恆發雞蛋仔

Open Now

Now Closed

成日番屋企坐車經過都見佢d相好吸引所以今日黎開Kowloon city ，就一試佢啦睇相係米好似好正先。但$25蚊，貴唔貴就見仁見智出邊食原味大約$10至$12蚊左右E到原味係$16蚊。好，去相。我揀左朱古力味。佢係即叫，即整粒粒蛋仔入邊，都有2粒朱古力碎碎既。但就等左好耐，我諗我最小企左係到等10至15分鐘。成品，如下出到黎，靚既，金黃色既。香噴噴，格住個袋都聞到好香而粒粒都流心朱古力既。足料既。但就無佢上圖咁足朱古力流晒出嚟啦。所以佢餐牌相片只供參考。哈哈

我同木先生都係雞蛋仔嘅fans, 又係好鐘意食芝士呢。今次去咗恆發雞蛋仔，我地都一致要試下芝士雞蛋仔，好足料，有二片芝士，真係啖啖芝士味，我覺得好食過我平時食開個間母親雞蛋仔下次去，要食埋其他味道

紫薯雞蛋仔$22話說上年恆發被米芝蓮加持後引發了一陣子的排隊潮，要排咁耐隊食佢既雞蛋仔又真係唔係咁值得，所以都已經好耐無食過了。但咁啱我地上星期揸車經過見到新出左紫薯味就買來試試，當時有三兩個人排隊，但咁啱竟然得紫薯味唔使等! 即刻買完拎上車食～由於車太暗返到屋企先影相，亦由於媽媽很愛吃所以最後影相得返一粒雞蛋仔幾脆的，而紫薯份量算多填滿晒粒雞蛋仔，紫薯味亦都幾出唔太甜唔太淡，恆發的雞蛋仔我地之前試過幾隻味但個人覺得紫薯味算係其中最好的～紫薯控must try～～

雞蛋仔 $21/set 2個人食岩岩好琴日咪開左post 話去九龍城買半熟蛋糕試既，係買完要走既時候，發現隔離有間雞蛋仔都ok多人排（仲要好香好似幾好味禁）本住多人排唔會難食得去邊既精神，於是，我地就拼死一試就同我細妹一齊叫左個朱古力味雞蛋仔係佢整緊既時候我地就已經好期待啦～（雖然個位嬸嬸待客既態度好差）但終於個雞蛋仔到手啦～先講個size真心好大份（但21蚊食雞蛋仔我到依家都仲覺得好貴）外面岩岩好金黃色冇燶，但我見有人個份燶左…（rip）雖然我地份擁有美麗既顏色，遺憾既係佢上下2塊唔係痴得好實不過，佢真係整得好香脆，粉既厚薄剛剛好之但係，件成係與佢餐牌既圖有所不符架D朱古力唔好多同唔識流心BTW, #其實已經夠好味 #絕對唔差#今時今日好味既雞蛋仔已經好少#貴格雞蛋仔#雞蛋仔#恆發雞蛋仔 網址: https://s.openrice.com/QrbS0z56300 地址: 九龍城 衙前圍道64號曉逸軒地下1號舖 電話: 2383 8093

芋頭泥夾心雞蛋仔（$22）👅呢間雞蛋仔講左N次想試👊🏼就係比呢個勁足料既芋泥味吸引左😍😍😍雞蛋仔粒粒都超飽滿而且都幾大份！每粒都係實心而且外脆入面軟綿綿😋😋再加埋每粒都有層超香滑足料既芋泥☺️☺️omg勁滿足！啲芋泥真材實料，所以係唔會有假假的甜味👍🏻👍🏻👍🏻冬天食仲爽！

睇左其他食評家評語話呢間鋪頭態度差，今日終於見識到啦！諗住買底雞蛋仔食下啫，叫咗個掛住吹水嘅阿姐3，4聲先應，唔緊要，俾張100蚊佢找，就態度差劣咁講：「俾散紙啦！」。算，挖盡銀包俾佢！點知最離譜呢下黎啦，我接咗佢手上張等候卡，佢問我做咩發佢脾氣，你態度差劣仲要問番個客做乜發脾氣，再話自己態度好好，我一句說話都無講過，唔通從我個樣真係咁猙獰？坦白，唔通你賺我15蚊我會要求你態度好好180度敬禮嗎！？沒可能吧！只係估唔到呢間鋪頭覺得自己名氣大到需要客人笑住並態度良好地幫襯！我記得以前喺紅磡幫襯時，態度非常良好，究竟係員工質素下降呀，定係特許經營管理不善呢！？btw,雞蛋仔味道一般，唔難食亦唔特別好食！衷心希望呢間鋪頭嘅老闆能見到呢篇食評，聽取意見後能有所改善！

恆發出名雞蛋仔之外其實呢度嘅秘製咖喱都唔野少, 今日黎到呢度買咗外賣魚蛋，魷魚同牛柏葉返屋企慢慢食😁秘製原味沙嗲醬+秘製辣椒醬最鍾意就係兩溝, 沙嗲醬令牛柏葉既味道升華咗, 魷魚同牛柏葉食落彈牙, 好有口感👍🏻👍🏻👍🏻辣味既咖哩魚蛋質素有點參差, 如果浸得太耐既, 魚蛋會比較林身, 所以每次食既質素都會不同.. 幸好今次食落去都幾彈牙😋😋😋 好味道

每一次行過都會買返底原味雞蛋仔. 可能是星期日中午, 好多人買, 所以是即叫即整新鮮熱辣. 我鐘意恆發因為佢足料, 買雞蛋仔只有2個must: 1. 即叫即整, 2. 每粒雞蛋仔內有満滿的軟軟的蛋餡. 恆發做到了. 之前食過一間老字號的雞蛋仔, 正店也佷好味, 只是它的分店真係太冇quality, 得個空殼, 大家差不多價錢, 恆發好好多我從來只食完味, 唔知其他好唔好味.

