小草十八怪

Open Now

Now Closed

今日出九龍整野～途經小草十八怪見好多人就同姑媽入去試下姑媽要左蒜蓉金菇粉絲奄仔蟹荷葉飯 $ 98等左一陣上枱熱辣辣好香蒜蓉味蟹蓋唔係大但爆晒膏連埋蒜蓉食好惹味荷葉飯吸晒d精華超正加$18轉鴨屎香檸檬茶小冰嚟到呆左超大杯😂😂檸檬清爽解膩~大杯都飲唔晒我要左脆炸無骨豬手石碢飯(咖哩汁) $68店員都有提醒唔好掂到個鍋好熱有埋隻溫泉蛋好吸睛撈勻嚟食好夾豬手皮脆卜卜啖啖肉食到底有好多飯焦🤩石鍋飯可以加$12小食揀左涼拌青瓜雲耳(細)醬汁酸酸甜甜非常開胃青瓜雲耳都好脆口加$18轉香水檸檬草莓梳打 小冰小甜我係唔飲檸茶~但香水檸檬呀青檸就好鍾意香水檸檬真係好香~唔會好似普通檸檬咁酸杯底仲有草莓肉~呢個天氣飲一流小食：酸辣藤椒鳳爪 $ 46同埋係酸甜味道~無骨好清新脆脆蝦多士(6件) $ 38呢個幾有驚喜~非常鬆化好香蝦味蝦膠勁厚彈牙~怪不得枱枱都食~大推

這一晚，又再幫襯這間位於油麻地通衢大道上，地方偌大的「小草十八怪」食米線，不過這次就搞搞新意思，點了期間限定推出菜式之一的「滇味黃鱔米線」（$72）做主食，另外還點了一個少見少吃的「爽滑涼拌豬肝」（$46）做晚餐。「滇味黃鱔米線」味道濃郁，除了主角的黃鱔片外，還有配角的豬皮作伴，並有少許枝竹，是較少在其他米線店吃到的配搭和風味。「爽滑涼拌豬肝」雖然不算十分爽滑，不過都不會太老，而且份量都幾多，足有八至九塊，味濃而帶點辣，作為難得一吃的開胃前菜，都算相當稱職。老婆仔吃的則是「瑤柱粉絲鯛魚片籠仔荷葉飯」（$80）。這以蒸籠奉客的荷葉飯，未嚐其味，先聞其香，使人食欲大增。蒸飯滲入了蒜蓉和魚片的香氣、油份和味道，份外滋味好吃。這兒令人一試難忘的超級大杯特飲我當然不會忘記，這晚我就揀了少甜多冰版的「凍鴨屎香檸檬茶」（$36）佐餐。這少甜版的檸檬茶雖然可能沒有正常的檸檬茶那麼好喝，不過就一定更加健康，而且一樣解渴生津呢！老婆仔喝的則是少甜版的「話梅金桔檸檬熱飲」（$25），我只試了一口，酸甜度剛好，開胃好喝，不錯！不錯！兩夫妻都想吃點菜，便點了「蒜蓉錫紙燒娃娃菜」（$48）佐膳。大大碟的娃娃菜，加

今日去油麻地買嘢，經過彌敦道見到呢間小草十八怪，樓底好高，望入去好多人，於是到入去試吓佢哋啲嘢好唔好食。自選石鍋米線：呢度嘅招牌係石鍋米線。湯底本身想試香辣金湯，但又怕太辣，所以揀咗清淡少少嘅火腿肉骨湯。配料要咗9款，分別係腐皮、唐生菜、芽菜、雞肉、蟹柳、豬肉丸、冬菇、鯛魚片、花膠仔。米線好彈牙，用石鍋上可以好好保存溫度，食落熱辣辣。鳳爪排骨荷葉飯$56: 除咗米線，飯嘅選擇亦都好多，有韓式石鍋飯、籠仔荷葉飯、煲仔飯，我哋試咗佢嘅鳳爪排骨荷葉飯。飯唔會過濕，有好香嘅荷葉香味。鳳爪同排骨蒸嘅時間都啱啱好，好入味，而且份量十足。跟餐可以加小食，要咗九制陳皮炸雞 (加$12)，一共有3件。雞肉做到皮脆肉嫩，唔會好油膩，表皮仲有陳皮嘅味道。另外加咗金華火腿湯浸娃娃菜(加$9)，份量唔算好多，但好夠味。飲品要咗熱檸檬水 (加$5)，另外一杯係特飲話梅柑桔檸檬熱飲 (加$18)。特飲飲落有話梅同金桔嘅鹹味，再加上檸檬嘅味道，又鹹又酸，都幾開胃。呢度嘅嘢食豐儉由人，款式選擇多，難怪會吸引到咁多人入去醫肚。

