Video
Above information is for reference only. Please check details with the restaurant.
食過元朗嗰間幾次，覺得幾好食，今次喺天水圍特登嚟試一次，點知好失望，碗米線聞落好香但其實除咗麻同辣之外係咩味都無，唯獨甜酸菜係最有味，同埋米線太腍，一夾就斷哂，唯一欣賞嘅係啲配料樣樣有啲，菇同菜份量都唔少，而且南乳雞件真係好惹味，$45包飲品又唔算貴，啲姐姐都好好招呼
continue reading
招牌小窩米線（配牛展）：跟餐豆漿—-$45牛展好硬，難咬，湯底無叫辣味，所以味道偏淡。過橋米線 ：跟餐豆漿—-$45湯底一樣無叫辣味，所以味道都係偏淡。跟餐加配：蒜泥白肉+ $13蒜泥香口，白肉肥瘦均勻，唔錯嘅。
continue reading
之前喺元朗食過呢間小窩米線，覺得呢到嘅米線幾有特色，對呢到嘅米線印象幾好，今次就嚟到位於天水圍天一商城呢間分店晚餐～招牌小窩米線 + 蒜香雞扒💰HK$45 +跟餐加凍奶茶$2朋友唔食得辣，所以揀咗清湯！呢度嘅清湯係主打雞肉豬骨湯，但飲落味道好淡，成個米線都冇味！蒜香雞扒就正常水準～ 自選米線 + 手撕雞 + 小酸辣💰HK$40明明叫咗酸辣，但係湯底顏色睇落似清湯，味道飲落去都係清湯，成個湯底最有酸辣味嘅應該就係得酸辣甜酸菜！自選米線係有埋啲酸辣炸醬嘅，結果係得果一兩粒！手撕雞肉質亦非常柴，好失望～蒜香雞中翼💰HK$28份量算多，有6隻！雞中翼外層好酥脆，充滿啖啖嘅蒜香味！係成餐飯最有味道嘅野食～
continue reading
自選米線（自選餸:南乳雞件）酸辣少辣 $40.00配料：芽菜、腐皮、菜、酸辣肉碎、秘制甜酸菜湯底夠味，唔會好咸，唔夠麻辣/辛辣嘅話可以自己再加，唔錯唔錯！！！米線唔算話好爽，但起碼唔會太腍或太漿。南乳雞件炸得好香脆，南乳味濃，腌得夠入味！凍奶茶小甜 +$2.00好夠凍，茶味比較出，所以澀澀地，奶味唔係幾夠。好少有餐廳會同時提供即棄筷子同普通筷子，所以幾特別，可能會有人覺得唔環保，但另一個角度睇，會衞生啲！
continue reading
地點近我住，都食過幾次。酸辣湯就麻麻地，麻辣湯好食啲。每次都會叫麻辣中辣招牌小鍋米線，餸就叫咗蒜香雞扒，飲品係附送豆漿，成個餐$45+$2外賣費。佢個湯底唔係好濃同麻辣唔算好辣，如果鐘意食濃味湯及辣未必啱。本身已經包咗好多配料，有菇，雞肉，酸菜，肉碎，芽菜，腐竹。配料最好食係酸菜，係甜甜地爽脆嘅口感，個人係幾鐘意食，其它配料就正正常常。米線爽口，好食。蒜香雞扒都ok ，肉質唔太靭，雞皮有少少脆，成嚿食落去係舒服，如果蒜味重多少少就好。飲品附送豆漿，豆漿幾好飲，唔太甜，都重豆味。
continue reading