寶記豆花 (崇仁街)

Open Now

Now Closed

雖然成日路過但開店後都未幫襯過，直到日前終於有機會一試，食後發覺腸粉同豆腐花都非常滑同好味，我已經好少寫食評，但熱豆腐花真心勁推介。老闆伙記都好nice,真心支持！

寶記豆花觀塘分店係區內新開豆品店，裕民坊商場沿輔仁街行上少少就見到。雖然開左無幾耐，但係已經有好多附近街坊黎幫襯，新式裝修之中有種舊香港人情味。價錢平及大份，尤其是套餐選擇。點了手撕雞腸粉套餐 ($35) + 陳皮紅豆豆花 ($19)臨走時仲買埋支辣味腐乳番屋企試 ($27)，兩個人埋單盛惠 $81 蚊~~~

早排在觀塘瑞和街大街買左碗豆腐花要用難食黎形容😵‍💫今次在瑞和街街巿後面去輝記買滷水鵝😋突然發現開左寶記豆花就即刻入去堂食試下又真係滑同有豆味喎☑️第二次幫襯時，加左8達通付款☑️app 外賣叫左碗薑汁豆花$16堂食就自行在餐桌旁加薑汁/糖水/黃糖試左好食又再黎外賣自取粢飯、少糖豆漿+腸粉餐腸粉不錯不錯粢飯唔太大舊，做早餐份量夠，set$28C餐手撕雞腸粉餐，有得加麻辣汁呢個配搭幾惹味😋套餐的豆漿+6可轉$16既豆花，抵少糖豆漿唔太甜，good👍🏻

星期六放假，我同老公去觀塘瑞和街市買海鮮，可能天氣太熱，我哋買到出晒汗，好想冰涼一下。咁啱轉轉折折，俾我哋見到呢間甜品店，之前都冇見過，門面乾乾淨淨，應該新開冇幾耐，咁就走咗入去坐低食甜品同休息一下。薏米銀杏豆花呢個配搭有一點新穎，出邊食豆腐花嘅都唔係咁想見到，都幾啱夏天食，又可以去濕，又可以冰涼一下。豆腐花到豆味香濃，而且好滑，薏米口感幾好。芒果涼粉豆花我老公就食呢個，一次過可以食到三樣，甜到啱啱好。總括嚟講環境乾淨同食物都唔錯，價錢合理。下次再經過，都可以試下熱食

星期二下晝果日去開觀塘行過見到新開張，附近又好似無同類豆品舖，價錢又唔貴，就走入去試下。睇睇餐牌，一般食物都係1x蚊-2x蚊，套餐都係3x蚊，而家去邊度食都要啦。於是叫左個A餐﹝有燒賣、魚蛋，腸粉加杯豆漿﹞同埋豆花&紅豆豆花。燒賣夠煙韌，魚蛋都夠彈牙，腸粉又滑，豆漿都好夠豆味，唔太甜，幾好。另外豆花同紅豆豆花，豆花夠滑，陳皮紅豆直情係我至愛，正。見到重有本地腐乳賣，都想試下。總結係好評嘅，下次再去會試埋手撕雞腸粉，黑糖豆花

1. 麻辣午餐肉腸粉套餐 (包凍豆槳) ， 午餐肉同腸粉都好多，麻辣汁都幾辣幾過癮2. 芒果涼粉豆花，芒果比較甜，配埋落豆花度有少少搶味但整體黎講都ok 的老闆同伙記都好好客，睇得出有用心機整食物同埋對自己產品好有信心。唔錯!

去街市行過見到呢間新開的豆花舖，裝修幾光猛同整潔，趁行到熱熱地諗住入去幫襯下，點知有驚喜！閒日下午時間店舖內人唔多，地方寬敞。店舖主打一系列豆花及豆漿產品，仲有唔同種類ge 小食，亦有而家唔係好多地方食到ge 咸豆花。之前都未食過咸豆花，抱獵奇心態叫左碗「上海咸豆花」試，$22蚊大大碗味道原來一d 都唔奇怪！豆花豆味濃厚，口感綿軟，配料有紫菜、榨菜、蝦皮等，味道出奇地配襯。老闆還說可以加d辣油增添風味 😊 下次有機會可以試一試佢ge 麻辣皮蛋豆花同埋其他小食！