嶺南美食

Open Now

Now Closed

機緣巧合入去朗屏做啲嘢，無食飯又唔知有咩食，咁啱見到呢間腸粉檔，個樣雖然黑掹掹，好似幾污糟，但貌似老店仲係街坊小店，就不妨試試。走埋去見到個疑似人頭係廚房位置伸伸縮縮，就問聲唔該，仲有無腸粉？無回應，人哋做緊嘢咁我等一陣，兩分鐘後有個阿婆拎住大樽豉油走出嚟，第一句就話賣嗮會棟個牌，你問咩呀？OK，我明有啲人係講嘢倔啲，無惡意既，於是繼續啦，由點腸粉燒賣魚蛋到落咩醬，全程都寸寸貢，負到爆，咁好喇，妳咁唔想做，咁我以後都唔會打搞妳老人家喇。最後買咗腸粉燒賣魚蛋各五蚊，係平既，但都係將價就貨，啲腸粉工廠貨無咩講，但啲魚蛋燒賣就食得出係最cheap嗰啲貨，難食都算，仲要凍冰冰，阿婆，有啲良心好嘛。最慘係啲豉油有種怪味，應該自己調，仲要倒好多落腸粉度浸住，又鹹又怪味，真系唔明點解可以做到變老店。呢啲所謂街坊老店真係唔可以一廂情願咁以為佢哋都有乜鬼人情味，都可以好似澳牛咁既待客態度。咁多人北上，唔會無原因既

第一次喺度買燒賣+魚蛋，個姐姐問我要咩醬------------------------------我話：請問有咩醬？姐姐：要咩有咩？你要咩（態度惡劣）我：咁小小麻油姐姐：邊有人落麻油（態度惡劣+發脾氣）我：你話冇咪得，做咩態度咁差？姐姐：我。係。咁。差。架。啦！（繼續竊竊私語話邊有人食食魚蛋燒賣落麻油）我：ok! （然後走開了）------------------------------其實好簡單一件事，買燒賣魚蛋，點解個姐姐要咁嬲？🤣 同埋，你未見過人哋食魚蛋燒賣落麻油姐，唔代表冇喎！- 姐姐年紀為中老年女性！

大年初二家人想吃腸粉，去嶺南排左差不多四十五分鐘，排到我既時候剛好到老闆娘當值，佢既臭朶好出名，一開始已經口黑面黑，我話要二十蚊腸粉仲有加餸，一開始見佢用細袋我話佢知唔夠載，之後再加四十蚊餸差唔多瀉哂出嚟，終於佢換左大袋。佢問我要唔要辣，我話走辣多醬，佢話你咁大袋一定多醬，点知一望基本冇豉油和花生醬，腸粉白雪雪，叫佢加多D即刻超厭煩，仲話我要求多多，呢一刻我終於忍唔住閙爆佢，買嘢食仲要受氣，全程忍氣吞聲唔知為乜，絕對冇下次，我情願餓死都唔再幫襯

元朗站📍嶺南美食-早排係社交平台 forum見到元朗朋友話呢間小店好抵食又好食，有次晏就5點幾去已經賣晒，星期日得起心肝10點幾去，終於試到🤘🏻腸粉（$5有3條、$10有7條）、魚蛋（$5有6粒）、燒賣（$5有4粒）排左成4-5個字，叫左$15腸粉、$5魚蛋同$10燒賣試下。女朋友走芯生醬，我就最中意花生醬，於是分袋。食呢個豬腸粉，細細個同老豆去腸粉店嘅感覺返晒黎！野食全部不過不失，魚蛋係細細粒比較有嚼口嘅陳皮魚蛋，燒賣就一般貨色，唔算彈牙，比較多粉。腸粉正常發揮。我個份腸粉花生醬🥜好濃，女朋友個份d醬多到好似唔洗錢咁😹以呢個價錢黎講都算ok，好多街坊都黎排隊，人流絡繹不絕。環境方面，而家疫情關係，小店只做外賣，未試過堂食唔知內裡環境。出面望落似係茶餐廳卡位，小店比較有歷史。

店舖開係朗屏,地方比較隱蔽,主要係賣早餐,例如腸粉魚蛋,同柴魚花生粥,賣點係平,雖然係平,但老闆娘經常黑口黑面而且態度極差,所以幾平都唔會幫襯，不過如果淨睇食物，的確算幾好

