常甜甜食店

Open Now

Now Closed

晚麻麻好肚餓又唔想食m記就去到尚德廣場樓下既鋪位搵食佢既手抓餅好出色熱辣辣再配埋啲沙律醬雖然啲料都好普通但係加加埋埋就野味另外試左佢個小食併盒個花支同埋鹽酥雞都係出色

今日阿囝買外賣返屋企食揀咗鐵板炒烏冬 $35食落好鹹係超鹹囉食食下有嚿野好利吐出嚟係嚿好利嘅膠唔知咩嚟食落好鹹都算㗎啦，仲有嚿咁嘅嘢😵‍💫唉😮‍💨～～～～～～～～～～～～想搵電話打落去又搵吾到係冇電話聯絡🤙再睇下阿囝另外買嘅意粉～～～～～～～～～～～.卡邦尼煙肉忌廉炒意粉🍝個意粉好彩冇野，味道都正常唯有當自己黑仔下次唔會再幫襯～～～～～～～～～～～～ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ

食過幾次糖水真係唔係好得，反而手抓餅、鹽酥雞、飯卷又幾好食。我覺得個鹽酥雞水準真係特別唔錯，雞肉Juicy、炸粉好食、調味適中👍🏻 有機會真係可以試吓，糖水就算啦😂😂

星期日訓到自然醒都已經下就啦。唔想出街。又熱死辣辣唔想煮麵食。就係app 揀下有咩食啦。係咁碌係咁碌都唔知食咩好。見到呢間有台灣蛋餅食就試下啦。特盛風味入面有火腿肉鬆，芝士片，漢堡扒及雞蛋。有齊我想食既味道。唔洗諗當然即楝啦。叫多個卡邦尼煙肉忌廉炒意粉。最穩陣既意粉類。黎到個特盛真係好足料。冇hea我。食開外賣都知道外賣不嬲比堂食小份量。同埋好hea.真係良心小店。個卡邦尼意粉正常發揮。多汁唔會太痴。下次有機會試下其他野食先🤤

買左4碗糖水，紫米露加紅豆沙、芒果西米露，芒果西米露撈河，西瓜西米露，價錢係民價，不過性價比一啲都冇，雖然都唔會係啲好好嘅食材，不過冇諗過啲食材會咁差，啲西米露係變左西米糕，啲芒果好似食緊鹹酸菜咁，啲紅豆沙似紅豆水，最大嘅問題係啲椰汁，真係搞唔掂呢，除左好似椰汁嘅白色外，基本上都冇咩味，唔通呢間糖水舖係傳說中嘅「食神」，個老闆咪係好出名嘅「莫X蔚」，呼吸X害是真的嗎？做左咁多年都俾你伏到，我呢個導演真係做得唔好🥲

我喺呢間新開嘅糖水舖一次過買咗4碗糖水。 有哈密瓜西米露 、芒果河粉西米露、 紫米露加紅豆沙、 芒果西米露 。一見到糖水就係唔滿 仲有好多位，味道更淡而無味 好似飲緊水咁 ，而且佢用嘅餐具超級唔細心， 全部都係用紙做嘅 ，我行快多少少半糖水就係咁先👋而且啲西米露全部都黐埋一齊，一嚿嚿咁，每次都超多，一係就冇，都唔知可以點食。而且佢呢度淨係可以食外賣，個店員講嘢又細聲帶咗超來，我都聽唔到原來到我，完全聽唔到佢講咩落單嘅時候把火都上嚟，仲要勁多人喺後邊，搞到好似我唔講嘢咁。

