川味美食

Open Now

Now Closed

一向都係米線控既我 點會錯過抵食又好味既米線 川味一向都係我既上班之選 今次係再度回顧！今次一來到就點左我最期待 大腸湯手工拉麵 中麻辣 佢哋既上湯係用豬骨淆成加上麻辣辣椒醬 清甜得來有充滿四川既重口味 手工拉麵麵身 有韌性！粗度似烏冬 個質感更好！驚人既係拉麵份量驚人 多到好似食極都食吾完！大食量既你一定吾會錯過！大腸方面亦都用左滷水去醃製而成 十分入味！加上都洗得幾乾淨吾會好污糟！另外見到餐牌入面既麵底有好多選擇 例如木薯粉 米線等 更有撈同湯選擇 係$3x幾一面單餸既選擇下 真係好扺 吾好唸住會好高級但絕對對得起個價

有無鐘意食撈薯粉既‼️請舉個靚手黎睇下🙋🏻‍♀️🙋🏻‍♀️🙋🏻‍♀️🙋🏻‍♀️ 去到葵芳一定要行葵廣就例行公事啦😌但今日特別想食薯粉就簡左呢間👇🏻👇🏻👇🏻 川味美食 (葵芳)地址：葵芳禮芳街1號地下B號舖以前係葵芳練習既時候食過一次🤭佢個位置係葵廣隔離 一落天橋轉右行多陣就到架啦🤟🏻 原來佢係荃灣、佐敦、深水埗、長沙灣都有分店架🙇🏻‍♀️唔洗兩頭搵🤤威威味蕾（（👍🏻=👅x 6-10 👎🏻=👅x 1-5) 👅👅👅👅👅👅👅👅 我最鐘意用紫菜撈薯粉 吸晒佢d辣汁得黎仲夠晒高營養🤭紫菜入面含有維生素A、B、C、脂肪、碘、鈣、鐵等微量元素具有增強記憶力，促進骨骼和牙齒的生長以及抑制腫瘤的功效❤️❤️❤️ #hkfoodie #hongkong #川味美食 #葵芳 #美食 #食好西 #威威為食仔 #威威要還債

川味係中學回憶 🏫放飯一定會同成班friend一齊去學校附近嗰間食 食到啲阿姨都認得我哋琴晚竟然比我喺網上外賣平台見到佢有做外賣 仲用埋新用戶減$50coupon 叫咗兩碗面先至係六十幾蚊連運費 真係超級抵🤪佢嘅湯底冇咩特別 所以識食一定要食佢嘅撈🍴 而我個人之選一定係撈手工拉麵 佢嘅秘製醬汁 真係食過返尋味 可能佢有好多味精啦😂 但係配合埋佢嘅麻辣醬同埋肉碎 真係超級好味 叫咗🍗雞絲同埋紫菜兩個餸 🐤雞絲係雞胸肉 雖然睇落白雪雪 應該有用鹽水灼過 食落鹹鹹地 手工拉麵似上海麵質地 但質地偏硬 煮林啲會好味啲另一碗叫咗雞絲牛柏葉兩個餸 佢真係好好好好大碗 一個人完全食唔晒 可以分兩餐或者下次叫小面吾好浪費😓

幾好食都無用，個阿嬸態度極差叫落嘢叫極都話等等，仲要係D遲黎既客先落單，甘都唔緊要，黎到我落單我話要兩個撈粗，一個加金菇一個加腩肉，佢好無禮貌話聽唔明🙄🙄我話甘都聽唔明，佢話佢蠢😏😏下次真係請我都唔去

今日收工入去呢間野買個外賣 有個肥身形 中長頭髮低馬尾 鄉音女人 佢啲態度差到真係第一次見 好似趕客咁 明明叫佢走芫荽,點知成碗都有芫荽 。同佢講左要薯粉 佢又大大聲喺度問”咩麵！” 講完要食咩餸 又走來問多次要咩餸 ，買碗麵點解講嘢好似鬧交咁？又冇禮貌 落單又懵下懵下咁 以佢咁嘅態度 真係以後唔會去 真係好嬲 從來都唔會寫負評 但佢嗰個唔耐煩嘅樣 講嘢講到好似想鬧交咁嘅態度 真係唔寫唔得 雖然啲嘢食都OK 個湯底都正常 個闊薯粉係比較少地方有

