彩逸漁港

Open Now

Now Closed

老人家看見名爐燒鴨就打算買一隻，不知當時時間較早或甚麼，酒家只掛起燒鵝，就這樣直接切好賣給她了。回家後才發現，燒鴨有一半都像滷水鴨的顏色，火喉完全不行，皮順理成章完全不脆，肉味也有點膻，難道因為沒燒透？肉是熟的，肉汁也還可以，本來燒好才賣應該沒問題。燒味師父多年經驗，眼看沒理由沒發現不夠火候，燒夠再賣就好。為什麼要勉強賣給不夠精明的長者，又破壞招牌….附上購買日期、燒鴨顏色和樣子，是日價格$94半隻，是不貴但沒能吃到🫨

今日去咗柴灣嘅彩逸漁港，佢哋主打港式點心同小炒。但係點心食物味道普通，冇乜驚喜。我試咗佢哋嘅燒賣、蝦餃、雞扎腸粉，都係合格嘅味道，無特別之處。雖一一個春風得意腸，入面係包純菜既春卷，出到黎淋曬，d菜又有怪味，唯一呢個點心唔好食。不過值得一提嘅係佢哋嘅炒麵，有鑊氣，好好味，我試咗佢哋嘅炒牛肉陳村粉，都係好好味，而且上菜速度好快，等嘅時間都唔會太長。而且呢度價錢亦都比較親民，性價比高。不過呢度係冇冷氣，只有風扇，有啲熱，唔太舒服。如果天氣太熱，可能會影響到食慾。不過，環境算係整潔同舒適，員工服務態度亦都唔錯，好有禮貌。總言之，小炒味道好好，而且價錢比較親民，性價比高。如果你鍾意食小炒/炒麵，呢度係一個值得一試嘅地方。不過如果你追求高水平嘅港式點心，可能要揾其他地方啦。

約左朋友去行山，梗係要醫好個肚先，2點半食下午茶，仲有特價點心呢度做街坊生意，酒樓面積夠曬大，飲茶時段，好多老人家同一家大小黎飲，可以搭枱，所以唔使等位，可以即刻入座我地5個人叫左：叉燒包流沙包-特價點心拼盤-特價孖寶-蝦餃皇+奶皇馬拉糕 -特價藥膳雞腳鹹水角鵪鶉蛋燒賣叉燒包同流沙包都餡汁多到流晒出嚟，冇偷工減料奶皇馬拉糕，即叫即製，熱辣辣食，吾太甜藥膳雞腳非常出色抵讚，夠入味同淋鵪鶉蛋燒賣同蝦餃皇都好鮮味，蝦肉彈牙爽口其他點心都收貨，正常酒樓水準，冇食淨，食完自己行出去埋單，呢個價錢甘嘅質素，可以接受！

今晚一家大細落左黎食飯, 酒樓最多位,訂左就準時入席食得幾豐富! 茶費再加一!炒帶子西蘭花配鮮魷 新鮮帶子炒西蘭蔥加鮮魷片,就係食佢海鮮既鮮甜,彈牙,無汁無醬唔會搶去鮮味!鮑魚滑雞煲 新鮮鮑魚配三黃雞炒既雞煲,足3-4人用雞件斬得大件無碎骨,食得幾方便啖啖肉,蔥蒜醬油既味道都滲曬入雞肉之中!鮑魚吸左醬油一樣咁彈牙鮮甜! 雞肉嫩滑好食個汁撈飯一流海皇粉絲雜菜煲 魷魚,大蝦用清雞湯燴煮粉絲食落清甜鮮味,一絲油都幾無,係健康好食既選擇!當然粉絲都係好好食,索曬鮮味同雞湯甜味!乳豬例牌 足十年,都切得幾工整,味道香脆可口,咬開肉質很細緻嫩滑有肉香白灼海蝦 海蝦做緊優惠,一斤已經好足夠一家人食,隻隻都咁大又鮮甜爽口原條龍躉仔 原蒸加蔥薑醬油煮,肉質特別嫩又夠肥美,好好食呢~消費$1000Shop 104, Hing Wah Centre, Hing Wah Estate Phase I, Chai Wan

