川味港私房菜

Open Now

Now Closed

近期聽得多四川菜，收工約咗兩位朋友去食川菜食下辣野，見到公司附近有間四川菜，問下同事原來佢地有人食過一次都啱錯，咁我就帶埋兩位朋友去食下。一入鋪頭，已經有陣陣嘅辣椒香味，同埋間鋪係私房菜，我對呢樣野覺得幾好，因為聽聞私房菜都幾好食。 職員都好好招呼，即刻介紹有咩巧手小菜好食。我地叫咗主要係四個菜，有肉有菜有火鍋。分別係麻辣炒豬肝、辣酒煮花螺、重慶野菌雞煲、同埋四川回鍋肉。第一味炒豬肝。豬肝香脆，辣味適中，因為職員有問到我地食唔食得辣，我地揀咗小辣，應該係最唔辣嘅。我覺得小辣適合普遍嘅香港人口味。我覺得可以叫中辣應該啱啱好，依家小辣係好香好易入口，接住一舊又一舊咁食。第二味雞煲真係不得了，基本上係必叫嘅，個湯底有加入一種特別嘅豆類醬，有別於市面嘅豆瓣醬。完全可以帶到陣陣辣味。第三味就係酒煮花螺，花螺一隻字，大。呢份真係好抵食。第四味係最正最正嘅回鍋肉，肥瘦各半，不油膩，香噴噴，配飯真係一流無得頂。

辣之挑戰作為一個湖南出世既人黎講食得辣係必須嘅聽聞四川菜同湖南菜嘅辣度係差不多特登約埋啲朋友黎試下呢間私房菜一開始就緊係要開下胃先由小辣開始食起辣酒煮田螺雖然啲湯望落好多辣椒好似好辣咁但其實當你撩入面啲肉出黎嘅時候入面係一啲都唔辣而且充滿田螺鮮味不過有一樣野要注意就係比酒煮過後嘅田螺會有啲苦味係正常嘅然後就去到四川回鍋菜係肥膏層嘅調和下中和左紅綠辣椒帶黎辣味嘅不適個浸肥香陣陣 真係好吸引而家諗番起都好想再食!重慶野菌雞煲一上枱就知係堅料個陣豆豉嘅香味同四川辣椒醬嘅味道交融下 再加埋野菌嘅加乘令呢個雞煲嘅主角 姐係啲雞 更加出眾最後炒豬肝係最辣嘅佢啲辣椒籽出曬黎 啖啖都辣在心頭但係老闆娘話呢個程度已經唔係最辣😭老闆可能擔心我地食得唔夠菜仲特登炒多左碟蒜蓉菜心苗過我地嘆私房菜嘅好處就係咁!可以依你喜好去調較份量同調味料

今日朋友請客， 知道我嚐辣， 帶我嚟觀塘食呢一間私房菜， 位處大廈頂樓， 電梯不能直達，要搭到13樓再步行一層樓梯。上到嚟見到有唔少報章介紹，知道大廚來頭不小， 有蔡瀾推介。 食店的姐姐仲介紹話呢度可以包場，有麻雀同卡拉ok。朋友一早問定我有什麼不吃，我主要係唔食羊， 朋友又唔食魚， 所以今餐佢就為我準備咗四樣餸。口水雞， 四川蘿蔔鴨， 干鍋肥腸， 炒福花菜。口水雞的麻辣红油浸滿了雞件，入口麻辣鲜香，雞肉滑嫩。四川蘿蔔鴨是第一次嚐的川菜， 據說連白蘿蔔都是從四川入口。 內容豐富， 有海鮮菇，蕃茄，泡椒， 蘿蔔，鴨肉。 湯帶點酸，但很鲜甜，蘿蔔冇渣，鴨肉亦很美味。干鍋肥腸， 肥腸並沒有炸過所以入口仍是柔軟口感， 香辣可口。酸辣炒福花菜， 最後炒菜都係酸辣炒， 貫徹始終的川味，滿足的一餐。

今次嚟到觀塘試一間朋友介紹嘅出名私房菜，主打川菜，仲要曾經係蔡瀾推薦嘅一間餐廳，以前喺大角咀嘅舊店相當出名，個晚去食都見到有唔少老顧客專程去觀塘重溫佢地回憶既味道。果晚我哋係walk in 既，好彩前面嗰枱啱啱走咗，我哋即刻就有得入。老闆娘提醒我哋下次黎食最好book定枱，因為唔係次次都咁好彩架🤣餐廳本身有提供幾款套餐，啲海鮮套餐計番個價錢其實唔貴，不過嗰日淨係同男朋友兩個食，驚套餐份量太多，所以就冇試到～順帶一提，問過老闆娘如果套餐啲食物唔啱食既話，大家係可以轉做單點餐牌上嘅其他菜式㗎單點食物嘅選擇都有幾多，價錢亦算中規中矩！先叫左個我至愛嘅口水雞 唔係講笑嗰汁勁惹味，雞肉嘅口感亦恰到好處！不愧係呢度嘅招牌菜之一，推薦！之後就叫咗個水煮牛肉，因為男朋友食唔到好辣所以只係叫咗微辣，辣度唔高但係川菜獨有嘅麻香鮮味俱全，牛肉嘅份量一啲都唔少，如果其他配菜例如金菇都更多就perfect! 最後就叫咗個回鍋肉送飯，腩肉肥瘦層次分明，整體嘅調味唔錯，中規中矩之作。

