Video
Above information is for reference only. Please check details with the restaurant.
平時我同朋晩上會去屯門龍門居揾食，因為果度有一條食街，好多不同種類的食肄可以選擇，今晚亦不例外，但去到又覺得好似食來食去都係果啲，覺得有啲悶。於是行入少少近龍門居街市附近，有間食店名為"尚品", 前去望下有咩食。店舖雖然不是很大，但見到有很多餃子，麵食，狗仔粉，小食等等。於是來個全餃子晩餐。先來滋味炸餃 $32/6隻，我地叫了12隻。滋味餃子有四款選擇，可以任拼，可給食客自由度頗大。原來這裡的炸餃是即叫即包即炸，非常新鮮，而且有專人包餃子，佢地很用心地包，隻隻都很包得好靚和好大隻，如果想食炸餃就要耐心等候。我當然四款都揀晒啦，隻隻餃子炸完都甘大隻，金黃色的炸餃香脆，熱辣辣，皮薄餡夠味，而且餡料都唔少。韮菜鮮肉炸餃 - 韮菜味夠香，韮菜都幾多，和鮮肉的肉汁夾埋，非常香口。咖哩洋蔥雞粒炸餃 - 咖哩味和洋蔥粒帶出雞肉的味道。黑椒香菇雞粒炸餃 - 黑椒味好濃夠辣味，餡料醃製味道剛好。芝士蕃茄肉醬炸餃 - 有少少濃厚的芝士味，配合蕃茄粒，感覺幾清新。除了炸餃，當然要點啲其他餃子，就係水煮餃，水煮餃有5款可供食客自選任拼。我每款點些少湊夠$44/12隻。整體水煮餃都夠大大隻，皮薄餡料多，醃製味道均勻，不會過鹹。健康素菜餃 - 有粉絲，蘿蔔絲，木耳絲，素菜等七種餡料包製，夠晒健康。韮菜鮮肉餃 - 韮菜鮮肉夠新鮮，韮菜味很香，喜歡食韮菜的我絕對like爆。白菜冬菇鮮肉餃 - 冬菇切粒有冬菇鮮甜味。粟米鮮肉餃 - 粟米爽甜，夾埋鮮肉食好爽又入味。香茜木耳鮮肉餃 - 香茜的香味蓋過了其他餡料味道。雖然餃子的醃製的味道剛剛好，可以不用沾其他調味料，但習慣性都會加上一些醋和辣椒油，令餃子味道更加豐富更有層次。而店舖提供的辣椒油就能做到，因為沾少少都覺得辣，大愛。除了餃子外，仲有點了一些小食，沙薑雞翼和豉油皇雞翼，兩款雞翼醃製很入味，沙薑雞翼有沙薑味，如果可以濃味啲應該更加好味，至於豉油皇雞翼略鹹左少少，另外雞肉唔夠滑溜。惠顧每款食品加$3，就可以換購原價$8的豆漿，很正。豆漿夠凍，好香豆味，又夠滑。在等待餃子既時候，見到很多街坊前來光顧，見店員同街坊亦頗為熟絡。因為店員熱心有禮招待每位顧客，而且價格亦比較街坊價，難怪街坊們會經常幫襯。
continue reading
喜歡美食的我, 不論價錢高與低, 只要是好吃的, 我同樣喜歡。香港沒有夜巿, 但很多香港人如我, 卻有著掃街的慾望, 其實除了新年那幾天遍地開花的小販外, 稍為留心的找, 平常也能找到一些吃地道小吃的地方, 無論衛生也味道, 甚或價錢, 都比那些小販優勝呢。最近很多關於屯門的龍門居這小社區的報導呢, 在屋苑範圍, 落樓下就有街巿, 和很多的美食, 住在這裡也蠻方便的呢。本來到這裡是想掃街的, 但見到一間吃餃子小食的店子, 坐下來吃點東西, 店員熱情介紹, 不小心就在這吃飽了, 唯有留待下次才掃其他店吧。