山東餃子館 (Moved) New Location

這天，很想吃一些與平日不一樣的東西，不想又再吃，韓，日，西，特色小菜難找呀。行下行下發現到一間感覺很像以前小時候外婆經常帶我去吃的小店，山東也是我的家鄉，憑著直覺，就已經走進去了。坦白說，我一直都覺得好多標記住當地特色既美食，都已經失傳了。中國有很多道地美食，小菜，經過時代變遷，傳上傳，已經找不回曾經。 今日就希望分享一下，失傳的山東味道在那兒！ 手撕雞？ 很多人吃過，山東手撕雞又有幾多人真正吃過？ 重點在於先醃漬炸過再蒸！ 讓人一口接一口難以自拔！ 小食又可以，送飯又可以！ 再黎分享多一樣！ 水晶餚肉！乃屬江蘇鎮江市一道傳統名菜！ 光滑晶瑩，肉紅皮白，入口肥而不膩！一個店鋪，多款失傳菜式！ 這裡還有很多餃子，麵。正！ 下次要試埋！

呢間餃子店我已經黎過好多次，每次突然想食餃子既時候都會黎～今次帶朋友黎捧場，佢地點左好多款唔同味既餃子😆 我自己基本上次次都係食餃子，今次突然想點其他野食試下～之前已經好想試下呢個雞絲拌麵！果然無點錯！醬汁同埋清新既青瓜絲夾埋一齊食，真係一流！配合埋好香的芝麻醬，唔單止唔蓋過本身雞絲既味道，反而又合度好處地將雞絲既味道再帶出黎～見到隔離枱點蔥油千層餅好似賣相幾唔錯於是我又點左一份。咬落好脆卜卜好鬆化，蔥味好濃好香，完全feel到係好新鮮整出黎，唔會食到好似好緊好多麵粉咁～而且我鍾意佢唔會好油膩，值得讚👍🏻

十照風級既前一日，自己一條友周圍去搵好野食。揸車路經太子，見到一間行簡約路線既餃子店，就停車殺左入去。裝修好簡潔，有幅好令既畫，比人好舒服既感覺。麵加3只餃加埋一杯凍飲都只系盛惠$49，超正😍嗌左五香牛肉麵加九菜豬肉餃同一杯凍豆漿😋d餃既皮好薄，面粉既量用得岩岩好，未食落口都睇得出師傅用料十足，咬落去啖啖肉，完全冇偷工減料。同平時系出邊食到既好五同，五通d豬肉都系精挑細選？牛肉麵都幾正，牛筋同牛肉既比例適度，煮的時間都適合，所以d牛好有咬口。豆漿不淡不濃，岩曬我呢d健康路線😎希望個風快d走，我帶d朋友又來食多d五同款既餃子😂

平時好少行過黎太子警署呢邊,但今日朋友叫到一齊去揀花咁就一齊去下喇,去完見大家又累又肚餓,咁不如搵個地方食個快規正既晚餐,雖然聽日星期六,但今個星期太chur,想早少少番屋企抖下😅去左山東餃子,基於其實我都幾肚餓,同朋友2個人叫到成枱都係餸,不過我覺得個擔擔麵係最好食！平時食既擔擔麵可能因為成本問題都可能好細碗,但呢個d都多之餘,都幾彈牙,拍得住大集團既質素,有水準之餘仲係平民價錢,呢餐飯食完連荷包都係滿滿的👍🏻

之前喺太子附近做野，下午想食少少野填下肚，行下行下就見到呢間山東餃子館～ 都幾多人幫襯👍🏻 於是就同同事試下～ 呢度嘅餃子款的超級多，真係五花八門～ 仲係有啲好有創意嘅餃子款式，例如金玉滿堂鮮肉水餃，番薯苗鮮肉水餃之類，好正🤣我哋就叫左韭菜鮮肉水餃，同埋茴香鮮肉水餃，其實都唔知係咩黎，但係上網好多人都話好食，所以就試下！另外，我哋仲叫咗酸甜皮蛋豆腐，聽個名就好想食😋等左一陣，就有得食啦！先講茴香鮮肉，有啲大開眼界，原來茴香係好清新同好香，夾埋鮮肉一齊食，感覺好似健康，唔會覺得食肉好滯，中和返👍🏻至於韭菜鮮肉，都幾高水準！佢嘅餃子皮唔會好厚，亦都唔會好粉感，配韭菜濃味，好夾👍🏻至於甜酸皮蛋豆腐，味道超特別，我最鍾意食佢嘅皮蛋，豆腐淡淡地口配皮蛋仲有甜酸嘅醬汁，好有口感，勁特別，好想送飯食🤣😂整體來講，算幾驚喜！餃子好足料，食幾舊已經填到肚，代替左飯類澱粉質，不錯不錯！影得最靚呢張😂😂👆🏻👆🏻

