季季紅風味酒家 (Closed)

陪媽咪住麗豪酒店，每次住尼間酒店就會來尼度飲早茶，好似已經成為左一種習慣，媽咪都幾鍾意香港飲茶文化，百飲不厭連住兩日，我地兩日每日都係叫四個點心加普洱茶，點心總體算唔錯，雖然無咩特別，但都唔差，不過不失，正常水平我見到尼間酒樓有d常客，通常係婆婆自己一個叫幾個點心，飲下茶，都幾瀟灑，同店員傾下計呀價錢唔記得啦！人均大約35左右，已經好飽啦，因為我發現點心價錢佢地隨便寫架，第一日雞扎 蝦餃 叉燒包 燒賣 係兩個18蚊兩個13蚊，第二日同樣叫雞扎 叉燒包 粉粿 鮮竹捲全部都係13蚊，可能係店員見到我地熟口面俾我地平d掛⋯⋯⋯唔錯唔錯，會繼續來，算係一種習慣

難得一家人聚餐屋企人提議呢間由坐低開位，到點菜，上菜，食完埋單全程服務態度極差食品質素極差1. 乳鴿： 只食到油“益“味2. 炒菜：凍嘅3. 雞：鞋嘅4. 啤酒：暖嘅5. 乳豬：“梅“嘅咁嘅食店仲要收成百蚊個小菜，真係食到一肚氣

之前訂了一個回門乳豬今日9:30拎，但是今日提前來到拎時，有一位黑衫短發女同事就同我哋講，包緊，咁我哋就俾錢然後等，等了又等，已10分鐘了，就追佢快D，因為包一個乳豬唔會咁耐，然後收銀同事就同我哋講頭先米有同事跟緊，態度很差。又過咗了一陣，又話要等多6分鐘。一個訂9:30個乳豬，最後要10:00先有得拎，呢個酒樓誠信真係.....！

叉燒大王要等位去左呢度，之前一直有嚟呢度飲茶，水準ok，但見到星期六晚都係坐得七成，已經知道唔對路，叫左三碟餸都麻地，但係燒鵝尚可，其他一般，決定以後唔再嚟呢度食晚飯。

之前幫襯過招牌菜有米乳豬，認為可值得再試，今日帶了搥仔，有米豬皮梗，不脆，D米似隔夜生米，不能入口，另叫了2隻乳鴿，骨瘦如柴，難以入口，4人共一千二佰多，以後加入不會幫襯黑名單

總動員出動食飯，有機會試下哩度嘅主打，有米豬，其實我都唔知有乜咁好食，飯同豬都又乾又油又冇味，唯一嘅係食少少已經可以塞飽你，真係窮途末路都唔會想食佢，收費貴得來一啲都唔值。。。我完全覺得平時食果啲正常乳豬好食過佢多多聲，咁嘅價錢不如去太X叫份例牌食算啦。。。其他晚市菜都一般般，最差嘅係最後上甜品桂花糕椰汁糕嘅時候，碟都唔比隻，件件甜品一叉起無耐就分開兩半個個都要用手接住食

季季紅有米豬選用2、3個月大既乳豬，以前成日覺得堂食，趁熱食先好味，今次因為屋企人唔想出街食，不如試下外賣有米豬。睇落好似好大盒，但拎上手唔重，可能得3、4磅😅😅拎返屋企擺咗2個鍾先食，無翻熱，驚層皮會唔脆。 原隻上，要自己剪彩，脆卜卜，好得！一路剪一路忍唔住食，乳豬好味，皮仲好脆，食落唔會油淋淋，好香口😋😋豬pat pat果d位有d肉地，我鍾意多d😁有米飯有芋頭、蝦米....雖然係炒飯，但都唔覺油，而且炒得粒粒分明，一口豬一啖飯，好美味！個個都食到lum lum 唎⋯⋯😜😜

