恆發雞蛋仔

Open Now

Now Closed

🥡掃街 🤤甜品 🐻#甜食控 🐻#芋泥控 ——————九龍城芋泥控嘅掃街第二站📍，Let’s go!😆芋頭泥雞蛋仔$35🐻🐻‍❄️睇住姐姐整，見住姐姐落咗好多芋泥餡，慢慢揸勻，最後真係粒粒都食到芋泥💯真材實料架！👍🏽攞上手仲熱辣辣😝食落好脆！💯蛋漿本身都有甜味，不過都略甜，令到芋泥味有少少俾蛋漿嘅甜蓋過咗。🐻：不過呢樣未必完全關雞蛋仔蛋漿事，有機會本身芋頭原料已經唔重芋頭味，就算舖頭調整製法都唔代表一定改善到。因為得1位姐姐，加上即叫即整，而且整法比普通雞蛋仔繁複，所以要等大概30分鐘先有得食～結論：會encore，🐻🐻‍❄️下次仲想試吓其他味🤣舖頭仲有燒賣魚蛋賣，E.g.燒賣$20有3串(大概有15粒)，今次🐻🐻‍❄️就無試，如果大家試過可以分享吓🤣

還以為恒發這個雞蛋仔品牌已經消失, 想不到它依然在九龍城繼續默默做雞蛋仔, 比起巔峰時開分店, 現在除了只有這一家之外, 也就只有老闆娘一個人, 從開蛋漿, 放入夾爐, 去到收銀也是由她負責, 但人龍不短, 而且大家也理解即叫即烤, 製作需時, 相當有耐性. 如果要處理有餡料的雞蛋仔, 可能要等接近半小時之久, 但我覺得值得等待.點的是芒果雞蛋仔, 再放入蛋漿令雞蛋仔成形之後, 加入大量的芒果果肉, 不是罐頭芒果, 而是真的水汪汪的芒果肉, 所以最大的挑戰是如何不讓濕潤的芒果果肉破壞雞蛋仔，本身外脆內鬆軟的口感, 老闆娘處理的方法就是耐心, 火候不大的情況下逼走果肉過多的水份, 吃起來保持基本的雞蛋仔口感之餘, 內裏的果肉半溶, 維持本身的味道之餘, 也帶出獨特的類似吉士醬口感, 如此的心機和時間就值得支持啦!

位於九龍城嘅一間雞蛋仔，好似都幾有名氣㗎，門口都黐住好多明星嘅合照之前見人哋推介佢嘅芋泥雞蛋仔同埋朱古力雞蛋仔，我今次就係為咗佢嘅芋泥雞蛋仔去既芋泥雞蛋仔$33落完order姐姐就會叫你行過圈先返嚟，咁我哋嗰日冇嘢做就企喺舖頭門口等啦，點知阿姐倒咗蛋漿之後就去咗隔離生果舖打邊爐😂😂😂食咗幾啖肥牛先再返嚟再加芋泥，又返過去食幾啖嘢，再返嚟反一反前前後後都真係等咗超過15分鐘，而當時只得我哋一個order😂😂😂又真係幾好奇點解個雞蛋仔唔燶😂不過又錦，真係每一粒雞蛋仔入邊都充滿着芋泥，事實都真係幾好味嘅推介比完全唔趕時間又好有耐性嘅朋友仔去食

香港人北上真係情有可原，貼錢買難受，今晚想食雞蛋仔做宵夜，叫完之後，亞姐嗱嗱聲收錢，之後整整下無啦啦走開，到我周圍睇下亞姐去左邊，原來去左洗手間，咁講聲都得掛，幾個人等你，都唔緊要，仲要態度極之差，手都未乾又繼續整。。。亞姐，麻煩你抹乾隻手先啦。。。🤬🤬🤬

