Video
Telephone
28828822
Opening Hours
Today
11:15 - 21:00
Mon - Sun
11:15 - 21:00
Above information is for reference only. Please check details with the restaurant.
【荃灣區】【幸福麵館】同上司春哥喺荃灣搵嘢食，見呢間「幸福麵館」裝修幾新淨，又幾多人，就入去試吓。佢入面都幾多麵嘅選擇，又可以好似車仔麵咁叫餸，不過我哋都有「選擇困難症」，所以就咁叫咗佢哋預設嘅組合嘅麵食。我同佢各叫一碗，再互相 share 啲餸嚟食。佢試咗 $58 嘅「牛牛麵」，啲餸又真係好多牛，有澳洲牛筋丸、潮州牛肉餅、牛腩、牛肋條、秘製金錢肚、滷水牛筋、冬菇，春哥揀咗淮山麵做麵底，湯底就揀微辣嘅沙嗲汁，我食咗啲都唔錯，淮山麵幾好食。佢加 $6 飲「凍檸茶」少少冰，正正常常咁。我就試 $58 嘅「魚魚麵」，有手工魚滑、魚肉春卷、手工魚扎、魚腐、 陳皮魚蛋、冬菇、時菜，配菠菜蝦子麵同唔辣嘅豬骨清湯，感覺幾清幾簡單，啱我，加 $3 嘅「熱檸茶」都合理。我哋試埋 $26 嘅「經典煎釀三寶」，有茄子、紅腸、青椒，夾埋 $151 幾好。。。（地址：荃灣享成街10號香城大廈地下6號舖）@happiness_tsuenwan#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃灣區 #荃灣 #荃灣西 #幸福麵館 #牛牛麵 #魚魚麵 #經典煎釀三寶 #1am1504 #1ambackup
continue reading
本來想食隔籬嗰間日式蛋包飯，點知人哋晚市一定要訂位，所以就嚟試吓呢間車仔麵。見其他食評推薦豬豬面餐，就叫咗個，另外叫咗個三餸麵，豬軟骨、冬菇、腐竹米 。豬豬面係有豬手，豬皮，豬紅 。豬手係滷水過嘅腦汁同其他餐廳有啲唔同，偏向台灣嗰種，有藥材味嘅滷水。炆得唔會太腍，有啲咬口。另外，豬紅豬皮味道就同大部份餐廳一致。豬軟骨都好好味，冇汁係偏甜嘅肉都炆得好腍唔會黐牙，最誇張嘅係份量，整整三大嚿豬軟骨，食完呢個餸都幾飽。每一個餸都可以揀唔同嘅執底，佢又腩汁沙嗲咖喱等等，仲可以挑選唔同嘅辣度，我見佢枱上邊有擺咗罐辣味雞粉，所以面冇叫太辣，但係我發現佢枱上嘅辣粉同後廚加嘅嗰種辣汁係唔一樣，後廚嘅辣汁係更加惹味 。埋單100出頭，真係幾抵食 。
continue reading
呢間幸福麵館真係好可以話係隱藏係小巷嘅寶店。佢嘅車仔麵真係好好味，今日閒日嚟試嘅時候都已經好多人，令我非常期待呢度嘅車仔麵價錢唔算貴，食後覺得好出色值得推介。朋友點左魚魚面，魚味鮮甜濃郁，配料好多魚🤣有魚腐，鯪魚肉，魚蛋，魚皮餃，魚肉春卷，香菇同菜等等，簡直超豐富又夠魚，唔同食料唔同口感味道，配搭油麵真係啖啖滋味。我就揀咗個自選四送車仔麵，金錢肚炆得夠晒入味，蝦餅又彈牙，魚肉春卷吸左湯汁好好味，配料份量十足，餐廳真係落足本。可以選擇唔同醬汁，按自己口味喜好，層層香味太好食！另外都試左個馬來蝦米辣椒醬（免費問職員拎），超級推介，風味十足，唔會太辣，反而蝦米香味更突出，絕對令味道提升！呢餐食完真係好滿足，食完又唔會口渴，港式風味滿滿，讚！