佢啲腸粉係好食，不過真係十分之受氣。十問九唔應，前世欠咗佢。冇回應，冇反應！真係串過貓皇。咁嘅服務態度真係唔得囉！我真係好想知道元朗仲有冇其他地方有豬腸粉食，最緊要唔使受氣！

見識到呢個態度惡劣又無理嘅老闆娘啦。今日買$10腸粉，佢問我要混醬定唔要辣，咁我話要混醬同唔要辣，佢好唔老嚟咁話即係混醬啦。俾晒錢嘅時候，我問佢咦，好似冇落豉油喎，佢唔睬我不過芝芝唚咁響度鬧。我打開check 吓，又望吓個底都唔見有豉油，行前再問，佢搵個鉗撩D腸粉show俾我睇，都唔見豉油然後就打開晒成包粉路啲汁出嚟話咪有豉油囉! 佢老闆，大家唔係第一日食豬腸粉㗎啦，打開可以睇唔到有豉油，仲要撩來撩去，果D係甜醬嘅汁。佢自己都知有問題啦，但仲死撑話一開始就落咗。最終比番$10我。好食地道都係咁話啦，食到咁受氣，不如唔好食！

今早去買三份腸粉，開頭同老闆娘講早晨，完全沒有回應。整完一份之後，到第二份的時候，同佢講話只要咖喱汁及甜醬，見佢落甜醬及花生醬，我就問佢個支係咪花生醬，佢就開始態度惡劣，又落埋辣醬，整左兩份就叫我俾錢。之後問後面要咩🤷🏻‍♀️🤷🏻‍♀️🤷🏻‍♀️ 買個早餐都要受氣

今日友人幫我買早餐，佢先載車去嶺南買早餐，印象中依間野有食過一次，不過唔太深印象啦，係聽友人講完再上openrice睇下，先記得返。友人同我都買左同一組野食，就係腸粉魚蛋配柴魚花生粥啦，一上佢車已經見到一大包腸粉，細問之下原來佢買左15蚊，即係10蚊腸粉同5蚊魚蛋。返到公司，一打開包腸粉係嚇親，因為真係好大包，同埋係勁多混醬(除左辣醬)，但食落係唔會覺得咸，當然食到底就會有少少啦，但咁樣睇係會覺得老細唔會吝嗇啲醬魚蛋係我至愛嘅果皮魚蛋，超級無敵好食!!!!!腸粉食落都幾滑，唔錯粥方面呢，都算正常呀，柴魚同埋花生比例都岩岩好，不過覺得有少少咸，但都食得過架對於依個豐富早餐係大好評呀不過就因為掛住食，而唔記得左要影相紀錄下咁好味嘅早餐囉

朗屏一向出名多野食，今日同男朋友駕車經過 ，見到lunch時間，好多學生哥學生妹排梗呢間嶺南美食，我地見有時間都排埋一份。一見到佢個餐牌就即刻嘩左一聲，佢賣既都係港式地道小食，魚蛋，燒賣，腸粉，豬皮等等。重點係佢真係賣得好鬼平，腸粉5蚊就已經有4條，出面食碟腸粉都要10蚊3/4條啦，魚蛋5蚊又有6粒，燒賣就5蚊5粒，價錢方面真係無得輸!腸粉夠滑都夠熱，唔會食落去一pat pat，而且落醬，阿姐都好重手魚蛋都值得推介，好有陳皮味，好有咬口!

新年早上入廟拜神後，我地都會買腸粉做早餐。價錢唔貴，5元4條腸粉，5元6粒魚旦，5元一塊豬皮，新年不加價，抵讚腸粉同魚旦都係交嚟嘅，魚旦好細粒，行貨，無乜特別，D酱都普通，冇話好好味，不過落D醬唔吝嗇，落幾多都得，呀媽話D 豉油多到瀉出嚟咁滯，好似唔使钱咁個事頭婆好有個性，係熟客先至有D笑容，如果係生客，千祈唔好驚驚，佢好似黑面咁，表面惡惡地，個D係佢嘅style，唔好比佢嚇姪左一句講哂，價錢平，酱多，豉油多，十蚊雞都可食飽，夠貼地