小神燈新派飯館 (Closed)

原本打算去廟街和深水埗一帶的大排檔或茶樓，卻無意中發現了這家「小神燈新派飯館」。店內外皆以綠白色的磚牆為主，搭配著綠色鐵皮攤檔、大排檔和街市風格的吊燈，以及仿叮叮車的座位、甚有70-80年代的Feel。店內懸掛的電影海報是參照香港知名電影演員（看到周星馳、林雪等人的身影XD）為靈感創作的插畫，超吸睛！！菜單分為早、午、晚市等多款選擇，不少菜式融合了傳統粵菜和創新元素，例如「爆膏奶油蝦」、「黑金流沙包」、味道絕對不輸給傳統菜式，重點是價錢很親民！$14「經典魚翅餃」、$14「家鄉鹹水角」、$20「蜜汁叉焼包」⋯⋯HKD十多塊一份點心真的很超值。位置不在旅遊熱點，沒有人擠人之餘店員待客超友善，熟客甚至會主動分享店內最受歡迎的拍照打卡點。😂還有提供掃描QR碼點餐的服務，這樣就不用擔心被港式服務，入座後店員3秒快速點餐所困擾了（笑）。

母親節飯去呢間食，晚市有兩個時段：6pm同8pm，我哋揀咗8pm，去到基本上都坐滿晒，幾好生意。呢間餐廳出名裝修好有心思，以舊式香港做主題，牆身有好多經典嘅香港電影，擺設都係用舊式香港嘅用具，包括有以前阿嫲年代用嘅圓桶形熱水壺，一路食飯一路打卡都好適合。避風塘炒肉蟹話明肉蟹，啲肉真係好多好實淨，而且炒得好入味，連平時唔食蟹嘅小朋友都話好味。白灼海蝦隻隻蝦都好大隻，啲肉又爽又彈牙，點埋甜豉油真係非常好味。小神燈小炒皇+海鮮粉絲雜菜煲呢兩款就比較普通，冇咩特別好評論。菠蘿咕嚕肉咕嚕肉炸得外脆內軟，啲醬甜酸度校得啱啱好，非常開胃。宮廷濃湯豬肚雞雞湯底極之濃郁，濃到有少少偏鹹，但係我好鍾意飲，加埋啲豬肚、雞肉、魚腐都好好味。魚香茄子煲味道唔錯，不過份量有啲少。小神燈一品炒飯超大碟，而且啲料好足，好多蝦仁。

以前分別光顧過午市和晚市，小編十分喜愛晚市的各樣小菜👍🏻，可是午市的點心比較普通/強差人意😅，晚市款式多、味道好，因此母親節前一天便到小店光顧*晚市*。前菜：酸菜鴨腎前菜來說，十分用心，不是用花生hea客人，有鴨腎切薄片，份量仲唔少👍🏻。梅子蒸無骨大白鱔 $218大白鱔大骨已經起咗，但仍然剩返少少細骨，未至於無骨，食嘅時候要小心~大白鱔好新鮮，咬落去脆、實肉、非常彈牙，有點被驚艷到，好好食！😋建議點梅汁已經足夠酸😍，因為如果夾埋梅子一起吃，反而會太酸(酸到小編揦埋口面😵‍💫)。濃湯蝦滑魚腐煲 $138- 蝦滑：很濃蝦味，味道好鮮，可惜沒什麼咬口，一咬便會裂開😛- 魚腐：暫時是我吃過最好吃的魚腐😍😍😍！每件都好大件，吸曬所有鮮甜的湯汁（魚&菜湯）- 勝瓜：已經煮得非常之腍，比較嚡口粗身嘅皮已經刮走，剩返最甜最淋嘅芯。呢道菜好岩怕肥人士，鮮甜不油膩👍🏻👍🏻👍🏻香茜蟹味銀絲煲 $118每次光顧小店，我們皆會叫此粉絲煲😋😋😋！粉絲炒得乾身，好煙靭，再加入蟹籽令小編一家一啖接一啖，停到後口！🙌🏻奇趣脆皮豬手 $218皮十分脆，肉唔算肥，反而偏瘦🤔，略嫌少少乾身，火候過咗少少🥲，但份量很多👍🏻結論

