富盈廚坊雞煲．海鮮專門店 (Moved) New Location

呢幾日好凍呀，打邊爐係很好嘅保暖方法😂我當然都黎返個雞煲🐔火鍋🍲取暖取暖😍🤤.講到可以任添雞嘅雞煲，富盈唔係唯一一間，但就係我一諗就會諗起嗰間😜叫咗中辣嘅雞煲，發現中辣原來都唔算辣😛特別一提係加雞可以揀唔同辣度架，例如你一開始係叫咗中辣雞煲，添雞都可以添大辣嘅雞。除咗雞煲雞可以免額外加錢無限添之外，亦有任飲任食火鍋 是常識吧😼基本上普遍嘅火鍋配料都會有，上菜又算快同齊。另外飲品選擇都多，較特別嘅係有杯裝豆漿呢🥤甜品就得雀巢杯裝雪糕同牛奶樂。雪到硬成石頭嘅牛奶樂，唯有用偏門方法⋯⋯😂.個人覺得絕對係一班人聚會/reu嘅好選擇，而去倒發現原來都唔小係兩個人去食😆乜都計哂之後人均先$16x，食足兩粒鐘，又真係幾抵食嘅😝呢到永遠都好多人係門口等位，想黎食記得book定位啦🙋🏻‍♀️

今晚同班台灣朋友Book左9點鐘7大3小。去到等左45分鐘先有位。一開始個帶位姐姐都幾有禮貌。見我地有3個小朋友都主動問我地要唔要BB椅。但去到張枱度都未座低就有個著住黑衫黑褲既中年呀叔話我地架BB車阻住佢。我正想開聲話佢之制個帶位姐姐已經話佢:人地啱啱先黎到座都未座頂你吹咩姐!!!???食物方便，雞煲味道一般，無咩特別!叫親加雞叫成3，4次先黎加!張紙既食物基本上叫咩無咩!只會俾啲最平既菜，丸，黎質飽你!!!!!!最後甜品出面部雪糕櫃啲雪條，11點已經無哂，問一問其他雪櫃會唔會有，點知又問中個黑衫呀叔:佢重好串感講:你睇到個雪櫃有就有!無就無架啦!!!!梗唔梗我幫你落樓下7仔買俾你呀!!!!!!!!我如果唔係有台灣朋友喺度，我已經發左火鬧爆佢!!!P.S:俾錢買難受!呢個價錢大把好個呢間!!!!!唔會再去

本來食開幾次唔好食都算，點知今次店員表達唔清晰，令到我地張枱要遲差唔多成粒鐘先有，我地等左好耐而且其中一店員態度極度惡劣地呼喝我們。在我們相議中，店員們一點抱歉既意思也沒有，還在理直氣壯。十分失望氣憤。

好耐冇黎 凍凍地又想食下雞煲 上個月黎既 一直冇時間寫 雞件滑溜 味道幾合我口味 少少辣又惹味 好快食完之後加湯開始火鍋食物選擇都多滿足到我 我想食嗰堆基本上都有 飲品雪條都有好幾款簡下 呢個價錢算唔錯早少少食有優惠 好似係5-7點 豉油要另外俾幾蚊 圍返約一人約$160左右

招牌鳮煲一般般。好咸，唔好食。價錢中間價位，比他平既仲好食過他都有，失望。最搞笑係要做會員先可以食，仲要填身份證。。。。服務超差，同事服務好過個經理，真係奇聞。

今日收咗工突然想食雞煲, 之後收咗工就直接落去富盈. 其實之前都嚟過一次, 覺得都幾好味 價錢又合理, 所以 翻桌佢一次. 點知上到去 話而家只招待會員 當堂打左個突 以為冇得食, 好彩可以即刻申請做會員( 其實好無聊). 不過對我嚟講最緊要有得食, 雖然多咗好多免費湯底選擇, 但係我個人比較專一, 都係揀返中辣嘅元祖雞煲. 除了任食火鍋配料之外還有特價追加食品。 價錢經濟， 但因為我主要真係想食佢啲雞多D， 所以冇加到 另外可能因為轉咗比遊樂場協會承包， 多咗個生日優惠都幾抵食 當天生日嘅朋友千祈唔好錯過這個優惠 等咗十分鐘左右雞煲終於出場。 雞肉嫩滑，份量夠味道依然很惹味好味 其餘火鍋配料全部正常嘢， 肥牛真的很肥 ，很多肥膏 今次唔多講喇因為我主要真係鍾意食佢啲雞姐。

