彩龍船中西美食坊

Open Now

Now Closed

同媽媽中午睇完医生準備搭車走之前梗係要去医下肚先啦，叫了二個午餐，男人的浪漫同西炒飯，熱奶茶同凍0茶。奶茶一上，都唔駛抖下就飲得，边有熱飲唔夠熱架。凍0茶基本畘，無咩特別。火腩飯就無咩特別，又係基本野，重点泥啦就係個西炒飯，可以炒到一舊舊，居然仲可以燶燶地，最令我好奇既係，究竟点解可以炒到一個飯係唔熱架呢？而且食落去可以講係毫無味道，淡到唔知食梗的咩，雞肉無味，果幾粒蕃茄粒無味。真係好好奇点解可以生存落去

這個下午往港安醫院看病，順道往荃威吃過快餐。這個巴士站前最當眼的鋪位，30多年前也是茶餐廳，當年名叫“嘉美”，小時候偶爾也有光顧，不知轉手了多少次，但內部的裝修、擺設，似乎沒太大變化，給了我一點童年回憶！我點了一個“豉油王炒麵”，夠香、夠味、夠乾身，沒有油冧冧，銀芽、韭黃、韭菜、洋蔥等配料足夠，口感很好。我一邊讚嘆著、吃著、回憶著， 吃了兩口，到麵餅中間，竟給我發現了有部分麵條摷不開，沒豉油，嗯，給我扣了點分。小插曲 ... 隔座有位老伯伯，應該剛去完市場買菜，整袋菜還在桌上，侍應姨姨把碟頭飯送過來時，碟頭飯與袋底擦肩而過，馬上 say sorry！雖然已下午茶時間，沒多少客了，樓面其實只剩兩人，其中一個終日躲在收銀處，偶然才出來“巡視下”，剩下那位姨姨，看見她走路速度及腳步聲，還有她執枱時的觥籌交錯聲，誰都聽得出她“做到氣咳”，那怎麼不可能把那碟頭飯“車埋個袋”呢！

去港安探完病，行去搭巴士見到這間餐廳，肚仔餓入去吃個晚餐先再搭巴士回家。晚市套餐寫在螢光板上，有幾款可選。有湯，有飯，有餸，53元算經濟。我們叫了两套。蜜椒薯仔牛柳粒和漁香茄子。家常小菜，做法簡單。例湯先上，粉葛粟米豬骨湯，清甜湯味濃，湯料满满又夠熱。蜜椒薯仔牛柳粒，薯仔煎煑過有些焦脆，牛柳嫩滑，黑椒多，醬汁惹味。漁香茄子煲，煲仔上台熱辣辣，漁香醬料味道十足，茄子不會很軟綿，吸引了醬汁精華，每一條都味道濃郁，肉碎鋪滿煲，份量很多。两個菜式都煑得不錯，－大碗白飯很快吃清光。

行完山諗住食個下午茶，因疫情下所有食肆都閂六點，附近得返哩間垃圾仲開緊鋪，咁我哋都無得揀就諗住試下，點知就伏咗我哋5點零5分入到哩間餐廳，個阿姐侍應就猛咁催落單，嗌干炒牛河又無河粉最後叫咗炒豬扒意粉，份量就好足，但質素就好差，廚房求其撈埋一碟就算數，豬扒係返熱都算，仲要返熱都返唔好，個心係凍嘅常餐啲牛都係凍同埋催落單個呀姐上餐係成碟嘢飛跣上張枱，搞咩呀？食完，都只係5點8，杯嘢都未飲完，又係到催「我哋差唔多收工啦」聽到佢同啲同事係到討論「唔知趕唔趕到班車呢」... 心諗你哩架搭唔到咪搭下架囉，公司請到你咁嘅員工真係趕客倒米！豬扒炒意粉$44加杯凍飲多兩蚊常餐$34再加凍飲垃圾都值得$82？？？

小弟從醫院行出來散散步醫醫肚。發現附近食市不多，而這間算門面比較大。餐牌中沒想像多選擇，就叫了一個牛腩炒麵。賣相黑黑的，但牛腩還是足夠水平，麵底香脆，整體十分出色。果然沒有去來錯。

