打冷鎮小菜打冷茶餐廳

Open Now

Now Closed

夜晚心血來潮想食個潮州粥過左11點又咩選擇就揀左呢間餐廳叫左一碗蠔仔肉碎粥同招牌滷水鵝拼盤一黎到個粥份量幾滿既但令人超級失望蠔仔粥無蠔仔  鵝拼盤得半份一睇圖就知咩事全碗個蠔仔肉碎粥點揾都揾唔到半粒蠔仔只有肉碎同冬菇片本身以為太少蠔仔睇唔到點知入口一d蠔仔味都無仲要係柴魚既鹹味成個粥無蠔仔煮過既痕跡似食緊個多料既「肉磅粥」多過似食蠔仔粥超失望完全唔係打冷黎招牌滷水鵝拼盤一打開就好似比人食左幾舊咁D鵝件得5-6件，一半都無咩肉得皮同骨咁呢間野唔會再食

招牌菜:招牌鵝肉拼大腸$48鵝肉新鮮咬落有口感,大腸肥美例湯足料,有幾足料請睇圖,好小餐廳午市個例湯落錦多料上菜好快手,睇陣電視新聞就有野食再用埋個鹵水汁撈飯,白飯大大碗,物盡其用 一流!總結:環境就一般般,勝在唔洗等位價錢OK, 野食大份,午餐想食下潮式打冷野值得一試!係尖東返工行過去半島中心都唔洗5分鐘 夠哂方便打冷鎮小菜打冷茶餐廳電話號碼31029233地址:尖沙咀麼地道67號半島中心地庫57-58號舖營業時間:星期一至日06:00 - 03:00

又講吓尖東午餐平食成日lunch 踱吓踱吓唔知食咩好,最後都會黎呢度。喺半島中心地庫, 唔太起眼 ,貪佢可以坐得鬆動d。今日唔想食咁多,就叫個特餐$35。有火腿奄列, 雪菜肉絲米(可以揀沙嗲牛肉, 午餐肉既),仲有餐飲~ 喺尖東,其求一間茶餐廳呢個組合都唔止呢個價錢啦但佢仲唔馬虎 , 都夠分量ga 奄列啖啖火腿雪菜,肉絲分量都唔少,仲有椰菜, 米粉大大碗~奶茶都係茶餐廳質素啦。呢度仲有飯餐, 40幾蚊, 日日唔同款~ 

從小到長大,每次到在酒樓或茶餐廳爸媽當要點炒粉麵飯的時候，其中差不多每次必會點的星洲炒米或是乾炒牛河真的百吃百厭要數香港式的炒粉麵,相信乾炒牛河及星洲炒米必定是頭三名之內今天與朋友行尖東，下午肚餓就來了這裡見到多款午餐，就毎人一碟星洲炒米不用一分鐘已經有，一看見就知道一早整好食落去毫毛咖哩香味，米粉碎隰隰！米粉完全無鑊氣而且太隰完全沒有彈性成碟野不知所謂凍飲都可以夠大杯餐廳屬於長金會所部份下午人流都多，不過位多易番位繁忙時間見阿姐阿叔一車一車送餐食完不久有位阿姐孭住錢袋會埋來同你收錢可能咁比較快番枱瓜

打冷鎮小菜打冷茶餐廳在尖東商業區，食午飯都方便，店又夠大。午餐送餐湯，鮮茄牛肉腸仔煎蛋飯，牛肉份量幾多又鮮味，加埋蕃茄、煎蛋和腸仔，醬汁又甜又少少酸，叫多杯熱咖啡，好快食完豐富的午餐。

某個星期天的正午時段, 小弟獨個兒到半島中心的地庫去打探軍情, 順路到這間 “打冷鎮小菜打冷茶餐廳” 吃個午飯....  過往曾經幫襯這間餐廳, 還算是不錯的~甫進餐廳, 安坐下來, 閱過餐牌後便舉起手示意要落單, 可是……侍應生及一眾員工都聚在電視機下, 一起欣賞跑馬賽事.... 果然上下一心！任由小弟不停揮手, 侍應們依然無動於衷, 氣得一向不慣高聲談話的我也只好動氣高呼 “唔該，寫嘢！！“ 才有侍應前來招呼, 還要是黑著臉的 , 是我欠了他的嗎！?我點了豆腐斑腩飯 $48 (跟例湯及餐飲) 凍飲加$2例湯 - "青蘿蔔豬骨湯"非常迷你的一碗湯, 卻又超乎想像的鹹! 是死鹹的鹹, 喝了兩口已經捱不下去~看! 有圖有真相!! 看這位廚師的手上帶著什麼? 是燃點著的煙呀! 豆腐斑腩飯:斑腩的味道又鹹又帶雪氣, 茨汁又稀又鹹, 飯粒又硬又削~   絕對是重量不重質的頹飯!餐飲 - 凍奶茶 (因電話無電而未能拍下)我點的是少甜, 卻給我一杯勁甜的.... 真無奈~總結: 既要看侍應的臉色, 又要吃劣質食物.... 貼錢買難受!

