婆婆家餃子館

Open Now

Now Closed

同朋友隨意去咗依間餐廳，估唔到係大伏！首先，叫嘢食已經等咗好耐都未有人嚟，之後叫咗個紅燒排骨飯，上完個排骨仲要我舉咗好耐手先叫到佢俾到個飯我，味道又未去到難食，但絕對唔係好食，非常普通，咁都算啦。點知食到最後先發現有隻死烏蠅，不過我都無謂講，因為都食完，唔通叫佢換過碟俾我咩？食完同朋友傾下計，點知個店員叫我哋細聲啲，又唔係法國菜，普通餃子店叫人唔好講嘢傾計？嬲到我即走，價錢仲要唔係特別平，食到一肚火😡🤬😡🤬

食左婆婆家十幾年 由金禧商場舊舖食到而家街舖都係咁好食每次都一定食酸辣粉不過呢一年好似無左薯粉得返酸辣麵 係白色果種粗少少既麵都一樣好食湯底超正 唔算辣 但夠酸 味道層次好豐富配料香料落得好足好多肉碎 生蒜粒 辣椒碎 芽菜 芫茜就算唔食麵 淨飲湯都覺得係享受重口味人士一定好中意佢d餃都係必食 話晒佢叫餃子館 餃子先係招牌菜我食過幾款最正都係韮菜餃 白菜都唔錯 有排食厭左韮菜就食白菜皮少少厚 但口感幾好佢d餃d形狀包得好工整係偏三角形果種 唔係長型果種料好新鮮 菜同肉好嫩 個餡好好食所以基本上餃子係每枱必點另外要讚既係老闆好nice 人又易話為同熟客有講有笑係有人情味既舖頭!P.S. 雖然我係熟客 但我淨識試過佢一兩款麵同幾款餃子其他食物唔知點解我無乜興趣試可能我唔係特別好呢個菜系

星期六去咗大圍完全唔知道食乜嘢好，之前有冇點樣去搵吓好唔好食？求其見到門口有好多人排隊決定去試吓排隊嘅人多數都係大陸人，所以會估計都應該比較濃味叫得餃子店就梗係叫餃子，餃子上到枱個口完全係開咗！咁入面啲湯汁咪冇晒！不過事實證明我係錯！就算冇開口都唔代表入面有湯汁！個皮厚，肉又冇味，都唔知點食問佢可唔可以溝埋12隻咁計，又話要六隻六隻，因為烚嘅時間會唔同， 價錢又要分開計，明明已經叫咗係同一個價錢嘅嘢兩個人食到一肚氣， 價錢又唔平嬲到已經飽晒

好少行入嚟呢條街見都幾多人食就同同事試下炒毛豆年糕……比較dry無肉但份量都幾多麻油豆腐絲拼手拍青瓜呢個係最令我驚喜，首先好香麻油味，豆腐絲係好有咬好，減肥當佢係主食都應該飽同事叫左個韮菜炒蛋～好家常菜既感覺第一次食湯既紅油抄手……怪怪的凍豆漿正常下次會想試下酸菜魚同埋餃子見大多數人入嚟都係食下午茶或餃子蕃蛋湯年糕都會想試～睇下會唔會好似蕃茄炒蛋咁好味呢間做街坊生意價錢算係中價但係個人覺得可以整番少咸

婆婆家餃子館 (大圍)📇地址：大圍積信街18-24號喜悅樓地下B號舖🕐營業時間：星期一至日11:00-22:00💸人均消費：～$100/人👏🏻抵讚位：野食份量好足夠，兩個人叫左4野食，要打包拎走🤣 啲姐姐好nice，問咩都答得好詳細😙🍴Food QC：「麻油豆腐絲 $35」即係涼拌豆乾絲，老實講，食左兩口就已經有啲口感唔太好，但充滿蛋白質。同埋佢呢個價錢有呢個份量，已經係好抵食。「紅燒豬手麵 $45」豬手有4-5舊，件件都大大舊，但個湯底就無味，所以啲麵係俾我夾左出黎撈辣椒醬食🤣🤣 「尖椒炒腩肉 $6-70」唔記得exact價錢，但又係大大兜，好足料，尖椒多嘅同時，腩肉都好多。炒得好惹味，超好送飯😆「家鄉韭菜盒 4件 $50」食左一件先記得影相，每件都好大件，新鮮炸起，脆卜卜，勁多韭菜餡，但咸左啲。😯有待改善位：鋪頭入面有種油油地嘅感覺，如果個清潔可以加強番少少應該會坐得再舒服啲。😼私心回應區：住左咁耐，都係第一次知道大圍開左間湘菜小店，都係啲姐姐主理，所以啲野食都係惹味。如果想食重口味嘅家常小菜，但都諗唔到食咩，呢間都可以係一個選擇🤣

