山東餃子館 (Closed)

🔎山東餃子館📍深水埗元州街81C號舖-繼續係深水埗餃子系列 呢間睇落平平無奇 但好有多好特別嘅餃 番茄/番薯餃都有-🔹韭菜鮮肉水餃 $34/10隻 轉煎餃＋$3韭菜餃係我每次必食嘅餃～ 轉煎餃都只係加3蚊相比其他餃子店呢間嘅豬肉份量會較多煎餃配辣椒油唔錯 不過就可以再煎脆少少會好d🔹西洋菜鮮肉水餃 $36/10隻西洋菜餃相對較出色 價錢都唔貴 餃子唔細隻 淨食10隻都夠飽 雖然無湯但唔會好乾身 不過如果有埋湯飲就更好🔹蔥油千層餅 $22真係千層餅 幾酥脆 無油膩感 剪好4件方便食用#90sfoodieshare_深水埗 #食在深水埗

手撕雞拌青瓜$36不辣的手撕雞輔以蒜蓉及青瓜，清新可口，青瓜有拍過，幾入味，手撕雞可點有芫荽及薑蓉的豉油，我就比較鐘意原汁原味多d，同食開有芝麻同辣既手撕雞不同風味，各有特色。香煎豬扒$20半煎炸的大豬扒，頭湊近一點就能聞到炸的香氣，咸咸香香，是最推薦的菜式。上菜的時候豬扒有點散亂，影響了賣相，所以我自行撥返好先影相😂白灼菜芯$20加了豉油，份量多，菜芯都幾甜。食左半個鐘，見到都幾多人叫水餃外賣，搵次試下都好。

今日去咗深水埗這間地道老字號的山東餃子館，之前男朋友成日都叫外賣。環境是舊式的感覺，光猛簡單設計；送上熱茶及秘製醬汁（豉油芫茜蒜蓉，超級野味）食物好多款選擇，有小食、串燒、粉麵、餃子、菜類及特色小菜等。1. 水晶肴肉水晶的透明外皮及中間如啫喱口感，肉感香口有口感，凍凍地好正！2. 羊肉串羊肉熱熱地，未食已經香味四溢，羊肉雖然乾身，但口感香口！3. 茴香鮮肉水餃麵茴香鮮肉好足料，好滿滿的餡料；茴香好清新,鮮肉好軟滑，皮是煙韌的好咬口，水餃好出色！配上白菜仔及煙韌彈牙的麵條，湯底唔會咸又唔口渴！4. 雞絲拌麵雞絲青瓜滿滿的盛滿了全碟，好足料！麵條好多，下面是微辣野味醬汁，拌勻後好美味可口！

這裹的餃子不是說很特別，但係都係好吃。好多人食面會加埋湯㡳，但哩度唔係湯底出色，而係d面。面很彈牙，所以食餃子面唧時候我會習慣就咁落辣椒醬撈埋一齊食。d餃子的餡很多，食落好滿足。

2019年3月16日（星期六)隨意食，唔挑剔，見到有位，仲乾淨企理添，又係幫襯開同系分枝，應該穩陣，一於試吓佢。麵食、餃子、小食唔少得！首先上枱嘅係麻辣土豆絲。香、脆、爽、辣，色香味樣樣有，好味中辣擔擔麵係我至愛，點知就最失望！麻醬太霸道、太油膩，有啲酸，不可取！五香牛肉麵「淡然無味」四個字可以概括，唔掂！鴛鴦蒸餃，韭菜餃拼馬蹄餃，餡唔脆、肉唔香。莫非真係珠肉在前，同長沙灣老舗比，只係地方環境取勝、食物味道完全比下去！

深水埗區的素餃試過「山東餃子館」、「天譽素食」和「品蓮素食」。素餃來講，最好食都係呢間山東餃子館不過山東始終唔係全素的素食館，有葷食供應，介意的朋友就要留意返喇。lunch time時間都坐左7-8成滿，一坐底呀姐放低杯茶、湯匙和紙巾準備幫你落單。一個人點左1）素餃面$36 和 2）蕃薯苗$20素餃麵配5隻素餃。細食的朋友可以唔要麵，一樣價錢改做10隻餃。或者order 5隻餃都得架。有白菜、菇、豆干、粉絲，咬落多汁有口感，唔似出面d 素餃咁淋晒。

