家寶小食車仔麵

Open Now

Now Closed

唔知幾時開始，車仔麵由窮人美食，變咗做窮少少都冇得食。第一次接觸車仔麵，係西灣河基灣小學斜對面，唔記得係送家姐返學or放學？淨係記得每次都係豬紅蘿蔔魚蛋豬皮幼麵，因為兩姐弟食，老闆仲會幫手將麵餸分成兩碗，恐怕現今難有食店會咁做。愉翠唯一一間車仔麵，有賣腸粉碗仔翅煎釀三寶炒麵⋯⋯間唔中都會買腸粉做早餐，午餐就好少幫襯，一來好多學生排隊，二來位太少，一個人食都唔知搵位先定排隊買麵先；今個星期係開學週，唔洗爭食飯，就過嚟食番餐😋豬紅牛腩豬腸油麵再加一份西洋菜，滿滿一大碗，唔夠膽話好食，但就一定抵食！亞姨亦好好人，每個加辣汁的客人，都會提醒：「我哋D辣汁好辣㗎！真係食得到嘛？」是日消費：豬紅牛腩豬腸西洋菜油麵+樽裝可幾共$57 （樽裝可樂貴罐裝可樂$1）

和同事去愉翠苑街市外賣午餐，今次選吃未試過的車仔麵。除了車仔麵外，食店還有售粥、炒麵、撈麵、小食如腸粉及粉果等等。見排隊的顧客多買車仔麵，所以我和同事都買車仔麵啊！三餸車仔麵，豬紅、魚皮餃、通菜+油麵配腩汁，配料滿滿的將麵都遮蓋。其他車仔麵店，豬紅的份量最多都是5～6件，這裡的豬紅多到數不到！份量雖多，質素也不差，豬紅軟滑，調味又恰好。魚皮餃的份量正常，魚皮餃大粒，餡料飽滿，肉感分明，帶香氣，而且沒有糊糊漿口的感覺。通菜同樣是大量的，不過就煮得較為稔身，沒有了爽脆口感。蔬菜份量之多，難怪令不少顧客也加份菜做餸啊！雖然三餸麵的價錢要40多元，算不上便宜，但配料份量那麼多，就覺得抵食！

之前買左碗菜乾排骨粥做早餐返到公司睇係一粒肉碎都冇..正確係菜乾粥今日轉買腸粉加燒賣13加5點知見佢剪得三條加四份一..本身都食唔哂..所以冇出聲..同埋講完都冇意思..但唔會再幫襯..

去開附近路過呢間車仔麵店見幾有人氣就走入去食結果令我後悔不已我同朋友兩個人去食每人嗌一碗三餸麵我嗌左通菜煎餃子雞扒上海麵朋友嗌左豬皮魚肉雞扒粗麵首先老闆娘淥麵嘅時候光明正大地將兩隻煎餃子掉入湯裏煮我睇到眼都突埋心裏面極度想叫佢取消咗煎餃子但係佢已經煮緊我唔好意思冇取消到後悔到而家佢啲餸冇一樣好食首先通菜老過老藕好似食緊草咁個所謂嘅煎餃子難食到一個點破壞我全日嘅心情個雞扒普普通通，鞋鞋地上海麵普普通通湯底叫咗腩汁但冇味我食完之後非常之唔開心同朋友討論佢碗麵嘅時候發現佢嗰碗原來仲差過我其實個魚肉我都有試佢完全只係一堆麵粉浪費我食澱粉質嘅quota佢舊雞扒原來有幾舊碎骨完全唔知發生咩事個豬皮有沙我唯有講句Ok, you win我不嬲寫食評都好有品但係呢間野真心極度差唔明白點解會有咁多人幫襯我以後都唔會再去老闆老闆娘態度幾好都冇用食物質素都唔得加上個老闆娘成日除咗口罩喺度食嘢喺疫情底下更加唔會去呢度食佢一個人中，即係所有人都中

昨日先嚟過呢個街市，今日又有機會再嚟，我要試下朋友介紹話好正嘅車仔麵檔。要咗一碗3餸車仔麵，係上海麵配豬皮，蘿蔔同魚皮餃；碗麵都算大碗，啲餸比外面嘅車仔麵多，啲湯睇見好似好濃但其實食落味道唔係太重，蘿蔔炆得好腍好入味，魚皮餃同外面嘅差唔多，豬皮都好腍，不過食咗有啲頸渴，唔知係咪有味精。本來冇叫飲品，但食完麵好想飲野，於是叫了一杯凍檸茶，估唔到杯凍檸茶好好飲，啲檸檬好新鮮，甜度適中，仲要係10蚊杯，完全冇期望過一杯咁普通嘅飲品會俾到我驚喜。