呢間垃圾叫最後一輪order只會比cheap野你食, 求其比d菜同麫塞飽你就算, 嗌幾碟肉一碟都冇黎過,叫個阿叔既侍應黎追單仲要串返你轉頭, 話自己一日做咁多張枱鬼記得你叫過咩, 要既就再寫紙, 又話就夠鐘交枱比你都食唔切。 大叔你碟肉好多塊好貴咩, 最後只係比得一碟黎, 當人黎乞食咩, 做任食又怕人食窮你既就執左佢啦! 同埋係你地特登執漏, 講到係d客唔岩?!如果呢間野個老闆見到, 我勸你炒左果兩個阿叔啦, 成日攞d客黎發脾氣, 幫你趕客就有份! 最'興'既係拎野飲果陣個阿叔又係度串串貢咁同d客講拎完就走啦知唔知自己阻住哂架, 嘩! 心諗我地黎食野姐, 你咩野態度? 可能呢間野以為服務態度唔重要掛, 之前d食評已經講過幾次都冇改善過既! 題外話佢個所謂既雞煲, 皮同骨仲多過肉, d丸好難食, d肉又勁重雪味, d雪糕仲要好明顯係溶過再雪既, 排便唔暢通既又鐘意貼錢買難受既可以一戰囉!

我和不同朋友食飯，就會去不同的地方食嘢，就好像一大班朋友，我們通常“柴娃娃”去打邊爐，因為盡情叫嘢食，盡情吹水，快樂就係朋友聚一聚咁簡單。此食店2小時任食，有無限量雞煲供應，以及無限火鍋料，每位$138，連醬油及加一都係$170，抵食。火鍋料選擇尚算豐富，有牛、豬、雞等基本食材，夠新鮮，而招牌雞煲味道不錯，滾起更加香氣四飄，雞肉入味，配以洋葱及阮茜更能提升味道及口感。整體食物不錯，價錢大眾化，值得再食。

我一個人食，點咗一籠蝦餃、燒賣、一碟白灼菜心，落單時間係1119，食物係1130左右先到，我覺得等嘅時間可以再改善吓。味道方面我覺得一般，蝦餃皮好煙韌蝦肉彈牙，但有啲蘇打味，菜心有點老，燒賣味道比較好。服務態度冷淡。價錢係低嘅，正所謂一分錢 一分貨嘛！叫左三樣嘢，再加一，共$75，都低食嘅。如果你唔係追求味道或者服務嘅，呢間係唔錯嘅選擇

食到淨番半個鐘既時候已經好似要趕我走咁，最後10分鐘仲有個阿叔衝埋黎話要清枱，一路鬧一路趕，兇神惡煞咁既款，一野掉左啲點餸紙同垃圾落個煲度，彈曬啲湯出黎，差啲彈到我朋友，十分危險我地仲食緊都比佢搶曬啲餐具見到佢咁冇禮貌咁暴力真係完全唔會再幫襯

星期五晚約了幾位學生到旺角奶路臣街富盈海鮮火鍋食雞煲， 任食任飲火鍋，我哋約6點入座，限食兩小時，價錢148蚊一位雞煲的雞肉仲可以任加，味道也很好，熱辣辣好惹味，但雞肉是生的，要煮熟先好食。我的學生坐下來點了很多不同種類的火鍋配料，肥牛、豬肉、各種丸， 應有盡有，而 我最愛肥牛、支竹及炸魚皮， 任食任點，感覺相當抵食。飲品方面，有豆漿、 石榴汁及各類汽水， 雪糕是牛奶公司嘅雪糕， 而我最鍾意食嘅係芝麻雪糕味都唔錯。最遺憾嘅地方 就係得兩個小時， 食咗個幾鐘頭呢就有電源嚟催促， 感覺非常時間緊迫， 下次如果時間許可，就九點鐘之後入咗，都係一百五十幾蚊時間不限， 就會較為抵食。

