岱民灣仔店

Open Now

Now Closed

第二天又来解决午饭了，昨天的感受还是蛮不错的，这次才看清楚为啥昨天收了我33块，那是因为两送饭其实是28，忘记啥时候看到的25了，不过不重要。考虑到昨天吃的俩菜都太干，于是今天选了湿润一点的俩菜，因为有喝的了就没买例汤，事实上确实更好下咽，但是，今天米饭不行，有点夹生，米饭没吃完剩了一点，希望下次米饭不要这样了开始排队的时候大约有5人在前面，等我打完饭（中午12点13分）的时候排队已经15人了，真是火爆。

心心念很久的兩送飯，今天終於得償所願，25塊選2個菜，我選了2個肉菜，28塊，例湯一份5塊，一共33塊，可以用八達通買單，很方便。例湯非常好喝，物有所值，我感覺下次可以弄兩份例湯喝米飯略微有點硬，不過對於外賣來說，硬一點肯定是好過軟塌塌的米飯的；香煎豬排比較油大，吃起來有點幹，不過味道不錯，也下飯；鹹蛋蒸肉醬味道也不錯，嗯，不過也是有點幹，下次還是要選一個素菜比較好，會再來，又平又好食。

平時間中有幫襯開呢間2餸飯，但呢排有個夾餸態度極惡劣，事因係有次下一個輪到我，個啊姐望住佢再望我話食咩，但我前面仲位先生係到 ，我就指佢示意佢排先，點知個啊姐勁惡又大聲話 ：講啦食咩啊，佢（後面另一個姐姐）會幫佢架啦。我就上前叫餸啦，同時我再望下個佢身後姐姐，忙緊處理後面既送，都唔似即將幫人夾餸，我心諗洗唔洗咁大聲啊咁惡啊， 雖然係2餸飯姐，但都唔洗咁啊，我唔會要求你好態度但都唔好咁衰，你咪求其講句照上前咪得囉 ，之後到俾錢再到走我都見到佢keep住狂燥症咁同其他人講野。所以唔會再幫襯呢間野， 越做越衰，啲餸質素又差左好多，之前都多人排隊，依家有時去到得4、5個排甚至唔洗排

話說lunch時間去買兩餸飯，由於我對牛肉敏感，所以一定會問定係乜嘢肉。當我問幫我畢餸嘅阿姐嗰碟係蓮藕加乜肉，唔知係阿姐聽錯定係太忙，佢一嘢就畢咗落我個飯盒度。我再問佢嗰碟係乜嘢肉，佢話可能係豬肉，但係我見佢嘅顏色有啲深色，我好驚係牛肉。去隔離俾錢嘅時候我再問收銀阿姐嗰碟係唔係牛肉？收銀阿姐好大聲問廚房係牛肉定豬肉，廚房亦都答咗佢係牛肉，跟住我即刻講「我對牛肉敏感，我要轉餸」點知呢位收銀阿姐好大聲同我講「唔俾轉，你快啲俾錢，後面好多人」，我隨即望一望我後面有冇好多人排緊隊，點知得一個排我後面。我再同佢講我對牛肉敏感，呢位收銀阿姐都堅持唔俾我轉，但係又逼我俾錢，無可奈何，我都係俾咗錢$28 ，然後隨即掉咗個飯盒落垃圾桶，我亦都永遠唔會再幫襯佢，雖然$28唔係好多錢，但係我條氣真係好唔順，如果我夾硬食，最後落得入醫院嘅下場，我覺得唔值得

有一次同一位女友人傾開澳門誠昌水蟹粥.我話成二十年前第一次食，簡直驚為天人! 臨返香港都要食多一轉先上船，但女友人持相反意見，佢話唔會食完又食，留待下一次有動力再嚟澳門食!結果事實變成.... 依家嘅誠昌水蟹粥已成垃圾，連當年一成水準都無，但價錢就跳幾級! 每次經過誠昌，唏噓無限!經驗又一次話我知..... 做人要及時行樂!歷史又不段重演!一年前灣仔岱民嘅羊腩一級棒! 當時食完又食，買幾次外賣，雖然份量少但質素極高! 最正係軟骨部位! 令人難忘.一年過去..... 係哩一年裡面，灣仔岱民已經變質! 睇住佢由當年 Lunch 時段門口排成人龍，到依家人龍已經消失! 買過一次外賣水準大跌! 價錢又加咗! 當時已經擔心秋季有無羊腩煲供應，即使有，質素又唔知會唔會變差!好啦! 終於到入秋，今次經過入去望兩望，見到有羊腩應巿，但個賣相好似唔多掂! Anyway 點都要買份嚟試試先!價錢50蚊一盒淨餸.優點 :1, 份量比以前多.2, 唔係得羊腩咁單調，有冬菇，冬菇入味又夠冧!3, 主角羊腩出場! 主角之中嘅主角係軟骨，口感仍算爽脆! 缺點 :1, 哩D外賣盒好鬼討厭! 好易倒瀉羊腩汁.2, 份量