是咁的，之前同班朋友去完科學館參觀，見餓，咁啱又見到呢間茶記，所以就入咗去食野喇~我叫咗個法藺西多士，西多士炸到金黃色，很脆，還滿可口的。再叫咗一杯蜂蜜檸檬柚子茶唉 我不禁倒抽一口涼氣，咩蜂蜜檸檬柚子茶姐，冇茶味又冇檸檬味，佢根本就係柚子蜜 算，不過一杯柚子蜜洗唔洗賣到咁貴阿 話說，佢係柚子蜜我都算喇，但係又多冰又賣得貴囉，點飲吖。啲冰成半杯，唉。職員成日掛住吹水，冇乜點理過客人。今次幫襯咗佢，我相信唔會有第二次55。

九月中的某日, 獨自一人到尖東的半島中心地庫, 購買皮具用品~   肚餓了便想起, 剛才途經的一間茶餐廳, 所以就入去試試~門面寬闊, 外觀既似茶記亦帶幾分似老飯店~彼鄰, 乃是一間有麻雀耍樂的 "長今會所", 看其裝修便知兩者是有密切關係的~看來這家貌不驚人的茶餐廳, 絕非平凡之輩.... 其東主必定財雄勢大, 甚有來頭呢!內在的裝修跟一般的茶記沒什麼分別~ 環境還算是潔淨, 井井有條~茶記般的menu, 細看之下... 有潮州打冷食品呢!! 原來是一間打冷店, 怪不得其店名是 "打冷鎮"既然到了打冷店, 沒理由不去點鹵水食品吧~ OK! 鹵水鵝片: $88鹵水鵝片的底層乃是一些鹵水荳腐墊底的, 鹵水豆腐鹵得非常入味, 豆味香濃~鵝片切得厚薄度適中, 肉質鬆軟, 鹵得夠入味鵝味濃香, 咬下去帶點嚼勁~ 鹵水味道獨特, 不太鹹又略帶點幽香~ 凍奶茶這杯茶的味道圓滑也偏甜, 實際上是OK的, 只是 not my cup of tea 而已~ 哈哈, 既買了心水的皮具用品, 又吃了可口的一餐, 這天還算愉快!

由於工作煩忙，已經好耐冇上黎OpenRice寫食評，但係今次我真係有d受氣，唔寫唔得!話說係當晚收工之後，我約佐幾個老死去長今打番幾圈，我早到佐丁點，於是就到側邊嘅呢間「打冷鎮小菜打冷茶餐廳」填飽個肚先去大殺四方!當時餐廳只得兩三檯客，但我舉極手叫極伙記，都冇人嚟同我落單! 佢地當時係冇事忙，只係圍埋吹水囉!! 於是我就要放大喉嚨甘嗌先走嚟落單。我就叫佐呢一碟 呢碟一上檯，D 酸味已經係刺鼻嘅! 我食件蝦球Oh No 酸到呢。酸味極重都不特只，仲要冇蝦味，有雪味，外層又唔脆。係好大碟，不過真係酸到打冷震囉。呢間嘢服務態度又差，食物嘅味道又差，真係完全唔掂!我情願拋錢落咸水海，都唔會再嚟呢間嘢，費事受氣又難食。講完。

少有黎到尖咀，行行下見肚餓，梗係唔理三七廿一見到邊間就食邊間啦～！於是就黎到尼間名為 既茶記裡面相貌普通……其實咪就係茶記咁樣！好就好在都算比較乾淨，而且上面重有部電視，畫質都唔錯……好評！由於個肚差不多都已經餓到眼花，所以見到有想食嘅都立即叫咗……後期先發現原來有潮州野食！！只好下次再黎先試啦——芝士牛油蝦撈一丁，裡面有青豆紅蘿蔔洋蔥同蝦，加公仔麵跟我想像中唔同，芝士係液體狀的，水流流咁「浪下浪下」，配以半生熟粗條洋蔥，口感極為爽脆；大蝦仁就是名副其實的比蝦仁大，跟洋蔥同樣的爽脆而身為主角的公仔麵感覺偏腍，而且個人認為這個麵偏鹹……法藺西多士，金黃金黃的一片～炸得透而且蛋漿淹得均勻——西多士很容易做，做得好卻是頗難……而這個的確很好！加錢加咗杯蜂蜜薑茶……單靠外表還真是看不出呢～味道較淡，雖然飲到有薑味但蜂蜜味並不明顯；店方在冰粒方面亦毫不吝嗇，為身處炎炎秋天的我提供一個冰涼的感覺～食飽飯就可以繼續去玩～精神大滿足～！

