富華餐廳

Open Now

Now Closed

下午茶時段，都算人多，可能係週末關係， 等待的人都比較多， 但好快就有位， 地方坐嘅位置算是比較狹窄， 一個人兩三人一齊食都可以接受， 如果人多 一班人 的話就真係好逼， 唔建議 今日叫咗炒牛河 同埋煎蛋 菠蘿包 ，配合埋埋冰凍紅豆冰，天氣炎熱時間，簡直一絕。乾炒牛河夠鑊氣，唔算太油 ，但都食得出係用頭抽炒。煎蛋菠蘿包， 呢度di菠蘿包好食，好香好新鮮香噴噴，脆卜卜， 紅豆冰就一般般，紅豆比較細粒，但係都係完整一粒粒， 唔算太甜。 總體嚟講今日叫嘅兩個下午茶 都合格

因為喺附近返工 覺得呢間茶餐廳啲嘢平得來又幾大份 所以間唔中都會食。其實啲嘢食就不過不失 正正常常咁樣 真係貪佢大份 價錢又平。只不過 有一個阿姐啲態度就真係好差 🤷🏻‍♀️次次都好似得罪咗佢咁 叫佢落單又唔應。跟住埋單企喺度等佢好耐 走到埋尼講一句 唔使找，就唔好企喺度啦😡雖然我都明 茶餐廳就唔好要求有咩服務 但係都唔使咁樣掛。我自問一定唔係冇禮貌嗰種 所以都唔明點解會咁下次都係唔好食 費事俾錢買難受。有時都明嘅可能好多客 忙得滯 所以心情唔好。但係你都唔使下下呼呼喝喝啲客呀嘛。

今午有事走到三坡坊附近，肚子餓了，發生好幾間餐廳都沒有堂食，有堂食的餵口又不合，想食焗豬扒飯，富華有，又未食過，不妨一試。舊舊地嘅茶餐廳，餐牌都係咁，即管睇吓點。有送湯，大路嘢，比較水。焗豬扒飯，最後等咗25分鐘。我知即焗，但一睇都知無乜焗啦，無啲色水，溶咗啲芝士就算。炒飯都算乾身嘅。豬扒普通嘢，煎都無煎過。梳打粉都嗱到無咩架啦。個汁又淡又無料。其實呢個係燴豬扒飯炒底囉唔該，熱就好夠熱嘅，但似係微波爐嘢，食咗一半就食唔落了。整體而言，無下次。順便講一講，疫情高峰，老闆(有客叫佢老闆)唔帶罩送餐收碟，廚房大佬食住煙煮飯，大家點睇？

同事係公司叫早餐外賣叉燒通粉，咬落去啲叉燒係勁大陣酸叔味， 打返電話同佢反映，叫佢退番錢收返，之後隔左成個鍾上泥係咁俾說話我同事聽，又話個個都冇事得我地話有事，又話叫我地以後唔好叫！！真係巴閉……其實又唔係得你1間餐廳，送比我都唔食！依間餐廳食完都驚肚痛，通粉入面仲要有意粉送

平時去都冇乜野，今晚唔知咪個師傅放假，搵咗個洗碗來煮，碟勝瓜有七八成係爛嘅，個湯底仲要超級鹹，真係食咗兩啖已經擺咗起度，飲埋杯野就俾錢走人，去咗第二間再食過，真係貼錢嘥時間

44元午餐。豉汁涼瓜魚腩飯。 厚厚的芡汁，全是生粉。。。包著 涼瓜和魚腩。魚腩ok，皮還是脆的。味道淡淡，吃不出豉汁和鹽的味道。反而凍檸茶，茶底不俗。一般茶餐廳水準吧

佳節將至，要爭取時間揀選聖誕禮物，晚飯也就在附近的茶餐廳搞掂。翻閱餐牌，食物普遍不算便宜，但福建炒飯，卻只是四十元正，那就相對划算，要這個吧！阿姐奉上例湯，比較淡口，不過唔收錢既，也無謂強求太多。福建炒飯，味道正常，不過材料好獨特，除了有蝦、磨菇之外，更有蟹柳、魷魚，甚至是蜆肉，孤陋寡聞的筆者，實在是前所未見。寒天下，很想飲杯香甜的熱朱古力，暖暖身，然後才再去購物。

19-5-2014 (Mon)爸爸又有事要返鄉下,男友同我就放工出街食飯,今次地點係荃灣,我記起德華街o既巧手坊,於是會合o左男友,同o係大班買定麵包做佢20-5-2014o既早餐同我o既晏晝後,就一齊行o黎,點知o黎到,入面整o緊冷氣機,咁唔入去喇.有次我o地11:30am想o黎食早餐,但竟然未預備好而冇得食,點知今次又咁,睇o黎我o地同呢間o野冇乜緣.而因天氣翳焗又想落大雨,我o地都唔行太遠而折返,我記得四坡坊都有o野食,於是行入o黎睇,見到呢間茶餐廳,就決定呢間.仔細睇,原來晚餐都有四個餐牌,有平有貴,最平$38.00,最貴$60.00.我o地都要$38.00包例湯或茶o既飯,我要彩椒味菜豬扒飯,男友要豉汁涼瓜牛肉飯,大家都加$2.00要凍檸水.落完單,兩碗例湯到o黎,係合掌瓜湯,個湯味道清甜,冇問題.然後到凍檸水,呢個都冇乜問題啦.之後我o既彩椒味菜豬扒飯到o黎,顏色好靚,豬扒已切件,食落,豬扒軟硬適中亦算香口,味菜唔太酸,彩椒都新鮮,同成個汁o既鹹度亦適中,但飯好似硬o左啲.而男友o既豉汁涼瓜牛肉飯呢,見到涼瓜係薄切,牛肉亦唔多,試卟先,我食唔出涼瓜o既甘味,對我o黎講係好事