富寶海鮮菜館

Open Now

Now Closed

位於炮台山電氣道熟食中心,價錢便宜,亦有唔同菜式選擇現場所見都係大排檔式嘅大圓枱同膠櫈,加上東主會播8-90年代普通話歌,好復古嘅感覺🤣不過而家係夏天,雖然室內有抽風系統,不過都仲係有d熱咖哩牛腩飯$50咖哩味唔太濃，微辣。牛腩夠入味&淋身，牛根彈牙。價錢算係超值，而且份量十足仲送中湯&紙包飲品👍蘿蔔豬骨湯 連埋湯渣上 睇得出好足料

中午一個人食飯，好多時都想走遠少少，尋訪一些自己未去過的食肆，而東區，也就是我最喜歡發掘的地方。是日，就隻身來到了炮台山，在摸索之下，摸入了電氣道街市內的一個小小熟食中心，而我亦因為不懂環境，不知有什麼好食，就直接被門口的那一檔截停了，那我就只有幫襯這《富寶海鮮菜館》吧。中午，沒有特別的海鮮，亦沒有人來大魚大肉，來者，都是為了飲碗湯，食個飯就走的男士。而他們的中午例湯，是簡單的，是簡單的一個西洋菜湯。這一個茶餐廳 Style 的湯，很有味道，但也很稀，我不覺得需要多評。主食，是一個魷魚蒸肉餅飯，而且是即叫即蒸的，所以蒸出來的肉餅絕對沒有過多的水份，再者，這肉餅亦沒有過份的肥肉，也沒有過份的豉油味，我能夠食得到豬肉的香，土魷的甜，而豉油汁只是輕輕的帶上，再以這混合了豬肉及土魷味道的豉油汁來撈飯，可真是一流。小時候，我的確是很喜歡同蒸肉餅的豉油來撈飯的。奶茶一杯，感覺不過不失，套餐包的，不多評。感覺還是不錯的一個簡單午餐，味道水準均合格。

到街市的熟食店其中一款最常叫的食物就是炒粉麵飯，其中一款，因為都是鑊氣十足的。今次當然也不例外，點選了炒貴刁。非常之大碟，料很足。味道就一般，不會太辣，也不太咸。但因為用上了較厚身的河粉來炒，以致有點較硬的口感，不夠爽。最後最怕的當然就是太油，但相信這是港式熟食店的特色，較難改變的了。不過到這一類食店的驚喜就是有免費例湯，雖然味道很淡，但當水喝也不錯。

本來想要吃拉麵的,最後竟然是公休日,真可惜,與友好同事閒逛了一會就決定找個地方吃晚飯….距渣華到熟食市場有點距離,眼前竟然見到電氣道的熟食市場….也好,就在這找點吃的!這個熟食市場只有3間店,一間小菜館再加一間泰國菜和一間印度菜,最後我們決定吃小菜!想不到有什麼好吃,就隨意點2味小菜,友人想要飲啤酒,就來一支青島($20)吧!也來一碗熱飯2人分吃,應該很足夠吧!金莎蒜香骨($58)這一味先上桌,除炸金蒜外也見到一些米白碎粒,一吃味道就是那些疑似公仔麵的味精粉,這碟蒜香骨件頭和份量也不小,而一口咬下還吃到點點的肉汁,雖然有那點味精粉無疑是失色了,但吃下來佐飯的話,尚可接受!(不過我真的不喜歡味精,還要明目張膽的灑在面@.@) 西蘭花繪沙拉明蝦($68)我一點都看不出是繪的,只是繪了的菜上面加了炸蝦再加上沙拉汁!不過炸蝦做得外脆但不會過老,雖然那些沙拉油吃得出不是上好貨色…..西蘭花繪過但吃下不會過淋,色澤也得以保持,個人而言會喜歡這味多一點! 2個人吃飽$150有找,不是特別好吃,不過只吃兩味又好難立即下定論….如果可以再來,我也許會試鄰店的泰國菜吧!

