季季紅風味酒家 (Closed)

是咁的，從來很少寫食評，但總有例外。宵夜時段，在門口見到有夜茶及小菜$28，便問面口呀姐，佢話：「有，隨便坐！」便入去一試。點知，入到去無宵夜餐牌之類，呀姐就話：「今日母親節，唔使諗，一係食點心！」下，今日母親節？已覺得伏伏地，但唯有算，照食。食了一個燒味拼盤，$138，凍的。另一個蝦干肉碎菜，$ 70，好少少，暖的。加2個飯，埋單$271食市除了食物，老實，本身對員工沒有要求，但最差還是每枱客走左個湖南部長都講D客，其實不太好

一直忘了發文，寫好已經良久了。話說在新春的時候，Wing跟家人一起來到季季紅品嚐新春必備的「有米豬」，其實我平時怕肥是避吃乳豬的，但畢竟是新春嘛，家人也滿心期待的，那就一起去湊湊熱鬧吧。究竟$660的「有米豬」會給我怎樣子的驚喜呢？「有米豬」其實是燒乳豬啦，入面放有米，連同豬一起放入爐入面燒，令每一粒米都沾滿燒乳豬的香味。先評燒乳豬吧，每一塊乳豬的豬皮都是燒得金黃香脆的，跟平日油膩至極的豬皮大相徑庭，日常不吃燒乳豬的我也忍不住吃多了數件呢!!!至於豬入面的飯嘛，全吸引了豬油的味道，加上飯內有些芋頭，令飯的口感變得豐富。飯呢，香就是香啦，但吸收了豬油以後就變得油油的，熱的時候吃還好，一旦放涼了就真的是o my goddess了，嗯，還是新鮮的時候吃好了~季季紅呢...聽就聽得多，吃好像還是第一次而已~印象不錯喔~!!!當然啦...當晚我們還點了很多不同的菜式，但這隻有米豬太吸引了，其他的...我也忘了有甚麼了..就連照片也忘了怕，只記得水準平平啦~在這個情況下，「有米豬」在這家季季紅實在是有點超水準的~

季季紅有米豬，選用不到20日大的乳豬，先將蝦米混合米飯炒香，再塞滿原隻乳豬，然後燒香。乳豬內香外脆，乳豬內的蝦米炒飯吸收了豬的肉汁及油香，連同香脆乳豬同食，非常惹味，名不虛傳。這份量索價 $660 屬抵食之選。由於份量不少，今晚我們只再點豬肺頂蝴蝶腩燉菜膽湯，帶子豆腐及薑汁芥蘭，水準都很不錯。

新一年阿媽話要開年家姊就買左e隻豬加送，第一次見到其實覺得好慘lor，咁細隻bb好似好殘忍咁。可能因為佢入面有飯今晚有成12個人都夠食，隻豬真係好脆冇乜骨，不過d飯就好油lor，家姊話$6xx一隻阿媽話算貴，但係比起平時買個d燒肉又鹹又鞋，呢隻先正wow!

一班朋友無見好耐, 最岩係食中菜, 抵食又大件。今次去左呢間專食乳豬的店, 其實都幾好食, 但太大碟, 如果幾個人食呢隻豬就會其他餸都唔洗食!店員刻意放隻豬出黎比我地相機食先, 影左隻豬全相後就可以切開豬身!脆皮豬, 內有飯, 都幾special! 但食落都幾肥, 因為都啖啖肉同埋切開都有好多件, 食左好耐都仲有好多~!其他餸點左啫啫煲菜, D菜好咸同份量好少, 同隻豬個size反差好大!!!!! 另外仲有聖子, 味道一般, 食到有沙.......食左隻乳豬飯都唔洗點食其他野, 實在好好好飽!不過 D 野食上菜速度就幾慢, 等左好耐都未來碟聖子, 吹左好多次都未來.....呢個扣少少分!

