富港酒家

Open Now

Now Closed

好抵食 同屋企人食過幾次但係次次門口都好多人要排隊咁假嘅服務又唔係睇留言咁差客人很多 但待應最少要也動作快，上菜快 也沒黑面 也會經常幫客人換碟免茶戒免加一很經濟。特別推介燉湯 足料好夠味 又大煲好多骨同肉 仲有螺片街市買料自己煲都唔得乳鴿都好好食 好嫩口juicy 皮夠脆仲有蟶子王必食 $38大大隻 仲有佢見到佢貼住個poster有一個套餐1680 夠12個人食 有燒鵝，有雞，有魚，有鮑魚………下次會想試吓 非常適合之一家大細 經濟之選

第一次黎依度食野。從未體驗過咁差的服務態度。同經理講鳳爪餿,佢的回應是：今朝賣左咁多，都無人咁講。本身鳳爪係酸。佢的意思係你味覺的問題，唔關佢的事。但食左咁多年鳳爪都唔係咁的味道。上菜仲搞笑，就上菜同事方便，要我哋起身讓俾佢上菜，前提隔離有位上菜佢唔上，強硬要我哋起身俾個位佢上菜，話果位職員，佢仲惡過你。咁態度真係第一次見。真係好野👍🏻味道普普通通，無服務就算，但差到咁都係第一次遇到。😒🤬😡

雖然這間酒樓收取價錢較平，茶介及加一全免，相對質素尚可，始終一分錢一分貨。但這里的職員工作態度一般，尤其是一位自稱經理的女士，態度極之差及擺出一個不可一世目中無人的工作態度，自覺高高在上。今時今日就是這種人攪死香港飲食業，要比錢，仲要受氣。難怪愈來愈多人不願留港消費。奉勸酒樓老闆，需要重新檢視及陪訓員工的工作態，吾係價錢平，就可以為所欲為，而係應該怎樣留住客人，做生意最重要有回頭客。可能這間酒樓老闆吾休做啩，而形成有部分員工出現這種情況吧!

今日飲早茶遇到女侍應同茶客鬧交，嘈到酒樓所有人都 望過去，我本嚟約咗一個好耐冇見嘅朋友飲茶聚舊，對方講嘢都聽唔到，嘈生曬 希望酒樓管理層正視員工服務態度，做飲食業係要有好嘅服務態度，做侍應絕對唔應該大庭廣眾同茶客大聲對罵😠

店名/Shop Name：富港酒家 (彩虹)地址/ Adresss: 彩虹坪石村商場1樓種類/Type：港式酒家晚餐推介/Recommend：清蒸蒜蓉蝦，清蒸海斑，通菜炒牛肉，醉雞人均價錢：80至$90/1人免茶街免+1講識走㗎，海鮮火候控制得剛剛好，惜才新鮮，非常鮮甜美味清蒸蒜蓉蝦清蒸開邊蒜蓉蝦是一道美味的菜肴，讓我來形容一下它的特點。這道菜以新鮮的大蝦為主要食材，經過清蒸的烹調方式，保留了蝦肉的鮮嫩口感。蝦子的開邊處理使得蒜蓉調味料更容易滲入蝦肉中，增添了食材間的融合感。蒜蓉醬汁是這道菜的亮點之一。蒜末經過炒熟後混合了其他調味料，如醬油、豉油、蒸魚豉油等，使得蒜蓉醬汁帶有豐富的香氣和深厚的味道。它為蝦肉帶來了濃郁的蒜香味，與蝦的鮮甜味形成了美味的對比。整道菜的外觀也非常吸引人。蝦子呈現出粉紅色的外殼，蒸煮後更加鮮亮誘人。蝦肉鮮嫩多汁，質感細膩。蒜蓉醬汁裹覆在蝦身上，形成一層微微黃色的薄膜，使得整道菜色澤均勻鮮亮。總的來說，清蒸開邊蒜蓉蝦是一道口感鮮美、味道豐富的菜肴。它將新鮮的蝦子和濃郁的蒜香調味料完美結合在一起，既保留了食材的原汁原味，又帶來了獨特的風味體驗。無論是外觀還是口感，

同嫲嫲姑姐好耐冇見所以成家一齊去聚餐呢間酒樓好耐冇去食聽聞裝修左，靚左又有笠所以媽媽的腳行動麻麻，唔使行樓梯都幾好裝修完真係幾好，喺個廁所都係麻麻哋😂我哋散嗌⋯⋯最令人驚喜嘅係後尾叫嘅椒鹽豆腐外脆內軟，好正冇食過椒鹽豆腐好似呢間咁好食食到姨甥仔本來停晒手，逼佢試完一嚿佢自己係咁夾😂然後係沙律骨都好味道，係大舊左D D D D其他菜式普普通通雞煲唔夠熱，啲雞唔夠嫰龍蝦伊麵不過不失不過以性價比嚟講係好好食呀🤭

彩虹坪石:有間「的酒家」在平台一樓：『富港』當日全場爆滿 , 在無訂位情況下都算快, 等了30分鍾就有位坐每一味餸都材料就好十足，好抵食。推薦椒鹽魷魚，好惹味，又新鮮, 熱辣辣 👍🏼👍🏼燒雞全隻都是88元, 超抵…..燒雞熱辣辣…仲好JUICE ……仲有蒜容蒸特大蟶子皇…大大隻, 又清甜, 又爽口, 啖啖肉, ---->必食金銀蛋炒莧菜, 正常味小炒皇有點失勢.....不過十隻手指有長短, 唔會樣樣餸都是一哥嘅.....如果要高服務質樸的你....溫馨提示你唔好黎.....因為這裡....不是服務不好...而是太忙.....

