心夜來潮 (Changed Hand) New Restaurant

第一次到荃灣三坡坊搵覓食，黎到呢間心夜來潮試下～大廚推介呢款奶皇膏蟹味道不錯奶皇南瓜汁香滑打開蟹蓋勁多蟹膏，勁吸引～仲有一個鹹蛋魚皮，魚皮特別鬆脆唔同我地出面食到既魚皮，新鮮熱辣辣整出黎確係唔同食完海鮮再試試肉類我地點左熱辣辣既鐵板黑椒豬仔脾肉質嫩、黑椒汁惹味 正!另一個值得推介係呢個乳鴿臘味飯有成隻乳鴿加上臘味既油香　加倍滋味！飯底雖然不是蠟味飯常配的糯米飯，而係白飯底不過個人覺得白飯配乳鴿更好，因為配糯米底反而太飽肚太滯。

呢度主打潮汕砂鍋粥，幾乎入來ga客人都必定點一煲！我地點左細煲蟹+皖魚片+鮮魷魚粥，砂鍋粥呈淺黃色，米煲得好綿…個粥味道系超超超級鮮甜！細膏蟹雖然細隻，不過蟹膏比例都算多，值得一試

過幾日就冬至親戚約咗我哋去他屋企附近食晚飯，雖然係平日但係都幾多人，可能冬至快到個個都出去食飯，，六點幾已經開始要排隊小小餐廳地方不算大坐滿人首先有一個他們招牌菜蟹粥，都幾鮮甜，啲粥吸晒蟹的鮮味，的確冇介紹錯燒茄子，這個就比較普通，醬汁是甜甜的，配搭茄子都ok,不過鐵板上心思上加分，熱辣辣這個好辣，我只是咬了一小口，已經放棄，我食唔到。不過我家人說都說幾野味，如果不做泰勒可能個個都嘗試到好唔好味蒜蓉通菜，今日啲菜有點老，不過都幾大碟

食完呢間荃灣嘅潮州嘢真係念念不忘，佢不但有各種唔同種類嘅潮州菜揀，其中我最鍾意嘅就係以下呢兩款啦。第一個係搣面猴，呢種面係用手一舊一舊咁樣搣出黎，口感有啲似刀削麵，識落煙煙銀銀，都唔錯架。重點係佢個湯有濃郁嘅鮮蝦味，加埋魷魚、豬油渣，真係冇得彈。第二個就係豬油渣蒸蛋，我發現我對豬油渣真係情有獨鍾，佢每一粒都炸得好香口，脆卜卜，有豬油嘅香味，但係又唔會太肥膩。底下個蛋就整得好滑溜，好有蛋香，火候啱啱好，加埋豬油渣就係油香同蛋香都並存。

一入到店，店員立即安排坐位，不過個杯比較殘舊。兩個人，分別叫了蜜桃咕嚕肉，蠔餅，同沙鍋粥，沙鍋粥以180起，每種配料都不同價錢，我就選了兩款，我就選了蟹同花甲，岩岩好$180。留意沙鍋粥是即叫即整，需時約30分鐘。講反食物先，蟹同花甲都新鮮，沒有沙，粥非常鮮甜。蠔餅係跪身，沒有肥膩感，蠔仔份量都多，抵食。不過店舖需留意衛生，食飯那時見有幾隻蒼蠅。至於服務態度方面，店員非常有禮貌同有耐性。會再光顧。

行完山天已黑齊，同幾位山友一齊食打個冷人頭飯，人頭啤，人頭餸，份量啱啱好啤酒係用戰鬥碗飲，夠豪夠霸氣🤣大牌檔打冷必叫椒鹽鮮魷，另有喼汁可點，唔厚粉魷魚新鮮爽口巧巧吃蒜炒芥蘭，蒜子入味又唸，齋食蒜子都好開心，芥蘭熟得剛剛好XO醬炒花蛤好惹味，唯一不好今次d蛤有少部分都唔開，同店員講左，最後叫廚房幫我地兜多幾下，都食得返蠔餅正，唔厚粉，蠔都幾多，唔腥，香口咕嚕肉好快比人搶晒😂相機都未食就已經有3對筷子係度爭食，肉質爽口，唔知係咪無菠蘿，用左蜜桃代替😂