大圍站附近多嘢食就入左呢間食餃子叫左12隻四季豆豬肉餃子老闆話無得合併叫員分6/12隻叫，安排略缺彈性但味道有驚喜，並非味道差有家的感覺，是少味精的跟湯要加錢，只叫剩餃加點辣油，炒得好香，但辣味一般以$49 12隻餃子係抵食👍🏼👍🏼👍🏼

今次係第一次去呢間店食飯，咁我個人比較鐘意食酸菜魚。所以我就決定嘗試呢一個酸菜魚，首先嚟到嘗試過酸菜湯，酸菜湯算比較重酸味，但係辣味就唔覺有。呢間鋪用嘅魚唔係魚片，而係用魚身切出嚟嘅肉，所以大多數都會有骨。如果唔太鍾意啲骨嘅朋友可能麻煩少少，不過真心覺得酸菜魚嘅湯好過癮。我都發現嘅舖頭有好多唔同嘅嘢食，應該會嘗試買其他嘅嘢食。而且我都覺得佢哋舖頭嘅員工服務都唔錯，每一個員工都會好細心同體貼對每一位客人。

今日好夜先放工，途經大圍便去搵野食，但。。。首先想講其實原本無打算出po，但實在忍唔到，食到一半先的起心肝一定要同大家分享吓。。。來個先甜後苦去記錄一下食左咩咁懷疑人生先，首先黎既係荀絲，味道正常唔太咸清清地中間夾雜著蒜蓉算唔錯，亦係呢餐最好味的一道再來皮蛋，即切加醬調味，冇難度所以味道都好正常呢個係白菜豬肉沙餃，肉同菜既比例係8:2，味道唔知點整先可以有如此境界，分分鐘隔離屋阿b女跟食譜是旦求其整應該都好食過佢最後見識埋呢個韮菜煎餃，坦白講真係食左1啖唔係好知食緊咩，煎燶燶同皮硬都不提了，肉同菜既比例同埋味道。。。真係有一刻諗點解可以咁難食，究竟係點做到架🥹後記：話說未入餐廳前都睇過食評，見好多都話好差，食完真係覺得要信吓其他foodies，有時真心覺得其實香港好多食肆都好有心，食物有水準、價錢合理、服務又好，但反觀其實今時今日都仲有好多不知所謂、食物難食、服務奇差、價錢超貴，但仲繼續打開門口做生意，所以我哋真係要寫出黎等其他foodies 知道唔好中伏浪費一餐既quota

一碗雪菜毛豆麵$46，睇餐牌好似好得。點知嚟到貨不對版，擺明就是一碗清水湯麵加幾粒毛豆😠一滴油都冇。仲要個碗麵難食到嘔🤮！😡😡😡😡😡😡😡😡😡😡😡😡

每次來婆婆家都系食佢嘅口水雞'今次見佢有酸菜魚就抱着一試的心态，結果中伏。魚系魚腩件，唔係魚片，叫左小辣，個魚肉食落去無味。個湯都無酸菜味，得兩條酸菜。希望老細改良下，不会幫衬

偶爾想食清淡啲 揀咗呢間餐廳-距離大圍村屋旁邊，距離地鐵站10至15分鐘路程。-餐廳面積唔大，座位唔多，入座率約七至八成，主吃除咗餃子，有飯麵類供應，餃子館嚟講選擇算多元化，價錢合理，店員服務正常。-詢問下得知餃子一律無湯底，需額外收費$10，有蕃茄同紫菜湯供應，而且煎餃都要加$10，咁就唔抵食。-白菜豬肉餃 12隻 $47粟米豬肉餃12隻 $57 （+$10香煎）餃子大小正常，厚皮，菜肉比例平均，味道清淡，粟米餃唔好食。-麻醬拌麵 $45份量正常，配菜多，有芽菜、青瓜絲，麻醬淡同稀，麵質反而有驚喜，有口感，整體嚟講，味道一般。-整體而言，性價比不高，麵比餃子好，唔會再食。

