宏富雲南米線

Open Now

Now Closed

今日經過見到好多人排隊，所以都跟隊買嚟試吓，估唔到有驚喜！望完堂食嘅人D麵之後，決定揀麻辣湯底配米線，餸就要魚腐同春卷，因為呢兩樣睇落係最受歡迎嘅。拎住嘅時候已經聞到陣陣麻香，食落湯底果然有驚喜，係有層次嘅麻辣呀！！！雖然個米線麻麻地，但吹咗D湯之後都係好好味嘅！而餸方面，一打開已經覺得非常之開心，因為魚腐同春卷各有三件，仲要大大件，而且係好味嘅，尤其是係個魚腐，吸晒D湯，真係好正！反而個春卷就無乜驚喜！

餸菜、米線份量很多，湯底比起其他大型連鎖米線舖，感覺比較少味精！$40就有兩餸加杯凍飲，十分抵食。自己食開中麻辣，配埋本身有的酸菜、芫荽、芽菜等等，味道很香濃！十分值得推薦！

平民街坊美食🍜宏富雲南米線雖然好少嚟到調景嶺～朋友介紹呢間位於調景嶺街市嘅宏富米線！都值得一試推薦菜式：魚腐春卷麻辣米線味道：🌟🌟🌟環境：🌟🌟🌟價錢：🌟🌟🌟🌟服務：🌟🌟🌟🌟春卷同埋魚腐都好推介大家叫，因為非常足料而且都幾入味！不過湯底略嫌淡口同埋唔夠辣！所以如果平時食開小辣嘅都可以簡中辣😀而米線份量都算多所以都夠飽！呢間小店位於街市，所以環境衛生方面當然都唔夠餐廳好啦，不過以街市來講佢都算清潔做得足嘅～而服務員都非常Nice會推介菜式🥰

位於調景嶺彩明街市的小店，做的是街坊、學生生意。平時午市時段大排長龍，所以我一般等到2、3時才來吃。首推招牌魚春卷($34)，外脆內軟，而且份量很多。之前也試過魚腐，大大舊，索埋湯汁更是一流。米線是正常好食的，份量不算多，但也足夠的。湯底選了麻辣小辣，對我這樣不吃得辣，但也想一嚐的人來說剛好。嗜辣的人可能覺得沒甚麼特別。另外，值得欣賞的是有酸菜等配菜，吃起上來有另一番滋味。34蚊叫一個米線，還送冷/熱飲品，叫了凍檸茶，正好解米線的麻辣。見咁抵食，叫多了一個蒜泥腩肉($25)。相比譚，這裹的賣相沒有擺得很好看，也沒有辣油，不過味道很好，很重蒜香，而且份量很多。埋單60蚊有找，會唔會太抵食。

宏富雲南米線將軍澳調景嶺彩明街1號彩明街市72-73號舖呢間米線小店喺彩明街市入面，每日lunch time直到tea time門口都經常排晒長龍，一直深受街坊喜愛，無過黎食一排，所以今日黎回味下呢到鋪頭唔大，但d姐姐手腳好快，通常排緊隊已經幫手落定單，到坐低就已經好快有得食架啦呢到米線既價錢都好親民，我叫左雞扒+腩肉米線(小辣), 湯底依然係咁正，下次一定會再黎幫襯

呢間隱世米線開喺彩明街市入面，唔係街坊應該都好難發現。試過一次之後，就覺得一定會有下一次。炸醬同譚仔嗰種感覺好唔同，值得一試。而且價錢非常抵食$38仲有一杯嘢飲。

點解呢間米線咁少人識?以前讀書神日食 已經覺得佢超越好多香港知名米線直到呢家得閒都會單拖去食好米線先講佢個湯 有陣陣香料味 比起好多味精湯 已經勝出佢個手打魚腐口感都好好 佢索曬D湯汁咬落去 真係好正米線其實無咩特別 但佢米線唔屬於滑個種 係有D彈性整體上 呢間米線真係我個人心目中既頭三唯一缺點係 佢地個辣度 其實唔算太辣 如果純粹想食米線食辣既朋友可能會令你失望自問自己食野都挑剔 呢間米線係少有我會特登去食而且印象深刻!