早聽聞過季季紅風味酒家的特色知名菜式－有米豬，於是趁著G先生的生日，特地訂購了一隻生日豬為他慶祝。老實說，生日蛋糕就切得多，生日豬還是頭一次，感覺蠻特別呢！其實生日豬就是有米豬+精美生日禮盒，拿取外賣的時侯，店員會用精美的包裝袋包好，吃之前打開精美生日禮盒，拿出可愛的眼鏡、生日帽等裝飾用品，拍照玩樂一番，然後才準備吃生日豬。生日豬 $650整隻有米豬放在錫箔盒上，我們為牠架上可愛的眼鏡和生日帽，搖身一變成為「生日豬」。有米豬是選用不到20日大的乳豬仔，然後在裡面塞滿蝦米炒飯，再用線縫好，並燒烤至外皮香脆，因此一打開包裝，滿室就充斥著乳豬及炒飯的香氣。經一輪努力後，我們終於把乳豬分切成小件，然後大家就毫不客氣地開始分享、品嚐滋味。 我選了脂肪不多的上身部位，外皮又薄又香脆，非常好吃；而乳豬內的蝦米炒飯亦帶有乳豬的肉汁及油香，頗為惹味。最終，我們七個人仍未能吃完整隻乳豬。 就這樣，我們跟美味的「生日豬」渡過了一個既歡樂、又特別的晚上；有時候，來一個這樣的生日亦不錯。

家庭聚會咁多人，與其煮菜煲多多飯又驚食唔哂，不如就請下外援啦季季紅既有米豬其實唔係第一次係我地既飯桌上出現但先前分得一兩件豬同一碗仔飯真心唔夠喉，今次可以食個飽了xddd有米豬拆到一半先記得影相XDDD，仲要專登撥走豬身既飯XD聽講呢隻係不夠20日大既豬仔，對唔住我地好殘忍/____>\外皮燒得薄脆，脂肪講真都多架不過油香十分重，脂肪又係瞬溶於口，基本上唔會諗住去掉脂肪部分豬肉肉香濃郁，肉質綿稔，不需多加嚼咬，仲有淡淡甜香炒飯係加左蝦米去炒，香得黎又有咬口其實要預左係油既，包係豬身入面吸哂肉汁同油脂冇可能完全唔油膩啦只係佢既飯粒食入口又唔會好膩滯，真係入到口就突然冇左視覺上果種油亮亮既感覺但點都好啦……都係一次半次過下口癮就算

上次一個人去佢哋嘅地廳食過炸烏魚幾好食，今晚本來打算再去佢哋嘅地廳食，點知今次去佢話唔可以單叫炸烏魚，要叫其他菜撘叫，我話上次都係單點，佢話唔知邊個幫我寫，係唔得 佢張餐牌都冇寫咁嘅規定，佢講乜都得啦其實上次都見佢同啲客嘈，個客話出邊大大隻字寫住免茶芥，點解又收茶錢，原來茶芥唔係免費，你唔叫茶先唔收錢，但你入去佢哋都即刻問你要乜茶，咁同一般收茶錢嘅酒樓有分別，今日至見佢哋喺免茶芥上貼番張紙條話指定荼要收茶錢，入去又係咁問你要乜茶，寫住免茶芥但跟本就係要收你茶錢佢哋跟本就係寫平啲引你入去，入到去就搵機會收你多啲錢或唔比你叫特價嘢，其他酒樓都會寫明特價餸有乜規定至叫得，免茶芥就真係唔收茶錢，唔會好似佢哋咁唔老實

與朋友一行8人gathering,,友人提議試這裡的有米豬其實年前姨姨外賣過有米豬到我家吃未試過即場吃,,所以今次一試新鮮出爐的效果侍應在我們面前拆及斬開有米豬並鋪好乳豬燒得很脆但又不會乾身～～正！！！至於內裡的蝦米飯,,個人認為很普通並未如推介指的吸收豬的肉汁和油香另點了半席套餐,,將乳豬轉為預訂的有米豬12道菜選5道2雞1鴿中選了貴妃雞雞很滑,,也有些雞味1。豬肺燉菜膽湯很清甜～～大家都覺不錯2。炆海魚,,海魚新鮮且肉質彈牙,,大家也讚好但火腩較韌3。冰淋骨+蓮藕餅,,沒試後者,,但前者一般～～雖不太甜,,卻較乾身4。西蘭花炒珊瑚蚌～～正正常常的一道菜5。龍蝦伊麵～～已吃得很飽..沒試伊麵～～龍蝦肉新鮮彈牙兼鮮甜整體來說，整頓晚飯算是不錯！！

