富盈廚坊雞煲．海鮮專門店 (Moved) New Location

星期六晚最適合就去開心下 食餐好 今次搵左間雞煲連韓燒嘅舖頭 夠晒豐富 一入去就覺得好寬敞 唔會同隔離枱逼埋一齊 啲staff 仲好熱情同有禮貌招呼我哋同食客係我地坐低之後就介紹有咩選擇 我地就揀左BB辣雞煲 雞煲到左之後就有staff 幫我地睇住同搞下佢 一打開個雞煲就覺得好香 食落啲雞仲好嫩滑 連雞胸肉都滑 仲好入味 BB辣度岩岩好 好岩我地唔太食得辣嘅人 食完雞就自己拎湯同食材打邊爐 啲食材都係放係出面自己去拎 食幾多拎幾多 唔怕浪費 特別佢有一啲海鮮類 青口蝦個啲 用冰底墊住 唔怕變壞 其他都係平時常見個啲 肥牛 丸 腸仔 菜等等 而韓燒類嘅食材都好多 唔同部分嘅牛 雞翼 串燒個啲啦 燒起上黎我覺得牛舌係幾出色 好快就會燒好 而且好有牛味 又夠淋身 仲有多春魚都好好味 食上黎唔會有腥味同埋好多春 打邊爐啲食材都好鮮味 肥牛 唔會太過肥 淥完上黎仲係好完整仲夠牛味 下次黎可以唔食雞煲直接嗌佢啲湯底打邊爐 都好吸引 另外佢仲有啲小食可以拎 薯角呀 手拍青瓜個啲 可以過下口引～甜品係另一個胃 哈哈 有好多蛋糕仔同雪糕

好耐冇食過雞煲啦最近成日都冇出門，難得出街食同朋友見面就揀左食雞煲放鬆下叫左個BB辣雞煲同埋套餐包埋韓燒同火鍋🍲，正！一次過滿足晒三個願望。等雞煲加熱嘅時候就去揀飲品、火鍋同烤肉配料🥳飲品都幾多選擇，連啤酒🍻都有食完雞煲就可以加湯打邊爐另外一邊爐就可以烤肉雞煲：唔會好辣，好入味，夠哂惹味，麻辣嘅麻好正😋 雞件又嫩滑。可以慢慢食慢慢傾計環境寬敞、唔會迫 侍應服務態度好好有禮貌即叫即到掛住打邊爐 🍲都唔係影左好多相，呢個雞煲湯底加湯打 好好味，有即炸響玲索左湯味 nice! 有肥牛，貢丸，芝士丸，羊肉......腩片，牛舌..... 任君選擇。另外有啲飽肚嘅麵食：烏冬，出前一丁..飲飽食醉當然係食甜品 🍮 有一個雪櫃放各式果凍，蛋糕🍰，另一個雪櫃放左多款雪糕 🍦過左個超飽嘅情人節🥰🥰🥰

十一點入座 講明食到凌晨一點 十二點個阿叔熄冷氣熄電視 大佬熱辣辣點食呀阿叔跟住講左句:我無車番去喇 食完你地快d走啦 真係未見過原來咁樣都得 我係特登download openrice寫呢個寫評

富盈真係成日都食，基本上一大堆人諗唔到去邊就會選擇去個到食，因為唔洗用腦諗，但就因為咁所以我決定要寫翻一篇食評。今次同兩個fd一齊食，大家都其實吹水居多，但個場又多人，侍應就唔夠人，變咗我地想加雞個時都等好耐。食物就真係好普通，依個就不嬲，但對比以前，真心覺得質素差劣咗，就好似牛肉多肥咗。不過都算啦，但重點係黎野唔算快，所以導致我地都唔算食得好盡興，仲要今次黎竟然冇牛奶樂，真係有d失望😭😭😭