今日同事帶我黎到觀塘一間川菜私房菜食飯，話佢成日同屋企人黎食，都幾岩佢地口味，我咁中意食辣野應該會幾中意食。果然係"私房菜"，夠曬隱蔽，係觀塘地鐵站附近嘅工廠大廈入面，如果唔係朋友帶路，真係會搵唔到。呢到真係唔大，得三張大檯，應該主要係做熟客生意，想食咩餸同老細講就得，都幾有屋企feel。咁講番野食，我地先叫咗個老乾媽爆炒豬潤，作為內地最受歡迎嘅辣椒醬，炒出黎嘅餸一定好味，辣就唔會話太辣，但勝在夠曬滋味，遮到曬豬潤嘅內臟腥味，食起身好香。跟住就係陳麻婆豆腐呢個傳統川菜，同出面有小小唔同嘅係佢呢個整得杰小小，豆腐夠曬滑溜同埋有少少陳皮味，味道更豐富，又香又辣，好好送飯，我估就咁比我一碗麻婆豆腐黎餸，我自己都可以食3，4碗白飯。咁最尾就清淡啲喇，叫咗個炒菜花，清清淡淡，又有啲蒜香味，廚師都炒得幾好，好爽口，岩曬食完重口味嘅野，清一清個口腔，一碟好看快清曬。總嘅黎講，呢間川菜私房菜，我個人覺得幾岩我地香港人口味，唔會話太辣，但都有川菜嘅滋味，又有屋企嘅感覺，我幾中意。

依排天氣乍暖還寒，最岩食辣野😆 經同事介紹，今日約左朋友黎食依間私房菜。餐廳主打正宗四川菜式，岩哂鍾意食辣但對辣又有一定要求既我地。餐廳位於觀塘翻新過的工廈，而餐廳環境亦很乾淨整潔。-餐牌選擇都多，職員好友善地介紹及推介。-我地點左四款菜式。🌟四川蘿蔔鴨湯汁既濃又香醇，滋味鮮美。酸蘿蔔配上老鴨，那酸香微辣的鮮濃口感，滿足口腹之慾，又酸爽開胃。鴨肉份量都多，啖啖肉冇騷味。-🌟泉水鮮椒田雞魚片相對四川蘿蔔鴨，這款著重麻香味。用上青花麻椒，令香氣提升。舌尖上感受的辣度也不會太刺激，底下的豆芽菜及厚切魚片，吃來格外爽口。-🌟四川麻婆豆腐麻婆豆腐是四川名菜。職員介紹用上四川郫縣豆板醬，色澤鮮紅、鹹辣而帶豆香；十分惹味，亦是這個菜式的靈魂。 豆腐粒粒嫩滑可口！-🌟酸辣炒花菜花菜新鮮爽口，酸酸辣辣又是幾惹味

呢間餐廳主打川菜，上過幾份報紙，好耐以前已經聽閒過想試～但係之前好似轉過鋪位，今次進駐左工廠大廈，真係要做功課先搵到路，真。隱世美食～～不過付出係有收穫的，因為真係好好好食食川菜就當然要叫口水雞啦，一睇個樣就知唔小野啦，入口勁辣，但後勁較溫和，唔會辣到條利麻木曬咩味都食唔出，另外隻雞都好滑，完全冇肥膏～水煮牛肉，大大煲，爆香曬既各種香料味入曬d牛肉入邊，另外仲有索湯既金菇，娃娃菜吸盡湯汁既精華～回鍋肉，又係川菜必叫之一，肥瘦適中既豬腩肉非常爽口，其他配料亦可以連埋一齊食，爆香曬超正～最後叫個浸菜苗清下腸胃～私房菜用餐set up～呢到既廚有d料到，自立門戶發揚四川真味，仲拎過蔡瀾推薦嫁，絕對有水準～

