安泰燒臘家

Open Now

Now Closed

安泰燒臘屯門友愛邨店，招牌雙拼飯套餐有料有滋味，湯味有肉有大豆，味道足，分量足，57文，雙拼飯，肉湯大碗，郊外油菜大盤，熱奶茶，大胃才吃得下。值得來，足料，有滋味

今日去咗間燒味店，一踏入去，聞到陣陣烤鴨香味，心諗，一定要點個拼盤試吓！嗰個牛肚，煙韌得嚟唔會太硬，啖啖咬落去肉味豐富😋。紅腸同豬腸都做得幾好，夠晒彈牙順滑，個肚同啲嘴都好滿足。燒腩仔真係賣相勁吸引，塊皮脆得嚟，啲肉層次分明，肥而不膩，每一啖都夾帶著煙韌同香味，令人一試難忘👍。喺呢間店，雞鵝飯雙拼都值得一讚。雞肉滑嫩好入味，而啲鵝肉更加鮮美，皮脆得嚟滋味純正。當然，飯下面嗰啲豉油基本上都算得上是滋味豐富，不過記得問阿叔要多啲汁，先至撈得開心🍚。食完今晚，真係覺得過癮！只可以講，呢個街市燒味舖，絕對係平民價錢食到高級享受，香港街頭美食真係令人驚喜連連！食客們，唔好錯過啦！🤤👌

呢間真係爺爺推介話係最好食嘅切雞😆爺爺唔係住屯門區，佢有一次入嚟探朋友，買咗呢間嘅切雞上去朋友屋企食，大家飲下啤酒咁樣🍻之後每次屋企人做節食飯，佢都特登走過嚟買今日我哋喺港島區做節，爺爺買咗切雞，大家都話好好食問佢喺邊度買，佢居然話喺屯門買過嚟😅😆😆😆老人家真係好堅持🥰斬到兩大盒真係好抵食味道又真係幾好食嘅，同埋真係好滑，做節記得同佢講要全雞，今次唔記得咗講，所以冇咗個雞頭同雞頸😅

見你生面口，比D豬頭骨你返到工作室打開兩盒飯，燒肉飯甩皮甩骨，而且啲肉好硬，塊皮又林😩叉燒油雞，叉燒好趕好柴，油雞得皮包骨冇肉食。見佢檔口啲燒臘好似好靚，於是幫襯佢買個飯快脆返公司食，點知中伏搵笨，見我係斯斯文文，求其斬啲嘢俾我以後唔會再幫襯佢，就算媽媽去開買餸都提佢喂唔好再幫襯太離身😓😡 做街坊生意不老實

化皮乳豬飯 $56乳豬份量比想像中多，個人嚟講覺得十分之抵食🤗通常喺酒樓圍菜先食到既乳豬，呢度就有得食，而且仲食得多😋個皮十分之脆，尚有肉汁，會有甜醬可以點，味道同口感對我黎講十分之滿意🥰想食乳豬飯就要早啲黎，佢好收歡迎，賣哂就冇。脆皮燒鵝飯 $56至於燒鵝飯份量夠多之餘，個皮都好脆😆不過要留意少果皮下脂肪比較多，成個飯嘅油膩感會比較重，比較適合啲鍾意食肉嘅油香味嘅人。野飲就一般般，味道偏淡。

2021年8月6日,下午12點半左右,我前往餐廳自己打算堂食再幫屋企買外賣,當時是食飯時間,我都明白比較多人,我見有一張4人檯是唯一一張沒有人,於是坐下落單,冇幾耐有兩婆孫來到,有個女待應同我講要搭檯,我並沒有表示不滿或不願意,我當時見到前邊有一兩人座位,那邊女食客剛用餐完畢,於是我自己將自己的午膳搬過去,並示意兩婆孫讓位給他們,老實說,在現今疫情下,可唔駛搭檯都唔搭檯係人之常情,點知那女待應便離遠大聲對我講,一陣有人都要搭檯,語氣是沒有禮貌果種,我便和她理論,第一我沒有麻煩她搬野,第二剛有一批客人走左,有幾張檯沒有人坐,第三我見張二人檯個女食客用完餐就走我先搬過去,第四疫情下大家都唔想對陌生人食野,第五,個待應並非對所有客人都提示有人就要搭檯,好明顯係不滿我自己搬位。個女待應冇幾耐就好唔客氣叫我返屋企食,我聽到後很憤怒,即時問她是否要我即刻走,之後大家還你一句我一句。我找不到該公司客户投訴電話,所以係度投訴,尼間野待應態度差其實唔係第一次發生。

