忠記粥品 (立興大廈)

Open Now

Now Closed

環境3分：舊式粥鋪可以見到廚房入面做嘢，個餐牌貼左喺牆上面，簡單易明，又有電視睇新聞台，所以可以畀三分。 衛生2分：因為係下午茶時間到達，鋪頭入面冇乜客，見到啲阿姐原來都會抹啲豉油樽，用得到安心啲，可以畀兩分。 服務4分： 快手快腳，唔使一分鐘就送到，夠曬熱，畀佢四分。 味道3分：粥底都算軟綿，生牛肉碎亦頗多，都幾好味，有三分。 抵食4分： 十八蚊食碗牛肉粥，唔算係好飽，但一個下午茶黎講都叫做抵食，有四分。

曾經搵過灣仔粥品有咩選擇，記得忠記風評最好，今朝算早左少少返到灣仔就黎試下。 雖然寫明離地鐵站有6分鐘路程，但比想像中遠，最後行左15分鐘左右，身水身汗。9點左右門口都有幾個人等緊外賣，比較特別既係外賣唔洗加錢，同堂食價錢一樣，落單後廿秒內就到手。皮蛋瘦肉粥 ($20)粥底偏稀，有唔少米花，食到尾亦有少少粥水既狀態。 除左生滾粥外，呢碗可以話係我食過最滑既瘦肉，有少少似手撕雞既質感，帶咸香但唔算好有鮮味。略嫌皮蛋切得比較碎，以蛋白為主，但以呢個價錢，有呢個份量既配料性價比幾高。

今日放早咗，可以坐底慢慢食下午茶。天氣涼涼地，所以想食下粥。黎到成日食的忠記！今日唔知點解，本來想食牛脷酥，點知話買曬;改炒麵又無，最後唯有選擇蒸蘿蔔糕。黎到的蘿蔔糕，真的白白色，無料又只有甜豉油的味道，真的後悔叫了之後黎到的皮蛋瘦肉粥，粥都綿，不過好咸同味噌不少，食完好口渴；皮蛋都好食又多瘦肉，肉都腍有口感，其實不是太錯，可惜味噌多唔健康同桌的客人叫了炒米粉及其他食物，炒米又乾又硬，完全食唔到，整碟無食過

咩叫「無病都想食粥嘅季節」？就係凍到人都癲嘅時候啦😭唔好講笑，真係好凍😂❄️❄️❄️❄️❄️❄️❄️但食完碗粥真係打從心底裡湧上股暖流☺️——-之前都介紹過這家粥店，對我來說，肯定是灣仔區的粥店首選☺️點解？1️⃣有質素2️⃣份量大3️⃣價錢平原來冬天的幸福，就係咁簡單☺️粥品煲得綿密，食到最後都不會出水👍🏻皮蛋瘦肉粥價錢平但份量配料一啲都唔少！皮蛋仲係溏心嫁😍生滾粥份量超大，足女生二人分！.必食推薦✅ 及第粥 $28(非常豐富多料，當中豬潤又厚又爽又滑超正😋)✅魚腩粥 $28(魚腩好新鮮，厚肉又多又大條😋)✅即蒸雞蛋腸粉 $15(即叫即拉，好滑又香蛋味，配甜豉油簡直一絕）✅炸兩 $11(勝在份量大而價錢超平，性價比必嗌之選👍🏻)

之前外賣買過豬紅艇仔粥，覺得幾好味，今日晚餐就再去食艇仔粥。放工時間六點幾都滿座，不過客人turnover快。上菜速度都好快，一二分鐘就送上熱辣辣嘅粥。艇仔粥 $18粥品選擇多，有單併或雙併，仲有生滾粥同小食，價錢喺灣仔區算係幾抵。呢碗粥配料多，夠綿，鹹度適中，好好味，會再去食。