過程：個有錢fd話想約朋友出黎聚下，先去左網吧打機，之後肚餓行左河畔搵野食，佢行過呢間野就話不如就呢到，就入左去，叫左幾款招牌菜，有米豬，炒左幾個菜，仲有蒸左條龍蠆。之後仲叫哂人地酒家既moet 環境方面：侍應服務都好 有交流 唔黑面 有傾有講，但地方唔算大，細酒家feel ，同埋d 野都開始舊。食物方面，有米豬唔錯，油左少少，炒飯底幾香，飯有乳豬味，乳豬有d肥，咬落去都鬆軟，食落味道濃厚，容易飽滿，蒸魚都唔錯、鮮味濃厚，反而炒菜就同其他酒家差不多總結，季季紅最出名呢隻有米豬都抵食既

之前去過荃灣分店食了一次有米猪覺得ok , 所以冧住慶祝母親節近近地到沙田河畔分店食翻餐 . 叫左個12人套餐 , 一開始食有米猪 , 有水準 ! 點之第二,三,四度菜就一次過上檯 , 都唔緊要 , 就連雞絲翅都放埋上檯 . 大家都好無奈 , 只好要求侍應其他菜出慢少少, 點之真係好聽話慢少少上 , 食完雞絲翅後等左30分鐘先有魚食 , 跟住再等多25分鐘先出埋兩碟菜 , 都唔緊要 , 最不滿係D餸仲要咸到入唔倒口 , 經理都無野好講 , 只好不停講sorry ! 又話送甜品 . 大家有"時間" 可以去見識下 .

為免母親節正日人多，我地一家都提早左慶祝，今年揀左黎位於沙田既「季季紅」。母親節餐都有好幾個，我地都係揀左最平果個「敬母宴」，有半席同全席揀，我地得6個人，所以都係揀半席，唔好處既係半席無有米豬，只有紅瑞豬半隻，再配楊州炒飯一碟。紅瑞豬半隻: 乳豬味道都算OK啦，皮脆肉滑。上湯焗美國龍蝦伊麵:龍蝦伊麵比較乾身，汁唔係好夠，龍蝦份量比想像中少，有改進空間。碧綠花姿珊瑚蚌: 炒得幾好幾份味，尤其係珊瑚蚌我既至愛。紅燒竹笙雞絲魚翅: 夠熱，夠味！雞絲多，唔嚡當紅脆皮吊燒雞: 顏色方面睇起黎真係好靚，而且每一塊肥瘦均勻，大小平衡，味道唔錯，吊燒雞既雞皮部分唔會燒到過火，食起黎好香嘴又唔油膩。煎釀脆金蠔: 釀脆金蠔有西蘭花伴碟，可惜醬汁過濃，釀脆金蠔味道過鹹，有改進空間。奶皇包: 呢個餐原本係配壽包既，但係到差唔多食完催佢上壽包時竟然話我地知D壽包「蒸燶左」，只可以俾奶皇包或者馬粒榚，咁無辦法啦，好彩奶皇包上菜時仲係熱辣辣，奶皇味好重，包既皮都好鬆軟，唔錯。其實6個人食咁多野，又包又伊麵又炒飯份量真係有D多，食物質素都係好普通，服務都係一般，$1988 半席真係唔係幾抵食，可能散叫會仲抵。