那天的前一日，媽咪爸爸走到柴灣拜山，然後，他們走到一間叫 <彩逸漁港> 飲茶，專登留一些點心留待拜山，並留給我做翌日早餐！媽咪把好幾款點心放在一齊，變成一個點心拼盤！蝦餃飽滿的蝦餃，蝦餃皮晶瑩剔透又煙韌，包住大大隻又爽口的蝦，爽口彈牙！燒賣除了加入豬肉及蝦，鮮味滿載！芋蓉包雪白的包身鬆軟而甜度剛好！芋頭蓉富香氣又軟滑！真材實料！薑汁千層糕每層厚度平均，薑味濃厚！ 甜度適中！這個自由配搭的點心拼盤，既帶給我驚喜！ 又可以填飽我個肚呢！

今天放半天假，偷閒，很久沒去酒家飲早茶，便和老婆去彩逸漁港，星期一至六早市有點心優惠，款式選擇也頗多，我們點了幾款點心和翡翠雞絲腸，腸粉粉皮不會太厚，雞絲也多，春卷香脆，而點心也熱騰騰的，新鮮出爐，時令臘腸卷的臘腸不太肥，入口不腻😋

每逢中秋節都會一大班親朋戚有食個飯 今年亦唔例外我哋一家人呢早係兩個禮拜前就已經book咗枱 因為今年香港嘅情況所以其實都唔想出去太遠去食啦 所以就求其揀左個方便嘅地方就食啦食物質素一般但係勝在佢有做中秋節套餐食物水準可接受 特別係條魚同埋蝦球 但係荷葉飯就完全失水準 可能因為太多人樓廚房一早做定 食落去好似放咗好耐 啲飯好淋 整體一般 只會係大時大節就親朋戚友先會再光臨

今日中秋節，老世請食飯同啲同事去左呢間酒樓。呢度啲魷魚酥，炸得好香脆，另外佢畀嗰碟"結汁"又夠大碟。甜品方面，我哋叫咗芒果布甸，整得好香滑，另外佢有畀啲花奶我地，加埋花奶落去更加好食啊。

放假當然係做個孝順仔，屋企人係外國番黎，緊係帶佢地去食香港地道野-飲茶。今次揀左係柴灣既依間彩逸漁港，溫馨提示一句：一定要帶件外套，因為冷氣好大。總共叫左8籠點心，有炸雲吞、牛柏葉、薑汁糕、馬蹄糕、馬拉糕、牛肉腸粉、蒸排骨、腐比豆腐卷。總括黎講，野食唔錯，有咁上下水準。牛柏葉爽口彈牙，炸雲吞香脆可口，馬拉糕鬆軟。但唯獨是碟腸粉有小小算係敗筆，一上枱已經唔熱，皮又厚又硬，希望可以改善下。埋單總共$235！

一家人星期日有咩好做？緊係飲個早茶，共聚一番天輪啦！☺️每次嚟飲茶，都係差不多11點，而啲粥只係供應到11點，所以我哋每次去，啲粥都已經賣曬😟今次就早少少10點半去到，可惜啲粥實在太好賣啦，今日又賣晒，下次一定要再早啲去先！酸甜炸雲吞好味道，饀唔會太少，皮夠脆，就算放左一陣先食都仲係脆卜卜，正呀😋今次貪得意叫咗個魚湯豆腐卷，係用腐皮包住啲豆腐，味道偏淡，適合啲鍾意淡味嘅人腸粉就唔推介啦！以前食就皮薄餡又多，今次叫咗牛肉腸，饀好少，皮又好厚3個人食咗$235，實在係平民價呀！不過今次質素就一般，希望只係失水準啦！

香港人放假就會聚一聚，不論人數多少，飲茶食點心往往是不錯選擇，因為人人都啱食！今天來到柴灣彩逸漁港，雖然是星期六，但一來到便有位了，一張大枱剛好夠坐我們一行12人😊屋邨酒樓格局食物、茶錢收費公道芋角、炸雲呑 - 新鮮即炸，脆卜卜韮菜豬紅 好味 - 而家飲茶好少見到！各式點心 - 香港味道燒排骨都唔錯炆米做得恰到好處，軟硬適中，也沒有過濕。炸菜、肉絲、各種配菜都用料十足👍通常炒河碟底都會發現大量油的，這裏炒河竟然沒有此問題，且味道也好。我們把全部食物掃清光！雖然是假日午市收費，12人吃了$759，人均$64，CP值超高。服務好，食物味道佳。讚！

