庭壽司外賣專門店

Open Now

Now Closed

今日因為替朋友慶祝生日，特意拜訪這家在青衣的壽司店，可惜換來極差勁的體驗。首先公道講句先，食物質素唔錯，特別是海膽唔腥，手工精緻，味道配搭亦不俗。店員們態度都良好。但不愉快經歷就在埋單時發生，由於我們人數多，剛到達時亦十分肚餓，所以點了比預計多的食物。最後食剩約1/5。老闆娘在收拾時竟抱怨我們食唔哂，而且更說「水都唔駛留比你地飲架啦」，直接趕客離開。付足錢，亦盡力打包走食物，最後卻換來一肚氣？！！奉勸大家，喜慶節日光顧前請三思，係咁！

今日在青衣逛街，相信不少人對於五花百門的食肆，決定去哪裡用膳則成為了一大難題，我也毫不例外。想吃點日本壽司，openrice 搜尋了一下，發覺這間 庭壽司外賣專門店好像不錯，決定試一試。這間店非常有性格，他在上午只開1200-1400，而晚上則開1830-2100，留意翻他上午大概就1300 cut 單。原本想在上午試下的，可惜cut單了。所謂越得不到，就越想得到。所以在晚上我們再試一試這間壽司店。我們大概1820 到這間店，此時都已經開始有人排隊吃了。而店員就給我們餐牌，讓我們先落單，好讓之後不用等太久。我們點好了食物，大概1850 終於有位置了。這間店格局有點小，他不是傳統那樣一間大的食肆，而是分開點餐及進食的地方。而茶水也是自助式的。雖然小，但環境是舒服的。我們叫了三文魚特盛 及兩件帶子壽司。三文魚特盛有4款的（包括三文魚，三文魚腩，花之戀及辣味三文魚），款款都鮮甜肥美，而帶子壽司大大塊，都鮮甜無腥味。玻璃蝦+ 特上南吞拿魚吞拿魚入口即溶，鮮肥甜美，而蝦配飯的口感絕佳，一柔一硬，再加上汁醬的配搭，我可以肯定的說，必點!大滿足原本打算叫特大海膽的，可惜賣曬了，而他們推薦我吃大滿足，

自從兩年幾前食完之後 就成日都食過返尋味呢間材料新鮮 好味 高質的壽司小店成日都好full 唔一定有位 有位都有等一排Walk in可以唔洗諗最最最推薦食豪華卷 有海膽 有拖羅 好好食足料！！！火炙三文魚就每次必食 平靚正而相右下既係蟹膏飯 好香 呢個要趁熱食 建議最好幾個人share。

🚩青衣🍣庭壽司-【隱世高質壽司店】問青衣人庭壽司係邊 可能都冇乜邊個會知 小店位置好隱蔽 坐落係屋村嘅小巷之中 餐廳分開兩邊 大約共坐到2x個人 但因為佢太多人 等唔到位 所以我哋叫咗外賣🤪-壽司價錢唔算貴 約$6-$20一件 18蚊就食到海膽壽司 真去出面都做唔到!!😍 但好抵死嘅係佢質素又幾高 鮮而美味 其中火灸系列更係必點 任何一款火炙都好食!!💕💕重點推介一定係蟹膏蓋飯!! $78面頭已經鋪滿蟹膏 真係每一啖都食到 啖啖滿足就係咁解🤤堂食應該更好食!!-💕推介!!!一定要去試一試!! 不過佢成日都爆場 去之前一定要打電話預訂或留位 而且聽其他朋友講老闆娘好火爆講嘢都好有中氣 表示自己未親身經歷過xd-

星期六同朋友中午去食庭壽司因為餐廳中午1:30last order 我地就趕係1:15到去到既時候好好彩 有最後一張雙人枱我地叫左幾款火灸壽司同一個鰻魚飯原條鰻魚飯性價比真係好高有2條大鰻魚覆蓋住成碗飯食到一半先記得冇影相😂😂真心推薦大家一試最後堆單$160