曾幾何時午飯時段嘅排長龍灣仔店, 食物質素每況愈下, 一向食開整得幾好食嘅嘢而家都完全唔掂,一食就食得出, 應該係轉咗新師傅, 就連主打嘅香辣肉碎同埋麻辣蓮藕片都冇埋, 所以而家經常都唔再需要排隊, 要正視。

$25兩餸飯已成絕響去到見到下變$27既其實都焗叫3餸感覺抵啲嘛$30 3餸都係好抵食既但$25個價位吸引啲都叫廿幾蚊食到餐飯仲平過老麥某啲單包都會繼續幫襯但可能會試埋其他舖既三餸飯

$25兩個餸廢無得輸最愛蓮藕煎肉餅肉餅夠汁（或者油😂）總之唔乾又大件好抵食所以好快會冇通常1230前都有想食要趁早今次試左薯仔絲即土豆絲望落好清淡咁點知辣到食唔到其實性價比真係好高加埋俾餸都唔手軟經常encore

真真正正嘅打工仔恩物‼️兩餸飯只需$25，三餸則$30，食個麥當當都唔只呢個數啦，怕且以後「尋覓肯同自己捱麥記嘅女人」都要改做「肯捱岱民雙餸飯」。用得個捱字，好似貶貶地義唔多掂咁喎，唔好食咩？唔難食嘅，味道相當正常，但又正常唔晒，容我娓娓道來。岱民比其他雙餸飯做得細心嘅地方，係佢貼晒「是日菜式」出嚟，唔使啲客望住個餸但又唔知菜名。再留心啲菜式，麻婆豆腐、酸辣土豆絲、重慶雞煲、辣子雞、水煮牛肉等等，似乎係偏北方口味。筆者呢餐叫咗魚香茄子 ＋ 椒鹽豬扒，真係大件兼抵食。同事叫三餸飯仲誇張，啲餸滿到就快瀉出嚟。唔係老吹，有圖有真相。味道方面，坦白講，有種違反商品說明條例feel，魚香茄子冇魚香味，椒鹽豬扒冇椒鹽味。不過，撇除「魚香」、「椒鹽」呢啲調味形容詞，當佢普通炆茄子、普通煎豬扒嚟食，其實味道相當正常。喂，咪咁高要求啦，想食「梅菜蒸肉餅」、「鹹菜豬肚」、「滷水豬手」？直接無視佢啲「梅菜味」、「鹹菜味」、「滷水味」，當廿五蚊買個蒸肉餅、豬肚、豬手飯，物超所值啦。即係好似睇織田真子咁，雖然個樣有啲殘又有啲老，但中女嚟講都算四正睇得吓啦；雖然波地睇落肉感咗少少，但都算得上應大則大，未至於係虎背熊

上文提到，食岱民嘅羊腩，居然搵翻6年前嘅回憶.所以自此之後，前後總共四次落去幫襯羊腩煲外賣，冬季就快到尾聲，有得食就要好好爭取時間同機會，天知道下年會唔會有變數.而且，岱民唔係日日都有羊腩煲提供，試過去到話沽清同停售.對於岱民嘅羊腩簡直又愛又恨!愛嘅係太好味，羊腩汁味道夠濃郁，羊腩軟骨部份簡直天下無敵，咬落D軟骨有起沙口感，肉質部份夠鬆軟又入味，唔需要點腐乳已經惹味非常，配料有冬菇馬蒂同支竹，冬菇同支竹吸飽羊腩汁味道同樣出色，雖然係兩餸飯但質素好過不少自稱好味嘅羊腩煲餐廳同酒家.恨嘅係...... 次次幫襯份量總係少過人，見D姨姨買就大大盒脹滿，到我幫襯就少人一大段唔脹滿，我唔中意食嘅馬蒂就不停加!如果男樓面哥哥就好好多，份量正常，另外兩隻嬋嬋樓面就少得可憐!所以..... 評分的話，味道一定爆份，但服務就大大扣分.