$25 原味，得一個字 ： 脆無蛋香，脆係因為焗得耐同小粉漿所以要等好耐…有夾心嘅仲要係 $30-$35真心： 媽咪雞x仔 好食過佢多多倍因為有小x書加持？真的： 不不不鳥無下次

呢間雞蛋仔好耐冇食啦見到網上面佢新出咗芋泥口味專登過嚟試一試大概3:15嚟到見到姨姨先至啱啱開舖頭呢個時候喺我前面已經有兩個人排隊等食雞蛋仔雖然我係排第三個，但係都要等大概差唔多半個鐘先有得食🕰️如果你order原味雞蛋仔或者格仔餅嘅等候時間會短好多等候期間可以去隔離嗰條泰國街買啲泰國嘢食zip 時間佢每個雞蛋仔熱辣辣整完都會攞風扇吹一吹雖然$33都唔算平，但佢個飽肚感都幾足有機會嘅話都想試埋佢嘅芝士口味P.S: 姨姨得一個人做嘢，食佢嘅雞蛋仔要有時間同耐性啊

以後唔會再食， 我叫左一份雞蛋仔，一份夾餅。 我等啦， 後面有個女人叫左一份夾餅。 之後有夾餅時我咪問佢，我係咪拎得，佢話俾後面個女人，我話我排先，佢就大條講解話我無講佢知我想要夾餅，要等埋一齊先俾我，我咪即時話我要夾餅，佢都係俾佢，個女人無禮貌，仲要不斷講，雞蛋仔係脆，但係無味道，夾餅好林，又係無味道，唔會再幫襯！！！

《$28 芋頭泥雞蛋仔》住係9龍城既朋友帶路，話呢間小店好多名人都有幫襯。見到舖頭既牆上的確係貼滿左老闆同唔同明星既合照，出面亦都好多人排緊隊，即刻唔執輸排埋一份。舖頭門面細細，沒有堂食位置，隔離就係生果檔，整果肉雞蛋仔唔夠生果，仲見到老闆去隔離攞😂 雞蛋仔款式好多，有別於傳統，呢度有好多鮮果雞蛋仔，仲有賣燒賣魚蛋呢d街頭小吃。今次我地就試左芋頭泥雞蛋仔，岩岩整起既雞蛋仔，外皮好脆，而且非常辣手，咬開一半見到滿滿既芋泥包裹係入面，老闆落芋泥真係一d都唔手軟。但食食下先知出事，芋泥本身都好飽肚，仲要佢每一粒都極足料，食雞蛋仔就好似食左餐飯咁，超級飽。我地兩個人本身有食左野，食到一半已經覺得好飽膩，食唔哂。整體係好食的，只係芋泥實在太飽，下次會想試鮮果類既雞蛋仔。人均消費：$28環境：6/ 10食物：8/ 10服務：7/ 10性價比：8/ 10整體：7.5/ 10 足料雞蛋仔#香港 #美食 #香港美食 #九龍 #foodie #食評 #掃街 #雞蛋仔 #燒賣 #魚蛋 #腸仔 #芋泥 #鮮果雞蛋仔 #恒發雞蛋仔 #香港特色

豬事孖寶為食但好懶，好少用等侯時間換食物。但每次經過九龍城又想食雞蛋仔時就會破例。恆發對我地黎講又愛又恨，基本上都係叫佢嘅”新鮮餡系列”，但每次都要負上25分鐘或以上嘅光陰（原味唔駛等咁耐）真係心理同生理都要做捉準備。芋頭泥同紅豆泥$33係我地最欣賞，蛋漿差不多熟透時間，阿姐就會將餡料不留情地抆落去，鐵板再經過幾次反黎反去後，新鮮滾熱辣就出場，外脆有蛋香，經阿姐強抆加持，內軟爆晒餡；餡料不添加色素及防腐劑，係接近原味道不太甜!