同事介紹所以知道呢間。之前去過幾次都係吃素餃，每份餃十隻，好足料，女仔當lunch食分分鐘食唔哂。仲有餐前小食如拍青瓜、木耳、粉皮、串燒等，種類都多元化。今次去吃雜菇麵，麵條粗幼適中，菇份量多，味道也好，還灑上葱花。份量是一貫大份，加多杯豆漿，食完已經飽哂。

呢間山東餃子店筆者黎過好多次，用料十足。餃子包唔厚，唔會好大麵粉味，肉餡夠入味有汁水。湯底濃厚清晰，而且唔似用味精。麵條粗幼適中，適合自家餃子同湯底，麵味足夠。仲要有幾條白菜夠哂貼心。而炸醬麵就唔似有d鋪頭咁好重味同咸。肉醬剛好夠撈哂碗麵，份量剛剛好。青瓜絲粗左少少，但有汁水，撈麵一流。但如果炸醬麵有冷吃就正啦！黎深水埗真係要黎食下呢間餃子麵店。用餐日期:12/1/2019是餐費用:$66味道:7.5/10環境:7/10性價比:8/10

今日係附近做完野,好熟深水埗既街坊,向我介紹山東餃子,好出名嫁,一定要試試,好啦横掂未食午餐,講到甘好食,就等我泥踩踩點啦,我兩個人去食,我中意食餃子,所以滿心期待去試,坐底立刻點左津白餃子,但太餓加點左豬排麵,雞絲粉皮,佢地既效率好高好快上齊😂,個麵單食是滿好食,但個豬排有點遜色,在家煮會更好食🙈雞絲粉皮熱的就已經怪,粉皮既軟度,也不是我愛的,我想只係個人的關係吧,但餃子是真的好吃,肉札實,好多肉汁,也明白在甘多人介紹,不過我唔會再泥食🙈

每一次我想食餃子，我絕對唔介意特登去西環餃x緣或者灣仔北京水x餃王，因為真係好好食，品質有保證。餃子唔係什麼昂貴佳餚，但好食的話，會覺得特別窩心，好溫暖，有家的感覺，好食一定常常幫襯搵返呢個感覺！雖然餃子是北方人家常便飯，食餃子這文化已經好融入南方家庭，南方人都很喜歡吃！但係，如果餃子好難食，救命，咁簡單的材料都煮得難食，感覺好似家嘈屋閉雞犬不寧，唔想再返去！呢到d餃子未至於難食，但無heart都夠死啦！已經唔係湯上囉窩，個皮都可以咁快淋咇咇溶溶爛爛，一夾，d餡料跌晒出黎！手撕雞一上，嘩，咁既色！碟調料蒜泥唔夠。咬落去凍冰冰的雞肉唔新鮮，OMG，餃x緣好食一萬倍！果陣雞籠味闢唔到，凍左d雞油好似牛油咁彰住條脷，彰住喉嚨，陣油有d噁心，決定放低，睇下點處理！京蔥羊肉餃：完全無羊肉羶味，同餃x緣無得比，人地大大隻羊肉夠香夠多。睇d留言話韭菜水餃必試，叫碗韭菜水餃麵，順便試埋麵質。麵來了，把手撕雞放入湯裡，希望救得返唔浪費嘢食！OMG，暖左d仲難食，仲整衰碗麵添！麵質一般曲曲地上海拉麵，唔係正宗陽春麵。湯好鹹，個韭菜餃個皮一樣差，韭菜味唔出！算把啦，放棄唔食！以後唔黎！bye！