XO仔早兩日因腸胃炎病倒，嚴重到請咗日病假，所以依幾日都食得好清，且唔敢帶隔夜飯返工當晏食，午餐都係留喺附近食粥就算。記得師兄曾經提過佢最愛幫襯灣仔間「忠記粥品」，見粥店咁就腳，今日就走咗去試一試。小肥由公司行去「忠記」都只需五分鐘，兩點後入座雖然店內都仲有好多食客，但因全為搭枱形式，故亦不用多等已能成功入座。粥舖樓底高，樑上有多把風扇及冷氣機，坐滿客人都唔覺嘈雜或者侷促，小肥咁怕熱全程都冇流過一滴汗，當真非常難得！店內四周都可見大大張餐牌，不過只有一個語言，恐怕外籍遊客要懂中文先可以幫襯lu。免治牛肉粥（$17）：嘻嘻，聽到樓面嬸嬸同廚房落單先知原來「碎牛粥」俗稱「牛仔」，也太趣緻了！真係估唔到粥品點咗一分鐘即到，效率認真高！「牛仔」o既粥底熱辣辣，鮮紅色o既碎牛翻兩翻已熟透，感覺新鮮、足料又衛生。碎牛含炸米粉幼條，入口嫩中帶脆，粥品整體暖胃惹味，吃畢當真舒適不少。多得細佬平時同人吹水時真係有留心聆聽，想起學長常掛於口邊o既「忠記粥品」，今次小病也得來口福，可於街坊小店一嚐窩心價廉味美o既「牛仔」，一解腸胃抽搐之苦。

放工想食野，因為今晚晚食野，所以要食清一點。之前同事話這間粥好味又抵食，所以黎試一試。下午3點，都幾多人。佢寫係生滾粥，大概17-25 有味粥，另外有蒸蘿蔔糕、炒麵、炒米等等。是傳統粥店的坐位及枱子。我選擇了清淡一點的白粥及炒麵。白粥煲得好綿，好食，落鹽下一下火，清清腸胃的好選擇👍🏻炒麵好大碟，有蒜味，好香顏色也好靚，味道唔錯，彈牙！👻👌🏻我見有客人食炸兩同蒸蘿蔔糕，都好似幾好味道，有味粥就好大碗，正呀！

灣仔區粥舖其實唔多，忠記除左抵食之外，味道亦唔差，絕對係性價比高。平時唔舒服都會食佢個牛肉粥，除左夠綿之外，牛肉亦好夠味又夠足料，食落唔會希到似水咁，亦唔會杰到麥皮咁。一碗賣17蚊，完全抵食又好味。另外佢個腸粉都幾夠滑，唔會一夾就爛，加埋甜醬同芝麻超好味，一碗先賣$10，抵食到爛。炸兩味道都唔差不過，唯獨是炒米粉我個人覺得麻麻地好食，雖然$10一大兜，一個人係食唔晒，但佢炒得乾爭爭，無乜芽菜同配料，齋叫一個會好寡。如果堂食嘅話，一張枱會塞好多人，都幾逼下，但地方都算係幾乾淨。

我点了  牛人肠粉， 虾米肠粉， 都 不好吃， 评分 ： 4 （如果满分是 10分）。豆浆可以。  其他没有点。不用等位。   属于平民 餐厅。服务员 可以 用  普通话  沟通。

星期五lunch，因為天氣熱，唔太想食飯；見念天不用等位，便走入忠記食碗粥，流質食物易入口。忠記平時lunch都是大排長龍，難得當日唔使排，當然入去堂食啦。叫了個魚片碎牛粥+炒麵。粥店，給我的感覺是在家裡吃飯一樣，粥店姨姨的親切，給人舒服的感覺，不是高級餐廳的禮貌周周，而是像家人般、在家吃飯那樣。粥和炒麵好快就到，基本上係即叫即到。傳統粥店，落單後廚房聽到叫乜野就即刻執配料放碗，加上滾熱靚粥，就可以上枱。靠熱力弄熟魚片，生熟剛剛好，魚片夠滑。保持一貫水準。另一樣是銀芽炒麵，我喜歡加好多芝麻，再加甜、辣、麻/花生醬。這店甜和辣醬都ok，不過花生醬就唔係好掂，應該話味道古怪。唔計花生醬，大量芝麻+甜醬+辣醬，係my favorite。簡單的一碗粥、一碟麵，不需高級餐廳，也能吃出滋味。

每日放午飯經過總是要等位. 昨晚放工後決定一試, 叫了炒面及生滾豬潤粥, 炒面乾身不油, 粥料又新鮮, 價錢公道, 老板又會同街坊寒暄一番, 富有人情味店舖, 真的買少見少, 值得推介!