去完果欄剛巧落大雨，順便醫肚便去了彌敦道的小草都八怪吃個飯。餐牌選擇很多，有飯有串燒亦有米線，每款圖文並茂，唔使左揀右揀，直接睇圖食飯。最後揀了呢度的招牌生滾石鍋米線和兩個小食。一桶水果香檸茶先上枱，大大桶入面有很多水果，夠晒抵飲！我點了話梅金檯檸檬特飲，暖宮又暖胃。一口開心果風乾熟成牛肉是最新出品，概念有點似巴馬火腿和蜜瓜，不過將火腿換了厚切牛肉。蜜瓜香甜，而且加上了藍莓和酸瓜，口感幾豐富，牛肉味道亦夠濃，整體嚟講有新意又好食！原條燒茄子大大條茄子燒得肉嫩多汁，滿滿的蒜頭醬，帶點微辣，好惹味！十八怪招牌金湯過橋石鍋米線，材料十分豐富。封門牛柳、花膠、溫泉蛋、海蝦、蟹柳、鯛魚片、翡翠苗、腐皮、芫荽、芽菜、韭菜。一次過滿足晒所有願望，熱辣辣上枱，金湯有好香的鹹蛋黃味，果然是招牌！而且用上了雲南直送的手工米線，彈牙又不易斷，好食!!!所以幫襯的人不少都點石鍋米線。沙嗲牛牛石鍋石鍋米線，材料有肥牛、封門牛柳、牛丸、牛柏葉、牛肚、金菇。沙嗲湯底較金湯更加濃味，肉感更重，更適合食肉獸！

天氣凉左，就好想食番啲熱辣辣嘅食物落肚，呢間#小草十八怪石鍋米線，主打熱辣辣的鍋物，食物多元化，可任點自選，啱晒我哋咩都想食小小嘅人🙊。喜歡食蟹的我們，點咗一個無火生滾石鍋煲仔飯，極品蟹王石鍋煲仔飯，用蟹皇濃湯煲製而成，入邊有金菇、埋粉絲同埋一隻靚膏蟹仔。店員即時幫我哋將材料放進煲內，要等12分鐘才可進食。打開就聞到香噴噴，蟹🦀膏新鮮，肉質夠味，用蟹皇濃湯煲的飯，滋味滿滿的好正，食得開心又滿足。龍仔荷葉飯，蒜蓉金菇粉絲奄仔蟹荷葉飯。奄仔蟹膏是鮮橙色，入口鮮味十足，蟹肉質都美味，蒜蓉好多鋪滿飯面，啱晒喜歡食蒜蓉嘅我哋。十八怪石鍋生滾米線，要咗沙嗲生牛石鍋米線，入邊有肥牛，封門牛肉、牛丸、牛柏葉、牛肚同埋金菇，配搭一杯特大手打檸檬茶。沙嗲味道香濃，食材新鮮，米線煙韌，配搭得很好吃。

獨行於彌敦道，步至油麻地，心中無他，唯求美食。行至此處，竟發現地道茶餐廳，佳餚美味，令人驚喜。🍽️**小草十八怪**，名不虛傳，蒜蓉金菇粉絲奄仔蟹荷葉飯，色香味俱全，蟹肉鮮甜，粉絲吸滿湯汁，荷葉香氣四溢，$116之價，實乃饕餮之選。🐚再品紫菜天婦羅魷魚鬚，清淡可口，$46的價位，卻是別有一番滋味，鮮美無比，讓人感受到海的氣息。🐙此外，香水檸檬薄荷梳打，清新爽口，為這一餐添上幾分風雅，消去疲憊，令人心神愉悅。🍋此行獨自，然心中卻充滿滿足與歡愉，香港的美食，真是無法抗拒。 **小草十八怪**，地處油麻地彌敦道525-543A號寧大廈地舖，值得一試。