聽說深水埗 太子 附近一帶有好幾間美味餃子 今日小籠控就去咗深水埗搵食 下晝四五點入去 唔使等位 自己一個坐咗面壁位 😌 餃子種類非常多 侍應姐姐非常有禮貌 今次點左韭菜水餃上海麵 上菜時間都快 有驚喜 俾咗好多時菜 5粒韭菜豬肉水餃都好飽滿好大粒 上海麵份量充足 湯底唔錯 唔算好咸 下次可以再試其他水餃

沉晚去左深水埗買嘢順便醫埋肚行行下見到呢餃子館就咁激起我想食餃子既衝動入左去望一望個menu餃子種類五花八門我最後揀左個白菜馬蹄鮮肉水餃麵貪佢有馬蹄爽脆感結果當然無令我失望喜出望外既係水餃肉汁豐富 認真juicy另外d麵食落都好煙韌 仲有d白菜仔都好甜應該有揀過下👍🏻食食下我見到隔離檯叫左個麻醬雞絲粉皮d麻醬香味飄埋黎真係好吸引搞到我都忍唔住叫左碟黎試試個粉皮份量十足無論雞絲抑或麻醬都係好足料加埋爽脆又清新既青瓜絲涼拌呢d傳統絕配真係無得輸

晏就2點幾時間去，一入去就唔洗等位。店內環境比較似茶餐廳，但整體衛生都算唔錯。因為有好多唔同款嘅餃子，最後就揀左最大路嘅韭菜豬肉餃（加左3蚊轉左做煎餃），另外再嗌左個雞絲粉皮。餃子一嚟到就見到好大粒同熱辣辣嘅，食落去都好多肉汁同韭菜都幾濃，餃子皮都煎得好脆下，但就比較多油，最好嗌到杯豆漿飲解下油膩而雞絲粉皮食落去味道唔錯，麻醬味好濃，而青瓜都好新鮮，整體唔錯，雞肉嘅份量都幾多，但如果粉皮可以凍d同爽口d會更加好食

本人今日行深水埗見肚有小小餓就入左一間山東餃子館、一入度去態度散漫、無人招呼唔緊要、自己搵個位坐、揮手都無人應（揮左兩分鐘）最後都總算有人回應、咁我就點了一個番薯苗、我食食下番薯苗見到有藍色顏料嘅物體、咁我就叫個呀姐過黎、呀姐一黎到眼超超、態度冷淡、一句我有老花眼睇唔到、咁自己睇唔到係咪唔識搵其他人睇呢、對於廚房有無洗乾淨d菜同樓面工作態度、對於山東餃子館今天所作所為深刻難忘發誓從此以後不會再來山東餃子館

我挺喜歡食餃子，聽朋友說佢偶爾lunch break時都會來這間食。今日我再毒遊到這兒附近，於是來吃吃看。 這兒是自己隨便搵位坐。餐牌枱面的企架上已經有，侍應見你坐低就會奉上熱茶。我好快就點了京蔥羊肉餃。這兒十隻餃都只是$38. 價錢比起我在港島食便宜好幾蚊。這兒的冷氣好大。大概怕單會飛走，侍應寫完單都直接把它夾在餐牌企架（如下圖）（影相原因，上方的圖是我拔返這張單出來影）熱茶勁快變得冷冰冰的。 個人開始覺得凍，幸好餃子都挺快端出來。沒有小碟子可以分開盛醋。見侍應消失得咁快，我都懶得叫佢，我於是用羹裝醋來點。 但真正的扣分位是本身有兩粒餃子本身已經穿了洞(圖上方都明顯見到有一粒破了)，漏晒肉汁出來。味道其實幾好，京蔥、莞茜和洋蔥和羊羶都幾配合。但我嫌啲餡都切得太粗糙，影響口感和享受這份味覺。😕而且冷氣真的好大，餃子食到一半已經吹到涼晒。最後兩粒直情是冰的。侍應都沒有為「冰」茶添加返熱茶，所以完全坐唔耐。我食完都好快賣單。說實話佢係幾便宜，而且不難吃。不過流水式的粗糙作業和冷冰冰的感覺，令我扣左點點分。