慧泉寺

Open Now

Now Closed

去慧泉寺食齋已好多次。請齋飛後12人一圍，同枱的好多都熟口熟面，可能大家都係一齊拜佛一齊食齋😊😊😊。齋菜方面。八餸一湯分量十足。個人最喜歡炸腐皮，外脆內軟甘香可口。酸齋亦一流，酸甜度剛好。還有冬菇生菜，冬菇好淋好香，生菜爽脆，清淡中帶濃但不膩👍。加埋羅漢齋及炸齋豬扒係主要菜式。其餘三個菜亦常有改變，水準亦在一般之上。那個湯亦要一讚，次次不同。最難忘的就是吃到一次炸芋頭餅，加埋特製嘅醬汁真係一試難忘。可惜只此一次。希望下次到慧泉寺拜佛食齋，能有緣再嚐。題外話：唔講唔得，唔睇唔得😄慧泉寺唔係一間食肆，只係一個淨修嘅道場。有法會舉行才會有齋菜(只在中午)給一眾弟子及善信享用，唔係隨時都有得食架，而且法會當日齋飛請晒就冇，想食就要早啲啦。

大年初一，通常會同屋企人一齊去慧泉寺食齋。長輩會先買咗一圍枱素菜飛，每圍大約十二人份量。我哋會先拜佛，然後再在入席時間前約十分鐘入坐等候。當日氣氛好好，會有醒獅隊巡迴成個場地。齋菜方面，都新鮮同多款口味。其中較愛食嘅係酸齋同腐皮，兩味餸一齊擺入口食好夾。另外冬菇生菜都好淋好入味，素豬扒煎得好香口。今年嘅湯好特別，係西式嘅羅宋湯，酸甜開胃，印象中以前係中式嘅素湯。大年初一一家人為埋一齊食齋菜，熱鬧溫馨迎新年！