最近每逢週末收工後，都與老公到富寶食晚飯。雖然是大排檔，但一點都唔嘈，可以食到大排檔的美食又可輕鬆舒服用餐。每次都會叫唔同菜式來試，今日點了蜆介鯪魚球$58同富寶小炒王$60，2個餸都好惹味，平時唔多食飯我都食咗大半碗飯。

雖然在北角區返工N年但從來冇試過在市政大廈內食lunch, 但朋友都想在北角區找新食點,我唯有作先頭部隊來試菜, 中午人不多,整個富寶也只是坐了3成客左右 因為只有一個人的力量,縱然大家是想找晚飯浦點,我也只能試午餐, 睇晒成張午餐menu, 覺得試下椒鹽豬扒飯或者可以試下佢地的功夫套餐價 包例湯 , 菜, 豬扒.....豬扒份量很多, 我食唔晒,結果留番一半在晚餐時食, 豬扒入口雖未致於鬆化軟綿綿但絕對不用牙力便可咬入, 肥豬內只佔很少比例, 是冇骨豬扒 (抵讚)唯可惜我這個不喜歡食太咸的人也覺椒盬唔夠, 至於菜值得我欣賞的地方是不會主動加 ''蠔油, 豉油' 在面

豉椒魚雲、炒蜆和炒菜都是傳統廣東小炒的一類，非常的夠鑊氣，這是現今很多的酒樓都做不到，墨魚餅和炸豬頸肉都是較脆口，當中的墨魚餅很美味，送酒一流，西蘭花花枝熱辣辣而且炒得較軟身易入口，食物是傳統廣東小炒，勝在夠鑊氣，這裏是一班人飲酒食飯的好地方，價錢要五六十元一個菜，熱辣辣，不過夏天這裏的冷氣好像不太足夠，雖然沒有加一服務，富寶是一間非常傳統的大排檔，價錢又是比較酒樓平宜一點的食店。http://icuteee.mysinablog.com/index.php?op=ViewArticle&articleId=3009500

北角大排檔成日去，但炮台山大排檔反而少挑戰，在朋友陪同下，總算可以試下以前返學時常去的大排檔，我們一去到就已經有唔少人，只好坐邊緣位，因為真係太邊緣的關係，要叫個待應要非常費力，自己叫左個細個時常叫的楊州炒飯，等左10分鐘左右就送來，個炒飯發揮到應有的水準，蛋的調味做得唔怕，飯都炒都幾爽，用料都唔錯，而份量更多到我一個人都食唔晒雖然個飯覺得唔錯，不過佢的價錢真係好貴，炒飯本身要$28，再加埋飲品$4，總共是$32，呢個價錢響北角街市已經食完仲可以食多個$8的甜品了對省錢一族的我們真係去唔過，回想當年學生有$4優惠，可以放低$22走人，呢家就要$32．．．大人已經無呢個著數了．．．還是等生活水平高了再去吧！

上星期黎過呢度食晚飯, 覺得不過不失, D食物都ok.岩岩諗住叫外賣, 等左45分鐘, 問佢仲要等幾耐, 佢竟然答我 "唔知喎 !!" 我只係叫3樣野, 我問佢煮左未, 等左一陣.......竟然答我"未 !" 我就話由佢, 唔使煮喇. 點知仲要俾佢鬧, 話煮野都要排隊, 叫我以後好黎 ! 明明無咩人, 無得食仲要俾人鬧, 真係俾佢吹漲 激到我唔做CD-rom即刻返黎鬧爆佢 !

去到春秧街先發現真真原來夜晚唔開架~ 所以過左去電氣道市政大廈食~ 上到去其實想揀都揀唔到, 因為唔熟地頭嘛, 一入去就焗住坐低O係富寶~ 後來先見到另一間印度野~ 個MENU有好多唔同款式既小菜~ 亦都見到有人打邊爐啊~ 我地兩個叫左3個餸, 因為想試下D未食過既野, 就叫左砵酒焗魚雲 (好似大概$58), 叫左咖喱涼瓜煮倉魚 ($98), 同埋半隻沙薑雞~ (大概$68)~ 先黎隻雞~ 我覺得D肉有D鞋啊~ 個味道就OK~焗魚雲好得意, 上既時候係用錫紙包住, 放O係鐵皮上邊~ 都幾香架~ 不過食落真係完全冇肉, 係咁'SUEN' D 炸粉咁~ 同埋食葱~至於條魚, 佢話倉魚賣哂, 所以叫我地換另一條游水魚喎~ 咁就換啦~ 條魚黎既時候, 淨係見到好多好多好多苦瓜, 同埋咖哩汁~ 完全見唔到條魚, 因為條魚實在太細條~ 我地又唔係好鍾意食D苦瓜喎... 冇咩肉食, 完全唔值98蚊~~ 個咖喱汁就幾好食既~入面D顧客同埋個WAITER都當法例冇到架喎... O係室內食煙~(定係我孤陋寡聞, O個度唔受法例管轄?) 但係除此之外, 服務都OK~ 俾熱水你洗下D碗碟.. 另外, 都 唔收