今日收工行過呢檔雞蛋仔，見幾多人排隊，就試下呢間嘢，食左個原味雞蛋仔，個雞蛋既有蛋味，又夠脆，比起其他我之前食過嘅相當唔同，仲有個姨姨幾好人，叫我等一等，因為佢係即叫即做，第一次食到啲咁用心又咁好食嘅野，完全係搵唔翻呢種味道。

印象中第一次將未食完的鷄旦仔掉去, 恆發產品令我破例地浪費食物。 上次食已覺口感差過之前, 但今次更過份, 芝士夾心變成芝士焦, 蛋皮變成了蛋餅, 但店員仍然堅持這是正常的, 就算再整都一樣。 我唔在乎她是否再整畀我, 只係我好想食好食的芝士夾心鷄旦仔😩不過,觀乎她的態度,該店應冇可能再整到好味的鷄旦仔, 我還是搭車去黃埔吃媽咪鷄旦仔好了。

住院朋友黎探我，係附近買左個雞蛋仔，本身已經好鬼感動架啦，點知食完個雞蛋仔仲感動！！！紫薯雞蛋仔：首先雖然係外賣，但放涼左依然都係咁脆口，唔夠熱但個味道都補返數！ 粒粒入面都填滿紫薯蓉，紫薯味道好真，一啲都唔會過甜，完全岩哂我呢啲紫薯迷呀！！！！明明紫薯同雞蛋仔兩樣都係會漏既野, 但夾埋反而一啲都唔漏算係近期食過最好食既雞蛋仔！食每粒都好味到想食埋隻手指

夜馬馬，口痕想食下甜野，行來行去得間雞旦仔格仔餅，望下門口，都可以啦想叫芝麻雞旦仔，條阿姐話原未不用等喎，唉，求其，頂，又中伏，一咬有的冬，算，再咬硬個鐵，不好食，真的差勁

之前都有聽聞過恆發嘅雞蛋仔好好味，咁啱今日係九龍城見到，就拉住男朋友去買返底試下😊我地買果陣前面已經有5,6個人排緊隊，所以我地都拿拿臨嗌咗底原味，以免越嚟越多人😛等咗一陣，雞蛋仔到手喇😍啱啱整起嘅雞蛋仔熱辣辣，香噴噴！！！我搣起一粒果陣嘅感覺係咁硬嘅😶咬一啖發現原來係外脆內軟㗎😋😋😋外層好脆，好似食緊鬆脆嘅蛋卷咁，而入面仲係軟腍腍嘅，好有蛋香，好好食呀！同男朋友你一粒我一粒咁好快食晒一底，真係好正😍

平時見排晒出龍，今晚係對面買完串燒，行過冇乜人就拎住熱辣辣串燒過對面，就同媽媽一齊買返底原味試下。我柯打前有兩個女仔等緊，一個買紅豆，一個買原味同芝士2個餅。我柯打原味，佢數緊錢，佢數完就收我錢。之後有位阿姨來買一雞蛋仔一格仔餅，已經話last,我仲暗爽，黎遲一步都冇晒。佢出晒貨比前面2個女仔，應該到我個原味啦。佢竟然比左個一格一仔既阿姨。已經等左好耐，仲要比左我地果份人，同佢講啦，竟然話人地來先，其實冇記性可以派返籌。我同媽媽都話係我地來先，仲睇住你找少錢比人，講晒d對話比返佢聽，佢先好意思話係咩。哎呀，頭先果個老火，太燶，等多3分鐘，呢底靚d,等多唔知幾多分鐘(已經唔可以好客觀咁講到幾耐)，媽媽腳力唔好，問佢得味，應該得啦，你睇下，佢大我地話你要咪而家比你囉，不過唔脆。最後，佢好叻咁整左一底一面白一面黑，硬到好似餅乾咁既雞蛋仔比我地。我地等到係對面買既串燒凍左。我媽媽講左句，都話燶晒啦。佢話咁比第2底你，我仲等你第2底，比呢底我啦。佢竟然講句收你14蚊好多咩。呢間野……把鬼，冇下次。

我叫左個雙重芝士雞蛋仔 見住佢整好似好污糟好求其咁 個雞蛋仔好硬 入面係軟林林 最慘係外面硬到就係咬唔到咁 佢既芝士怪怪地 佢陣味唔同食開既車打芝士 咸咸地咁 好古怪 同朋友share食左一半都冇掉左啦已經