啱啱喺 H.A.N.D.S 商場 安泰燒臘嗰度買完嘢燒臘師傅 同埋裝袋嘅姐姐都冇乜問題收完錢之後原來儲分要去返舖頭門口個櫃位嗰度儲分一行到過去 左邊一個肥師奶右邊一個坐輪椅嘅阿伯 已經塞住晒個門口同門口嗰個女職員傾緊偈 我就講:唔該個師奶又唔借畀我 輪椅又借唔到畀我前面嗰個女職員又冇理過我 講咗兩三次: 唔該都完全冇理過我 無視我 我就再講多次: 儲分呀唔該 個女職員就用好惡劣嘅態度同我講:你行過嚟先得㗎!! 我就忍唔住道氣 我就同佢講:你要撳先得㗎! 因為佢要輸入銀碼我先可以儲到分 但佢全程係冇喐過冇撳過任何嘢 一路掛住喺度傾計 完全無視我真係好激氣 儲分之後 仲要係咁話我係咁鬧我 我諗佢應該當咗我係細路但係我唔係細路 我只不過係睇落去似細路但係就算我係唔係細路都好佢都唔應該用咁嘅態度同我講嘢 我忍唔住調返轉頭同佢講: 你自己掛住係咁喺度傾計嗰個輪椅阿伯又幫口 話埋我一份明明係佢哋唔啱 好似傾計先係佢正職做嘢係佢係佢義工咁樣 好似冇收錢咁樣極度冇禮貌 極度過份

係一個新屋邨之下，有間燒味餐廳都幾重要下。呢度價錢黎講唔算平，可能附近有醫院、學校。啲職員都會黎食。不過論質素都對得住個價錢既。首先食物啲份量，真係份量十足。完全係地盤佬都飽既份量。如果唔係大胃王，可以叫少飯。上次試咗燒味飯，都對板。今次就試下西式飯。黑椒牛扒炒蛋飯。啲蛋好嫩滑。牛扒鬆軟霖口。意粉有少少霖身，如果硬返少少會好啲。但整體黎講，個汁較得都幾惹味，值得一試。另外，呢度除咗紅豆冰外，亦有紅豆奶茶，中意既朋友都可以一試！

下午送了契仔返學。勁想吃燒味飯。走到友愛村街巿吃了一個套餐。其實燒味飯真的不是每一間都好味。這間的燒味我最愛吃叉燒⭐️⭐️⭐️⭐️我點了瘦瘦的叉燒+燒鴨胸。對！我就是喜歡瘦叉燒及鴨胸。口味嘅連我老公都覺得我好怪。因他愛半肥瘦叉燒及燒鴨肶😂😂😂飯量剛好⭐️⭐️⭐️加上一碟生菜⭐️⭐️⭐️⭐️有菜有肉還有一碗西洋菜湯⭐️⭐️⭐️⭐️$4x。算係平民收費。不過食具不環保。想到每天咁多人食。好像有助毁滅地球。如果外賣。我多會帶飯盒去買。⭐️⭐️⭐️⭐️⭐️

外賣時發現斬肉的師傅用手弄完肉又收錢，D錢好污糟，街市的錢特別污糟（買完生肉的血水），非常不衛生。雖然很不衛生，但叉燒幾好吃，蜜糖味吊起叉燒味道，叉燒的口感也適中。雖然如此，但我不會再幫襯了。

