富東閣海鮮酒家

Open Now

Now Closed

第一次嚟食呢間富東閣酒家。外型同普通嘅酒樓冇乜分別。一入門口見到酒樓安排咗幾部電話掛咗喺牆上面。然後入面嘅接待員就同我哋講用iPhone去scan針卡會快少少，整體禮貌唔錯服務態度好好。最令我滿意嘅係以下幾道菜：首先係蒜蓉粉絲蒸扇貝呢味菜好多地方都有，我真係覺得係成晚最好食嘅一道菜。蒜蓉整到個帶子鮮甜入味，帶子嘅鮮味喺味蕾入面爆開，令到人一試難忘。第二道菜係北京烤鴨：唔係講笑，成碟鴨都算係幾健康，脂肪比較少冇乜肥油，青瓜非常之長。成碟，好似冇乜特色出奇地幾好食。第三道菜係椒鹽豆腐：雖然我係食咗一半先至去影，但其實呢一點係越食越好食。蒜蓉點綴住炸豆腐嘅酥皮，外脆內軟。熱熱地嗰陣時覺得冇咁好入口，反而係常溫嗰陣時先係最好食。最後一道菜係蒸蝦：我第一次食到啲蝦係唔使點任何醬料都咁好食。味道好鮮，最大程度保留左海鮮嘅鮮味。一食落口彷彿覺得入面嘅蝦肉係有生命力，佢仲係未死。其他菜式普普通通就唔多講啦。整體來講性價比算係高嘅。有個好笑嘅小插曲就係北京烤鴨佢嗰個鴨嘅面皮係冇俾，要我哋去追問。大家去食嘢嗰陣時要小心啲啦。

好想食扁皮鴨，上網見好多人都介紹呢間，所以特登過嚟懲罰下！1️⃣扁皮鴨 $188鴨肉同鴨皮都唔會好乾同冇柴皮，但個皮早上過鴨太耐，攪到凍曬同硬硬地，配菜得青瓜同葱，冇特別好食同難食。💟總結：只能講係性價比高既扁皮鴨！呢個價錢有呢個質素係收貨既！一分錢一分貨！

💛 #沙田 #富東閣 想食好耐嘅富東閣🥳 終於約咗fd子一齊食🥳 我哋夜晚去食，所以就冇叫點心，兩個人食一個片皮鴨其實都夠飽，我哋叫多咗個煲就食唔晒🤣 不過有啲唔同嘢食吓冇咁dry🤭🦆 京式片皮鴨 （$178）片皮鴨皮夠脆，啲肉肥瘦適宜，就咁食就有少少dry，沾埋個醬食好好味，個醬唔夠仲可以加㗎！🙈 個片連埋蒸籠上枱，上枱嗰時仲係冒煙㗎😋 每塊片之間都隔咗一塊蒸籠紙，以防痴住，好細心👍🏻 拎塊皮，包住鴨、青瓜、蔥絲，沾醬，正🤤 呢個價錢真心抵食！🍜 沙嗲肥牛粉絲煲 （$98）呢個煲好好味😆 好大煲又超級足料，好多肥牛，味道濃郁又夠濕潤，balance返片皮鴨🙊！另外茶芥（$24/2人）

突然想食片皮鴨，諗都唔洗諗就book富東閣由門口行到去張枱，10枱有8枱都係片皮鴨😅兩個人嗌咗4樣嘢（如果計二食就係5樣😱）1. 片皮鴨二食（揀咗醬爆鴨件）2. 黃金豆腐3. 砂鍋啫啫時蔬（揀咗通菜）4. 豉汁蒸大鱔片皮鴨唔洗評論啦🤣大家都知，抵食、好味😋二食醬爆鴨，入味，醬汁濃，又唔會好鹹，好味😋黃金豆腐，唔似其他餐廳啲粉咁厚，亦唔係炸到好實，但味道無乜特別😅砂鍋啫啫通菜，👍🏻👍🏻👍🏻👍🏻👍🏻，驚喜，無諗過咁足料（啲碎肉、蝦乾通通都有），香氣撲鼻，勁好味😋😋😋😋😋豉汁蒸大鱔，啲豉汁啱啱好，唔會太多蓋過鱔味，鱔勁肥美，好味😋唯一美中不足係唔知係人手不足，定我坐得距離廚房太遠，啲菜上枱唔夠熱，只可以用暖嚟形容，希望可以改善吓

因抗疫關係，老媽已很久沒出門，她說好想飲茶，嗱嗱聲上網做功課，睇吓邊間酒樓的防疫做得較好？點心也好吃的？搵到富東閣。 這間酒樓，我只來過三次，等位，掃碼，掃針卡，量體溫，消毒雙手後進去，比咗張二人檯我們（當時未放寬可四人的），冇搭檯，檯與檯之間密度不算擠迫，食具也有在大熱水中烚著，拿給茶客後，仍摸到食具熱辣辣的，當然，話曬都經過職員既手，自己再用酒精濕紙巾擦一下，會更安心。但、這酒樓的防疫工作，已經做得很不錯。 請番點心，我只隨便影咗4張相而已，蝦餃與香茜餃都皮薄餡靚，其他點心也做得不錯，想飲茶時，可以番焯的。