朋友發掘到一間性價比幾高既餃子店，對於我呢個吃貨黎講當然唔可以錯過～間店係太子地鐵站附近，都幾容易搵。太開心啦～因為有好多唔同款既餃子選擇，一定可以揀到岩心水的口味。韭菜鮮肉水餃麵望落好似唔係好大碗，但係其實份量都幾多，好夠飽！而且d麵好彈牙煙韌，加分👍🏻！水餃大大隻，皮薄但係餡料好多，食落去韭菜味好香好濃，要小心慢慢咬因為好多汁好juicy架！越食越開心決定加碼點左煎京蔥羊肉餃，好大粒同熱辣辣既餃子煎到表面金黃色，微脆的口感好香口，羊肉好鮮嫩，而且肉汁完全鎖住係入面，好好食！見到menu仲有好多小食，下次可以試埋～

又到每一日中午諗食咩既時間。話說呢一日如是地跟同事們在附近遊走，睇下有咩食，來來去去都係日式，西式，無咩特別，最終入左呢一間食餃子🥟的！ 其實我以前係好中意食蒸餃，湯餃，煎餃 。但香港的確好難食到正宗的！ 我叫左一份蒸餃，加一樣好有趣既酸甜皮蛋豆腐。蒸餃，料多，皮薄，入味，大隻，加埋呢個豆腐，滑得黎，一夾唔會散，有陣酸酸既味道刺激我味蕾，當我試果一啖，已經諗，呢個絕對會上癮，好開胃，絕對值得翻單！ 總之唔多講，抵食，滿足，在工作到腦震盪，需要透下氣的時候，食完好食既野，絕對戰鬥力加倍！

有朋友介紹佢話呢度嘅水餃同埋麵都好好食，一直都係相信呢位食客嘅口味！一個周圍捐窿捐啦搵好嘢食嘅人，佢介紹得嘅嘢應該都有返咁上下水準！入到去餐廳已經聞到好香嘅餃子味，叫咗一份韭菜餃另外再叫咗一個麻辣牛肉麵！我想講你個麻辣牛肉麵真係超水準，估唔到喺太子區嘅一間小店都可以食到咁色香味俱全嘅牛肉麵！本人算係好食得辣嘅人，但係佢嘅麻辣主要都係麻既香味為主要唔係嗰隻頂唔順嘅啦，所以越食越滋味！另外佢嘅牛肉同佢湯底好夾，牛肉又唔會太肥唔會太瘦所以入口嘅口感非常之好！所以非常值得推介👍🏻希望店主可以保持水準，下次再試埋其他款式❤️

又到下午茶時間，今日突然好想食餃子，系好傳統果隻，而五系周街都賣緊既日式餃。有幾個朋友都異口同聲甘推介我去太子既山東餃子館，大家都like 甘梗系要去試試佢拉。$36下午茶8隻餃子勁抵食😍仲要1:30就開始😂呢個時間真系不得之了😆山東餃子館一聽就知系傳統老牌店，就試下白菜馬蹄豬肉餃先。傳統得來不失小小創意，餃子入面有馬蹄都系第一次聽。一碗8件，望起來都大大隻，幾有份量。急不及待甘咬一口，白菜豬肉餃本身就食開既，加左馬蹄特別有清爽既口感，健康既味道。餃子加入到小小甜味，咸中一點甜，食得出師傅既用心研制😋好食又抵食，點可以五開心share , 吃完梗系外賣多碗比女朋友，甘我一陣又可以偷食一隻😂

落左成個星期雨,見今日終於停雨,緊係行遠少少搵野食,行左過去太子警署果邊,之前都聽過人講話好多野食,見到呢間山東餃子好似好吸引,就入黎試試,今日想食d香口野,就叫左煎雙拼餃,津白鮮肉餃同埋青素水餃,我自己本身都幾鍾意食餃子,尤其是菜肉餃,呢間d餃子即叫即煎,所以都要等一陣,不過都無所謂既,最緊要煎得好食！餃子煎得幾香脆,唔會好油,菜幾新鮮,連埋肉食好有咬口,唔錯👍🏻青素餃就專登叫黎中和番平時食煎餃既油膩感,估唔到都幾足料幾大隻,下午茶時段都係40蚊左右,幾抵食,可以再黎👍🏻