今日出九龍見到間舖頭多人食所以一於試吓我叫咗石鍋米線因為佢係用石鍋出所以可以保持個熱度食到尾嘅時候個米線都可以keep住好熱呢樣嘢真係幾正另外佢嘅嘢飲都有得叫大大杯所以入到去係好滿足咁食嘢同飲嘢

行過見店鋪在油麻地地鐵站側，地方大，冷氣又足，二話不說，入去坐下先！青桔話梅荼大大杯都係$18, 超抵, 即刻叫番杯, 酸酸甜甜啱哂我😍餐廳都有串燒食, 小小餓就最好, 蒜蓉扇貝、蒜蓉生蠔@$28,因為即叫即燒, 等嘅時間耐少少, 上枱聞到好香蒜蓉味, 食落又幾鮮甜👍🏻👍🏻又叫燒海蝦, 同樣新鮮, $32有四隻, 都算係大隻喇雞翼最平$18有兩隻, 抵!🤣原條燒茄子$34, 正常價位, 而且D醬汁又整得幾好味喎😋食開左個胃, 越食越想食添, 都係叫番碗飽肚嘅石鍋米線至得, 我點左碗酸菜錭魚片米線, 魚片每片都好大片, 分量又多, 酸菜味濃, 好正。配料勁多:腐皮、豆卜、芫茜、雞肉、雲耳、芽菜、韮菜, 好味又飽, 滿足哂😉遲啲天氣涼就可以試烤魚、雞煲喇👏🏻

唔好意思，真係好想講粗口，未食過咁難食嘅米線!!!!!!!!!!!!!!!!!🤬先唔好講好唔好食先，個豬大腸係極度唔新鮮，又苦又臭！我懷疑自己食咗屎！一係就個食材壞咗！！！黐線㗎，比呢啲咁嘅嘢人食！個封門牛肉，要加錢的，仲要係勁柴，冇啲牙力嘅，千祈唔好去食係個豬軟骨先正常少少，但係得嗰兩小嚿，真係多謝晒同枱幾個人去都係食米線，都冇一個人話係好食唔反映 真係過唔到自己個關！為你好 為我好 為下一位食客好，請改善一下食物質素，尤其是豬大腸，真係驚咗😰

環境幾舒服 牆上有啲綠油油的裝飾食物選擇豐富 有荷葉飯·石鍋米線·烤魚·石頭飯等等🫧 臘腸冬菇蒸排骨荷葉飯 $58荷葉飯粒粒分明 吸收哂配料的精華 好香🤩令人一口接一口 天氣凍食真係一流.🫧 自選石鍋米線（六餸) $72米線由雲南直送 不易斷有彈性湯底十多款選擇 我地揀左小見的蟹黃湯蟹香比想像中香濃 上枱時湯底係沸騰狀態 食完個人即刻暖笠笠.🫧 脆炸腐皮豬肉卷 $34炸至金黃 咬落去外脆內爽口點埋甜酸醬食更滋味.🫧 麻辣藤椒脆魚皮 $42份量好多 魚皮爽口彈牙仲有大量配料 包括花生等等 相當惹味👍🏻.🫧特大手打檸檬茶 & 凍頂烏龍茶

好耐無去食十八怪啦～由樓上鋪搬到地鋪地方大左又光左都係咁掛住佢地既沙嗲湯支竹，墨魚丸 ， 肥牛 $83仲有大大杯鴨屎香檸檬茶🤤🤤🤤可惜今次去賣哂封門牛柳但一樣咁好食❤️今次叫左新小食蝦膠釀豆卜 $38估唔到香脆熱仲有啲好似咸蛋黃粉係表面食落幾特色芝麻涼拌海蜇 $42夠哂大碟 仲要冰冰涼涼好咬口小草十八怪油麻地彌敦道525-543A號寧大廈地舖#Foodie_aki #yum_yum #foodie_aki 油麻地#油麻地美食 #十八怪 #小草十八怪