本身買咗原味雞蛋仔，見長龍就比咗錢遲啲返嚟拎，返到嚟都未到我，我就問大概幾時會有啦，整雞蛋仔個女人就好唔耐煩咁話，有咪會叫你囉你問都冇用㗎！？Ok, 再等咗陣, 仲未有，我就問，其實整咗未，因為我趕時間，如果未不如取消咗佢啦，個女人就好悔氣咁講，咁你唔好要啦！催催催！（下省一堆自言自語話，苗咀苗舌）嘩咩事，仲要一副好串嘅咀臉，fine 以後唔食囉！公平D，其他員工ok 㗎，態度正常㗎，係呢個女人真係倒米囉！佢仲一路食住麥當勞包同薯條一路整雞蛋仔，乾淨到呢！勁嬲

呢間嘢聲稱好出名，又炭燒又乘，講到好似好勁，咁我特登過到嚟啦，個老細話要等半個鐘， OK我等，半個鐘之後，成個九龍城都行晒，竟然同我講話仲要多15 20分鐘，我問佢又話半個鐘嘅，佢串過馬____, 話係要咁耐㗎喇，你而家等唔等囉，一係退錢囉。無論佢嘅味道如何，佢嘅態度等嘅時間都絕對唔值得過嚟。香港人成日話香港嘅食肆唔值得支持，你去完呢度，你就會明白，你唔怪得啲人要返深圳，so sad。我從來唔寫食評，呢間嘢差度拎到我寫第一個食評，仲要儲夠200字，佢都好嘢如果Openrice 可以比負分，我絕對會比100個負分，50個黑豬

九龍城除左好多平價高質泰菜之外，呢間老牌雞蛋仔小店真係必試！推薦指數：🐷🐷🐷🐷（5分滿分）（原因：新鮮足料又香脆！）芋泥夾心雞蛋仔 𝐇𝐊𝐃 33每一粒都塞滿新鮮芋泥，仲食到芋頭粒粒💜，絕對唔係hea hea化學芋泥味，雞蛋仔新鮮熱辣脆卜卜，仲辣手添🔥。一定要趁熱食，最香脆！唯一就係等既時間比較耐，可以周圍逛下再返黎🤣

去到九龍城，知道呢間雞蛋仔鋪算出名，好多人都特登走過黎食，就黎試下。原味雞蛋仔 $22老實講，原味都呢個價都真係偏貴。好彩今日食都唔算太多人，離遠都聞到雞蛋仔嘅香氣， Order之後等左幾分鐘only，一拎上手熱辣辣，質感係讚嘅！個皮夠脆，唔會係淋過毛巾。但好似香就香啦，食落就無乜味，蛋味有嘅但啖左少少，味道輸蝕左。仲有好多其他唔同味嘅雞蛋仔。但出色嘅原味雞蛋仔真係可遇不可求🤤🥲🥲下次會黎試下其他味道，睇下味道上會唔會比原味嘅出色啦。

我最近去咗九龍城食咗一間雞蛋仔，真係幾好食！佢哋煎得好脆，外層酥酥脆脆，裡面嘅蛋味好香濃，甜度啱啱好，每一啖都係驚喜！我聞到呢個煎蛋仔嘅香氣，就忍唔住買嚟食。如果你係鍾意小食嘅人，雞蛋仔係一個好選擇，不妨試下街邊攤嘅雞蛋仔啦！

經過九龍城，又見到有好多人排隊買呢間雞蛋仔，所以我又買咗一底，淨係等都等咗20分鐘，因為佢一共先得三個爐。。。先講外形，係合格嘅，一搣落去，都係脆身嘅，但係一咬落去就覺得爭少少，因為成個感覺好乾，佢完全唔飽滿，每一粒雞蛋仔入面都只係有三分一滿，換言之其實好似係食緊外皮脆嘅殼，其實係完全唔夠蛋漿。所以成件事唔似食緊雞蛋仔，雖然佢甜度啱啱，好但係因為唔夠蛋漿嘅關係，所以自然亦都唔夠蛋味。總括嚟講，媽咪雞蛋仔好味啲