好耐冇食車仔麵，好掛住，咁岩系沙田，購友介紹食呢間。佢仲有其他野食 飯吖 魚蛋粉果糉⋯⋯今次主要講車仔麵叫左三餸一麵 $35 牛腩 牛根 冬菇 粗麵 大辣加蔥花餸既份量幾足 我食完餸都飽飽地另外可能我仲叫左大辣 真係好辣，佢呢種辣係小小嗆 喉嚨有感覺 但脷感覺冇咁強 唇會麻。之後落到胃翻滾 可能咁我好快覺得飽。牛腩大件入味 唔算好腍。牛根好多 彈牙。冬菇係好大好厚既個種菇 佢剪完都唔係可以一口菇，但好好味又彈牙粗麵 一般，唔夠粗同唔夠薄，食落麵粉感好重，搞到湯汁索唔到入去內面咁。湯，夠味，濃，又加左辣另外，外賣加$1，佢有得堂食，但本人唔太鐘食街市個環境

我好多時都晨早去到買野食👍🏻見到好有心機洗菜乾乾淨淨車仔麵...料足抵食又好味仲有酸辣選擇😘雞扒豬扒都係睇住佢煎湯底夠味....！牛雜都好好味豬腸乾淨牛根豬皮都👍🏻佢地都有煎腸粉燒賣牛肉糯米雞/包個魚旦都好味...我鍾意食細粒彈牙果款...食得辣要試下....！😍中午仲有地盤佬飯....！🤤雖然係小店但都服務好好....！

現今社會識整糉既人買小少見少啦！家寶有自家糭賣！仲有很多款式！一定要買了兩隻返屋企試下十幾蚊一隻，不算貴！算平啦！我買咗兩隻～裡面有粟子，花生同什豆，絕對適合素食者！不肥膩！仲幾香！又健康又好味！濃郁嘅豆味發出！不像全統既有蛋黃，肥豬肉！見到就會飽飽濟濟！

lunch time時間想快快解決，來到了這個街市，想食米線，一看到呢檔有三送車仔面立刻坐低！整返個三送米線！咖哩魚蛋，雞翼，白蘿蔔米線，配腩汁湯底！菜係送的湯底濃度唔太咸，米線唔會lum曬，好味！再叫個燒賣腸仔。燒賣和腸仔不會過熟，只係醬油偏淡。總結，快靚正！速食不過lum曬的車仔麵！

一直都係呢間街坊車仔面嘅fans但最近覺得可惜嘅係.. 味道啖左差左水準開始冇咁穩定了.今次叫左外賣返屋企食, 配左牛雜腸仔雞亦嘅米線, 一食發覺冇以前咁入面了辣就辣得過隱 但味道感覺好淡 腩汁唔多湯又太多 我一打開都差d瀉左出黎同埋米線太淋了，冇哂咬口

一般燒賣檔所下的醬汁都是鼓油和普通辣油，而這家在特別要求下，可以下自家制辣汁，這辣汁一般都是給客人下車仔麵時用，難得今次姐姐會放於燒賣！食得辣的都可以試，在外界很少機會食到，這種辣的確香口，野味，有深道的！實在令人難忙。魚肉燒賣就跟一般沒大分別，不特別提了，辣汁可一提，很特別！

個人本身好中意食車仔麵，而呢間就係屋企樓下食過好多次，但都係會食。因為呢間嘅牛腩汁同辣汁嘅味，我可以話係出面冇可能食得到！係超入味！但我見其實好多人唔識嗌…要推介我嘅配搭牛雜 鹵水雞翼 蘿白 辣汁 (最入味同濃味嘅配搭)其實呢間最正就係啲辣汁如果唔食辣，就食唔到呢間嘅精華喇！

聽講呢間野都喺愉翠街市做左好多年，咁啱經過，就坐低食碗車仔麵當lunch。我麵底叫左油麵，而餸就叫左芝士腸，牛腩同豆卜。整體味道唔錯，同一般車仔麵舖水準差唔多，所以唔多作評論。但值得一讚ge 係個到ge 老闆同員工，佢地服務態度唔錯，講野好客氣，個呀姐仲主動問我要唔要腩汁，我平時食車仔麵，通常係要自己叫腩汁先會有。另外，但地做野效率好高，而且可以一個人同時整兩，三個客ge野食，堅呀！但係咁多位朋友要注意，呢到堂食ge位比較少，得7,8個左右，係lunch time 仲會有好多學生黎食，所以等位會比較麻煩，建議如果趕時間，但又想食呢間的話，可以考慮拎走。

中午勁趕.全部麵檔都爆晒, 嘩, 可能係對面威院d 工友出o黎食晏有關吧.只好食個快麵.叫了牛什, 什丸麵.45秘便整好.飲口湯, 幾淡;阿姐話可以加d 咖哩魚蛋辣汁, 好喇, 就加少少;點知真係幾勁, 辣到出汗.牛什不錯, 尤其係牛肚, 真係意料之外.什丸好標準, 爆心丸都有, 很不錯了.麵係叫了粗麵, 幾彈牙, 加上d 辣汁湯底, 也很好.廿蚊, ok 喇...

好奇怪,我個人覺得呢間車仔面實在普通.見到有得寫食評,決定寫幾個月前的經歷.我和幾個朋友叫外賣,我叫左豬肉餃+蘿蔔+河粉點解記憶猶新？因為ｄ豬肉餃好難食．平時見佢地自己包餃子，以為會好食，點知．．．為免有其他人有同樣經歷，唔好叫豬肉餃叫腸粉，蘿蔔糕都ｏｋ