🌳肉骨茶石鍋雜錦米線 $68肉骨茶唔算濃郁 但藥材味都夠香 唔會太咸 米線：米線偏軟身 唔係彈牙果隻 都好視乎個人對米線既要求 我個人幾鐘意牛肉質感偏乾身 正常發揮 冬菇入味唸身 份量適中 餸都幾足料熱辣辣香噴噴咁送上黎 湯底同米線都幾夾 不知不覺飲晒啲湯 但成晚好口渴 飲左幾杯水先解到渴 🌳瑤柱蒜蓉海鮮荷葉飯 $75見到menu 張相好吸引 食材都新鮮唔霉 落左好多蒜蓉所以好香口 啲飯都有陣陣荷葉味食到 食到底都幾油下 女仔一個飯夠晒飽🌳跟餐加錢九制陳皮炸雞3件 $12雞肉嫩滑 炸皮唔算juicy 出面有話梅粉調味 唔算特別出色 但除返先$4舊 性價比高 可一嘗

聽講依排餐廳做緊活動凡4-6點入座食烤魚或雞煲即享全單65折而6-7點入座食烤魚或雞煲即享全單75折優惠，7點後則享全單85折所以趁住優惠，我就即刻去叫咗一份雞煲嚟試吓佢哋嘅雞煲有得揀唔同嘅辣度甚至唔辣都有調味整體嚟講都唔錯，如果有少少辣嘅話會更加惹味如果雞煲唔夠嘅話，仲可以額外而家唔同嘅小菜，每款小菜都只係$9起我就加咗蟲草花同埋蟹柳，連埋雞煲一齊煮，變到好入味而每個雞煲套餐仲包咗一杯飲品，仲可以額外加錢要多一杯飲品佢嘅飲品係超級大杯，其實一杯都夠兩份飲🤣🤣🤣而檸檬茶酸酸甜甜好解渴

最近試咗一間新開的食店，佢哋的無火生滾石碢煲仔飯真係令人驚喜！呢款煲仔飯有三拼選擇，蟹皇湯底非常濃郁，味道鮮美，飯粒吸收咗蟹皇的香氣，每一口都充滿海鮮的鮮味✨臘腸切片厚薄適中，香氣四溢，炒得剛剛好，配合煲仔飯的口感，增添咗不少層次感，真係一流👍🏼帆立貝新鮮，口感滑嫩，食落去有海鮮特有的鮮甜味😍膏蟹仔肉質鮮嫩，蟹膏的香濃味道令整碗飯更加豐富，食完後感覺好滿足🥹排骨煮得軟嫩入味 蟲草花增添咗一絲清新的口感🍒🍉🍓🍑仲有一桶水果香檸茶，清涼解渴，配搭煲仔飯後，味道更加清新😘絕對值得一試，無論係味道、口感，甚至擺盤都令人滿意。下次再來嘅時候，我一定會再點呢個！

見小草出左個香港少有既黃鱔米線, 即刻試下~滇味黃鱔米線 $72個醬汁幾香幾惹味, 拌勻左成個湯底都香又唔太咸。黃鱔幾厚肉個口感好好, 如果大粒D更加好!朋友就中意食哩度既蒸飯, 土魷馬蹄香菇肉餅荷葉飯$58大大個, D飯蒸得岩岩好唔會過濕, 有荷葉既微香。小食都有新野!!蝦膠釀豆卜$36 豆卜炸到 乾身脆卜卜好香口, 再包住成舊蝦膠, 好好味~口痕又叫少少串燒, 雞翼 $18  + 雞肉串兩串$24, 加左辣粉惹味過到口癮!加多個清清地既火腿湯浸時菜 $34, 好大碟湯汁同菜都好甜。芒果檸檬茶 $36超大杯, 哩度D野全部都價錢實惠又見得人, 讚~