荃威附近可以坐低食嘅餐廳一隻手數得晒，夜晚就更少選擇，開得最耐嘅呢間彩龍船雖然衛生環境一般，但勝在有小菜食又開得叫比較夜少少，喺正巴士總站旁始終有一定人流呢晚6個大人一齊去堂食晚餐，有3個唔太餓都不敢叫太多，4個小菜其中一個跟餐，一上檯真係慶幸無叫得多，因為真係好大碟呀﹗如果用快餐店晚餐小菜計，可能份量多近3分之2炒蛋嫩滑蝦仁都幾大隻，咕嚕肉酸甜度適中保持脆口，粉絲煲吸咗湯底好開胃套餐有白飯飲品都係50蚊，其餘散叫都係五十幾至六十幾蚊，相當抵食，難怪可以喺度立足多年啦。

禮拜日最適合瞓到日上三竿起身懶懶地就去附近睇下有咩食見到呢間茶餐廳都唔少人決定試下呢間下午茶好唔好食呢度呢附近有老人院所以有唔少人呢去探完老人家就推老人家去呢度一齊食下午茶呢個係我叫嘅炸雞翼公仔麵常餐方包牛油唔會太多所以都唔會好肥至於火腿奄列蛋呢 半熟啱啱好 啱曬我深水炸雞翼雖然冇另上 但上枱果刻依然非常香脆至於星洲炒米 就稍為有啲唔夠味炒米夠乾身但係就可以再辣啲份量都非常溝男仔食都會飽 另外仲嗌咗炒河嘅必點干炒牛河!!河粉夠彈牙 呢碟嘅味道啱啱好 牛肉亦好林好好味三個人只係食咗百二蚊非常超值

上荃威花園辦點事, 打開google map找食, 荃威花園堪稱美食沙漠, 好難揾野食, 冇得揀之下食哩間, 無期望反而有驚喜除咗 lunch set多款選擇, 餐牌食物內選擇也不少, 除咗一般茶餐廳的粉麵飯小炒外, 彩龍船連蒸飯、煲仔系列都有, 同埋哥哥仔的服務很貼心。砂鍋魚頭雲吞豆腐煲 ($98)一個大魚頭, 雲吞應該有十隻, 仲有豆腐、菇及菜, 大大煲味道很不錯, 啖湯唔太鹹, 有魚頭清甜, 魚頭新鮮, 豆腐嫩滑, 用氣爐上檯, 熱辣辣咁食, 真系平靚正, 自己去街市買一個大魚頭都要36蚊, 呢度賣$98, 好抵食。菠蘿咕咾肉套餐 ($65跟白飯+飲品) 咕嚕汁酸酸甜甜,  辣辣地, 好惹味, 咕嚕肉偏瘦,  有點硬,  菠蘿用新鮮貨, 有誠意。餐飲 : 奶茶茶味幾濃, 也香滑。

經過荃威，要醫肚，其實那邊並没有太多選擇，這間是最多顧客了！原來很多人是一家人來飲茶的，老人家喜歡歎一盅兩件，附近有一家老人院，也有不少來這裡吃下點心。好不容易才找到位子，點了最普通的早餐(牛肉通粉，火腿蛋方包)，份量味道ok 嘅。最喜歡的就是杯奶茶，不會太濃但仍香滑，因為之前有些茶餐廳茶膽都太濃太苦，好開心歎到－杯自己喜歡的。

荃威花園是荃景圍最靜的一個屋苑連帶屋苑商場也十室九空，人流極之唔旺，連麥記也不不洩進駐沒想到這間茶餐廳新開人流可以以咁多說新開又不盡然，前身是威濠茶餐廳除了點心改放在茶水旁邊外，其後大致維持裝修前的格局櫈和部分店員也是一樣的由於附近有安老院，很多子女會選擇把父母帶來這裡用餐兩點幾原來已屆其下午茶時間於是點了兩款星洲炒米粉($38)附餐飲份量很大，$38絕對非常抵食與米粉比，配料就不算落得多, 有火腿、叉燒、蝦仁和洋葱等炒得甚具鑊氣不過仍走唔甩炒野多油的致命傷另外叫了常餐A：火腿奄列+牛油方包 配 沙爹牛肉米粉等了十幾分鐘，星洲炒米都食完仍未黎然後聽到沙爹牛肉冇貨沒想到卻遲遲不來問我轉甚麼，反而後發先至地問了其他人最後等了約20分鐘常餐A：火腿奄列+牛油方包 配 炸雞翼米粉($32)附餐飲正常貨色奄列中間稍油, 而且火腿不多反而這個雞翼皮脆肉嫩, 咬下亦有油香, 相當有驚喜唯一是浸在湯中就有令雞皮點軟下來奶茶亦稠滑香濃, 惟溫度未夠熱