一間火鍋店好唔好食，一定係睇肥牛，肥牛又鞋又un又乾，un過八十歲呀婆塊面，雞煲淡而無味。一夠鐘超冇禮貌趕你走之餘，已經停手唔食，只係等朋友去廁所返來走，個呀姐仲要特登勁大力倒啲食物殘渣落個鍋度，彈到周圍都係，直頭彈到我同朋友個身，好似想倒水趕客走個種，叫停佢仲要話返你話你班人夠鐘就好走啦。繼而有個男人經過，我問佢係咪經理，你伙記撥到我，佢仲扮聽唔到，之後問多佢幾次，先應你，仲一齊話返你:夠鐘就走啦！其實百幾蚊一個人都唔求你有五星級酒店服務，但係基本做人態度禮貌都唔識？完全貼錢買爛受！永久罷食此等垃圾食肆！🤬PS: 我同朋友當晚食完都有輕微肚屙，想清腸胃可以去幫襯下，感受下世界級服務水準！

星期一晚上去食唔算好多人但員工服務態度都幾差 冇乜笑容仲要一夠鐘就趕你走食物質素麻麻 雞煲唔錯 但肥牛好韌 魚蛋淡而無味 魚片頭有陣雪味 其他配菜都好麻麻埋單$176一位但咁既質素係絕對唔值呢個價錢唔會再幫襯

服務員態度惡劣，叫服務員加火鍋料，加左半個鐘頭先出現到。坐未夠鐘就已經開始趕你走。一夠鐘，服務員九秒九走入嚟收晒枱上面所有嘢，真係貼錢買難受。雞煲味精味重，雞肉非常老，火鍋料不太乾淨。食物質素普通，衛生情況普通之如仲要一啲服務態度都冇，奉勸大家唔好幫襯。係香港生存左咁多年未試過去一間餐廳服務態度咁差。我真係唔知道啲服務費收黎做咩。今時今日咁嘅服務質素真係第一次見。睇到呢個食評之後一定唔好嚟幫襯。差評！！！

行街經過行左入呢間店，純粹想同朋友聚下，係可以接受位於麥花臣體育館入面，位置算幾方便易搵，旺角東站出左，落天橋過條馬路就到晚市分左幾輪，限時兩個個鐘左右，一夠鐘就會趕你走，唔走可能會拿掃把拍你走。叫左個懷舊糯米雞，雞肉質鬆軟，半截臘腸的肉質鬆散，肉碎醬汁味濃，糯米煙韌鬆軟。不過，水份較多，好處是飯質較黏，糯米飯差不多溶在口裏。粉絲睇落以為會好淡，實際食落味道啱啱好，適合食齋嘅人。下次都唔會來了。次次都趕人走。

一班朋友最適合就是打邊爐/放題/雞煲, 今次選擇了近旺角東站的雞煲, 提早預約的話不用排疋.地點有點難找, 因為是在樓上鋪, 而外面又沒特別的招牌.飲品和食物選擇算多, 不過甜品非常一般, 只有雀巢雪糕和一些自製的蛋糕, 味道有點難接受.不夠8位朋友的要額外加錢才能有2個煲, 加上是星期六開心時段, 結帳差不多要200.

呢間雞煲之前都食過幾次 今次見有團購即刻買咗兩張 去到5:30 門都未開😂 等左陣就有得入去食啦 入到去阿姐即刻問我地雞煲要咩辣度 我地揀咗中辣 由於時間尚早 場入邊得三台 咁樣仲正 出晒嘢食嘅速度都快啲 同埋服務都好👍🏻👍🏻等左一陣香噴噴嘅雞煲黎啦 要煮多3分鐘先食得 一邊煮一邊已經聞到好香嘅味 忍唔住打開咗個蓋幾次🙊 時間一到 我哋即刻食 正👍🏻😍 味道同以前一樣甘好食 果然冇選錯 一次雞嘅份量都夠我哋兩個人食 我哋encore左兩次 因為太好食啦 又夠辣 又夠麻 又夠入味👍🏻👍🏻 其實今次主要都係嚟食雞煲 此行冇失望 今時今日仲有雞煲任食嘅 淨返好少間有 所以下次會再嚟食 建議大家早d黎食 因為一到7:30左右開始多人啦