樣樣都好大份，比起其他酒樓點心數量相同，但係材料就好足料，好抵食。推薦椒鹽魷魚，調味料好惹味，炸粉醬又好薄👍🏼👍🏼👍🏼七味豆腐和鮮茄腐皮卷就麻麻地最重要係免加一免茶芥，叫左12碟賣單都只係$460。

彩虹有間「大酒家」在平台一樓：『富港』原來要上一層，但勝在有升降機，公公婆婆不要擔心要行樓梯上到去，間茶樓原來都幾大，但枱與枱之間不算隔得遠，坐落都有種壓迫 / 狹窄的感覺。望望點心紙先價錢算平，最平 HK$13.8孖寶仲抵，兩碟最平都只是 HK$20.8但指定要「肉碎粥」搭一款，我揀「粉果」肉碎粥份量：夠大碗，一個人實夠食味道：少少䶢材料：少少肉碎，少少皮蛋，不多料評分：2/5粉果份量：大大個，個個都脹卜卜味道：有芫茜和花生、肉碎味材料：好足料，多料到一啖食不晒評分：3/5兩碟（HK$20.8）已經食臍了！

天氣日日都咁熱 而家晏晝成3 40度隨便喺屋企附近搵咗間酒樓食個下午茶❣️ 竹炭黑金包 $28.8黑色個外表 同出邊嘅竹炭包一樣 賣相好靚皮同餡嘅比例三分之一 中間未至於做到流心效果 不過食落都好粉狀好正 味道都有啲似奶黃月餅 好香奶香味❣️ 潮州蒸粉果 $16.8一籠四隻 隻隻都好大件 中間好足料 幾乎滿晒出嚟 味道好夠 食完唔算太頸渴 唔算落太多味精❣️ 潮式糯米卷 $16.8舊舊好似拳頭咁大件 可以話係最抵食嘅一籠 包嘅部份好軟熟但可能因為放凍嘅關係 中間糯米部份有啲實❣️ 蜜汁叉燒酥 $23.8叫酥但實際上唔係真係咁酥脆 唔知係放耐咗定係點有少少淋中間叉燒餡都有啲肉碎 唔係剩係得個色 過下口癮都過得去嘅❣️ 蒜蓉排骨蒸陳村粉 $68第一次呢樣嘢份量好大 打開蓋就聞到蒜蓉味 淋啲豉油就食得 排骨舊舊都好滑 應該係即叫即蒸 見就見個底墊左塊荷葉 不過就唔係好食到有味

又係因天氣酷熱，唔想暴露在太陽伯伯的熱力之下，7月17日肥華就選擇了在此間酒楼飲茶用饍，貪其可以乘港鐵由住處地底來回可以避開邊度都有嘅陽光，其實以前有段時間肥華都經常到此酒楼食晚飯，因價錢經濟又無茶芥加一，用大排檔消費有酒楼嘅服務可以講係物有所值，而早茶午市肥華若要到牛池灣街市買餸亦會到此酒楼用餐，節省購物腳程，若論食物味道及價錢以屋邨酒楼唻講，此店恰如其份收取街坊消費價錢，提供屋邨茶樓風味嘅食品給顧客，若要求唔高到此酒樓用饍，係一個錯嘅選擇👍

朋友介紹，話這食店抵食，便相約朋友一試，8/12/2021（星期三）齊腳，訂了一席，無得輸，大件夾好食，正。馳名晚爐燒鵝，皮脆，肉厚，上枱時仍很熱，正。上湯焗大蝦球，份量足富貴炒龍躉球，龍躉炒得剛好，好味鹽燒南非鮑魚，超大隻，鹽燒更勝清蒸，好味富港招牌燉湯，唔駛寫，一睇就知足料，湯夠味，湯料都好好食，螺頭大大片清蒸龍躉頭腩瑤柱上湯浸菜苗，唔油，個餐太多肉，喱碟最快清晒金牌蒜香雞，已經好飽，都食咗2件，皮脆肉滑，夠晒味海皇福建炒飯，食咗小小，太飽啦，唯有打包

同遠房親戚飲茶，附近唯一酒樓，冇得揀。食過最難食嘅燒賣，好鹹，面頭嘅蟹子好紅😣。長條型春卷，其他地方食過都好味，呢度就鹹同唔脆。服務：冇受到不禮貌對待…但係舉手冇人理你…待應行過要叫停佢先得。P.S. 早市收茶收加一4人8碟野$220，唔貴，但係樣樣都差過平時（名港）少少。

今時今日仲有免茶免加一既酒樓，平日夜晚都好爆場，叫條蒸魚都係幾十蚊，如果6人以上就有2碟特價野擇，其他小菜全部都唔錯，埋單價通常一個人都係$100內😅😂😂係抵食既但唔好有太高要求😂

老人家都係鍾情於中餐，聽聞呢間酒樓晚市有$88驚喜優惠，五人同行可揀兩樣餸，仲要免茶芥，價錢相當吸引屋邨酒樓嚟講環境算唔錯，地方寬敞乾淨，好適合一家大細嚟食，印象加分游水沙巴龍躉（一條）（$88）條沙巴龍躉好大條，難得又蒸到恰到好處，而且肉質厚實嫩滑，簡單用甜豉油同香蔥作配襯，已經突顯到魚嘅鮮味，絕對係送飯嘅不二之選脆皮燒雞（一隻）（$88）色澤金黃，皮薄香脆，雞肉鮮嫩脂肪少，肉汁豐富，口感同味道都好有層次，屬高水準菜式，鍾意食炸子雞嘅朋友一定要試菠蘿咕嚕肉（$75）賣相誘人，酸甜適中，配菜有菠蘿、紅椒同洋蔥，果香味濃郁，咕嚕肉炸得外脆內軟，開胃得嚟又唔會太肥膩，一人一個白飯，飽晒！