今日適逢母親節前夕～一早已致電訂位留座已經比預約時間早了十分鐘到達～門外已經有好多人等候 問一問先知原來大家都係有致電留位 亦未安排到入座 大家都開始唔耐煩 店員安排亦非常差 不停叫我地等一等 最後我地等左足足45分鐘先安排入座訂位留座里樣野同walk-in 係無分別甚至有啲人數少啲既walk-in 客 比我地更早入座其實已經嬲到分唔出啲野係好食定難食如果店家有用心睇里度既評價 希望好好培訓員工既工作態度同應對態度完全明白而家市道差 生意難做 所以有生意都想接 但如果應付不來 建議一早同客人講 等我地都可以另搵餐廳 而唔係等左足足45分鐘⋯

餐廳位於調景嶺站 , 方便得很, 可能係平日既關係, 雖然訂左位, 但去到都有多位淨......餐廳裝修以舊香港情懷為主題, 就連枱上既水壼都好有特色, 好似返到以前既香港咁...... 爆膏奶油蝦用上爆膏大頭蝦, 蝦頭都是滿滿蝦膏蝦肉也很多 非常新鮮奶油香十足 絕對推介 啫啫滑雞煲啫啫雞嫩滑又入味，搭配香噴噴的薑蔥同醬汁, 十分之惹味豉椒炒蜆豉汁非常之惹味, 重點係完全無沙!!! 連埋三色椒炒份量十足金沙鬼馬百花釀油條必點招牌菜式，上枱時已聞到鹹蛋黃既味道油條內釀入蝦膠，油條香脆富鹹蛋香，鹹香及油香皆豐富, 非常之邪惡, 超級美味啫啫芥蘭煲好有鑊氣，香氣撲鼻，芥蘭又唔會好老, 而且仲有蝦乾添

想食得惹味有鑊氣將軍澳居民唔一定要去坑口村調景嶺呢間小神燈全店以燈牌裝潢還有好多搞笑電影金句都幾有樂趣三個人唔算太肚餓叫左一餸一湯一炒飯菠蘿咕嚕肉大大碟應該都有20件都夠4-5個人享用哈哈哈大笑炒飯 炒飯飯粒分明，一啲都唔油膩材料豐富有菜瓜粒、大蝦、粟米、櫻花蝦超多份量!宮廷濃湯豬肚雞 打開煲蓋一層濃濃的黃油蓋住保持雞湯的熱度好多魚腐豬肚好足料味道其實同砂窩雲吞雞湯一樣雞湯味道濃郁真係超好飲見到有糯米羔蟹但實在個肚唔夠空間食下次再試試

朋友住係將軍澳，推薦呢間小神燈，話係區內一間唔錯嘅中菜，探朋友後約一班人聚下就選了呢間餐廳。當晚吃了幾個特別菜式，爆膏奶油蝦，椒鹽瀬尿蝦同沙薑焗海花螺，都係近期推薦，當中最愛呢個沙薑焗海花螺，原來可以咁夾，完全無諗過可以咁整，雖然食完有少少覺得鹹，但係我都幾誠意推介呢個咁特別嘅整法。椒鹽瀬尿蝦絕對做得好好，不過瀨尿蝦係比較細隻，如果係斑馬瀨尿蝦嘅話應該會完美，送支啤酒真係最好。爆膏奶油蝦的確幾爆膏，但個奶油有點膩，送飯反而剛剛好好。叫小神燈招牌金沙鬼馬百花釀油條，好多人都大讚。最後加個三絲炒米粉同埋之前喺佐敦神燈食過好好食嘅蒜蓉蒸勝瓜，剛剛好夠飽。炒米粉顯示到呢間餐廳師傅嘅功力都真係唔錯。甜品仲送紅豆沙，同佐敦差唔多，服務係幾好。下次如果再去將軍澳探朋友玩嘅時候，唔一定要再叫到會，喺呢度一班人試多幾個小菜，應該係比到會更加好嘅選擇。