已經食左好幾十次，連住九龍既我，都經常坐成個鐘車入青衣食，因為好食囉火炙三文魚同火炙帶子壽司，本身刺身已經肥美，再用火槍輕輕燒過，將油香更加迫出黎，更加好食醬燒玉子，口感依然豐富，芝士既香同玉子融化一齊，食落口啖啖都有蛋香同芝士既濃，加上醬汁既酸酸地，好夾火炙蟹棒同火炙芝士玉子，一如既往咁好食，足料又keep 到水準特大加拿大海膽壽司，數唔到有幾多塊海膽，超厚身，食落甘甜香濃，推介火炙芝士三文魚卷，中間夾左青瓜，中和番芝士既膩，令食落有清新既感覺鰻魚飯，有五大舊鰻魚，鰻魚燒得甘香，而且好肥美，我每次必叫柚子青魚，又係必叫之一，酸酸地既醬辟走左青魚本身獨有既腥味，而且食落好開胃一段時間冇黎，水準依然keep 得到咁好

呢間店我喺係ig見到有人介紹... 之後上黎見到好多食評都係話佢地既服務態度差...貼錢買難受今次終於的起心肝抱住戰戰兢兢既心態去食🙊🙊位置唔算易搵，係青衣城出左都要行10-15分鐘😢店鋪分左2邊；一邊係廚房加6-8個堂食位，另一邊係全堂食位（大約12-15個位？）大概有2位auntie負責上菜/安排座位/收錢...一去到就同佢講幾多位，佢會叫你等等或者安排座位比你..比人既感覺真係好似好惡咁（因為佢地講野冇尾音😂😂）當日去到 人唔算多，全堂食果邊得一張枱有人坐，廚房果邊冇人座 都要等大概15分鐘（雖然唔知點解😂😂😂 但因為太驚既關係唔敢問等緊位既同時，佢地會比張點餐紙你寫住先～聽講呢度係冇得加單既！大家要留意一下😂😂😂畫完之後一定要影低佢，如果唔係你唔會記得自己寫左d咩😂😂呢度既海膽係時價，當日亦都唔記得問幾多錢😭😭但係份量真係非常足！而且唔會臭👍🏻👍🏻👍🏻挺不錯的👍🏻👍🏻👍🏻👍🏻👍🏻相後方既刺身一般般～ 但份量都大的！特大牡丹蝦：都係時價🤦🏻‍♀️🤦🏻‍♀️但係大隻鮮甜，爽口👍🏻👍🏻👍🏻👍🏻👍🏻呢個卷好好食！但唔記得佢叫咩名...好似係北海卷？火炙3文魚+蔥花、洋蔥+佢既醬汁混埋一齊入

We have spent a memorable night in this restaurant, all the 火炙 sushi are superb and it is not pricey. I would also recommend the 鰻魚飯，,which is delicious and of great amount. Although there is very few seats inside, most people like this restaurant and have take away in this restaurant. This is one of the best restaurant in Tsing Yi! The staff here are very nice as well. Love it!

个别服务员态度超级超级超级差！！18点点好单，同意19点交台，入座后发现头顶空调吹着很冻，想换到靠墙位，换完后，服务员进来就开始特别大声与不耐烦的叫，不可以换，那个位是6点30的，说人多了就不会冻了😂，就走了。。。。。

得知有這間食店是從一位青衣人的私藏清單裡發現。雖然隱藏在屋邨，但仍然非常受歡迎，常常爆場，我試過等兩小時！不過，有個慳時間方法，可以先電話落單及留位就可以不用像我咁傻豬等咁耐！跟朋友食過一次，自己之後再食過五六次才敢推介！因為價錢不貴之餘質素非常之高。我非常非常推介這裡的火灸系列，我敢寫包單火炙壽司是隨便點什麼都非常好食！其他壽司質素都OK,呢個價錢可以有這種質素，真的非常超值！如果硬要講不好的地方，算是地點隱蔽和偏僻吧，不過這也無阻我食好西的動力！