小小一間店舖, 但食物選擇可不少呢, 有麵、餃子、雞翼等小食, 家庭式經營。有位姨姨落力的包餃子, 看真一點, 原來是接order即包的, 極新鮮呢!豆漿 $6是來貨的, 這品牌也不錯吧, 滿有豆味的。招牌麵$35林料有冬菇、豬軟骨、雞翼、牛展, 全部都是用心製作, 每件我都喜愛, 雞翼是豉油醃的, 入味又夠滑, 冬菇炆到超腍, 又有醃過, 好夠味, 豬軟骨的確軟熟又有少少骨膠原, 牛展也很腍滑, 但是比較薄片。而麵是較粗的, 有點像手打麵, 煙煙靭靭的很有口感, 豬骨湯底味道很清像無添加, 可以喝完整碗也不口渴。灼時菜 $15只有生菜選擇, 放蠔油作調味, 這個沒什麼特別, 只是為了吃點蔬菜。接到一個壞消息, 我最想吃的素菜餃沒了, 只能吃其他款式, 韮菜鮮肉餃、白菜冬菇鮮肉餃、粟米鮮肉餃、香茜木耳鮮肉餃, 款式可以任搭, 我們每款要兩隻蒸餃$29/8隻。相比剛才的招牌麵, 餃子的滿足度稍為比下去。餃子皮較厚, 邊位有點太闊, 饀料不夠扎實豐富, 讚的地方是餡料味道新鮮, 調味不會太鹹, 附上的醬汁酸酸的很醒胃, 如果加少少辣就更惹味。沙薑雞翼半份 $16店員極力推介, 價錢又不貴, 便試試這雞翼, 同樣醃得很入味, 薑味不會太濃, 連我不愛薑的人, 也覺得不錯, 有沙薑的香, 雞翼腍滑。最後來些炸餃 $32/6隻, 炸得很透徹, 卻不會很油膩, 咬落鬆脆香口, 發覺餃子皮炸了後變得煙靭討好了, 即使單吃皮也覺得過癮。我們叫了兩款炸餃, 咖哩洋蔥雞粒 和 芝士蕃茄肉醬, 兩款餡料感覺較蒸餃的豐富, 咖喱和蕃茄汁料滋味, 但芝士那款芝味則較弱。明白小店可能沒人手去洗碗碟, 但一餐用上多個發泡膠即棄盒, 確實對環境有愧, 發泡膠是很難分解的物料, 如香港能學習台灣, 多點以紙盒代替發泡膠, 那麼食客也會食得較安心, 又, 我也明白紙盒要摺的, 也要時間, 香港人, 分秒必爭對嗎....
continue reading
在龍門居街市巷道深處，有間小小的餃子鋪，叫『尚品』。入面只擺了兩張桌子，一張是婆婆每天用巧手包出了帶有「家」的味道的餃子的工作桌，另一張則是食客大快朵頤的食桌。讓我時刻惦記這間餃子鋪的除了是那些美味的餃子外，還有那兩張桌子拼出的滿滿人情味和老闆分享美食的熱情。從來越簡單的東西往往越不容易整得好。就如包餃子，都是考功夫、講心機的手藝。以前我媽媽也愛在家中包餃子給我們，每次我們姊妹仨都會幫手把餃子塞滿餡料，媽媽再收口捏角仔，當時年紀小小的我也可一人吃到十大隻！對我而言，媽媽的餃子是最好吃的，可是她年紀大了，這花工夫的程序也免了，改為買現成的灣仔碼頭、鳳城水餃。出面不少店舖為了節省程序，也會選擇買現成的或買來一台機器幫忙。但『尚品』堅持每日新鮮人手包餃子，每日如是。單是這份堅持，加上食友的落力推介，已值得我特地拜訪。原來除了餃子，還有麵食和餸菜。食物價錢非常大眾化。一碗麵才不過二三十元。