從來沒有來過此政府街市樓上的熟食市場吃過飯，今天還是第一遭，估不到果然有點驚喜，驚喜的是地方對比北角那個非常有名之街市樓上熟食大牌檔地方小一點，不過反而覺得更舒服，因為沒有放那麼多的枱凳，三樓全層只有三間熟食店（富寶為中菜，另外一家泰國菜和一家印度菜館），感覺地方清潔些而且沒有北角那邊拘謹。 中午有午市套餐共四十種選擇，一般的中式小菜好像生炒骨，西芹雞柳等等也有提供。要是想吃沙畺雞飯也是29元一客。 我就要了一個京蔥爆牛肉套餐，一碗大大的西洋菜湯，一碗大白飯，一碟炒菜和一碟頗多牛肉頗多京蔥和洋蔥的餸。最喜歡吃京蔥，因為可以趙得很滋味，雖然是擔心會有口氣的後遺症，不過吃些香口珠應該可以解決問題的。一個人的份量但是我覺得已經很多了，怪不得頗多建築工人還不過12時已經來到喝點啤酒看看電視。 學生也有特別優惠，可以便宜4元一個套餐，我就看見有些學生兩人叫一個套餐一起吃，每人只是14元就可以吃過飽了。 就是因為她的知名度沒有北角那邊厲害，所以相對來說不是那樣多人，我就樂意見到不是那樣多人慕名而來。輕鬆地享受我的悠閒午餐。

海鮮我至愛嘅就系炒蜆來到富寶 循例都點反個炒蜆喇..$38低吃啦..夠鑊氣,又有少少辣.加上d豆鼓..香呀. 炸子雞都幾好食嘅..睇起身好干身 好似唔系咁好賣相吃起又係好好味~ 雞皮夠薄又唔肥, 卜卜脆甘.. 在加上一碟雙菇瑤柱扒西蘭花簡直正曬喇

5月10日, 同媽媽慶祝母親節!其實上個禮拜都已經食咗母親節飯~ 今晚正日媽媽提議去近近地的街市熟食中心, 而其實呢個電氣道街市熟食中心只係得好少餐廳, 富寶已經差唔多佔咗全層!! ::: 炒蜆 ::: $38炒蜆都唔洗$40確係抵! 夠鑊氣又香豉椒味~ 蜆唔算大隻不過乾淨冇沙. 唔錯~::: 炸豬頸肉拼墨魚餅 ::: $65呢度既招牌菜之一! 份量好多~ 炸豬頸肉真係好出色~ 勁香口~ 夠乾身~ 外面脆得黎有少少似燒豬皮. 不過佢又唔肥wor~ 好好味! 墨魚餅十分爽口彈牙, 相信係因為佢落咗馬蹄同打得夠鬆之故~ 整體都覺得係心機之作, 唔怕熱氣一定要試!::: 生炒骨 ::: $38即係咕嚕肉~ 其實都好難會整得唔好食, 不過整得出色又唔係好多地方做到. 而且我覺得富寶d煎炸野做得唔錯, 能夠做到乾身脆皮, 唯一唔好係呢個骨多過肉少少, 所以呢個生炒骨係pass! d菠籮都要讚~ 係新鮮菠籮~ 好味~!::: 炸子雞 ::: $75個雞又係好好味~ 雞皮夠薄又唔肥, 炸到卜卜脆! 雞肉比想像仲嫩滑, 基本上係連醬油都唔洗點都夠味~ good~::: 雙菇瑤柱扒西蘭花 ::: $65