恆發雞蛋仔

Open Now

Now Closed

琴日返工經過雞蛋仔，見到有芋泥夾心雞蛋仔，本身諗住試下🙄，就比左錢攞牌仔等攞雞蛋仔，見姐姐又寫號碼記認，又攞芋頭泥出黎，諗住等陣🚶🏻過左十五分鐘，見前面仲有三個，咁我都明雞蛋仔制作需時，等下啦🤔，再等多十五分鐘，前面個號碼朱古力味都攞得，下個仲唔到我，點知，無啦啦殺出個前兩個號碼既問有未，呀姐發現左漏左佢個份就話佢冇整我個份，要從新整😨等左半個鐘，仲要到我攞個陣，先同我講冇😰，仲要我等多三個字，唔係路呀麻😠，咁咪要我等九個字，食個雞蛋仔姐，個姐姐仲要態度勁差，一句對唔住都冇就話唔食就退錢啦，一張銀紙比返你就算😡，雖則我知算係有名氣既雞蛋仔，但咁既服務態度真係唔得，真係一肚氣😤，blacklist❌

這是我第一次依有餡的鷄蛋仔，雖然冒雨等了20分，也是值得。熱烘烘的朱古力雞蛋仔，外皮蛋漿脆並帶有蛋香味，加上内里可口軟滑的朱古力，入口又香又脆又甜，口感甚佳。此外原味夾餅，比較之下則有㸃失色，可能人太多，烘焙時間不足，夾餅脆外皮被熔化的牛油和花生醤餡整捻左，軟捻捻的夾餅入口香滑，只畧嫌唔夠口感。

特濃芝士雞蛋仔($20)，事實同名字相差甚遠，只有淡淡芝士味，極為薄弱，可能試過其他家是粒粒有芝士的，比較之下這家唔合格。除了味道，雞蛋仔質感、蛋漿分佈也很重要！這家沒什麼芝士內餡之餘，有很多是空心的。質感是外脆的，是因為他把雞蛋仔烤得很乾身，連接粒粒雞蛋仔之間的薄脆已呈現深啡色就燶，所以做到一段時間都不會軟掉嘅效果，喜不喜歡就見仁見智了。環境：在馬路旁等超過20分鐘，而且行人路狹窄常被經過嘅人撞。服務：有個阿姐態度好差，問一問可不可以單點一件都黑面想鬧人咁。而且他們的輪籌制度，會知道過了好幾個唔知點解都未到自己。總結：味道、服務欠奉，可一不可再！

芋泥雞蛋仔 淡淡芋泥味(即係無咩味😂，唔夠濃味)芋泥係足料同新鮮既但真係要等好耐價錢(廿蚊)算ok啦好大件，我一個人食唔哂最好同人開心 share 溫馨提示:間野系諾亞半熟蛋糕專門店隔離，金泰沙冰同Eighty Sense對面

特濃芝士夾心($20)呢個雞蛋仔都真係要等一段時間先有得食，唔係因為多人等，而係佢真係要整得比較耐就咁睇個雞蛋仔好似見到成排雞蛋咁，好得意。打開黎睇真係會見到芝士係入面，食落會食到芝士咸香但就真係唔係話「特濃」，同埋唔係粒粒都有芝士呢個特濃芝士夾心同芝士夾心($17)既分別就係在於一塊芝士同兩塊既分別，如果嗌普通既話應該得幾粒有芝士，但不得不提係個雞蛋仔底幾好食，做到外脆內軟，一定要趁熱食！

終於咁啱經過恆發~ 可以試試傳說中好吃的雞蛋仔~~本想要芋泥，但姐姐話芋泥要過中秋後才有，那改吃紅豆吧~紅豆餡超豐富, 毫不吝嗇！雞蛋仔即叫即整，姐姐說紅豆較濕，要烘耐一點才可以。等了十多分鐘，紅豆雞蛋仔終於出爐！外脆內軟，充滿蛋香，還包著滿滿的紅豆餡，令人滿足又滋味！P.S. 此雞蛋仔實在太猛料、飽肚，如果當飯後甜品可以2~3人share啊！否則吃不了就浪費了~

其實已多次吃過此店雞蛋仔及夾餅，但一直未有寫食評。直至之前試過筲箕灣出名雞蛋仔後，發覺始終不及此店好，故要快為這店爭氣！現在有餡的雞蛋仔多的是，但紅豆味就只有在此店見過！由於本人是超級紅豆fans，每次必買紅豆夾心雞蛋仔！紅豆夾心雞蛋仔外形賣相已夠吸引，粒粒都飽滿！剛弄好的特別正，外面微脆內軟，再夾上紅豆蓉(還夾了少許紅腰豆），味道非常夾！雞蛋仔本身味道不會太甜，即使夾了紅豆餡也不覺膩，多喜歡！即使過了一陣子，外形也不會走樣！至少無下陷，可能較足料關係！雖然沒有剛弄好的那麼好吃，但感覺像吃紅豆餡的小蛋糕一樣，另有一番風味。其實只要放於焗爐或多士爐稍烘一下，又脆起來呢！不會浪費。不過吃好東西要付出代價，要等之前約15-20分鐘！所以最好預早叫定，趕時間都食唔到。格仔餅也是好味過人，「格仔」較一般的大，突出的坑紋今餅烘出來更脆！

恆發雞蛋仔近期走紅，但盛傳的都是觀塘店。有天早上，無意中發現九龍城也有分店，店員說暫時只有小食供應，雞蛋仔要等到11時。11時再去，才獲告知芋頭和紅豆味前一天售馨，要等到下午才恢復供應，對常見的原味和朱古力味興趣不大，失望地加入旁邊諾亞的人龍，結果更失望。這天再次來到九龍城，下午5時，驚見門外有條長長的人龍。買完野，45分鐘後，門外的人好像少了，立刻加入戰團。到我了！店員說芋泥夾心要等一等。果然要等很久⋯⋯ 原來要把兩邊雞蛋仔分開做，然後塗上芋頭泥夾心，併在一起，再烘到夾心變熱，很花工夫。加上店員慢條斯理，少點耐性都不行。等了這麼久都是值得的。大大底熱乎乎的雞蛋仔，散發著蛋香。每一粒也脹卜卜的，完美的外殼沒有一點瑕疵。外層很脆，帶蛋香，甜度偏低。中間不會空洞洞的，除了芋泥，還有適當份量的蛋漿。清香的芋頭味，配上蛋香，不錯。我倆都覺得不錯，特意留下部分帶回家跟媽媽分享，怎料放涼後，外層變得又韌又硬，吃而無味，浪費了。