我逄星期三都要去做瑜珈的，當我上完堂架肚餓要找下野食啦，如何在葵芳上堂的話。我放學後一定會去川味美食都食我最愛的撈紅薯粉，計一計我諗我幫襯呢間小店都有10年啦，由以前得荃灣昌寧中心一間小店。做到而家我諗都應該有都起碼有間分店。呢間小店D份量都好大碗，價錢都算平。佢名副其實係平靚正。我次次來親都會食撈紅薯粉，但自從我試左佢的手工拉麵後就變左心呀。佢D麵粗度好似烏冬咁粗，食落口感好彈牙，包你一試愛上，佢D配料肉碎都好多，好似我呢D鐘意食餸的話叫多兩款餸就已經好夠食，有時真係大碗都食唔晒呀。

中午吃飯時間想不到食什麼東西時，便想起我同事多數都選擇去《川味美食》購買外買/堂食作午餐～可能因為覺得份量十足而且價格相當經濟的關係所以令我選擇去試試看！看過餐牌後果然不出所料⋯價錢相當便宜，大概$20-$30就有碗我覺得份量幾多的美食。而下午茶時間還送豆漿，真的不錯👏🏻繁忙時段經常高朋滿座～連外賣也接不停。於是我叫左撈薯🍠粉加了雞翼，還有些花生🥜芽菜肉碎芫茜蔥作配料相當豐富！薯🍠粉夾起來都不容忽視⋯很順滑～口感煙韌彈牙！👍食到最後感覺愈食愈多有點頂住，令人感到非常滿足😋～值得推介一些胃口大的朋友去試試/下次再度光顧😍

好多時都想食薯粉🍠，但又驚會太韌好難咬，好似食膠咁。呢間薯粉店完全幫薯粉洗底，好味道。叫左酸辣炸醬紅薯幼粉，配墨丸。一上菜唔記得影左相先，食到中段先影，所以張相馬馬。墨丸既份量有d少，得3粒，同埋好細粒，普通墨丸無特別。至於薯粉，係有驚喜既！煮既時間足，所以煙靭得黎好易咬開。薯粉又比其他米線麵條多左幾分彈牙，係幾特別。而且佢都吸到湯，有味道。個酸辣湯都做得幾好，見到好足料既炸醬酸菜芽菜䓤花芫荽去調味🥬，加上肉湯底🦴🐷（餐牌上話湯底用豬骨同鮮肉去餚），感覺好香，味道balance 好平均。而呢碗薯粉真係好大碗🍲，食極都有，食到尾係飽到頂住咁，岩晒大食既人👍🏻。整體黎講，抵食大碗，不過配料份量就少d

次次落order，梗有樣野比錯，今次經網上外賣平台落order，要粗薯粉，又比錯米線，走青又冇走，都唔知攪乜鬼，打電話同佢地講，又一個推一個，完全不負責任，平時佢地都已經態度惡劣，同佢地講態度一樣差勁。

今日沒有帶飯，想吃個薯粉，所以就到這裡買外賣回公司吃。薯粉是用蕃薯做的，纖維非好多，所以吃它會比較放心，好像不太肥吧。我點了一個撈幼薯粉，麻小辣，另外配上兩個餸，分別是雲耳及腐竹。回到公司打開，份量好多呀，非常大碗，很香。麻小辣的味道不錯，剛剛好的辣度。薯粉是煙煙韌韌，雲耳爽口，裡面還有一點點花生，肉碎及芽菜，整體是惹味爽口，好味道。最後，份量太多吃不完。這個薯粉真的非常抵食，只是37蚊，下次要再去。

今日lunch諗唔到食乜 又決定去食川味🍲講講我食川味既心路歷程先🤣 大大話話食左川味都10幾年 由啱啱出嚟做嘢經朋友介紹開始食 食到依家做左公司老seafood 由以前10幾蚊碗食到依家30幾蚊碗 就知我係個長情忠實fans~~~川味主打薯粉 其實即係蕃薯粉 好似話好有益(實際有咩益就無考究啦)葵芳哩間舖面比較細 所以會坐得迫啲點左 海帶腩肉撈粗薯粉 HKD$34▪本身有埋炸醬花生芫茜葱 畫面好豐富▪個汁同薯粉好夾 甜甜地又唔係好鹹▪哩間份量啱啱好 屋企附近嗰間多到食唔哂▪薯粉唔硬但有韌度 好好口**溫馨提示▪聽店員講過2日會加價 真係世界難撈▪罐裝飲品&支裝豆漿+6蚊 最特別有黑豆漿揀