小編今日來到調景嶺一間懷舊大排檔風格餐廳「小神燈新派餐館」，裝修以香港懷舊大排檔為主題，配搭五、六十年代常見的綠鐵皮攤檔、街市紅色吊燈及霓虹燈招牌💛 更有以電車為造型的卡位，充滿香港的集體回憶味道，餐廳美食新元素注入傳統粵菜，新派菜式味道煥然一新✨「懷舊蝦多士」一向是港式地道小食的代表作之一🍞🦐 嚴選用12頭印度原隻大白蝦製成的懷舊蝦多士，炸鮮蝦和多士香氣撲鼻，多士的酥脆再加上爽口彈牙蝦肉，鬆脆不油膩，層次豐富滿口鮮香滋味✨蘸上沙律醬提鮮，味道酸酸甜甜又惹味，超推介的懷舊小食🧡「金沙鬼馬百花釀油條」將爽口彈牙的蝦膠釀在油炸鬼上，經過炸香再以鹹蛋黃醬爆炒，味道鹹香十足，口感外香脆內彈牙，超級邪惡的小食😈期間限定「豉汁蒸無骨大白鱔」白鱔經處理好起骨切件，用油先爆香蒜蓉同豆豉，令香味充分散發， 加上秘製醬油蒸熟，鱔魚肉嫩🐟 味道鮮美，油馥郁香醇，感受食材的極致鮮味，搭配白飯一流🍚「奇趣脆皮豬手」豬手落滾油炸至外皮鬆脆，真正做到皮脆肉嫩，相比起傳統鹹豬手，這款豬手製法以食用原味為主，味道較淡，肉味較突出，再醮一點秘製芥辣，味道不錯☺️🍽 ：懷舊蝦多士；金沙鬼馬百花釀油條；豉汁蒸無骨大白鱔；奇趣脆

有一大班friend上黎屋企玩通常都唔會咁好煮飯俾佢地食架啦(應該係話冇咁好廚藝呀我~)而今次我地就落左去樓下餐廳叫左個海鮮餐~好出色喎!! 食到我地個個都棒著個肚番去🔸爆膏奶油蝦搭配濃郁的奶油醬汁蝦球都炸到金黃酥脆外層帶有脆皮的口感 內裡則鮮嫩多汁奶油醬汁的香濃與蝦子的鮮甜非常搭配好豐富的口感和滋味🔸椒鹽瀬尿蝦被裹上一層酥脆的椒鹽口感香脆 蝦肉唔算多 應該係細蝦黎但係我地係食佢地椒鹽既濃味又有少少微辣的口感讓人食指大動🔸沙薑焗海花螺以鮮嫩的海花螺為主螺肉鮮嫩 搭配沙薑汁都真係第一次食呀沙薑的香氣與螺肉的鮮甜非常搭配少少咸 其實除左食沙薑雞之外 沙薑螺都唔錯呀!!🔸金沙鬼馬百花釀油條油條被剖開 填滿左蝦膠等等再裹上一層金沙 炸至金黃酥脆金沙的香脆濃香與油條的鬆軟相互結合呢個一上枱基本上個個都係到搶 食完一舊再一舊🔸魚腐滑雞煲魚腐的質地滑嫩 滑雞肉鮮嫩多汁一上菜既時候熱鍋炸炸炸咁上黎好震撼呀真係而且冇諗過魚腐咁好食 好似好正宗既順德魚腐呢個我認為係必叫呀!!🔸櫻花蝦炒飯櫻花蝦的香氣好搭配濃郁既蛋炒飯材料都非常足料作為我地完滿既一餐呀📍小神燈新派飯館📍將軍澳調景嶺彩明街1號彩明商場2樓25