book左位一行五人去食有米豬，上到樓酒唔太多人，大約有6-7枱客，可能是平日關係吧我地一坐底部長叫我地上隻豬先我地諗住叫埋其他菜先一齊上有兩碟餐前小食-涼拌木耳，幾好食有點酸酸醋醋，i like這種味道除了有米豬外，還點了其他菜有燉湯，椒鹽尤魚拼豆腐，燒腩仔，同上湯莧菜※首先講下隻有米豬，我起初以為好大隻，其實係BB豬，係好BB一條圓碌碌豬，裡面包住炒飯，一來到侍應姐姐話叫我地先影相，影完幫我地剪開一件件，我最欣賞佢個飯，超好味有芋頭，蝦米，冬茹..。。炒得好香同干身但隻乳豬就。。。唔係唔好食，只是個皮唔夠脆，佢係有少少um※燉湯，唔記得個名，但有茹茹，瘦肉，螺頭，但個湯好甜，沒有味精因為有味精的話我一定會飲好多好多水每人都可以分到兩碗※椒鹽尤魚拼豆腐，豆腐好滑，正丫但尤魚炸漿有d甩※燒腩仔個皮唔脆d肉好大舊，似燒肉多果似燒腩仔※上湯莧菜，有咸旦，皮旦，肉碎，這個菜一定唔會差，這個最最基本的煮法，唔會太咸同太油最後隻有米豬1/4要打包有米豬價錢有點貴，下次有機會要試下其他小菜，相信都唔會太差

海皇煎薄罉 中點薄罉厚薄適中，但凍的，而且只有葱花，沒什麼味道，鹹味適中，不算太鹹，味道偏淡。香煎蝦米腸 中點煎腸粉好像沒有煎過，腸粉只有微溫，腸粉有小量葱和蝦米， 豉油不覺得有鹹味，點了甜醬和麻醬也帶不起味道來。橋底豬腸粉 $14.8似蒸豬腸粉，依舊是凍的，豉油依然是沒有鹹味，點了甜醬和麻醬也是帶不起味道來。瑤柱珍珠雞 大點珍珠雞裏只有些雞碎粒，沒什麼味道，不像一般吃到的有豬肉和雞件，是雞碎粒，沒有看見瑤柱。鮮竹牛肉球 中點牛肉打得很膠，但吃到一條很小很小的小魚骨，不會弄傷喉嚨，但不明白為何鮮竹牛肉會有魚骨，有芫茜，還有小許果皮味，而且牛肉球顏色是很淺色的啡色，知道山竹牛肉要溝豬肉，但牛肉的比例略為小了些，所以比較淺色，鮮竹欠奉。

早幾日訂了隻有米豬，一行七人黎吃！除左有米豬外，我地仲叫左豬肚湯，菠蘿姑嚕肉，椒鹽鮮魷&豆腐，金銀蛋莧菜，泰式海鮮粉絲煲。隻有米豬上枱時我見到每一枱都會影下相！因為燒得好靚，未拆開個陣好似臘腸狗咁係圓筒形，因為裡面封住左炒飯，有芋頭的！好入味！唔會油淋淋！豬豬嘅蛋脆到爆！正！然後椒鹽鮮魷同埋豆腐係內軟，外勁脆！熱辣辣~~菠蘿姑嚕肉係我至愛，菠蘿甜，肉嘅脆漿同個肉，醬勁match !!!所有我地order 嘅餸賣相都好靚呀！師傅勁有心機！下次一家人食飯會再黎~~

難得喺屋企同屋企人打返四圈，輸贏事少，玩樂事大。今日足足打咗8個鐘，過足晒手癮。玩完就要諗去邊度食飯，媽話想試下沙田季季紅，心諗冇所謂啦試吓冇妨。地點就真喺唔算方便，喺我哋屋企許最直接喺的士。呢度似足屋村酒樓格局，嚟到點都要試吓佢哋嘅招牌堂剪乳豬，呢隻乳豬味道都算OK啦，皮脆肉滑，但係要＄660一隻就真係唔多值。其他小菜就更加不值一提，味道同價錢都係走街坊酒樓路線，講真要食呢D就唔使黎呢道啦。呢個價錢同質素應該唔會再嚟。。

我一個月前去食有米豬，當時真係好好食，皮好脆，肉好香，飯適中，就算第二日食剩嘅，依然好好食，於是尋日就外賣左隻同家人分享，點知失望到我吾寫食評都要寫，飯硬，豬皮un到完全咬吾開，無香味，令一家無晒胃口，點解差甘遠，係師傅吾同定點？請考慮改善質素不一的問題，如果吾係客人無信心再番去羅