continue reading
琴日去南豐紗廠拍拖，附近睇吓有咩食，發現附近新開咗間車仔麵😋就入嚟試下～入到去裝修簡約風格，環境乾淨企理！座位闊落有QR code落單非常方便，菜單非常清晰！多種餸車仔面選擇～美食⭐️⭐️⭐️⭐️🩵幸福自選6餸車仔麵六餸車仔麵自選麵底我哋揀咗河粉，餸想試吓雲吞、秘製金錢肚 、秘裂牛筋 、潮州牛肉餅、牛腩（牛肋條）、極上牛筋丸 ，湯底係新鮮無添加豬骨8小時熬製而成！我哋加埋牛腩汁、沙嗲汁成個湯底變得非常惹味！食完真係有幸福感覺嘅車仔麵🫶🏻🩵經典煎釀三寶煎釀三寶都非常出色，好香炸蒜豉油一碟熱辣辣！好好食😋煎釀三寶愛好者🩵無糖可樂@happiness_tsuenwan📍幸福麵館（荃灣）新界荃灣享成街6號舖
continue reading
幸福麵館今次係我第二次回訪呢間車仔麵餐廳，呢間叫「幸福麵館」，上次我記得店員幫我去附近車房借塊板比我入去，今次我自己帶我塊斜板入去，睇見今次餐廳好多人嚟食真係好開心，「創業易，守業難」真係要繼續加油，牛筋丸依然好味，隔咗咁耐食物質素仍然無變，真心好掂！今次入去食發現枱上面多咗三支野，第一支係辣椒粉，辣椒粉係出自 @x1493spice ，第二支係糖漿，如果飲品唔夠甜嘅話，可以自己加糖漿，第三支係辣菜脯，可以比你無限加入車仔麵入面，無食八個月餐廳轉變好大，唔錯！1.八寶心滿意足（澳洲牛筋丸、手打魚蛋、陳皮魚蛋、牛肋條、牛筋、豬皮、豬紅、咖哩魷魚同冰糖蘿蔔）$58+熱咖啡$3（9.5/10）呢碗八寶心滿意足上次都有叫，入面總共有九種餸，包括有2大粒好有牛味又好彈牙嘅澳洲牛筋丸、2粒彈牙嘅手打魚蛋、2粒彈牙嘅陳皮魚蛋、2舊有少少痴牙嘅牛肋條、2舊好淋嘅牛筋、2塊索哂汁嘅豬皮、4舊豬紅、2舊好彈牙嘅咖哩魷魚同好甜多汁無渣嘅冰糖蘿蔔，仲有一條菜心，麵底揀咗幼麵，湯底揀咗牛腩汁，幼麵索哂牛腩汁，好味！套餐加熱咖啡只係加$3，咖啡比較偏酸，唔夠香濃！2.牛牛麵（澳洲牛筋丸、秘製牛肚、牛舌、牛腩、自製牛筋、冰糖蘿蔔同精選時菜）$58+熱檸水$3（9/10）呢碗牛牛麵上次係無，應該係新出，啱哂唔食豬肉嘅人叫。牛牛麵揀咗湯底大辣，麵底都係揀咗幼麵，入面都有成7種餸，包括有2大粒好有牛味又好彈牙嘅澳洲牛筋丸、3舊索哂汁嘅牛肚、2舊好彈牙嘅牛舌、2舊有少少痴牙嘅牛腩、2舊好淋嘅牛筋、好甜多汁無渣嘅冰糖蘿蔔同菜心，好味！套餐加熱檸水只係加$3，有兩片檸檬，酸度ok！2人總共價錢$122個人口味總評分：9.25/10@happiness_tsuenwan @x1493spice地址：荃灣享成街10號香城大廈地下6號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#幸福麵館 #車仔麵店 #荃灣 #香港美食 #荃灣美食 #荃灣好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
continue reading