富記大排檔

Open Now

Now Closed

有台灣朋友到訪香港，佢就喜歡啲另類景點，所以，特別安排佢朝早行一轉短山，遠跳獅子山及望夫石，晏晝再到訪「美荷樓生活館」。而行完山落到嚟「隆亨邨」就順道探索下屋邨嘅「冬菇亭餐廳」，對佢哋嚟講算喺新事物，求求其其揀咗「富記」用餐。香港嘅「冬菇亭」依家賣少見少，新型屋村都唔會有，多數都起埋商場。入到「富記」不，喺一般茶餐廳嘅格局，不過，最特別嘅喺有啲木欄柵嘅卡位，又加咗啲粗粗幼幼嘅木條裝飾，幾田園喎，因為餐廳縮咗喺屋邨裏面，嚟幫襯嘅都喺街坊客多。啱啱夠兩點，可以平平地食下午茶餐，茶記嘅茶餐選擇都唔少，食得唔多嘅可以揀啲小食餐、三文治餐，好似我哋咁當正餐，就揀返啲碟頭嘢。餐具、基本調味料放晒晌枱面自由取用，不過，有一樣嘢對台灣朋友感到好新鮮就喺嚟到嘅熱水 唔喺用嚟飲，而喺用嚟洗餐具，佢哋話無咁嘅習慣。台灣朋友對香港茶記嘅菜式唔喺好認識，問我星洲炒米同夏門炒米喺咩嚟，雖然大致形容過喺乜， 不如索性點嚟大家試試。另外，再加多個乾炒豬扒公仔麵，炒公仔麵呢家嘢喺香港茶記發明，點都要俾佢哋試下。唔喺講笑，雖然喺下午茶餐，啲碟頭份量仲多過平常正餐咁，夠曬大堆頭。廈門炒米 + 凍檸茶 $46由於唔方便影太多

屋企人生日，提前2日打去富記問有冇乳豬，本身以為大排檔唔會有，但點知佢哋話可以幫手代訂，仲可以斬埋件，完全唔洗麻煩自己！之後再叫埋其他小菜，基本上所有都係水準之上，連炸蝦餅外賣番到屋企都好好食！雖然啲小菜唔係話好平，但份量同材料對得住個價錢！個八珍豆腐煲啲料好足，大件夾抵食，屋企2老食完都讚不絕口！仲有其他炒飯炒麵都唔錯，屋村大排檔真係要多多支持 ！！！

冬菇亭真係香港地道美食，由細到大都好鍾意食大排檔，是至今日真係要繼續好好保存，今日嚟到大圍隆享邨呢間真係真過好多次，平時都係一大班朋友夜晚嚟食，今次做嘢經開就食中午飯，好在而家都裝哂冷氣食得舒服好多呢個生炒牛肉飯見有人介紹推介就點咗，一上檯就陣陣香味，份量都好大碟，一個男人食一定夠飽，炒飯最緊要飯粒分明唔會漿住，呢到就做到呢點，牛肉嫩腍夠香，仲有蛋花及菜粒，最大賣點一定係夠鑊氣，喺屋企真係好難炒到咁

在大圍的隆亨邨內面，有一間冬菇亭茶餐廳「富記大排檔」，今天工作剛好經過隆亨邨，便吃了一頓快𡃁正午餐。整體座位也很多，餐廳佔有兩間冬菇亭位置，座位充足且人流很多，午餐時間也有機會搭枱 。生炒牛肉飯上菜速度不會過快，食物即叫即炒。整體份量都很大碟，正常食量人士吃畢都覺得很飽足。整體炒得很香，飯粒亦粒粒分明，又不會有太多油膱味。牛肉軟硬也適中，配上爽口生菜很滿足。午飯餐也是能配一份飲品，味道份量正常就不多點評了。

每次到冬菇亭嘅大排檔都總有一絲絲懷念富記喺隆亨邨屹立多年唔需要華麗嘅裝潢反而變咗有冷氣嘅室內環境食物質數 依然保留大排檔風味無論茶餐 同 小炒味道依然保持水準最重要價錢貼地 夠哂平民多年來都深受附近街坊歡迎「醒神早餐」有五大種類選擇✨沙嗲牛肉公仔麵香濃嘅沙嗲汁配上牛肉公仔麵亦唔會煮得太淋．口感恰好✨煙肉 炒蛋 配 牛油方包自選兩款 再配埋軟熟嘅牛油方包配埋杯凍檸茶完美嘅醒神嘅港式茶餐難怪早．午．晚．下午茶時段都咁旺場

好耐冇食小炒，出開沙田嗰邊突然好想食啲熱辣辣又有鑊氣嘅小菜，第一時間諗起嘅係大圍隆亨嘅富記🫢🫢已經多次嚟翻焯因為真係平靚正，選擇又多兩個人貪心叫咗半隻雞，斬雞都有幾款，今日推介係走地雞，果然唔錯呀味道好突出，就咁蒸都好正，髀位嫩滑，胸位少少鞋但得好細部份係胸冇嘜影響哈哈沙爹粉絲中蝦煲，其實係沙爹肥牛粉絲嘅蝦版本🦐🦐🦐個煲望落唔算好大個，但竟然食極都有，食到半路先數都至少十隻蝦🤣🤣🤣好誇張再叫咗個西蘭花鮮魷，成餐好飽但超滿足！

話飯聚 有個朋友提議去大排檔沙田區 不如試下隆亨整體黎講……員工都算招呼周到👍舉手都馬上來招呼啊 裝修又別樹一格 幾有風味 埋單時睇原來無收加一服務費架會再下次幫襯👍