呢間糖水舗真係求求其其，是是但但，落單嘅時候並唔係特別繁忙，而且我都只係叫咗一碗簡單嘅糖水，都可以煮錯，真係無嘢講。明明叫咗原裝嘅腐竹白果薏米綜合糖水，即係有小丸子、珍珠同芋圓。點知拎到返屋企一打開見到大大隻雞蛋係度就知中晒伏。直接叫ｍｅｎｕ有嘅ｉｔｅｍ都可以比錯，錢就識得收足，收足綜合糖水嘅價錢，貨就比便宜$8嘅腐竹雞蛋糖水。個盒唔係透明嘅，抽到返屋企先知中伏😡 諗住打個電話去反映吓又無人接，咁唯有上嚟寫個負評，先見到其他review都有差唔多經歷。原來間店長期唔老實係慣犯，奉勸大家千祈唔好幫襯。淨係叫咗一碗腐竹綜合糖水都可以比錯，錢就識得收足，貨就比平$8嘅腐竹雞蛋糖水。個盒唔係透明嘅，抽到返屋企先知中伏😡 上嚟寫負評見到其他review,先知道原來係慣犯。奉勸大家千祈唔好幫襯。

簡直離譜，叫左4個甜品同2個小食，總共6樣野，黎到得返2個甜品同2小食。小食味道正常，無乜特別，甜品難食到一個點，啲西米同紫米又爛又唔好食。等既時間又要等成45分鐘，電話又無，搵又搵唔到人到底呢間野係咪做生意？？？一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。一世都唔會再叫你。

真心嬲，喺外賣平台第一次試呢間甜品舖，睇相唔差價錢又唔係平，諗住咩都試吓叫左兩個糖水啦，一個楊枝甘露、一個奶凍芒芒鮮果西米黑糖仙草⋯點知極度難食嘅奶凍芒芒鮮果西米黑糖仙草，唔知佢落錯咩有一浸酸味，就好似山楂烏梅嘅味道咁好奇怪嘅，連帶啲水果都酸，成碗糖水根本一啲黑糖或甜味都無！唔好同我講本身係咁，冇可能本身係呢種味，唔係正常糖水味道⋯當你諗住叫鮮果糖水都唔會難食得去邊？哈！你錯喇⋯成碗鮮果都係酸味，垃圾到一個點！但搵唔到店電話投訴唔到，只能在外賣平台投訴⋯即時退還50蚊果一個糖水錢，其實另一個都難食唔想再講⋯⋯⋯⋯無下次！

炸餃子🥟 真係唔錯~ 以為常甜主打甜品, 冇諗過佢啲小食仲出色～另外個 椰汁西米露 性價比高, 加埋芋圓, 都只係$23蚊。椒鹽魷魚鬚 個味都唔錯,可惜個份量比較少, $17蚊 只有幾條😞

嗌左兩美食平台肉醬芝士薯條分量多到爆仲好好食 脆嘅 手抓餅好食 第一次唉唯獨係個綠豆沙唔算太好味涼涼水水地 呢個係我唯一覺得唔ok嘅地方 我第二次嗌芋圓加雪糕好好食喎所有野好足料 講清楚先其他嘢冇試過淨係嗌個外賣 但就可以上眼嘅嘢食嚟講係價錢超水準值得一試

夜晚10點幾想飲珍珠奶茶，好多舖頭都閂咗，諗住照試吓啦。點知難飲到痴線！啲黑糖珍珠淡到呢。。。以後唔會再幫襯呢間嘢，blacklisted!失望，後悔，憤怒，離譜！

比左38蚊買左個心想見妳嘅甜品返屋企食 打開發現唔見左個心形布甸 真係好傷心 紫米太硬 第二個甜品海底椰桃膠椰汁露 食落剩係覺得好似有輕微椰汁味嘅水 又唔多桃膠 之前食刨冰 成舊冰完全整唔開 希望以後可以做得好d

唔係招牌菜既手抓餅，卻意外地好好味！ $26一份比手大既手抓餅可以自選兩個配料自己覺得最夾係雞蛋同肉鬆可以一試～性價比高，味道一流！ 值得推薦！外面煎得好鬆脆既手抓餅入面夾住小小流心的雞蛋再配合埋肉鬆同蛋黃醬簡直絕配！ 一試難忘！而且每次都係即叫即整每次都係熱辣辣送上～岩哂二家冬天食

芋香鮮奶綠盛為28蚊，價錢同天仁差唔多但質素差天共地，同街邊十幾蚊質素相若。完全冇真芋頭，100%香精味，溝埋完全飲唔到鮮奶味。簡單啲講，毫無誠意之作。其他野都唔會想再試，完。