觀塘有呢間川味港 私房菜😍😍主打川菜 由於我嗜辣 要黎挑戰下😎連蔡瀾都有推薦川味港🔹#四川蘿蔔鴨胡椒味好重 漂浮幾隻青辣椒但係bb辣度 友人都接受到蘿蔔同鴨肉煮得軟爛😛超級入味 湯都係精華所在🔹#麻辣乾鍋豬大腸五花腩乾鍋香氣撲鼻 洋蔥同花菜 炒得香口🤤五花腩肥瘦適中 香脆🔹#水煮桂花魚簡單一個水煮魚已經展示功架😳粒粒花椒帶黎濃烈麻味 雖然有一層紅油辣椒入 但湯底油而不膩————————————————💡川味港觀塘成業街11-13號華成工商中心14樓1404號舖————————————————

私房菜有樣好，就係唔洗等位，服務都會比較好。我地2個人正正坐係電視機前面，可以電視汁撈飯。😂環境簡單，有少少菜式名寫係木片上。—老闆娘（我地覺得係）講起先知原來都有做午市，有機會都可以試下，價錢唔算貴。😲—口水雞雞唔係好滑嫩，唔鞋肉質唔錯。😜味道方面，非常濃味，好香但係唔辣，反而好咸，本身隻雞應該醃過。😵—水煮牛肉藍妹同男朋友真係唔太食得辣，見到水煮既野咁多辣椒其實怕怕。🤐但係老闆娘一開始已經了解過我地既口味，所以特登將辣度減低左。唔係講笑，一上枱，陣陣香味已經不停傳過黎，唔知點解好香花生醬味。問過老闆娘，冇花生醬，所以應該係一啲香料令到個香味咁濃烈。😍牛肉唔係肥牛，類似鮮牛肉既口感，厚身啲，都算林。雖然個樣好似好辣，但相信普偏係人都食到，著重香味而唔係辣味。☺️—巴蜀豬串骨一人一枝豬串骨，好香蒜味，肉質偏硬。呢道菜係4道菜裡面比較遜色既。😖—酸辣雲耳炒農菜藍妹最鐘意呢個菜，炒得好香！雲耳酸酸辣辣，超級惹味，同時又好爽口，正！🤤秀珍菇真係好好食，如果可以再多啲就好啦！😅—成日想食多啲川菜，但係好怕好辣，唔敢食。呢間既辣度好適合唔太食得辣既人去食，原來川菜都可以唔係淨係得個辣字。😄

今日同女朋友去觀塘行街 咁我就問佢想食咩（晚飯） 女朋友話天氣凍凍地 想食D辣野 最後膽粗粗係Openrice到揾左呢間川菜食 係工廈入面既私房菜 感覺幾特別 就試一試佢我地6點幾去到就人比較少 大概食左半個鐘到 就多返幾枱人（本身枱都唔多 最好Book左枱先或去之前打電話問一問）入正題 食川菜點可以冇口水雞（我同女朋友都唔食得辣 所以叫左少辣）口水雞味比較鹹個人覺得川菜就係咁 辣味方面 好香但可能叫左少辣 好岩我地 唔太辣 麻味方面我覺得好好 因爲唔鐘意太麻 係岩岩好 👍👍👍跟住叫左個水煮牛 超級香 唔知點解有陣花生醬既香味 牛係用牛柳 唔係普通冰鮮牛 食起上黎多一分口感 辣度一樣都係叫左少辣 芽菜同金菇都好入味 仲叫左2串巴蜀豬串骨 肉質比較林 唔會痴牙 味道比較似燒豬仔骨 好香 唔痴骨 一口接一口 幾啖就食晒 想叫多2串 但又驚食唔晒 最後都係冇叫最後叫左個酸辣雲耳炒椰菜花 少少酸地 再搭配濃味既芡汁 成個菜都好入味 連雲耳同秀珍姑都勁入味 成晚都好滿足 冇令我同女朋友失望 下次再黎會叫多D人

今日同朋友經過觀塘諗住睇下觀塘有咩特色野食，於是我地就上網搵下，搵左陣發現一間隱世四川食店，撘完電梯行上一層就見到。 川味港環境整潔乾淨，牆身除左掛上數塊菜色木牌之外，仲掛住一塊蔡瀾推介牌匾。第一道黎既菜就係夫妻肺片，夫妻肺片係著名既四川菜，川味港有齊牛肚，牛𦟌，牛脷。食落麻辣味辣得十分自然，完全唔似潭仔果啲得個辣字。而且牛肚，牛𦟌食落爽口用料新鮮。酒煮花螺雖然細細粒，但係肉質鮮甜爽脆 最岩就係同朋友一路傾下計一路用竹簽挑出來一啖一粒 別有一番風味。四川蘿白雞煲一打開蓋，濃郁嘅雞香隨住白煙湧出黎，雞件口感嫩滑。另外雞煲用料高級，雞煲入面既菜用既唔係一般既菜，而係波菜苗，而且蘿白浸係湯入面，吸收曬湯既味道，十分入味。北海道紅毛蟹並唔係一般平時係街上面買到既蟹，而係正宗北海道既紅毛蟹。依種蟹既外殼柔軟，食既時候甚至唔洗用工具，可以直接用手撕開，多肉得黎十分鮮甜。 總括而言，依間既四川菜用料十足，份量夠多，而且環境氣氛好適合一大班人一齊黎飲下酒食下野。