有同事推介話平靚正，所以第一次去試呢間川味麵店。餐牌上推介撈自製手工拉麵，我就試一試，加左墨魚丸同黑豆漿，埋單$36，呢個價錢真係好抵。拉麵真係幾彈牙，份量超多，有花生同肉碎做配料，都幾香口，估唔到小辣都咁辣。墨丸得三粒，但意外地好有墨魚味，又好彈牙，$40有找真係無得頂！

午飯時間又到，今天不想吃飯，想吃食麵，所以就選了這間食店。見到店內已坐滿人，於是我就點了外賣。這裡的選擇很多，可選湯或撈粉麵，有辣也有不辣的，還有酸辣，然後可以再選自己喜歡的配菜，配菜亦有兩種價錢，看看自己喜歡那種。飲品有黑豆漿，豆漿和罐裝汽水，跟餐點就會平一點。我點了一個撈幼薯粉，另外加了兩餸，雲耳及腐竹。薯粉是用蕃薯做成的，有很多纖維，最適合怕肥的我。等候期間，看到店內全是客人。環境其實頗為乾淨，但坐就比較狹窄，可能這裡附近有幾間中學，只有一小時午飯時間，當然要把握，所以迫一點也沒所謂，最緊要快。大約等到了十分鐘，外賣已經有了。一打開，就見到非常有份量，整個碗是滿滿的。先將所有配料撈好，因為是撈的關係，所以湯是少少的。薯粉是幼圓的，彈牙煙韌，黏黏的，汁就如店名一樣，是川味，很濃，我點的是小辣，但都已經覺得辣，很惹味。配料是腐皮及雲耳，粘上少少汁後，原本無味的食材就變得有味道，雲耳是爽口的，腐皮亦不會過淋。價錢真係抵，下次要再試試粗的薯粉和其他配料，怪不得這間食店是這麼多人，真的是不錯。

食過好多賣薯粉嘅食店，啲薯粉都有一個弊病就係太稔，薯粉本身質素差。但川味就絕對唔會令你失望，因為川味美食可能係CP最高嘅薯粉麵食店！川味嘅薯粉有粗，有幼。粗薯粉最適合做涼拌/撈薯粉。撈薯粉冇湯而係用特製調味醬料，配料有炸醬，芽菜，花生，粗薯粉吸盡醬料味道，夏天食就最啱喇！幼薯粉有獨特嘅紐紋，用筷子夾起嚟唔容易滑落，配湯就最啱！湯底鮮甜有幾個唔同辣度，但其實差別唔大。麻辣湯底唔麻唔辣，真心唔推介。如果鍾意食辣想加辣，倒不如加枱上面嘅海南黃辣椒醬，比紅辣椒醬更辣，坊間食店少有！餸菜同車仔麵差唔多，款款都幾好，冇乜驚喜但又冇乜伏味！下午茶時段嚟食，會送飲品最抵！除咗薯粉外，佢嘅拉麵都幾好，撈拉麵比薯粉多，平日見好多學生哥嚟食。米線/河粉就太稔唔推介。最後要講吓服務，雖然我同店員阿姐唔熟，但我都想為佢平反一下！店員阿姐只係比較COOL 並唔係態度差，用心發現佢其實好細心。街坊生意，自在最重要！我想講嘅係，我每次嚟幫襯都好自在，重來冇受過氣。

唔好講好唔好食先， 無禮貌到極點，我一路落order一路催， 催到唔緊， 好無禮貌， 我一路講又唔覆術一次，即come線， 乜嘢態度啊， 你唔想接單咪唔做囉， 以為得你一間有得食咩😡😡😡😡😡😡😡😡😡😡😡😡😡不知所謂， 點做生意， 影響香港人， 大陸婆😡😡😡😡😡😡😡😡😡差不多天天都叫餐， 你唔想接單咪唔好做啦， 我女學校十把餐食供應商， 以為只有你們有得叫餐咩， 你想做唔好做啦亞嬋，影衰香港人