家人生日但天氣唔好，諗住係附近食餐簡單飯見到門口有呢d特價野都好似唔錯就試下餐牌都幾多選擇，亦有唔少特價同孖寶餐個人覺得晚飯孖寶都幾抵，138有2個小菜，再78蚊就有個冬瓜盅，3個人夠哂食上菜速度都幾快，不過d野都好熱辣辣冬瓜盅$78都算大盅，3個人每人都有2.5碗入邊都足粒，有蝦冬菇瘦肉金華火腿不過沒有夜香花的味道味道都清甜，唔會好咸，味精味唔重晚餐孖寶: 涼瓜班頭腩涼瓜唔會好苦同係爽口，而班頭腩係炸過先再煮，所以魚肉都嫩口同冇散芡汁唔太咸，不過較杰同油膩，漿住個口沙律吉列凰尾蝦見到有d想笑，其實姐係吉列炸蝦配沙律醬😂個炸漿唔厚同幾脆，而且個蝦仲好彈牙，好似食日式店個d炸蝦熱辣辣的確幾好食，不過得5條份量比較少生日點少得壽包，要半打起$48價錢貴少少，不過生日就冇所謂了壽包唔會太甜同蓮蓉餡都算多，仲要有蛋黃的😊不過個包就比較厚少少最後每人送一碗紅豆沙，不過真係太甜，飲2啖就算了總括黎講: 屋村酒樓質素算中上，價錢都適中，環境都舒服

明明加左我50蚊將上湯轉芝士龍蝦伊麵，竟然係咁嘅樣年初四俾錢買難受大家千其唔好幫襯！我覺得完全係騙人錢！！！真心嬲，我以後唔會再幫襯！嬲嬲嬲嬲嬲嬲嬲嬲嬲嬲嬲嬲嬲

今日我們約好咗一齊去登高，而且亦分配咗我們係負責買燒味！因之前喺柴灣新翠商場另一間店祇係買咗鷄同豬脷，忘記咗買最重要嘅燒肉，所以我們去咗興華商場嘅「彩逸漁港」買！脆皮燒腩仔頂層嘅皮雖然燒得都幾香口，但就唔係好鬆脆同味道比較鹹，而且比較硬身，至於肉質都幾鬆軟，亦唔會有太多嘅脂肪！

一向都喜歡以生果為主題的菜式，說到底最重要的是，以水果入饌，比起珍饈百味來得健康得多，用水果入饌菜餚之中並不容易，要了解每款鮮果的特性，去配搭什麼樣的食材，是要多番嘗試，花精神和功夫去鑽研什麼菜式，才能上得桌，成為食客品嚐到一道美味的佳餚。 木藏牛肋條 $88挖空了的木瓜，伴隨著秋葵及炆煮好的牛肋條，不講不知，原來木瓜含有天然酵素，不需要化學添加，就使到牛肋條肉更軟腍鬆化，將新鮮木瓜，配合咖哩粉、辣醬和鮮蕃茄醬等秘製醬汁來炆煮帶有少許筋位的牛肋條，再用木瓜煮成易於入味的醬汁，卻沒有附帶濃稠的醬汁，甜糯甘香，與秋葵一起吃， 口感豐腴更不賴。 火龍果彩虹一口牛 $88火龍果遇上牛柳粒，雖知道火龍果的味道較為清淡，用來做餸菜配料，水果味道未能充分顯現出來，將半個火龍果掏空，襯托牛柳粒、彩椒和鮮菇，顏色繽紛，咬下牛柳粒時，未曾嚐到火龍果本身的味道，然而每每吃到火龍果粒時，才恍然大悟，其實不一定要肉類帶出鮮果味，相反可以倒過來，用鮮果反映濃郁的牛味，根本就不是妙想天開的事。 香芒貴妃三蝦球 $188將三種蝦龍蝦、海中蝦及櫻花蝦變成為蝦球，芒果原汁原味打成香芒汁，如同醬汁般放在蝦球之上，蝦球炸得脆