此篇網誌其實應兩三星期前便要寫,但實在太懶了,哈哈!今天難得表姊從國外歸來,我們一家便選擇了就近的酒樓晚餐,貪其近可以省回車程時間閒聊一番,季季紅裝修後已經不知第幾多次幫襯,可算半個飯堂,裝修後地方光猛了和整潔了,感覺也煥然一新,我猜大廚可能都換了人,小菜味道比以前明顯不同,好味得多.這次和之前一樣當然有必點的,但是今次有點不同,因為是表姊夫生日,亦應了季季紅生日豬的出現,蝦禾米豬變得有造型,連生日豬有生日帽和眼鏡供食客拍照留念,相當有趣,上台時由侍應即席將乳豬切成小件, 乳豬內的蝦米炒飯吸收了豬的肉汁及油香, 連同香脆乳豬同食, 非常惹味, 皮薄又脆, 脂肪又少, 食多幾件都不怕, 除了乳豬, 一定要食埋d飯, 完全吸收乳豬的精華.,一上枱, 已經香味撲鼻. 而且仲將它化身為生日豬, 真係好特別.今晚我們吃完已經十一點多,真不好意思呢,酒樓都差不多清場了,我們看見有些員工在晚飯才不好意思打算走人,感謝侍應們沒有催促我們.^^特別一提: 這酒樓打烊後不知是不是副業賭檔,常常在酒樓下面宵夜都聽到有人在賭錢的喧鬧聲,試過四連晚都聽到,老公和朋友還笑說想上去賭一手!

12月總有一大堆讓自己放縱狂吃的理由，興祝冬至、歡度聖誕、除夕倒數等，完全沒有空間讓我想起「減肥」兩個字說起節日，大多數人會在情人節和聖誕選擇吃西餐，中秋節及春節吃中餐，我和惡人則跟大家相反，如不用遷就長輩或朋友，我倆通常會在西方節日吃中餐，中式節日則吃西餐。因為這樣才不需跟其他人爭位，食物及服務亦較好。就如這晚平安夜，當所有西餐廳及酒店自助餐均爆滿時，沙田「季季紅」內卻只有小貓三四隻，不用等位便能直接入座不說不知道，這間酒家已發展到七間分店，並獲選為米芝蓮推介食肆，以燒乳豬聞名。上月跟嫲嫲吃晚飯試過店內的乳豬，確實脆嫩，這次跟惡人兩個便試試其他小菜。餐前小吃是【榨菜豬耳】，我對豬耳不感興趣，只吃榨菜，惡人倒是吃得津津樂道點了【龍蝦伊麵】，龍蝦明顯不是新鮮貨色，肉質稍霉，但醬汁味道不錯 (HK$128)【啫啫芥蘭煲】，芥蘭鮮嫩沒渣，略嫌肉碎較油膩 (HK$58)這是我最期待的【椒鹽瀨尿蝦】，那對螳螂臂十分尖銳，吃時要小心啊～ (HK$128)惡人幫我拆掉蝦殼後再放些炸蒜在上面，很好吃！肉質厚實鮮甜，可惜沒有蝦膏，炸蒜若再乾身點會更好環境氣氛： ★★★☆☆這間分店剛於數月前裝修好，外觀華

同親戚一齊慶祝母親節揀左lee間，最深刻係lee個乳豬，皮都幾脆又唔會好肥，無臭豬味，炒飯底好乾身，飯粒分明，有乳豬香味。其他餸味道一般，不過同適合人多黎食，因為人少真係無可能食得晒咁大碟野，打包都唔會好食