食物味道相當不錯，服務比前大進步，環境懷舊富特色。爆膏奶油蝦的蝦身大隻、多蝦膏、肉質爽彈。大蝦已開邊，吃起來相當方便。椒鹽瀨尿蝦鹹香惹味。沙薑焗海花螺的份量多，惜部份螺的沙未去清。金沙鬼馬百花釀油條非常美味，雖然邪惡，但每次均毫無難度KO三件！蛋黃的鹹香配上彈牙的蝦膠，還有脆身的油條，口感豐富。香茜蟹肉銀絲鍋是必點的，粉絲炒至乾身分明，每條粉絲都沾到配料，亦可見份量不少的真蟹肉，溫度是炙熱狀態，讚！椰汁椰果爆珠仙草不過不失，仙草味濃。

嚟緊就係農曆新年呀，大家揀左餐廳，同屋企人食團年未？上星期就食左一間位於調景嶺既新派嘅中菜。我覺得價錢份量都合理，而且餐牌有提供各款海鮮，岩哂同屋企人食飯。小神燈新派飯館位於彩明商場，附近就係連接都會駅既天橋，都幾方便。餐廳以大排檔作靈感，唔同角落都有各種舊香港既場景，例如鐵皮檔口、街市吊燈、電車卡位、電影院燈箱，都幾有特色。今次我哋又試咗幾款推介海鮮，都幾惹味！賣相最靚一定係「爆膏奶油蝦」。餐廳用左大蝦🦐，用埋奶油落去炒，厚身既蝦肉再配埋奶油香氣十足，而且蝦頭都好多蝦膏，食落夠香濃。「椒鹽瀨尿蝦」食落惹味，拆左出面D殼，瀨尿蝦蝦味都幾香濃👍🏻。「沙薑焗海花螺」份量都幾多，螺肉入口幾彈牙，同沙薑味都幾夾，同朋友邊傾邊篤螺肉就岩哂😃。另外，呢度既炸點做得幾出色。我幾鐘意「懷舊蝦多士」，表頭蝦肉幾大舊，而且幾彈牙，整體炸得幾脆口，食落唔會好油膩。再想邪惡D，就一定要試埋「金沙鬼馬百花釀油條」，喺油炸鬼中釀墨魚滑，外層金黃香脆，食落爽口彈牙。上菜前仲放係鹹蛋黃醬中返炒，食落好惹味😌。食完咁多款小菜，當然要叫碟飯填一填肚。「哈哈哈大笑炒飯」米飯粒粒分明，唔太油膩。除左有蝦仁，上面仲有好多櫻花蝦

好耐冇食呢間中菜館喇，今日出開將軍澳做野見到有出新菜式啵，擇日不如撞日，唔試又點得呢😋爆膏奶油蝦奶油裹住鮮甜脆口的蝦肉，蝦頭爆膏蝦身身爆籽，蝦殼滿是咸甜的奶香，好食到嘬手指😆椒鹽瀬尿蝦油將炒香姜蒜、辣椒，蒜蓉用猛火爆炒；再撒上椒鹽、蔥碎於瀬尿蝦面，蝦肉唔算好厚肉但都結實彈牙。金沙鬼馬百花釀油條將墨魚滑釀入油炸鬼內，而面就沾上鹹蛋黃醬，口感層次豐富，送飯食好正。沙薑焗海花螺海花螺肉質爽彈又鮮嫩，而沙薑汁有點兒偏咸，不過撈飯食剛好。香茜蟹肉銀絲鍋次次黎親必叫的，粉絲炒得絲絲分明又香口，配上鮮甜蟹肉同蟹籽鋪面，超級鮮味，而且$100有找有成大鍋，性價比超高！推薦大家一定要叫！最後當然唔少得甜品紅豆沙，唔會過甜，濃郁的紅豆沙食得好滿足😌