又到星期五，呢個星期真係過得好痛苦，工作量之大好似過咗一個世紀咁耐☠️ 正所謂吃得苦中苦 方為人上人，食得辣嘅人其實都係人上人😄要知道辣味都有分好多種，當中四川一定係麻辣界嘅表表者。是晚專程去到觀塘工廈搵食，尋尋覓覓就搵到川味港私房菜，一間對辣很有堅持嘅有heart餐館🤩位置比較隔涉，去到13樓仲要行一層樓梯先到。雖然難搵，但8點半嘅川味港依然坐滿人，普遍都係一大班人黎，都係嘅，中菜多d人share可以叫多幾樣黎試丫嘛🌝果然係辣味專家，聽店員講原來餐廳所有香料都專程由四川採購，保證風味十足👍🏻👍🏻辣子田雞，辣子雞丁就食得多，田雞倒是第一次，不過辣先係主角，辣得好過癮，不禁令我諗起上海食過好大隻嘅King Size田雞🙊酸辣炒花菜🥦又係另一種層次嘅辣。酸同麻嘅比例掌控好考功夫，加上要同健康嘅蔬菜一齊煮，絕對考驗廚師嘅功架👅 唔會炒完好似油浸咁，香口爽脆，食到lamlam脷！炒回鍋肉同泡椒牛肉就最啱食肉獸，我地食到清碟，又要跑多幾個圈先得掂嚕🥳今晚試咗好多種辣椒嘅煮法🌶️再以唔同主菜嘅配搭，帶來驚喜！果然私房菜成日比人覺得好神秘，因為未上枱你都未必知今日㕑師推介是什麼的呢🤗

返左工成個星期，又到打工仔最愛的星期五晚。去左觀塘就順便食埋飯。搵左呢間叫川味港既私房菜，正如其名係食川菜。眾所週知川菜當然係食辣為主，四川人食得辣可以話係出哂名，自問嗜辣的朋友當然可以挑戰下。同店員傾開計，先知道呢度的辣椒係從四川運送過黎，即刻對佢的辣好有期待。辣子田雞，田雞走過油，而且份量十足既辣椒包圍住田雞，彷彿係見到的辣。酸辣炒花菜，酸酸的味道可以中和一點辣味，如果唔係好食得辣的朋友，當然可以以酸辣作起點，慢慢挑戰辣度。回鍋肉，令人不禁諗起好出名的罐頭回鍋肉，呢度當然有一大碟配料伴住主角啦。泡椒牛肉，絶對唔使擔心太辣食唔到，而且份量不少，2個人絕對夠食有餘。

朋友介紹我去官塘工業區樓上食川菜是蔡瀾也推薦的我很直接-價錢適中，又好吃的川菜好吃不易是一個需要勁多好香料的特色菜系單做水煮魚已經毫不簡單這樣一個水煮魚午餐68$連湯白飯孜然豬排我不吃羊朋友遷就要了孜然豬我夾了一件帶骨的豬排肉很不錯👍他們的水煮魚非常專業，做出川味神采怪不得蔡瀾推介午餐有不辣菜單⋯⋯這個黑松露魚炒雞蛋配上黃瓜，真有混和口中辣味的作用好奇：收這價錢：！原來晚上做私房菜朋友說：連奄仔蟹都有看看菜單由300$ 一位到500$的套餐都有午市都做到這水準做私房客綽綽有餘了！

農曆新年前夕，咁岩公司放早，約埋朋友食個late lunch，之前睇到介紹已經知道呢度開左間川菜館，今日又正想食下辣野就去試下。川味館喺大廈14樓，需要搭𨋢到13樓再行樓梯上，非常隱蔽。雖然上到去都兩點，但老闆都好好咁招待我地，提議我地試下個午市既麻辣乾鍋，我地先叫左個雞軟骨五花腩乾鍋，再問下老闆有咩推介，佢話咁不如試下個四川酸辣湯麵，睇黎係隱藏manu喎先黎左個紫菜湯，好鮮味，我朋友好快就飲哂，最後佢錯得好慘，因為後尾紫菜湯非常解辣，一邊食一邊飲最好。湯麵先上，入面非常足料，有大量酸菜同豬肚，湯酸辣鹹鮮，配飯不錯。再黎乾鍋，一睇辣椒同肉一樣多就知非常正宗，因為爆炒唔會吸哂所有辣味，所以睇落好辣食落就岩岩好，仲有花椒既麻香，成碗飯一下就食哂，。正宗四川菜，絕對會再黎食，而且平日午餐幾抵！都想試埋晚市私房菜