同成班朋友行完山，雖然好倦，不過就算倦都覺得要食餐晚飯，揀咗好耐先先揀到呢間喺三坡坊的夜冷店。星期日嘛，呢條食街還真係夠多人食飯，我地都等咗陣先有位。一坐低就叫左支藍妹飲下，頂住先，之後都點咗幾款小菜。首先來ge係椒鹽魷魚，脆皮適量，魷魚份量都夠多，椒鹽味都夠入味，幾正！咸魚炒芥蘭，咸魚味少咗d.比較清淡。豉椒炒蜆，夠入味，但好多隻都未開口，但老闆好好，幫我地加d青紅椒重新炒過，過得去ga.煎蠔仔餅，粉偏多，蠔仔無乜味，爭咗少少風味，不過都係唔錯gei咕嚕肉，酸甜度適中，豬肉夠爽，好食飲多支啤酒，夠晒飽就返去休息了。

之前試過旺角店心思思想再食,但今次想近小小就揀荃灣店爽脆魚皮-魚皮好簿但有1，2片有魚鱗冇腥味,熟油豉油剛剛好帶到味又唔會太搶,如果蔥再多小小可以更提香卤水拼盤-紅腸冇特別,豬腸炆到好林,豬脷本身都唔鐘意食但夠林冇蘇味,豬耳太硬唔夠入味,豬腩肉唔鞋唔會有油膩感但未入味,豆腐又滑又入味有豆香牙籤雞-皮夠脆肉仲好嫩滑底味剛剛好碟底完全冇油炸得好好豬油渣蒸水蛋-豬油渣好香仲留返小小脆,水蛋超滑溜,各有各味道2種出色材料但混合唔到味啫啫秋葵-味道濃郁野味令秋葵腥草味冇得留底,膠水狀物體冇出現入口好爽脆,易入口胡椒白果豬肚湯-湯底偏咸但胡椒好足料,豬肚有小小帶苦,白果煙韌,排骨太硬,飲完成個人暖晒潮式炒飯-飯粒夠乾身,蝦香唔香,尤魚好硬好大片但全冇鮮味,連蔥花都冇香味,可能叫白飯都好食過佢,非常失望總結:好多特色菜都冇,餐牌選擇比較小,味道一係太咸一係太淡要調教吓味道,用漂白水清洗食具留有氣味,連水杯都好濃烈味道,擔心食落肚影響身體

早前都寫個一個食評介紹呢間潮州菜，仲打算下一餐試下佢個砂窩粥，今晚去度發覺同3個月前嚟有d唔同，明顯少咗好多客。而且今晚又唔想食粥，決定食其他嘢。點知整體質素比三個月前食明顯差咗，究竟點解香港d餐廳咁難保持水準嘅呢?!小米餃外貌有d似魚皮餃，入口煙韌，有米酒香味但唔係人人接受到。香辣魚仔炒蟶子皇每兩隻起計，落單10分鐘後就上枱.，蟶子皇都幾大隻，尚算新鮮彈牙，係唔太熱囉!冇咗應有果種鑊氣!魚仔辣辣地，似我平時喺大陸買果d即食魚乾。菜茶第一次食菜茶，感覺好人以係細個果陣食嘅粉仔，不過成碗唔係粉換咗菜。將娃娃菜、椰菜、菜心葉、白菜葉等切成絲，莖類菜切成段，如大蒜、荷蘭豆等，否則太幼身，炒好嘅菜鋪在碗底。魷魚乾蝦米冬菇等材料炒香鋪面，加入熱湯，再加d花生脆米，就係海陸豐人嘅傳統美食菜茶。不過要趁熱食，放涼咗會好油膩。方魚炒芥蘭我冇諗過佢d芥蘭炒完好似冇炒過，又老又硬又好似冇落鹽，難食到頂點。絲瓜煮蜆煲除咗𢇁瓜同蜆仲有粉絲，清淡得嚟都有蜆嘅鮮甜。

潮洲粥 料自行配搭有大細沙鍋煲揀 2個人食嗌左個細煲 揀180蚊料 另外嗌左個炒花甲同豬頸肉四季豆 環境闊落幾好 見到仲有卜卜蜆煲嗰d 下次再尼食會搵多d人食 會更好 試多幾味