日本菜的確有它吸引人的地方. 連我這個不太吃魚生的人. 那條日本蟲不時都會咬我一口. 這次來到一間應該只有青衣友才知道的隱世壽司店吧. 燒雞泡魚干 個人喜好, 基本上食店有這一道小吃. 九成機率會點的. 味道不錯的, 但烤得有點過火, 帶點微微的燒焦味. 火灸芝士玉子壽司 個人覺得必須點. 一件絕對不夠, 兩件是無慮即決的. 火炙+芝士+ 玉子. **真係唔駛講都知好食啦!!!** 三文魚腩壽司 WELL~~ 我不太吃魚生. 當然不是我點的. 火灸三文魚腩壽司 半生熟的三文魚腩, 配上火炙後的焦香. 不太吃魚生的人都可以享受三文魚的美妙 帶子卷 帶子是我會吃的魚生之一. 抵食之選, 沒記錯....22個大洋4件. 味道正正常常. 北寄貝沙津軍艦 北寄貝沙津夠凍, 紫菜一直是這家店的敗筆. 一個字" 韌" 鰻魚飯 燒到熱辣辣, 咬口微脆的鰻魚飯. 有不好食的道理嗎? 48個大洋的價格絕對CP值高. 如果鰻魚汁多一點會更加好啦!!職員態度方別也只能說習慣就好, 習慣就好!!小店也不要求太高.要點菜後才可以坐, 也是必須的.

由於太肚餓，食食吓先記得影吓相，依家係我青衣最愛的壽司店，第一次係同事帶我去，佢話無食過呢間野都唔算係青衣人...佢啲壽司係完勝元氣，無論份量、味道、賣相都比一般連鎖的壽司店好！由於小店位置很少，所以要預早打去問有冇位，我會喺電話度落定order，火炙壽司是必須吃的，你會點完又點，真係好不錯！最愛係豪華卷足料有海膽，甜蝦蟹膏壽司都好好味！每次去都必定會帶油甘魚壽司火炙鰻魚火炙將燒玉子火炙蟹柳壽司，芥辣八爪魚海膽壽司，不過海膽壽司不是常常有貨要視乎海膽有冇來貨。

今晚又黎到青衣食壽司，黎呢度食記到要打電話黎留位，晚晚都爆。唔係就要拎去公園食風嫁啵唔講咁多 直接睇圖啦呢度推介燒壽司系列三文魚腩燒到滑一滑，入口即溶。玉子配合芝士醬岩岩好佢呢隻蟹棒蟹味十足食過都話正其他手握壽司都唔錯

我真係唔明點解一間野嘅員工態度可以差到咁。每次去到見到佢地都黑口黑面，講野啲語氣又差，唔知仲以為我殺咗佢全家。次次去呢，都話要等一個鐘兩個鐘。跟住落單又要企喺出面，明明入面有位都唔俾你入去坐，我真係睇唔到呢到嘅邏輯。好啦，落咗單啦，又嬲爆爆咁話唔可以加單。但係唔知點解某啲客又可以加㗎喎。全間野都係自助嘅，杯碟全部都要自己拎。啲員工只係負責吩咐你自己去拎野。公道啲講，佢啲野係算好食嘅，啲材料都算新鮮。但係佢嘅價錢都算貴。咁都算啦，最重要係對住佢啲員工真係會無胃口。我真係完全唔明佢地想點。

因為喺青衣城返工同事帶我嚟食，如果唔係都唔識黎呢度🤷🏻‍♀️啲壽司呢就種類比較多，特別火炙壽司好特別🤭咁而且呢啲價錢又唔係貴,買單lunch嘅話就＄100左右啦🤪間唔時都會掛住呢間小店