我都中左感冒呀….足足病左兩個多星期，好彩公司附近有間粥店。好逼好逼好多人，但好正~有粟米粥！事關好多粥店宜家只有肉粥、無素粥了。﹝如果睇遲點我就會叫咸蛋栗米粥﹞因為係生滾，所以叫肉類粥既朋友仔就要等耐少少啦，都差不多成十分鐘，但都真係值得！我碗粟米粥粟米粒都非常完整，但軟硬適中、而且個粥真係有粟米既甜味，唔似煲完個粥求其掉d粟米落去就算數。一碗粥粥會食好耐、食得耐過飯，但永遠都唔「襟」飽。所以同同枱夾份叫一個炸兩，一人一半。估唔到個份量係夠兩個食，我勁貪心，咩醬都落曬-甜醬啦、辣醬啦、麻醬啦，仲有芝麻粒添，相當滿足。好好呀，一間鋪頭唔怕蝕俾個客任佢地落醬，客人既選擇變相多左。好老實，我都好少食到炸兩係入面脆既，因為包住一層濕潤既腸粉確實好難。真係勝在份量夠多，放涼左都唔會有臭油味。病左一定要對自己好點，我買多左隻糭等下午茶時段食。由於我唔食碱水粽同甜糭、唯有叫隻咸肉糉之後夾舊肥豬肉出黎啦。我買果陣係下午2點幾、食果陣係下午4點幾。厲害，依然keep住好好味！我個人做法就鐘意加豉油又加糖既，我夾開每一口都有碎蛋黃在內，十分咸香！糭又係同炸兩一樣，大件夾抵食。倒汗水無令到糭既口感變差，相

在這店有幾次購買外賣的經驗，給我覺得不要光顧好了。平時返工偶爾途經此店都會買早餐。買過幾次，真係唔多掂。有次，明明買外賣炸兩+牛肉腸粉，合共$25，佢夠膽死變左淨腸粉，無端端響買貴左野食。有一兩次，我去買外賣，可以後來者早過我取得食物走左，佢原來忘記了我的order。次次我都覺得，應該俾機會對方改善，所以都會隔幾星期再買再觀察店方服務如何。昨日仲經典。我次次買都係買炸兩+牛腸，次次都係收我$25。個收銀大嬸收我$500找數時俾少$10，我心諗可能你睇少左一張鈔票找少左。我好客氣問佢呢兩款食物係幾錢？佢好快速咁答我$35。我就即刻指住個門口餐牌話，你地寫住$25你話$35？個$10差價係咩？個大嬸俾我踢爆，道歉無句，悻悻然咁掉返個$10硬幣響檯面俾我。我黎買早餐，唔係來乞食，更不是吃霸王餐，我有依據貴店餐價付足全費購買的，何需如此態度？態度差都算，我覺得最多都係個人修養層次低，但最大問題係誠信有問題！如果我唔留心，如果我唔問多句，如果我唔求證，我又買貴左野食啦？貴店咁樣做生意法，你叫人點樣respect貴店呢？

放工經過聞到剛炸起油器決定入內一吃, 叫左一碗皮蛋肉粥加油炸鬼, 碗粥夠晒分量, 油炸鬼好好味, 價錢又唔貴以今時今日捱貴租之下及被大財團壟斷, 反而收費相宜, 真的買少見少!

灣仔區想搵一間粥店唔多選擇, 好彩公司附近有間忠記, 中午時段門外總有人等候外賣, 收銀位設於門口, 點外賣後會給你一個號碼牌. 除左粥品亦有生滾粥/腸粉同炒麵/炒米粉, 門外有自助醬汁區, 如果點了腸粉, 自行加醬.今次點了一份皮蛋碎牛粥, 打開蓋熱辣辣, 有少少蔥花係面, 份量都好足料, 置底既碎牛肉多到粥面都見到, 出面食既碎牛肉粥大部分都會揉入了炸過既米粉 , 不過皮蛋份量少左d呢到既粥煮得軟棉棉, 唔會好快就稀, 食一碗已經飽