Video
Telephone
55403310
Opening Hours
Today
15:00 - 01:00
Mon - Sun
15:00 - 01:00
Above information is for reference only. Please check details with the restaurant.
屯門紅橋，是個覓食好地方，這家美味又經濟的川菜館，有點不起眼，吃過覺得川菜味道超正宗，忍不住要推介一下。位於金邦大廈商場平台位置，正對著景峰輕鐵站和巴士站。每天人來人往的位置，奈何小店舖位真的小，堂食就只有一張枱，主要做外賣。一人晚餐也吃得很興奮，首先因為這裏價錢經濟，二來是份量大，三來就是味道太好了！完全就是在國內吃的川菜館味道！廚師真的是從四川來到的正宗手藝，愛吃川菜的人一口便吃得出。酸辣土豆絲一人晚餐$52，酸味、辣味夠濃，油香滿滿，伴飯吃超開胃。土豆絲炒的熟度剛好，質感在爽口與粉滑之間，簡直是味蕾的刺激。這裏還有很多串燒，可惜一個人來吃不了多少，只試了一款蒜蓉燒茄子$38。有滿滿的蒜蓉、五香粉、孜然粉，味道還帶點輕微酸辣，不會死咸，超香濃惹味！最後來一份芋泥地瓜丸$22當甜品，炸得也不錯，外面脆脆的不會太乾，裏面芋泥咬下會爆漿，香甜煙韌，要慢慢吃啊！吃完酸辣惹味的川菜，來一罐王老吉$8消消暑，爽到不得了。很久沒有吃到這種四川味道了，下次一定要約朋友一起來，二至三人餐更加超值，要多吃幾款串燒和小菜呢！
continue reading
買左個肥腸香鍋外賣，返到屋企打開，水旺旺，以為師傅整錯左，WhatsApp問下老細，點知佢話唔好參考網上圖片，僅供參考，張圖係佢鋪頭擺上去外賣平台，完全兩樣野我話全兜係炒什菜加十幾條切到勁幼ge大腸絲，店主回覆香鍋就係炒什菜，你食唔慣下次唔好叫😅，厲害👍🏻味道方面真係搞笑，叫大辣，唔辣你話香鍋係炒什菜ok，咁都可以揀好少少配料掛，成碗野7成娃娃菜，加5條油麥菜，一堆碎曬ge大豆芽,無一條長過指甲，大腸厚度5mm都無，大約有15條，加埋應該無50g，成碗野好似餸頭餸尾炒埋一碗，真心配服店主可以理直氣壯話係咁樣，唔岩食下次唔好叫😅
continue reading
想食正宗川菜，都唔使一定番大陸既，香港都有好食既川菜，開心大發現係景峰呢邊呢間川菜館，可堂食或外賣。好，睇下有咩好食先。青椒肉絲，叫左金典一人餐，配埋白飯，爆炒得好有鑊氣，係川辣既味道。青椒爽口，肉絲又有咬勁，加上蒜片香口，成個菜好惹味，送飯一流。醉辣雞雜，微微既酒香，帶有香味既雞油和辣椒油，成個菜既辣味好有層次，雞雜好爽口，食落索索聲，原來新鮮雞雜都好好食架。口味同辣味都好啱我地，值得回頭再吃。
continue reading
呢間餐廳令我回想起住四川果一個月的回憶！雖然每次我黎呢間餐廳都只係叫牛肉米或紅薯粉....每次都叫中辣，辣得好過癮，湯既味道同四川時冇分別！同紅橋其他所謂既米線舖比，我覺得呢間湯頭贏10條街其次就係碗入面d餸好多...有花生，肉碎，娃娃菜同金菇等等...雖然每次食完都會成身汗，同埋幾張紙巾！但食辣野就係咁樣先叫爽！每個人食野既味道同辣道都唔一樣！但我介紹比其他朋友都一致認同呢間野真係好食另外老闆娘服務態度好好又開朗！一碗48蚊既牛肉麵真係覺得好值 好抵
continue reading
今日去咗屯門嘅川菜館，真係一個令人流嘴水嘅馳騁味蕾之旅！佢嘅招牌菜，雞肉圈香鍋，只需咗68蚊，絕對係物超所值㗎！呢碗川味麻辣香鍋，配埋香噴噴嘅飯同凍凍地飲品，真係令人食嘢無窮。除咗呢個，佢仲有串燒套餐可以揀，價錢分別係50蚊同100蚊，分別有5串同10串。我揀咗大蝦、牛肉丸、千葉豆腐、雞肉同牛肉等各款串燒，每一款都烤得啱啱好，肉質鮮嫩多汁，同佢哋特別嘅調味一齊食，真係令人回味無窮。最後，唔可以唔提佢哋嘅自家制酸梅湯啦！呢杯凍凍地湯，帶有淡淡嘅酸味，唔單止解渴，仲可以提起味蕾，令整餐更加清新開胃。川菜館 (屯門)屯門青翠徑7號金邦大廈地下7號舖#川菜館 #屯門美食 #雞肉圈香鍋 #串燒美食 #自家制酸梅湯 #美食探索 #舌尖上嘅幸福 #美食愛好者 #foodie #instafood #delicious #yummy #foodreview #foodblog #foodphotography #foodlover #foodgasm #foodstagram #foodporn #foodislife #foodaddict #foodgram
continue reading