御鵝皇

Open Now

Now Closed

好耐冇食過燒味飯, 今日嘅午餐一於揾間 燒味店 食燒味😂， 位於 上水龍琛路嘅燒味店 叫做御鵝皇， 門口掛住好多 燒鵝 燒味 好似都幾靚， 入到店舖 裏面 都算大 乾淨光猛舒服， 今日唔算好多人 ，我叫咗個四寶飯 +飲+湯，＄53 唔算特別平， 不過都幾大碗。四寶飯 包含燒雞，叉燒， 紅腸， 鹹蛋。 燒雞 雞皮燒得香口 肉質 唔會鞋口 都算嫩滑， 而叉燒因為佢畀左 瘦叉燒 就有啲咸同有啲鞋口， 米飯鬆軟， 側邊佢仲放咗少少鹹酸菜 令人更有胃口👍， 但個餐湯就麻麻地😄

今天在店裏吃乳豬飯、燒鵝飯，當你見到乳豬飯嘅時候什麼大家都不想吃了！😤😤點解越嚟越多飯，這個《御鵝皇》真係想和附近這二間店《超人》《大少》一同去S，大家結局都係一能，上水已經沒什麼人去買

收費98原隻燒鵝肶 結果就係咁樣 偷了幾多肉走 本想投訴 最終算下次不再來 $98比你。做食店要有良心 一個一個客比你騙就好快關門大吉 說回：鵝不但鵝味淡 又没有鵝油 我都是看介紹片從遠處專剩來一試 換來的是受騙.

早幾天唸住試下這間新開，門面幾光鮮，店內得幾個人食野，但我仍然相信食物應該吾差，買了叉燒、燒鴨飯，叉燒和燒鴨又乾、鞋、硬、無豉油味、飯又硬，好難食，我已經叫左半肥瘦叉燒，但都係咁，食左幾口就無食，食完仲胃脹胃頂，整體黎講整盒野係隔夜，上水仲有其他選擇好過佢。

本人好少食評，但今次真係有D氣憤，故此寫下評語，等其他食家小心。經過見到之前未見過賣燒鵝嘅類似茶餐廳嘅鋪面。想住試試嘅心態，問收銀只買上莊是否可以搭鵝頭？收銀員話可以。收完錢後完全不同師傅講我嘅要求，我見不對路，自己主動同師傅講一聲，後生師傅開頭有D猶豫，話你只買上莊，最多只能比你半個鵝頭。我都同意，因為都係合理嘅情況。我親耳聽到佢同斬燒鵝嘅老師傅講咗一次我嘅要求，老師傅依然我行我素。最後回家打開一看，既沒有鵝頭也沒有搭鵝頸等其他部位。分量比平時吃開嘅少，燒鵝汁很少。如果明確講明上莊不能搭頭或者其他部位，我都會接受佢哋安排，你情我願！但係收銀同老師傅似乎故意欺騙我哋D顧客，實在令人覺得佢哋做法十分不當。希望其他食家留意！

食過幾次下午茶， 叫嘅燒腩仔都皮脆有層層肥瘦相間，真正嘅燒腩冇呃人 ，肉香冇臊味 ，可以放心大吃， 因為近幾年食的燒肉，好多時都有陣肉臊味，怕怕地， 唔食埋佢又嘥，食埋佢又要忍住臭味。油雞嫩滑皮脆， 真係做得唔錯 。整體好過附近嘅另一間燒味熱店 ，但價錢好似貴過佢少少，不過呢度坐得舒服 。但係瘦叉就覺得鹹咗啲同有D 唔識形容嘅感覺响口腔 ，個人覺得麻麻 ， 是斬料外賣的 ，忘了影相。不過好多人嚟買肥叉 ，唔知係咪好食。 呢間店舖都係自設廚房店內，即燒即賣。 叫得燒鵝皇，下次試下食燒鵝先。