第一次去富記大排檔。 朋友極力推薦的茄子一碌和招牌種運雞，完全無讓我失望！ 茄子好大份，個配搭都好新穎，係出面未見過 ！種運雞一定要叫，超級滑嫩，好有雞味！ 氣氛幾熱鬧，啲侍應都好友好，有賓至如歸的感覺。 另外黃金鮮魷都要試吓！ 鹹蛋黃的香氣和鮮魷的鮮甜完美結合， 環境雖然簡樸，但卻有著獨特的親民魅力，好有80, 90年代大排檔嘅feel。 服務很快而且價格合理。 係同家人和朋友聚會的好地方。   

話說有屋企人生日就黎呢度食飯，食到臨尾嗰陣就有個店員攞左一籠壽包上臺，咁嗰下我地就以為係個set包左呢籠壽包啦，而我地都有帶蛋糕既，咁兩個一齊食啦，食食下就聽到隔離檯嘈隔離D壽包未上，跟住有個阿姐就行過黎瞪大隻眼咁鬧我地「點解你地無落單就食左D壽包？？？」咁隔離檯都勁惡咁講「你地點解食我地既壽包？？呢度有阿婆生日架」 再鬧多我地幾句跟住個阿姐就話無得整返壽包架因為係要訂整， 又大我地話最尾要我地俾返D錢 心念： 哦咁岩原來隔離都有人生日， 阿姐，我地鬼知要訂，係你地自己放籠包上黎，然後將所有責任推去我地D客到 痴L線跟住隔離個阿婆就喺度喊 搞到我地都唔好意思唯有係到道歉 講真道歉只係為左費時鬧交 同埋都對D壽星唔住既最尾只有間餐廳係大贏家 因為有收到我地錢 ；）而兩家D氣氛就。。D食物就中規中矩啦， 服務就。。 見仁見智啦；） 

Apps 話15 分鐘可取外賣，但去到時，話仲要20 分鐘職員話係個apps 壞壞地我有兩張單，兩張都話15分鐘可取食物。第一張落了15分鐘後再落另一張。apps 顯示第二張都可取，去到時，連第一張單都未得，即係已經過左半小時。做唔切，就唔好係apps 話可以15 分鐘出貨吧

先唔講味道肚餓叫外賣自取正常人諗住外賣自取10分都可以取餐走人今日個人體驗極差11:22落單 1號餐菠蘿海鮮炒飯 及3號餐乾炒肉片河1號餐菠蘿海鮮炒飯10分鐘出到菜3號餐乾炒肉片河 等到12:05都仲未出到餐三催四請阿姐，麻煩快少少依然未出到餐最後我12:08去廚房望望 見到廚房大哥分緊3盒乾炒肉片河 廚房忙係可以理解但我發現等左接近9個字原來係夾單一個乾炒肉片河足足等咗45分鐘味道正常價格正常但廚房出菜態度 自行評價

天氣開始凍凍地 心血來潮就同屋企人去左位於隆亨邨冬菇亭富記大排檔食羊腩煲見到有$488 羊腩煲套餐包括生菜、活蝦、烏冬 、肥牛/豚肉我地揀左肥牛略嫌太肥，不過重點始終係羊蝦係新鮮 菜都洗得算乾淨烏冬就一般貨仔味道不錯羊腩都好多舊3個人食都食唔晒 （可能我哋一家唔大食）想食會再黎

今晚同啲朋友一齊食富記大排檔，富記係沙田區受歡迎嘅大排檔，有幾十年歷史，啲小食夠鑊氣之餘，仲大碟足料，非常抵食。種運雞 富記嘅名物係「種運雞」，呃like之選，雞原隻上，仲有手套提供等我地自己撕黎食。「種運雞」皮脆，醃得好入味，雞肉嫩滑，必食！韭菜墨魚餅墨魚餅好彈牙，加埋韭菜味道好fresh。椒鹽九肚魚好香椒鹽味，炸到好香脆，啲肉又好嫩。蝦仁炒滑蛋啲蝦都好新鮮，啲蛋蛋味好濃，香滑可口，份量都好足馬拉盞炒通菜食咗咁多煎炸嘢，要食返啲菜，菜都炒得好入味豉椒炒蜆豉椒炒蜆新鮮，夠哂獲氣，送飯一流📍富記大排檔大圍隆亨村熟食亭5-12號舖

呢間大排檔長期都爆滿，但係好得意呀，我次次都唔使等位，因為我次次去親一大班人去，老闆見到次次都會有張枱俾我哋，入面啲小菜夠火候，如果你有要求早少少同佢講嘅話仲可以有啲特別海鮮食，食落好食嘅大排檔真係買少見少，希望呢間長做長有！

韭菜墨魚餅初頭以為係煎，但係原來係炸雖然好熱氣，但係好好食墨魚餅好彈牙加埋韭菜好juicy，唔會乾爭爭小炒王一上到枱有啲失望，點解唔係比韭菜花而係炒四季豆真係未試過食小炒王食豆，話晒我自己都唔鍾意食豆😅點知食落又OK喎，可能啲豆走過油，冇咗豆青味蝦乾同埋魚仔好鮮，為小炒王帶多咗份鹹香味魷魚都非常足料西檸雞平時啲西檸雞係用雞扒，佢用雞球咁鬼大嚿🤣呢個價錢食真係好抵，炸粉唔會太厚個汁酸甜到啱啱好鹹菜肉碎炒飯炒飯嚟講都算做到粒粒分明，最驚喜係一路食唔會覺得好油膩，食完隻碟都唔會令到可以照鏡，非常出色，食完都冇罪惡感！環境唔算特別乾淨，但大排檔都係咁上下~總括嚟講呢間大排檔性價比非常高，會再幫襯！