調景嶺彩明街市真心係一個好地方，抵食既選擇較為多。今日做完gym想食啲野就去左食米線。所有粉麵平均都係三十幾蚊，仲包野飲。亦係一間較容易搵到健康選擇既地方。男朋友叫左雞扒米線，仲要左麻辣。講真佢既麻辣就無乜料到架喇，唔會話係好正既麻辣。不過有啲啲味吊下癮都係好既。我要左個好健康既清湯底兩餸米線，要左雞肉同蘿蔔。雞肉同米線既量都算多，所以女仔黎講都夠飽肚。清湯堅係清既，所以絕對係做完gym既良品呀。

彩明街巿有幾間米線店，暫時都只吃過一間，今日決定一試宏富這一間雲南米線。平時我最愛點米線自選，因為可以選幾項自已喜歡的餸。不過見各式米線有炸雞翼和豬頸肉米線都相當吸引，而自選並沒有這兩項選擇，爭扎一輪後，最後決定點一份豬頸肉米線($36)，餐飲是熱檸水。各式米線都可以選擇你喜歡的湯底，愛辣的我當然選了麻辣湯底(中辣)，而配菜只要腐皮。豬頸肉是厚切的，啖啖肉，而且份量很多，越吃越滿足! 麻辣湯底味道足，有麻有辣，不會只得咸味，讚!

#米線皇后🐖由於我太中意食米線既關係，我真係keep 唔到一個月唔食米線🤭成日都有種米線癮。喺調景嶺彩明街市有間差唔多食左兩年既米線店舖，好推得推介俾大家🧡#魚腐炸醬麻酸辣米線 🍜💰37魚腐係必叫❗️大大舊超好食，完全吸曬啲湯👍一餸既話會有五舊，兩餸就有三舊，超抵食❗️朋友推薦話一定要試埋炸醬，其實個樣似肉醬多啲，比較稀身，但味道絕對唔差，可以直接炸醬撈米線都好好味。米線比較淋身，份量都比以前少左😟麻酸小辣完全唔辣，下次食番中辣算😂另外，仲會有飲品送，凍熱都唔洗$。

我都幾鐘意食米線。試過幾間米線，，有時又會去d雜誌介紹既米線。。但我終於都係覺得呢間最好食我覺得佢米線質地唔會太林，個湯底okay,同埋有各種配料吊味，佢各種煎炸既小食都好味。有時食朱排，有時食雞亦. 前日我想清d就去左食椰菜加牛肉米線都好好味😃😃

今日天氣潮濕多雲，陰氣頗重，所以就最適合去宏富食個辣麵，一黎可以軀除體內濕氣，二黎可以排毒去穢。呢間宏富麵檔，位於彩明街市既一個顯眼鋪位，係一個食唔正宗既四川辣麵同講是非既好地方，如果你係有潔癖或者係好怕三姑六婆既說是道非，建議唔好去，vice versa。入到去，係坐圓抬既，點左凍檸茶同凍奶茶，一碗麻中辣既豬潤豬肚既米線，一碗麻大辣既腩豬腸河粉，同埋一碟鴨腎，因為腎氣不足，我比較注重食鴨腎，覺得鴨腎味道都夠既，但係就略為硬左少少，如果軟多少少都更好。最後，我飲左個麵湯，覺得好滋味，麻香中帶酸菜味，留下了一天美味的回憶。

唔知幾時開始麻辣/酸辣米線已經成為香港人嘅主食，開到周圍都係，而係呢調景嶺呢個野食沙漠，就算位置係街市，但呢間米線完全係more than average👍🏻👍🏻首先呢度個湯底冇咁味精，酸辣同麻辣各有特色，一啲都唔差。 重點係呢度唔一定要係米線面底，我最鍾意其實係河粉，配埋個湯底真係好正。另外配料方面都有好多選擇，春捲可以話係呢度招牌，魚肉都係幾彈牙，即叫即炸夠晒脆，唔想比湯整到淋晒，仲可以分開裝👏🏼👏🏼另外豬手都係另一個招牌，次次都見到好多人食，可惜我麻麻地豬手，所以就未試過。一碗只係32蚊，有野飲送，仲要凍熱都得，應該冇乜邊度可以做到，所以呢間真心值得推介！！😋😋😋

今日晚餐去咗彩明商場一樓呢間宏富雲南米粉，點咗個招牌手打魚春卷米線，佢嘅米線同我食開嘅相比，係比較幼細，但感覺上比較彈牙，佢嘅手打魚春卷外脆內軟，估唔到咁好食，湯底可以選擇清湯、酸辣或三種唔同嘅辣度，適合唔同類型嘅朋友

最近因工作關係都係調景嶺附近，無意發現街市入面有間隱世米線，一試難忘依間野平日lunch時間都大排長龍，可能附近多學生又掋食，一條龍排外賣，另一條排堂食絕對推介招牌手打魚春卷米線，仲要食中麻辣以上，試過食小辣係根本發揮唔到佢個湯底，魚春卷外脆內軟，可按個人喜好叫另上，等啲湯唔好浸淋脆卜卜既外皮今日食左雙拼加腩肉都係37蚊，連杯凍檸水。注意，單拼32，雙拼37，重點係買米線送凍/熱飲，不另收費，絕對係掋到爛！