呢間服務真係不值一提！ 不論任何 問題， 佢哋都只會覺得 係客人唔啱， 佢哋乜都啱， 就連火鍋 個爐 唔熱， 都係客人嘅問題， 唔關佢哋事， 亦都唔會換枱， 更加唔會換走個爐， 個經理淨係覺得 客人玩佢， 在場仍然有多張枱是沒有人坐的， 真係唔明白。 最後， 無端端走埋嚟 話要埋單， 冇得講咁多。 只係話你們上有十分鐘便要走喇 ， 問佢， 你個爐 成日都停 ， 但係就繼續續兩小時 ， 便即刻趕我們走 ， 實在不合理。 同佢講 ， 佢只係答， 公司沒有這規矩 各位想到這裏食飯的朋友， 你們真的要注意， 如果是聚會、生日、 招呼親朋戚友等等， 勸喻你哋 真的要三思， 免得大家會唔開心。 至於食物質素， 實屬普通。

去旺角富盈食雞煲一直係我心頭好🤤🤤通常都係選7點幾的時間去食今次同班姐妹聚會又係去個到食！！！無論幾多次去到個到，D水準都無下降一樣咁好食👍🏼👍🏼👍🏼D雞有分 大，中，小，BB辣肉質又嫩滑，一D都唔梅，食得出係新鮮雞🤤🤤，我係咸左少少 ，唔想食咁咸的朋友可以加湯底 等佢無咁咸餐廳建意食法最好就係食完雞，食夠了再加湯底打邊爐，但都可以一路食雞一路打邊爐，如果你唔介意D雞無咁濃味飲品方面選擇都幾多，但我最愛的都係佢地餐廳出嘅豆漿 ，真係超好飲！黎遲D就會無曬😭 有時真係飲豆漿都飽服務態度D嬸嬸叔叔態度好好，好親切，又會同我去講D雞幾時食得 所以e間係食雞煲的首選👍🏼👍🏼👍🏼👍🏼

唔係要極好服務態度，只希望侍應們有少少做人嘅禮貌。可惜無乜。後生侍應只顧傾計講女仔講去飲酒講去玩講打機年紀大嘅黑面黑聲眼啤啤咁嘅態度，食物再好食、價錢幾抵都再無下次。更何況食物非常普通。

由於都唔係第一次去所以食物都唔會有咩期待200蚊樓下, 咪當同朋友食下飯聚下舊全間鋪最有禮貌就係門口果個, 起碼有句新年快樂咁耐無去, 估唔到食物品質下降到咁仲夠膽話係雞煲專門店???D雞呀, 完全似係用水煮熟再放落D汁度咁完全無炒過無盛算啦, 可能每間做法唔同火窩料叫左一輪就無再叫D所謂肥牛, 肥仲多過牛, 係肥牛定牛肥呀??都算啦食左大約個半鐘左右, 個四眼阿叔走埋黎話仲有20分鐘要落單就快, 叫我地順手埋埋單, 之後就掉低左張單咁果時我同朋友都已經開始拎緊錢出黎架啦反正都唔打算再叫野食, 食埋剩餘既都想走隔左半分鐘都冇, 個四眼阿叔又走返埋黎我地張枱度成個人棟左係度, 又話幾錢幾錢, 一手拿起張單同部分錢我真心火左, 我地仲有20分鐘, 同幾錢張單無寫咩寫乜佢係度催催催, 門口果時已經唔係多人等, 亦唔係無吉枱催你阿媽呀催, 如果你話我地係食度過哂鐘既就係我地問題姐仲有20分鐘, 仲要咁樣催法, 態度又差呢間野真係唔會再去!! 垃圾!!

黎左呢間食雞煲幾次，如果不帶任何期望，純粹想平平地同朋友聚下，係可以接受位於麥花臣體育館入面，位置算幾方便易搵，旺角東站出左，落天橋過條馬路就到晚市分左幾輪，限時1.5-2個鐘左右，一夠鐘無論食唔食得晒叫左既野都會趕你走，因為門口超多人等緊。呢道冷氣都開得大，雖然難免一定成身打邊爐既味，但都可以接受。又未至於勁劣食，但唔理衛生同食物質素，價錢係吸引，below$200，成人$170左右一個人，任飲、先食雞煲、再任叫打邊爐、同有雪糕甜品任食。