我一心來吃餃子，$44有12隻，已是非常飽足的一頓晚飯了，十分抵食。12隻自由選擇味道，我們當然試勻5款口味。先試健康素菜餃，材料多樣，有蘿蔔絲、木耳、粉絲和菜，令到口感十分豐富，非常喜歡！韮菜鮮肉餃是水準之作，肉菜比例剛好，調味恰如其分，難得是沒有肥肉，食得多也沒有罪惡感。白菜冬菇鮮肉餃也味道不錯，白菜、菇和肉下得毫不吝嗇，滋味非常。粟米鮮肉餃我覺得是頗為特別的一款，餡料填得滿滿，粟米的香甜提升了餃子味道的層次。最後一款香茜木耳鮮肉餃也有其特色，標準的北方口味，餡料香氣十足，肉汁豐富四溢，讓人一試難忘！因為是家庭式小店，餃子口味比較清淡，而且不添味精，非常健康。餃子每隻都手掌般大，一夾起來就有沉甸甸的感覺，全因餡料飽滿，絕不取巧。這裡的餃子皮並非北方那種厚皮，也不是太薄太軟糊，取中庸之道，帶有一點嚼勁，那韌度正是我味蕾一直尋找的感覺。吃的時候我立即WHATSAPP給我媽，告訴她，竟然可以在出面吃到她以前包的餃子的味道，平凡的餃子，卻能用最簡單的食材和調味做出不平凡的美味，那份感動真的非筆墨所能形容。一場來到，也點了6隻炸餃($32)，試齊四款口味。跟口感帶有咬勁的水煮餃截然不同，炸餃炸得黃澄澄的，像是一隻隻金元寶。炸皮金黃酥脆，咬下去喀滋喀滋，餡料亦盡量選擇較香口的，配搭得宜，味道惹味非常。咖喱洋蔥雞粒炸餃，味道有點像咖哩角。咖哩微微帶辣，辣度容易接受，一吃，熱騰騰的咖喱雞粒餡料立即刺激味蕾，惹味之選。黑椒香菇雞粒炸餃，黑椒下得頗為重手，第一啖黑椒味已撲鼻而來，配搭粒粒香菇，口感甚佳。芝士番茄肉醬炸餃，外面比較少見這個配搭。通常芝士肉醬只配意粉，想不到也能和餃子來個Crossover。芝士的鹹香，加上蕃茄的酸甜，又是驚喜的味道，一隻真的不夠喉呢。韭菜鮮肉炸餃同樣出色，香酥脆口的炸皮下是鮮甜到不得了的餡料，肉汁緊鎖在拌得均勻的菜肉餡中，味道濃郁滋味。新鮮美味豆漿（任何食品+$6）是全餐飯較為失望的吧，因為我倆以為是新鮮自家製，誰知上桌發現是壹品豆漿。雖然同樣無添加，也明白小店難以兼顧太多，但還是少許失望。12隻水煮餃加上6隻炸餃，即使我倆是大食怪也，胃部亦已快撐到人體極限。吃畢，熱情的老闆老闆娘說他們還有許多招牌，例如：狗仔粉、冬菇炆豬軟骨等，問我們是否足夠，我們起初以為他們想推銷還是想什麽的，就婉拒。誰知老闆熱情地說他們的滷水腩肉亦很好吃，拿了兩片給我們試試。盛情難卻，一試，不得了，腩肉肥瘦肉相間，而且滷得極其入味，難怪老闆對自己廚藝那麼自豪。不一會，老闆又興致勃勃地在廚房拿了幾片炆冬菇出來。對著老闆老闆娘的熱情和他們的美食，我真是投降了。那冬菇色澤光亮，滑溜軟身，吃得出是好貨色，而蠔油炆冬菇亦炆得非常入味，咸甜適中，稔甜美味，好吃到不得不得了！問老闆有何心得，老闆表示一定要浸夠時間，那功夫是絕對不能省的。我明白了。有些堅持，其實就是來自對美食的那份熱誠，因為喜歡分享美食，所以堅持人手包餃子。因為喜歡分享美食，所以就算不收分文，都只想食客吃到自己用心製作的食物。也許這兒環境凌亂，位置偏僻，食物簡單樸素，未能相機食先，但吃的全是真材實料，也是店子的匠心和暖暖的人情味。單是這種良心經營，就已經是再來拜訪的最佳理由。