上次去食係旺角店，食完佢個粥覺得好正，一直想再試，最近先知佢荃灣都有分店，就同朋友去試。荃灣店闊落過旺角店好多，我地點左個豬手同粥，叫夠$180材料會送個粥底，我地就點左d鮑魚，魚，螺，等等，加多個小食豬手煲（around $90).豬手煲黎先，個味ok, 但勁唔抵，好多都係骨，有野食既得幾舊。個粥都keep到水準，好綿同好甜，佢d蔥同芫茜好細心咁分開上，同埋都幾足料。雖然整體ok, 但價錢略貴，或許會再來。

成班同事，一行十二人，突然心血來潮想食宵夜，諗住去荃灣，最後大家商議後，便決定去了三陂坊食，而又選擇了一間叫［ 心夜來潮 ］菜館，在菜牌上，我們也很熱烈地叫了10多道小菜一個很特別的菜名，饅頭都有得炒砂鍋卜卜蜆煲爆炒醬秋葵，炒得很野味，但仍保持秋葵爽口醬醃賴尿蝦，味道唔錯還能保持賴尿蝦的鮮味香辣蟶子皇銅盤蒸雞砂鍋粥，材料（ 大蟹、象拔蚌、田雞 ），味道唔錯很鮮甜砂煲龍鱔醬醃三點蟹杞子紅棗蓉蒸鮑魚，鮑魚味濃郁有口感蒸貴妃蚌醬醃蝦室內位置不大，有點迫，但勝在還有戶外位置。但食材很新鮮味道也不錯，有機會都會再去試吓其他。

依間心夜來潮，其實都想試好耐，自己本身都鍾意大排檔風味，加上係潮洲菜就更愛啦，依間可以話係新派潮洲菜啦入到去個裝修幾別致，同埋地點唔難搵，因為荃灣依條街多數都係大排檔野食😋我地一早訂左檯，所以友人幫忙就拎位先，初時鋪頭唔多人ge，咁我地就睇下食咩啦😋友人話有個卜卜蜆煲，想食好耐架啦，所以就叫左5樣野加卜卜蜆煲啦，仲叫埋啤酒飲，食大排檔點少得啤酒呢🍻先係牙籤雞上檯，個樣好得意，細細隻幾易食，同埋熱辣辣，味道唔錯ge，送酒一流跟住就有魚片炒芥蘭同鴨蛋蠔餅😋芥蘭新鮮好味，魚片咸香幾入味，反而蠔餅就一般之後，再黎個路邊炒米粉，自己本身好鐘意食炒米粉所以就叫黎試啦，食落都幾有鑊氣，份量都好大，配料多有魷魚、芽菜、蛋絲、冬菇、韮菜等兩位主角出場啦卜卜蜆煲同海鮮粥，依個海鮮粥真係要讚下，因為佢有分大、細兩款，只要揀海鮮係夠個價錢就得，唔一定要選定邊款海鮮，可以自由選擇ge😋跟住卜卜蜆煲一上檯就好吸引我，兩個都係用碳爐，好有火喉特色雖然蜆煲中間飲個湯係唔錯，但飲第二碗就開始咸無再飲🤣但都好足料啦，反而個粥材料上唔多見齊有所叫ge，我地係叫左蟶子、鮑片、象拔蚌、鯇魚片、花甲（應該無記錯）但粥底係鮮甜我地

🍲砂鍋卜卜蜆煲 $168 (小)呢到既必食推介😍😍差唔多張張檯都有叫😆佢系用傳統炭爐上既🔥我地六個人食個小既都夠食😙蜆既份量真系幾多下😎仲要大大隻 食落好鮮甜又無沙 食唔停口🤤🤤蜆令到湯底都好甜 尤其系粟米 又甜又juicy😝值得一試🤗牙籤雞🐔🐔 $26呢個又係每枱都有嘅😆細細粒雞肉用牙籤吉住 可以一啖食哂😝雞粒外面有啲好似脆米一齊炸 食落好香口又唔油膩😚雞肉都幾嫩滑🤤再點少少辣醬 配埋啤酒就好正啦😍🍻

早前見openrice有好多好評就試一試一早預先book位 但去到無record最後雖然都安排到位俾我地坐 但始終有d扣分我地嗌左砂鍋蟹粥加左蝦 但其實好普通 蟹膏既影都唔見有另外嗌左 芥蘭同蜆 兩個都唔好食 無咩味唯獨椒鹽鮮魷同梅子雞係好食 梅子雞肉好滑 可惜嗌左半隻 得幾舊肉 會建議嗌一隻 但d肉應該都唔多由於太肚餓所以都無影相