有路人話呢間糖水好好食，我。。。 📍娜姐健康糖水地址：元朗教育路54-56號順發大樓地下#hkfoodie #hkfood #hkig #hkigfood #foodmap#food #元朗美食 #元朗糖水 #糖水#異世界生活的大食仔
continue reading
垃圾食物鐘意比人鬧又覺得食垃雜就去叫外賣去到大大話無出單仲要鬧翻人，話仲話無出到單然後坐低睇返佢部電話，繼續同佢朋友頃計我哋企左係度唔知點算元朗有更加好既食物可以去期他地方食
continue reading