裝修好靚，以大排檔做靈感，有鐵皮攤檔同街市吊燈，仲有多張大枱，方圓都有岩晒食團年飯。雖然多打卡位，但話佢打卡餐廳又會矮化左，忽略左佢超好食既菜式。餐牌選擇好多，我地諗好晒叫咩之後入QR code點原來有更多，又要再諗過🤣 店員好友善，收碟好勤力必食推薦：1. 大澳蝦膏蒸豬爽肉：豬爽肉好肥，但食落唔油膩，底下豆腐吸晒蝦膏汁好正又好滑，白飯殺手2. 金沙鬼馬百花釀油條：即叫即炸太驚艷了，金沙又係做到香濃唔太多太膩另外仲叫左幾款海鮮，啲海鮮勁新鮮，椒鹽瀬尿蝦同沙薑焗海花螺都好好食，調味濃郁但唔會太鹹，仲有爆膏奶油蝦都好出色，大頭蝦膏好甘香贈送既紅豆沙糖水都好好味！但都忍唔住叫多左個士多啤梨布甸好滑

講起食大牌檔，大家一定會即時諗起廟街、深水埗一帶的食肆，今次來到將軍澳呢間「小神燈新派飯館」，餐廳將傳統以及創新配合，菜品花足心思，食物質素絕對比起傳統中菜有過之無不及！已經光顧好幾次了，推介給大家！△ ▽ △ ▽ △ ▽ △ ▽ △ ▽ △ ▽△ ▽ 🔹◉爆膏奶油蝦原來係全新菜式，用上新鮮嘅蝦同奶油，煮出嚟嘅奶油香味好豐富。蝦隻裡面有豐富、橙黃色的蝦膏！🔹◉椒鹽瀬尿蝦瀬尿蝦嘅肉質細嫩唔會乾身，加埋椒鹽避風塘嘅調味，十分惹味！🔹◉金沙鬼馬百花釀油條用上了蝦膏作為內餡、外皮表面裹上鹹蛋黃，炸過之後呈金黃色，令人口水直流！不得不說是邪惡的配搭！🔹◉沙薑焗海花螺新鮮嘅海花螺加入沙薑同其他調味料焗烤，十分有創新的配搭，而且兩者都好夾！海花螺嘅肉質鮮嫩，沙薑則有獨特香味，嶄新的配搭，絕對可以為食客帶來味覺的衝擊！蟹肉菠菜豆腐盒蟹肉、菠菜同豆腐做成盒狀嘅菜品！呢一道菜絕對係餐廳的招牌菜！蟹肉嘅鮮甜同菠菜嘅清爽好夾！而玉子豆腐嘅滑嫩口感，令整道菜層次更為豐富！

#20240124 📝📍 小神燈新派飯館 @lanterngarden.jr 將軍澳調景嶺彩明街1號彩明商場2樓251-252號舖➖➖➖➖➖➖➖➖➖➖➖➖➖➖➖➖➖#晚市茶位 $13/位#餐前小食 $15💭 一入間舖已經比啲懷舊氣息充斥住，水壺用返木塞果隻即刻返返去細個果陣咁，茶類除左有平時茶樓啲傳統茶之外，仲有玄米茶揀🍵小食有個咸酸菜雞腎，少少花椒香但唔會辣，咸酸菜沖水功夫做得好好，食落有口感又唔會重口味，雞腎爽口，係一個唔錯既開胃菜👍🏼.#沙薑焗海花螺 $128💭 好新穎既配搭，平時食開沙薑就梗係配雞🐔花螺唔係鹽焗就辣酒煮，估唔到沙薑同螺都咁夾，而且佢個沙薑唔係平時點雞有層油係面果隻，而係整左做個沙薑醬，可以成粒花螺都比啲醬包住，非常入味🐚.#椒鹽瀨尿蝦 $168💭 如果講去大排檔🐷既必食list有啲咩，椒鹽瀨尿蝦一定榜上有名，面頭落左超多炸蒜超惹味🧄再帶少少辣味係食到吮手指👆🏼啲瀨尿蝦炸得幾透，連個底啲腳鬚都可以一齊食埋🤤.#金沙鬼馬百花釀油條 $98💭 係油炸鬼入面釀蝦膠，然後再用咸蛋黃去整，三樣野分開都好符合🐷既口味，夾埋一齊又係一個新既食法，蝦滑實淨彈牙，個咸蛋黃醬稍微稀身