任食雞煲從來都係宵夜之選，今次經朋友介紹黎富盈食，因為朋友話雞係任添任食，聽到即刻雙眼發亮。初頭覺得有無甘著數雞都任食，係米我第二碟後就好求其無咩味，但原來唔係，不論第一定第幾碟，都係好入味。甘樣既好處就係唔會放湯打邊爐既時候令湯底或者d雞味越黎越淡。佢每啦一碟雞份量好少，但都好過太多食唔哂。而佢打邊爐既材料款普普通通，但食得雞黎都好少食其他野。要提既係可能太多人太忙，有時嗌佢地要嗌多幾次先幫到手。

呢間食完雞有得加雞都好似幾好甘，我地驚太多就問下男人侍應加雞會有幾多，佢口upup完唔知佢講咩 都唔係答我地野，跟住又無幫我地落單，唯有叫第二個姐姐，之後第一張火鍋料已經漏單 就算有黎都係好少量，食物款式少 再加上漏單 根本都無點食過野到甘上下佢地有人拎單黎話二十分鐘前埋單 但可繼續食，甘都明既咪埋單先，點知轉個頭就黎熄我爐，原來係熄錯咗枱 又要開返，個呀叔又走埋黎話我地要走 又點點點 講野一舊舊 根本唔明佢講咩，我地已經話準備走 食埋口果啖，佢又嘈嘈閉，態度差到無論！你要做生意都唔係甘，爭一分鐘都唔得 要你立即走，你出面又無客 大把空枱，同行朋友提議不如叫佢裝個timer係枱 一夠鐘就響 你唔需要行埋黎講啦！其他員工係無問題的 好正常，係個呀叔好差😡😡😡😡😡絕對絕對絕對唔會再黎，食吉野家都仲開心😤😤😤

今晚我們諗唔到晚餐想食咩？行吓行吓行到去旺角奶路臣街見到「富盈廚坊」嘅招牌，所以就決定食鷄煲火鍋！今次我們想同以前嘅唔同，所以今次我們唔係叫他們嘅招牌鷄煲，而係叫呢個養顏花膠魚翅鷄煲，由於呢個係屬於火鍋湯底，所以無得任添已煮到半熟嘅鷄，而係叫火鍋配料嘅鮮鷄件！一開始上碟係一個好清嘅湯底加埋鷄件，而花膠同魚翅就係另上，之後再加埋落去一齊大火煲，就變成鮮甜濃郁嘅鷄煲翅湯底，我們飲咗一碗覺得好好味，所以飲多碗，飲吓飲吓就飲晒全煲，之後就叫店員幫我們加湯，但加嘅祇係清湯！所有火鍋材料都幾新鮮，而且清洗得都幾乾淨！今次食呢個養顏花膠魚翅鷄煲覺得都幾好，可以食到所有火鍋材料嘅原汁原味，唔會好似招牌鷄煲咁，祇係食到超濃郁嘅醬汁味！

因為朋友住呢頭附近有一次帶左我落黎呢度飲茶一食之下覺得爸媽會喜歡就帶哂佢地兩個一齊試下岩唔岩佢地口味啦😂😂😂蝦餃賣相漲卜卜，有好多蝦，而且爽口彈牙👍🏻👍🏻👍🏻雞包仔既麵粉好味，有大量配料如芫茜薑，味道配搭得宜媽媽至愛既棉花雞，雞件嫩滑，魚肚發得好，的汁不會太鹹老人家早茶喜愛食飯，呢個鳳抓排骨飯老豆都話好味呢個鮮蝦菜苗餃個皮"煙un",材料新鮮炸物係我老豆至愛，加上入面有蝦，芹菜等等，香口味美叉燒腸ok灌湯餃係我既最愛，當然係食至一滴不漏啦呢個鴨腳紮我媽媽好喜歡，入面有野腳，蝦膠，芋頭。而家好少地方有得食，所以媽咪話要Encore 😂😂😂最後桂花糕為呢餐作完美句號👍🏻👍🏻👍🏻幾好，不太甜總括黎講呢度的確性價比高食左十樣野埋單唔洗$200一定會再黎😍😍😍P.s聽聞呢度雞煲都唔錯