星期日一起身就係食brunch 嘅時間🤣 橫掂出開沙田，一於去懲罰下富東閣。去到門口依舊多人，但今次唔洗等好耐，15分鐘左右，可能因為仲係一點lunch time ，上次 tea time 等左好耐。一坐底就有姐姐放低個啲勁熱勁辣手嘅消毒ed 杯碗🤣 可以放心唔洗再洗。 今日星期日，基本上點心紙上面嘅野麵要加2-3蚊，但麵係合理範圍。今次叫左：- 芝士海蝦焗伊面：士味濃但有少少假，不過麵好食嘅，海蝦係新鮮，殼易剝而肉質彈，不錯- 菜苗餃：好味- 皮蛋瘦肉粥：不用試- 生菜魚肉：細碗，唔好食- 燒肉：皮夠翠，十分唔錯- 腸粉：so so la 正所謂十間黃店九間伏，呢間呢，就唔伏嘅🤣 有時間可以去支持支持啦

小菜4送1，抵！片皮鴨仲做緊138一份，外賣加餸一流之選👅咕嚕肉同欖菜肉鬆四季豆是建議點的😋好食，炸漿薄，脆口肉軟。龍躉兩食🐟粟米班腩好送飯，蒸頭腩略嫌骨太多，無咩肉食。小菜份量偏細，但我覺得3人食是剛剛好，人均消費都係$85，所以無投訴，大食者建議再加餸加飯👀

#wetdodo_沙田好多食店都關咗好一段時間～但都陸陸續續開番💛而呢間出名嘅茶樓亦都係上星期六開番lu以前買過片皮鴨外賣 份量都幾足～今次試下佢地既點心🤪原來下午茶1:30就開始🙆‍♀️比一般茶樓早半個鐘！好爽！而且呢到都幾乾淨🤓啲餐具係茶樓中央有個位置統一蒸煮拎上枱時熱辣辣 自己唔洗再額外洗餐具留意番以下價錢係星期六既價錢黎下午茶張點心紙：星期六、日、公眾假期每款點心+$2———————————————————————💛陳皮牛肉球 $20 🌟🌟🌟😋：8.5/10牛肉球質感彈牙好咬夠結實 又大大粒入面有馬蹄粒好爽口 增添口感散發淡淡陳皮味 幾出色💛香煎黃金糕 $19 🌟🌟🌟😋：9/10呢個我會覺得係必叫的～之前食過一啲茶樓既煎黃金糕會好乾身但佢呢個就啱啱好 外脆而入面仲軟軟地身食到黃金糕獨有一絲絲既口感而且聞落已經好香 真係色香味俱全😛💛杞子桂花糕 $16 🌟🌟😋：8/10桂花糕係最早黎到既😂因為佢凍上唔洗等🤣就咁睇都見到入面好多杞子同桂花整體幾清甜 鐘意桂花糕既話要試下～💛鮮蝦菜苗餃 $23 🌟🌟😋：8/10雖然上枱時有一粒散開咗🤣但冇損佢既美味相比蝦餃 其實我就更鐘意菜苗餃～通常都

知道佢重開後，心思思又想食片皮鴨。既然冇晚市堂食，咁咪食中午囉，仲可以食埋下午茶點心，一舉兩得。片皮鴨（$178），鴨保持水準，皮脆冇肥膏又有肉；餅皮轉咗，薄咗細咗（冇得一開二😂，之前又大又厚），而且好衛生，每塊餅皮都用蒸紙隔一隔，方便拎，唔使用手上下兩塊皮搣開，抵讚。二食，七彩炒鴨絲（+$30），大大碟，超抵食。不論鴨肉、蒜芯、韭黃、芽菜、大蔥，都超多。有鑊氣，又夠惹味，啱哂鐘意濃味嘅我。（最後當然食唔哂，+$2要個外賣盒打包）原籠馬拉糕（$21），即蒸的確唔同啲，熱辣辣不在話下，最掂係冇倒汗水，整個都好乾身。搣開即刻聞到椰香味，咬落鬆軟，好耐冇食過咁高質嘅馬拉糕。香煎蔥油餅（$17），同樣即煎，外面微脆，裡面軟淋，淡淡香蔥咸味，好食。蟹籽燒賣皇（$21），又係即蒸，大大粒，味道正常。PS：下午茶茶芥$8@，另收加一。

帶眼鏡嘅收銀呀姐態度超差，幾黃幾好食我都唔會再幫襯。佢當個個都係熟客，熟晒佢啲餐牌，同埋佢個酒樓運作，直情唔俾問，一問即黑面。我第一次去就俾佢咁嘅態度對我，我真係呢世都唔會去，請我都唔食🤬🤬