7個人慶祝母親節叫咗6個餸，估唔到咁難食嘅酒家仲可以生存 乳豬拼盆$168...味道無驚喜，但份量出奇地小；芝士龍蝦伊麵+蚧肉扒時蔬$268...從未食過咁奇怪嘅芝士伊麵，牛奶味多過芝士味，兩個字形容晒“難食”；啲時蔬真係用水煮完就上碟，完全無味；蝦籽柚皮$78...柚皮味道可以接受，但千祈唔好食配菜，因為未煮咖；冰淋醬骨$98...全晚唯一食得落嘅餸。

這個晚上和FHY及兩位好友同來沙田分店的季季紅試菜，其實早在去年與家人到訪屯門藍地的分店，試過紅瑞乳香豬、香煎蓮藕餅、冰淋醬燒骨及蝴蝶腩豬肺頂菜膽湯，以每人花費$70的晚餐屬經濟抵食，就今次機會試試總店以外的水準，在此謝謝公關朋友及店方的邀請。沙田分店位於河畔花園附近，乘塔港鐵再轉乘巴士才能到達，店方安排我們到1樓貴賓房，望望店內有九乘座上客。同枱還有七位博客一起試菜，人齊店方為我們介紹新推出的生日豬即蝦禾米乳香豬，隨豬附送生日帽及可愛俏皮眼鏡，特意用來慶祝生日，攪下氣氛的Birthday Dinner。蝦禾米乳香豬當大家來裝扮一番，拍拍照，生日豬出場，蝦禾米乳香豬同時戴上生日帽及眼鏡，還有生日蠟燭，大家隨即唱起生日歌，再來許個願，拍幅合照，是相當高興及熱鬧，以原隻乳豬代替生日蛋糕又幾有新意.拍照留念後，侍應即席堂剪蝦禾米乳香豬，乳香豬是釀入飯、芋粒及蝦米，乳豬皮算是香脆，但脂肪就比較厚，肉質是不錯，不會太乾，奇怪的是肉質帶有顫味，而飯粒是乾身，可惜吸收不到乳豬油份的精華，說到飯粒和乳豬是關係分離，配料份量也相當少。豬肺頂蝴蝶腩燉菜膽湯招牌的豬肺頂蝴蝶腩燉菜膽湯，湯料份量十足，湯的色澤

季季紅的蝦禾米乳香豬，遠近馳名，筆者對此自然不會陌生。近日，本人和幾位好朋友均得到公關邀請，來到其沙田分店試菜。其實單是我們圍內，已經佔了半檯，好像是朋友聚會飯局，肯定開心，所以便一口答應。這類一圍檯的試食局，有關方面當然預早安排好菜色，無理由到時你一言我一語的點菜咁戇居。人齊，可以起菜，首先出場自會是主角的蝦禾米乳香豬，但怎麼，侍者放上桌的，是一盒生日派對小飾物呢? 原來，店方認為以生日蛋糕、壽包去賀壽，實在太傳統，遂提倡以自家馳名的「生日豬」代替。主角終於真正上桌了！大家幫它戴晒眼罩和生日帽，插埋腊燭，仲唱埋生日歌，搞大輪，十足十在搞生日會咁。經過連番拍照，侍者便幫我們把這隻豬拿去剪開。好，可以起筷！感覺跟之前在其他分店吃到的一樣，就是「豬還豬，飯還飯」，兩者起不了什麼化學作用，不過單計這豬，起碼是熱，皮脆肉不韌，反而底下的炒飯，吸引不到我們。吃過令大家嘩嘩聲的生日豬後，接下來是湯品，豬肺頂蝴蝶腩燉菜膽湯。各位對湯料都好像沒太大興趣，或者是要留肚往後的食物吧，所以都只是在喝湯，對於長期出外用餐的我而言，有碗湯水是好事來的。鮑魚緊接上檯，冰鎮形式，用上原隻南非鮑，恭恭整整的圍著排好，