好嘢! 岱民開翻啦!火燒旺地之后，等足成個月，終於有翻平靚正兩餸飯喇!之前推介俾D同事，佢地個個買完都話正! 好味份量又足!但係..... 好景不常，自從店舖轉咗哩件姐姐做企位之后，佢出手甚低攪到D餸份量大減，唉......今日同事回報，話佢地有羊腩上巿，淨羊腩都係賣45蚊!仲係足料大大盒!於是乎係屋企攞定個更密實嘅外賣盒，想話下個星期落去幫襯，點知..... 不單只價錢已經由45蚊漲價至50蚊! 仲要係哩位姐姐裝D份量鬼死咁少! 羊腩唔見裝, 裝哂D支竹俾我.....翻屋企數數，羊腩得6件..... 支竹呢? 20件!缺點:1, 價錢加咗但份量少咗!2, 羊騷味勁重!3, 無腐乳送.優點:雖然價錢貴咗，果位姐姐服務唔太好，D羊腩騷味又重，份量又少得6件，但就係哩6舊羊腩，終於搵翻6年前嘅味道!話說6年前係柴灣泉記食過一次超正羊腩煲，此後6年，年年去年年失望，6年之後嘅今日竟然無意間係岱民重逢，羊肉鮮嫩都唔係主角，重點係D軟骨，炆到D軟骨入口有起沙口感!6年前嘅感覺返哂嚟!下次經過岱民，見到企位唔係果件姐姐就即刻再幫襯!

岱民灣仔店，位處軒尼詩道同天樂里交界，如果撘港鐵_無論喺灣仔站或銅鑼灣站落車徒步前往此店都一定係有排行，大概需時10至15分鐘不等，所以灣仔店所在嘅位置其實並唔係太過方便，只係喺附近上班一族就比較容易去到。岱民灣仔店嘅做法同其他分店有啲唔同，是日嘅菜式名稱會寫喺咭紙，然後會貼喺牆壁上面，方便客人瀏覽是日各式各樣嘅小菜名稱。每到中午此店大排長龍，插針難入，因為喺灣仔區，隨便一間茶餐廳食個午餐都已經要$5、60蚊。

香港嘅兩餸飯遍地開花, 但良秀不齊, 就好似我住果區土瓜灣, 無一間兩餸飯店滿意, 最平都要35蚊, 餸又無咩選擇, 有得選擇都係D瓜瓜菜菜, 望上去又好似過期餸菜唔新鮮唔吸引, 想話食好D點牛仔骨咩, 加8蚊! 點扣肉咩, 又話加8蚊! 咁我去茶擋好過啦!近排出差銅鑼灣, 見到岱民兩餸飯居然只賣25蚊!吓! 唔係嘛! 係我眼花? 灣仔區重平過土瓜灣區?以為25蚊又係D瓜瓜菜菜平價款式, 但唔係喎..... 有牛仔骨喎! 肉餅同豬扒都好大件頭喎!點咗牛仔骨併魚香茄子, 煎肉餅併炸雞翼, 真係每盒25蚊無加錢喎!真係平過自己買嚟煮喎! 唔好食都抵啦!首先以25蚊哩個價錢嚟講每款份量絕對抵值, 牛仔骨四件, 煎肉餅差不多有權頭咁大, 肉餅又夠厚, 炸雞翼四隻, 絕對無偷工減料, 性價比超高!肉餅味道咸咗少少, 魚香茄子油份較多, 不過出街食哩款餸都係油份較多先好味, 牛仔骨入味, 雞翼顏色吸引, 外表唔夠脆相信放置一段時間.雖然味道唔係一級棒, 但如果用25蚊哩個價錢, 自己買餸都未必買到, 就算買到都未必煮得好食, 所以.... 點可能唔俾爆 like 呢!岱民老闆睇到我哩篇文的話, 希