continue reading
你有冇諗過食餃子放題？如果冇，我今日就試左！話說住九龍既我，一班朋友山長水遠入屯門既一個朋友度開P。人生路不熟既我地，對於屯門，除左知道遠，仲有既都係遠，同埋好 遠。如果今日唔係有車，我係唔會入去。而我相信，我一年入屯門既次數可能少過去旅行。開P食咩，你問我我問邊個，當然問番屯門友，佢提議食餃子。一個自己食完都唔知邊度，要問番朋友地點既餃子店，原來有好多野食。淨係計餃子(湯同炸)都有差唔多十種。當然仲有其他，沙薑雞，醉豬手等等。最後已經唔駛再去其他地方"加料"，因為呢度已叫左大量食物。健康素菜餃 $25/6隻韮菜鮮肉餃 $25/6隻白菜冬菇鮮肉餃 $25/6隻粟米鮮肉餃 $25/6隻餃子全部都好大隻，順便係呢度回一回帶，因為叫野食既時候，我已經偷偷影左佢地有專人人手包餃子。咬落去餃子皮唔算好厚，但入面既餡料就好足，四種湯餃都係咁，絕無偏私。另一個重點當然係醬，因為我食餃子一定要點醬，而餃子店都好好咁比晒辣同唔辣既豉油。我就幾鐘意辣既豉油，好惹味。五香牛展 $45份量夠多，厚度適中，所以入口好舒服。上面加左少量白醋，食落好開胃。花雕醉豬手 $45花雕夠入味，啜豬手既時間依然可以啜出花雕，而且豬手啖啖肉。沙薑雞翼 $32/8隻雞翼都幾大件，但略嫌沙薑味唔夠突出。冬菇炆豬軟骨 $38冬菇，我最唔鐘意食，但係豬軟骨就好有驚喜。十分腍口，幾乎不需咀嚼，而且又入味。小食拼盤 $18/9件$18/9件，抵食開p之選，有咖哩角，麥樂雞塊同埋春卷。P我成日都開，但係開咁樣既餃子P，真係未試過，原來過癮！
continue reading
今日過左屯門龍門居呢個地方，友人新居入伙，煩緊打邊爐好定係叫pizza....但两樣都係熱氣到暈…友人話佢住呢度好，係樓下成條街都係野食，仲開到好夜下，就係唔怕會餓親既然係咁，落去睇下先，又真係咩都有得食喎，有炒野，有腸粉魚蛋，有粉仔，章魚八爪魚丸，手抓餅，花多眼亂，好似一個小型夜市咁，同埋都好多人買，証明質素有返咁上下，行行下，見到有間特別啲頭先條街無嘅，就係尚品呢間專賣手包餃子嘅舖頭餃子湯有炸，粟米鮮肉同韮菜鮮肉，雖然要等，不過還好係即叫即造，所以好新鮮餃子真係幾大隻，涵多足料，皮唔會好厚，配佢地自家調製醬汁，有辣有唔辣，小妹鐘意辣辣地之餘有小小酸味，吊起餃子鮮味，好開胃喺等嘅時候已經見到店員密密包，而家人流都算多，好彩order左先，唔係等都要時間另外又叫左啲小食，冬菇炆豬軟骨呢個都係必點item...豬軟骨炆到好稔好入味，連啲冬菇都吸晒湯汁，咬落下下都爆汁，good!花雕醉豬手呢個凍食，豬手隻隻都啖啖肉，唔係用啲骨黎充撐場面，不過酒味就略為唔夠濃，但都係可以點嘅item呢度仲有生餃子外賣，打邊爐一流，外賣餃子都不失為一個好選擇！
continue reading