太子有好多好野食，隱世小店！其中一間梗係花園街呢間山東餃子館～ 我食過幾次，帶過朋友去，都話好唔錯😍 尋日啱去左附近球場打球，完咗帶隊員過黎食，我朋友好鍾意食羊，所以我地叫左羊肉餃，煎既；仲有茴香豬肉餃，蒸既！😍 呢度服務好好，又唔洗等好耐就有得食👍🏻 羊肉餃好好味～ 羊肉味好重，唔算好蘇，肉好足料，多到餃子撐到脹卜卜，煎岀黎既餃子皮，脆脆地，好香口😍 食完好想再食過，好正！至於茴香餃，好特別！我未試過茴香，但味道好清新，好似好健康既感覺，餃子一咬就爆勁多汁，好似飲埋湯咁，好好味～又好飽肚！正好啱哂我地做完運動填肚既胃😍👍🏻整體來說，好推介👍🏻值得一試！食過翻尋味😍

陪朋友去太子花墟旁邊的運動場打完球，唔肚餓但係又想食少少野，於是就係附近搵嘢食。突然見到呢間山東餃子館🥟，感覺好似唔錯就決定入去～店鋪幾簡單企理，無花巧的裝潢反而真係有幾分山東的樸素感。🥟餃子當然一定要點，有好多款口味可以俾客人揀，而且有雙拼口味可以選擇，就算有選擇困難症都唔使怕～我點左津白鮮肉，裡面的餡料非常多，一咬落去湯汁都會流出黎，而且餃子皮算幾薄，真係名副其實皮薄餡靚。朋友點左京蔥羊肉，連我呢個唔鍾意食羊肉既人都覺得好香，唔會有好大陣羊騷味👍🏻 而且好多餐廳的餃子餡肉都會切得好碎，但係呢度既餡料真係可以咬到，令到成個口感更加豐富～🤩

當日，兩人打了一粒鐘非常激烈嘅羽毛球。彷彿將身體内任何一粒食物消化曬咁即係....要盡快搵嘢食好似冇食餃子，咁就食餃子啦仲要下午餐，仲抵食我就梗係食京蔥羊肉餃啦咬落肉汁爆多，羊肉又唔會太碎，仲可以咬下，坊間有d餃子店為咗掩飾用咗劣質羊肉就將羊肉挍到勁碎，完全冇咬口，呢間就冇呢個問題，另外京蔥同羊肉比例合理，大讚友人就叫咗茴香肉肉餃，驚為天人茴香嘅香氣係口腔內久久不散真係但我一口又再接一口搶咗友人三隻茴香餃食加咗個小食煎韮菜餃，都係茴香餃夠出色🤔熱豆漿都好香濃

係太子行開街，又到搵食既時候。由於唔算太餓，加上天氣又炎熱到無乜心情，只想食小小暫時醫下肚。但附近都係地道既茶餐廳多，唯一見到有間餃子店，又符合我食小小既要求，就入去試下加抖抖氣！入到去感覺比較自助，可能係小店，招呼無乜，茶水自便。求求其其叫左兩個小食，真心依個價唔係平。但最嬲既係我地落完單唔夠三十秒，到隔離枱食客落單，竟然有店員提示下午茶時間到，需否轉過張點餐紙落單。嘩，聽到依句火都黎呀，點解隔離枱有提，但我地就無不突止，仲要無service呀！涼拌青瓜，只係室溫而唔係凍既，賣相又唔得。完全同我預期既相差太遠，重要有大量芫茜混入青瓜當中而唔係放面作拌碟，對於唔喜歡食芫茜既人簡直係惡夢，而且味道淡口，又唔咸又唔辣，只有青瓜本身清新既感覺。由於賣相同味道完全唔掂，唯有自己整色整水，加d辣醬即刻變左第二碟菜，辣味帶起左成碟青瓜既靈魂，咁先好反小小，味道無咁寡！至於餃子，加煎要另外收費。見就見係即場包唔係現成貨，但味道同饀方面都真係無乜特別。韮菜既香又唔係好覺，津白既甜又無乜，好普通！價錢又貴，44得10隻，好食就貴d都無所謂，最慘係唔好食又唔抵食。青瓜又係，某連鎖米線鋪平過佢又好食過佢。最

今日臨時臨急搵間野醫個肚....🤔就去左呢間，叫左三樣野，餃子 🥟同春卷都一般般，個麻醬伴麵特別難食.....我仲以為係芝麻醬～點知唔係既～一啲麻香麵冇既！🤮🤮🤢🤢好難食！唔係講笑～個感覺好滯～嘥哂個麵質！個麵質其實好食既，所以大家可以叫雞絲伴麵！因為雞絲伴麵個醬先係平時食開嗰隻啡色結結地好香果種芝麻醬.....😭😭😭個餃子中規中矩🤔，唔算太好食，又唔係好難食🙄不過我覺得皮就厚咗少少🤫不過如無意外都唔會俾多次機會呢間野🙄