呢間燒味店都開左差不多有兩年幾，但感覺上佢只係一間普通既燒味舖，就無堂食過。門面，以及入面既內鋪，環境、衛生都一流，好乾淨。起外賣既檔口，通常有兩個阿叔起到主持大局，一個裝飯，一個斬燒味。今次我就點左個雞鵝飯雙拼，另外再斬左半邊腩仔。雙併飯:雞的油尚好，斬的位置為脾的部分，肉質嫩滑，可惜就要冷了點。鵝的肉質較梅，不過皮的部分做到爽脆。腩仔:最出色的就是這個部分，皮不香但依然脆。而肥糕的部分與肉的比例剛好，肉又不會出現"梅"及起渣情況。不過外賣大家要留意一點，因為佢個燒味飯既豉油實在太稀，要外賣既朋友仔記得可以要多汁，先夠撈佢份量好大既燒味飯！諷刺既係，22蚊既燒味飯我都覺得有點貴，因為起香港既另一邊：觀塘，只需要$16！但算啦，不過不失就得。

一個人晚餐自然係碟頭飯解決不過今晚唔想食豆腐火腩想轉轉口味行過好耐無食過燒味見有位就入左去雖然裡面無火腩但最後都叫左燒腩仔燒腩仔既精髓在於其分怖平均的油脂入口得黎唔油膩 咸香滿溢肉汁以為放左好耐但溫度仍然足夠,最頂層既皮絲毫無軟既感覺不過再脆身的話會更好再加配多碗白飯簡單滋味或者我總是離不開腩仔的懷抱一滴滴既油脂一塊塊既脆皮加上鹹度適中既瘦肉同埋對面空無一人既座位噢這就是男人的浪漫

上個星期上左個fd屋企決戰四方城,打左八圈就見肚餓.咁就落左去求奇搵間野食.入到去好肚餓.拿拿聲叫碟燒鵝黎食.隻鵝都幾香.皮脆.咬落去d肉都唔會”un”四丁友一碟點會夠.陣間仲有排打,二話不說我地就叫多碟叉雞.隻雞夠肥.唔怕唔夠滑.正呀!叉燒就普普通通啦. 我個人就鍾意食肥叉.但係其他雀友唔想食咁肥就無叫肥叉.叉燒夠晒熱.食落去都唔錯.估唔到唔係肥叉都咁香.可能岩岩整起.乜野新鮮出爐都好食架啦.見佢掛係出面好似燒得幾脆.所以嗌埋燒腩仔.個皮咬落去個聲好清脆,唔會好似其他鋪咁硬梆梆見個燒腩仔.俾班友仔搶晒.臨走既時候叫多碟燒腩仔外賣.邊打牌邊食.當小食黎食都唔錯.感覺都幾爽.大家可以試下.

今日出左糧就諗住同老豆食餐好既, 佢就唔中意去咁遠, 就咁係樓下食就算啦, 見到有間燒臘舖, 見到d燒味幾靚就食呢間!咁我地兩父子就叫左兩樣野食, 燒腩仔同燒鵝!呢度真係臥虎藏龍呀! 我食佢個燒腩仔, 我同老豆都大讚!! 因為皮脆之外, 肉同肥膏都係好均衡! 唔會係成大舊肥膏, 諗住都唔係好想放入口果d!!!之後到隻燒鵝, 男人既浪漫除左係豆腐火腩飯之外, 大啖大啖咁食燒鵝肉, 成口都係油果下真係好滋味!今日同老豆食左一個好浪漫既男人餐~

今日得我同細佬係屋企食, 兩個都唔想煮野食, 諗住事單落樓下街市每人一盒叉燒頹飯就算, 落到去見到呢間燒味舖,果度其中一枱食緊鹵水拼盤, 好似好滋味咁, 決定叫鹵水野返屋企食! 其實佢都有得散叫既, 但係識叫當然係叫拼盤啦, 咩都可以試哂, 有牛肚, 紅腸, 豬腸… 平時出面食果D既鹵水汁一係好咸, 一係就無味, 估唔到今次樓下街市都有驚喜! 岩哂兩條麻甩佬!