聽人講富東閣既片皮鴨性價比高，早前因為疫情影響而停業一段日子，依家終於開返啦。片皮鴨一食 星期一至五 $178星期六日 $198堂食外賣同價，堂食加一服務費，外賣免加一我地叫左一食外賣，另外再叫左糖醋排骨($108)，佢都有外賣小菜優惠買三餸送一餸，每款$85，如果只叫一餸就收正價。我地去到個時都有好幾個人等緊外賣，個個都係叫片皮鴨。我打過去問酒樓職員要唔要預訂，佢話有足夠片皮鴨供應，暫時唔需要預訂既，咁我去到都仲有得買，同埋見燒味部職員雙手捧住好幾隻鴨入廚房切片既。等左唔係好耐就拎得，大約十分鐘左右，都算好快👍🏼同埋聞到啲片皮鴨好香🤤超想即刻食！返到屋企啲餸都仲係微溫既。片皮鴨既份量係夠四人食既，每人大約包到2-3舊，佢既片皮鴨係有皮有肉，仲要係厚肉，有啲餐廳係只有皮冇肉的，佢就啖啖肉，冇咩肥膏。餅皮與餅皮之間都有大大張紙隔開👍🏼好容易就撕開，只可惜佢啲餅皮有啲厚，包左一兩塊黎食就唔想再食了。配菜青瓜同蔥絲都比較多，厚切既，可以放多少少包片皮鴨食，去油膩感。而醬汁方面就一般，味道唔夠出，可能要沾多少少黎食。片皮鴨整體黎講都ok啦😐糖醋排骨正常發揮，如果啲排骨再煮耐少少應該會更好食既，

#黃店🇭🇰沙田-富東閣唔知有冇朋友仔食過呢間良心酒樓呢～～小編就大愛佢🥰前排佢地因為疫情停業 最近終於開返啦 小編梗係第一時間衝去買我最愛嘅片皮鴨💛👍🏻估唔到咁多人都同我一樣等咗好耐 嗰日去到排晒大隊 超多人等外賣 仲要聽到好多身邊嘅人都係話跨區嚟買～～⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗👅片皮鴨(一食)(⭐️9/10) $178一SET包括：片皮鴨、荷葉餅、蔥絲、青瓜條及醬料佢哋嘅片皮鴨係即叫即整，荷葉餅收到既時候熱辣辣，拎到返屋企仲係有暖嘅感覺(我返屋企要成一個鐘)～～而且佢每盒都份得好好，每塊荷葉餅都會用張紙隔住 唔會黐埋晒👍🏻而且佢配料嘅份量都十足 絕對夠食晒啲片皮鴨☺️而片皮鴨佢切得唔算薄，但我覺得有啲肉都好好食～～同埋佢真係大大隻 有成差唔多20塊肉 好抵食😚溫馨提示🫶🏻 片皮鴨星期一至五$178；星期六至日及公眾假期$198⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗🎏地址: 富東閣海鮮酒家 (沙田)1.沙田瀝源街6號瀝源廣場1樓5號舖

一早去掃墓，搞掂都只係九點鐘～搭去沙田試想試好耐嘅富東閣，飲啖茶食個包！早排裝修，呢排先開返！呢間酒樓幾多點心款式，好多樣都想試…不過胃就得一個～今日即管挑戰四碟啦！(真係好想試)奶皇千層糕第一樣上枱嘅食物！熱辣辣，正！千層糕上面有些少鹹蛋黃碎！好耐冇食過呢隻味道！香茜叉燒腸呢個第二樣到嘅～但食落口係凍嘅🤐而且皮比較厚，叉燒麻麻地～睇黎腸粉可以不試😬肉骨茶鮮竹卷賣相幾正咁！食落就唔覺有肉骨茶味，但個湯的確好！鮮竹卷皮又滑又薄，入面嘅材料正正常常～呢個鮮竹卷值得試！鵪鶉蛋燒賣呢個賣相得之餘，味道都好好！豬肉爽口，蝦新鮮我呢個春蛋愛好者要比90分佢！呢度啲侍應姨姨、叔叔好勤快！整體味道OK，重點係有出面好少有嘅點心！下次再黎試埋其他先！

好耐無去茶樓飲啖茶食點心咁嘆了,富東閣依家無開門,好彩我十二月時黎左富東閣攞返飲茶食點心嘅感覺第一次黎,見啲點心都幾抵食,味道都相當之唔錯椒鹽豆腐炸衣夠薄,上面嘅味粉唔會太多,整體做得好好,好惹味海蝦伊麵有好多隻蝦,伊麵份量都幾多,而且好多芝士,味道唔錯呢碟裏面有叉燒腸同蝦腸,蝦肉彈牙,叉燒入味,腸粉唔會太淋太硬,做得唔錯流沙包大大隻,味道中規中矩馬拉糕大大份夠抵食,回彈力高水晶包唔推薦叫,個皮有啲硬同埋啲餡料爆左出來,黃色個粒食落唔似奶黃,但食唔出係咩饀大致上都相當唔錯,價錢都幾平,不過唯獨係水晶包唔推介比大家

雖然飲早茶勁多人勁嘈😂但姐姐啲態度都幾好 不過佢哋真係好忙好似打扙咁🤣🤣呢度有鵪鶉蛋燒賣！好好食又唔貴！一定要試都嗌咗幾多嘢下冇樣嘢係伏！兩個人埋單200幾蚊好似少貴咁 但飽到晏就頂兩餐就打和啦🤣