Video
Telephone
26531338
Opening Hours
Today
06:30 - 22:00
Mon - Sun
06:30 - 22:00
Above information is for reference only. Please check details with the restaurant.
Recommended Dishes
山長水遠去到大埔，主要去大埔街市買嘢。 每次去到大埔通常又會食番碗魚蛋粉。 大埔街市附近都有唔少食魚蛋粉麵舖。 我通常每次都會去唔同嘅店舖試吓， 而今次去咗間叫 廣成。之前我應該未嚟過，但上網睇呢間都做咗幾十年。入到店內空間都算寬敞， 坐低就叫咗一碗魚蛋河粉。 湯偏淡，魚蛋嘅魚味都幾重， 彈牙程度普通， 河粉新鮮，夠滑。整體上水準四平八穩， 但冇話特別出色好食。
continue reading
餐牌寫住秘制？制服、制式？秘製？雞脾？娛樂性滿分﹗四眼妹侍應好有吸引力，對四眼妹硬係有點情意結，忍唔忍偷望多幾眼增進食慾。想見多您幾面就食多碗麵﹗凍檸樂，酒鬼宿醉殷物，冰凍回魂曲﹗雜果冰，應該無另加糖漿，只用罐頭裡的糖水，清淡不甜我喜歡，罐頭雜果都係那樣吧。熱檸茶走甜，清腸胃漂白水味﹗半啖放棄。凍奶茶少甜，普通一般，奶味出而茶味弱。紅豆冰，清清奶水味，紅豆奀滋滋。炸魚皮，淨食薄薄乾身脆卜卜，掉湯湯聽到清晰的咇咧啪喇聲，叫得凄厲十分悅耳﹗預計浸湯味道會更清甜，居然係更加咸﹗不過濕濕滑滑少少脆好過癮。炸雞中翼，翻炸屍骸縮水微燶只得一星，唯一可取白肉仍嫩滑，鹽味炸翼給我茄汁浸住食比起甜笠笠泰式雞醬更好﹗黑椒牛筋丸胡椒豬肚丸米線，食清少少不要辣椒油不要加豉油，食其天然無添加原味﹗幸運地清湯夠濃無投訴。米線碎上極度厭惡﹗碎濕濕散筲筲用筷子都夾唔到，嬲嬲地直接用羹連湯掃入肚算數，質地腍滑不彈。胡椒豬肚丸竟然爽得出奇兼爆汁順喉，豬甜味異常突出美妙。黑椒牛筋丸牛味濃濃郁郁，微爽微彈有點嚥韌。原汁牛腩飯，比起滷水牛腩我更愛五香牛腩，撈飯一流﹗顏色亮麗食慾大增﹗飯粒乾爽搭濃郁五香汁及大大舊軟綿牛坑腩，每次都狠狠地大大啖塞入，舒服爽乎﹗紫菜湯飯，柱侯牛腩汁撞紫菜湯，惹味香濃勁開胃﹗諗住食碟牛腩飯就會夠飽肚會有力氣工作，諗諗下都係加多碗紙菜湯較安全，最後清晒都依然感到十分空虛。牛腸牛膀撈麵，牛膀滷到起渣變成大窿窿蜂巢一粒粒了，粗糙乾乾不綿滑。牛腸極度肥美彈滑，肥膏甘甜不油膩。牛味滷水汁撈爽彈幼麵撞辣椒油蠻喜歡，吸啜得十分痛快，味道刺激長啜長有。水餃雲吞麵，水餃包著豬肉木耳，結實不散口質彈牙，濃濃醃味滑滑餃皮合格。雲吞散發極濃味豬肉，幸好未算過咸，蝦肉存在感薄弱，整體免免強強。爽爽幼麵無異味，拖著大量麻辣辣椒油連湯汁狠狠地用力啜，舒服愉快﹗咖哩汁火腿炒蛋豬扒意粉，有誠意煎火腿格外咸香，不是求其凍冰冰生坳坳撻係面。炒蛋熱辣辣有點老不夠嫩滑，免免強強可以接受。煎豬扒極高質，焦香鬆化豬甜味濃，啖啖肉汁醃味得宜，最敝配上單調茶記咖哩汁。過熟意粉腍到溶溶地，濕濕黏黏漿住我的嘴。黑椒汁腸仔太陽蛋雞扒意粉，重份級堅大份抵食﹗特大巨型靚雞扒，醃料十足十紅磡萬利炸髀，重蒜味油潤微脆雞皮，白滑滴汁濃味雞肉。腸仔可以再乾一點脆一點，結實咸香不過份。脆煎太陽蛋，熱燙燙香口甘甜。份量足足有西餐意粉兩倍，熱到燙嘴飄著煙的意粉可遇不可求，捲埋香而不辣黑椒汁，大量黏黏嚥韌掛汁水潤意粉飽飽飽﹗蠔油生菜，翠嫩爽甜不澀不水，鮮蠔汁不咸帶鮮，意外的味道。蠔油芥蘭，到底菜芯還是芥蘭？聞一聞再試試，真係芥蘭來的。粗糙不嫩不甜帶生水味，不想浪費格硬食晒去，有點想反胃。蠔油菜芯，葉夠腍沾蠔油還可，莖有少少渣有少少草青味。