今日搵咗foodpanda外送大圍婆婆家餃子館的四季豆豬肉餃子湯上海麵及東北煙燻雞到我家中和爸爸一起撐枱腳享用午餐，餃子的皮肯定是自家搓的，厚度適中，餃子包得好穩陣，味道鮮美！餃子可以選擇煎的或者水煮的，我們揀了水煮的！湯底也好味！$56.5隻餃子及一大碗上海湯幼麵。包裝也做得很好，湯是另上的！原先我係想叫韭菜盒子的，因為之前叫過嚟食好好食，可惜不知為何沒有再在外送餐的餐牌見到了！希望老闆會考慮加返落去！爸爸揀了煙燻雞，今次係我哋第一次試食，味道奇佳，香噴噴！底部剪咗啲新鮮切到好幼絲的青瓜，味道好夾！只係雞的份量好少，$66！好似手撕雞咁起咗啲骨，但係有部份嘅骨係沒有起的！呢個值得再叫！可能我屋企距離沙田大圍的車程比起由沙田新城市廣場嗰頭嚟遠遠咗少少，所以運費要$30，不過總比起自己搭的士去買抵好多！

Lunch叫外賣，點了麻醬撈麵，蕃茄蛋面、皮蛋下單時已好聲氣向收銀姐姐請問此撈面有無肉，姐姐回答無肉既，我回應因我是素食者，麻煩走晒肉；姐姐答無問題，會安排回到家太太吃的蕃茄蛋面還好，味道可以到我打開麻醬撈麵時，撈起後都不覺有什麼問題只係食食下覺得點解面中有一粒粒的野在面上，後來我意識到應該係肉粒，我慢慢夾起晒出黎放埋一邊，心諗：唔緊要啦，可能只係走得唔乾淨姐，點知一check個底，一堆肉係到已經同面密不可分。可能對於店家覺得好小事，收左錢都唔記得顧客提呢個要求，只係我永不會再幫襯

今晚落大大圍食飯，去左間叫婆婆家餃子館到試下。叫左個酸菜魚跟飯，紅燒排骨跟飯，菜心，四季豆餃子，韮菜餃同牛肉煎餃。 圖片僅供參考就預左，菜心全走油都冇滴算，餃子一般可接受，酸菜魚同平時食問既差點，算。 食到最後碟四季豆餃子夾起夾子落碗時竟然有隻生既大烏蠅背住係個碗到，同個店員講有隻大烏蠅仲郁緊時，連句吾好意思都吾識講，佢係咪以為我窮到想屈佢餐飯食 連水都吾識拎比客人定驚，厲害 門外招牌望上去就知自己中伏，在此奉勸大圍友千萬吾好去幫襯依間零衞生環境，店員態度差既店鋪

餐廳主打上海菜，提供餃子、小食、上海飯麵套餐等。晚市7點半左右已經full哂，等左5-10分鐘有位。叫左豬軟骨晚市套餐($60)，口水雞套餐($57)，紅油抄手($45)，白菜豬肉餃6隻($28)，家鄉韭菜盒。豬軟骨非常多，起碼有9件。每件都軟’林’適中，入味。仲有幾件薯仔、紅蘿蔔，真心好足料又唔貴。如果軟骨位煮得再軟身d，就更好。晚市套餐仲有小食青瓜、豆漿附送，叫少白飯都依然俾勁多。口水雞選用雞髀部位，雞皮滑嫩多肉。面頭既蒜辣醬超惹味，揀左少辣，有陣陣酸酸辣辣既味道，配飯一流。紅油抄手一碗有12隻，每隻都大小均勻，肉餡豐富。熱辣辣再加上少辣，食食下會嗆。餃子既皮比抄手既厚身d，但餡料一樣飽滿。枱上有調味料可以落，唔知係味隨個人口味，可以問廚房拎湯(?)。見到餐牌有韭菜盒，即刻叫。咁岩得番最後一件，好好彩廚房職員肯賣埋俾我地，超感動。炸過既韭菜盒超脆，但食落唔油膩唔熱氣。餡料有超多韭菜，混有冬粉、蛋等材料，香口又大件。重點係，好少有餐廳賣。整體，餐牌上面有各式各樣既上海小食，仲要價錢唔貴質素高，2個人賣單人均$100，食到極飽仲有剩。要去多幾次先食哂心水食物。