腐乳通菜，翠嫩爽甜多汁無渣無草青，食得到純天然菜甜味道。牛雜撈粗麵，早前係美景鯨吞碗極度難食牛雜麵，點都要食碟有質素美味可口既牛雜撈粗補數，平衡一下心理，治療一下受傷的心靈！金錢肚腍啤啤的不夠爽彈，牛膀我的最愛甘香甜美，牛腸腍腍沒有我最愛的半透肥啫哩油脂，牛肺極彈帶點脆脆軟骨。粗麵撈埋清香滷水汁味道尚可以，不要咸咸的蠔油添味。完整長長的粗麵，彈牙滑滑啜得高興，加埋麻辣辣椒油就更興奮雀躍﹗清湯，甜美香噴噴飲多兩口，舒緩一下咸味辣椒油。南乳豬手撈伊麵，眼測伊麵好鬼細，細麵只得兩啖半，只得一個細伊攝牙罅都唔夠﹗豬手滷得非常入味濃郁，膠黏無比一啜骨肉分離，有皮有肉真豬手，充滿骨膠原。嘆韌彈牙的伊麵，最衰剪到短戚戚不能一氣呵成大大啖，食到疾住疾住﹗豬手汁太淡撈伊麵無味，全靠辣椒渣咸咸地免強可以，我真的有衝動想淋豉油呢﹗魚片片頭麵，咸香出眾的魚片，魚片片頭齊齊彈，片頭香口不嗆夠吸引。真係幾好食﹗魚片片頭麵撈辣椒油要讚，辣椒油帶微弱花椒味香而不麻都要讚。爽麵完整掛滿湯長啜長有，拖著香辣辣椒油燙著嘴嚼格外美味都要讚﹗牛膀汕頭魚皮餃伊麵，汕頭魚皮餃包得鬆散空盪盪，薄衣衣不滑嘟嘟，咸鮮魚味微弱，味道不腥還可以。紫菜牛筋丸墨魚丸河粉，紫菜質地乾乾的爽爽的，我喜歡濕濕吸盡湯的。牛筋丸多多窿多多汁，牛甜味濃濃，爽爽而不彈彈不滑滑。墨魚丸充滿彈性不結實，淡淡然的墨魚味，平凡普通。湯底淡茂茂要勁落胡椒豉油辣椒油，河粉散碎短戚戚夾都夾唔起，用匙羹食吧！師傅唔會烚完河粉底先慢慢烚丸嗎？河粉唔腍唔爛就出奇﹗炸雞髀，索價 $39 大元有點貴﹗雖然色香味都比一般茶餐廳高，跟華立茶記不相伯仲，只不過炸到有點縮水過火。新鮮出爐滾熱辣，燙著嘴係最美味的溫度﹗薄脆雞皮香噴噴，白肉結實帶微汁。牛筋牛腩伊麵，香濃五香汁，鬆化牛腩瘦肉粒，軟綿牛筋滑嘟嘟，跟伊麵非常合拍。伊麵竟然係細麵餅，狠狠啜兩口消失殆盡﹗慢工出細貨，嚥韌彈牙不過腍不過濕，保有伊麵香甜原始味道。拖著大量辣椒渣掛著濃湯不停暢快地連肉吸啜，開心愉快﹗魚蛋麵，白雪雪軟軟的魚蛋，滑滑富彈性，魚香咸鮮蠻不錯﹗魚片嫩嫩軟軟，外層份外香口。幼麵雖爽，不過有陣陣鹼水壓味啊﹗魚蛋牛腩伊麵，魚蛋白白大大粒，魚味咸香又彈彈，食得過﹗辣椒油，香辣並重還散發陣陣花椒味，微辣和味可口。
continue reading
從味回吾到以前味道，可能師傅退休了雲吞冇蝦太多肉，河粉冇變回味吾到廣福邨開咗店30幾年，由細食到大食到結婚生小朋友，好懷念以前人和味，真係搵唔返好食就真係好好食！佢
continue reading
由父母親一代開始，多年來一直光顧廣成，今天重來舊地，看到老闆仍在打理店內事務，其餘店員年輕有禮，相信並非如其他食評所指已轉手。店內環境舒適，比起其他粉麵店空間寬敞得多，平日下午不用搭檯。菜單上的食物選擇多，價錢便宜，質素又有保證，最推薦水餃和墨魚丸，適合買回家打邊爐用。自家製的墨魚丸真材實料，爽口彈牙不會過實，一吃就知是手打墨丸，比起坊間的好食太多，值得大力推薦！兒時最愛的魚片河，份量充足，仍保持高水準
continue reading
踏入呢間舖頭，感覺簡簡單單的環境，地方整潔👍🏻，印象良好。餐牌上有魚湯紫菜湯飯系列，可以揀魚片頭😍，目標明確一於叫個魚片頭湯飯，魚片頭有六粒，彈牙有魚味😋，但都係偏鹹，不過還可以接受。唔知幾時先可以食到冇咁鹹嘅魚片頭呢？紫菜分量正常，咬落去軟硬適中。炸魚皮，咬落去嘅口感，同一般食開嘅唔同，嗰種酥脆唔係好識形容😅，不過我鍾意呢種質感；同埋大大嚿有手掌咁長，唔係碎濕濕咁。 原本係想試佢哋嘅魚片頭為主，炸魚皮反而有驚喜😍
continue reading