夠期找阿三姨鬆一鬆, 到步後才知道三姨手仔痕, 約了其他朋友去長金止痕。我又不好此道, 三姨就叫我走到旁邊的打冷鎮開位, 她中場休息時會出來會我一會。這個時候, 茶餐廳還未有客人, 廚師們都坐了出來打牙較, 以粗口替代說話；冷不防有我這個客人走進了茶餐廳, 似乎是打斷了他們的雅興, 他們「嘰哩咕嚕」一輪便鳥獸散。坐下來時, 眼神似乎全都降落在我身上, 皮膚也感受到空氣中的冰冷, 難道是冷氣開得異常強勁?再加上我甚麼都拿來拍攝一番 ... 過程中我隱約聽到一些口痕友在說話(╬ﾟдﾟ)這茶餐廳是以潮州打冷做牌頭, 不叫一樣半樣會否有「有眼不識泰山」之嫌, 因此叫了份$178的套餐, 有湯(五選一)、潮式拼盤、一款小菜(24選一)、兩碗白飯/粥 及 兩杯飲品, 看來都很抵食。這兒有一可取之處就是不論碗匙都會事先用熱水浸住, 無論檯椅甚至地板都算乾淨, 沒有黏黏的不良感受。從五款湯中選了這一款 --- 胡椒豬肚湯胡椒的香氣並未有透散出來, 辣味也是浸在湯底裏, 可以說是會越喝越辣(≖д≖๑)  豬肚煲得腍, 沒有內臟腥味及雪藏味；鹹菜是切到大大一片, 味道已流入湯內。潮式拼盤中就選擇了以鹵水鵝

有點事做出左黎尖咀，行下行下過左尖東，呢邊真係靜好多，無名牌店亦少有連鎖店，順便係度食埋晚飯先，唔使等位good呀。見到半島中心有個餐牌棟係度，打冷小炒都係四十幾蚊起，尖沙咀黎計好平喎，試下先。間舖係地庫，都幾易揾，去到，有幾枱客，環境幾乾淨，但好似黑左啲唔夠光猛，好彩伙計幾友善，叫我地隨便坐。友人話想食墨魚，咁好啦就食打冷野試下先。鹵水墨魚片 $45幾平喎，出面打冷墨魚要貴好多，份量唔少，底有大豆芽菜。墨魚片鮮甜，厚切有口感但唔韌，唔算好入味，不過浸下鹵水汁食ok。大豆芽爽脆，好味。另一樣要左鹵水鵝腸 $43本來想叫正鵝，但友人唔食鵝，咁改叫鵝腸。呢個係豆腐放底，鹵水汁味一樣，鵝腸爽，豆腐幾滑，兩者都好味。仲要左一窩蠔仔粥 $59好大窩，芫荽好香，有好多蠔。蠔仔好大隻，肥美鮮甜。粥幾好味，略微鹹左少少。雖然唔係好正宗潮州野，但都幾好味，大大碟價錢又唔貴，抵食吖。

早前同朋友去了位於尖東半島中心的打冷鎮小菜打冷茶餐廳食晚飯, 平日來這裡多是食火鍋, 今次首次來這裡.這裡有三款晚市套餐選擇.我地點了供二至三人用的晚市套餐, 包括湯, 兩款小菜, 飯或粥和飲品, 都不超過二百蚊, 仲要免加一. 真的估不到在尖沙咀區仍然可以揾到價錢大眾化的晚市套餐.侍應先奉上注滿熱水大碗, 內裡有匙和碗, 這樣我自己不用再洗, 好細心呢~難得見到胡椒豬肚湯, 所以就點了這個. 平日湯是每人一碗, 這裡是一窩上, 啱晒鍾意飲湯的我.這個湯材料也算多, 而且味道尚算可以, 好香的胡椒味.我地選了一個飯和一個粥.小菜點了話梅豬手煲和拍蒜涼瓜爆蝦.我見話梅豬手煲幾特別, 因為我較少食用話梅整的豬手. 豬手幾入味, 忟得幾淋, 加上個汁酸酸甜甜, 好啱夏天食, 特別醒胃. 若豬手再多肉一點會更正.煲內有不少話梅, 而且仲有菜. 菜吸收晒話梅和汁的味道, 所以好入味.拍蒜涼瓜爆蝦又是較為濃味的小菜.涼瓜甘甘地, 煮得唔會太淋, 幾有口感. 相對蝦就無咁夠味.兩個較濃味的小菜配粥就啱晒.來茶餐廳食飯, 當然要點番一杯熱鴛鴦, 我已經好耐無飲過, 咁就好完美啦~有機會大家可以來這裡試

前陣子去尖東覆診後非常餓，難得經過半島中心地下見一間茶記人不多，就入去一試。坐低不久就先來兩碗例湯，雖有味精，但非一般例水，都算幾有誠意。可能正值落場時間，下單後要二十分鐘才上菜……幸好店內有電視，可打發時間。先來日式炒烏東，有不少配料，雞肉，蟹柳，尤魚，還有帶子。烏東炒的不錯，但略咸。其次是咕嚕蝦球炒麵，獲氣十足，炒麵卜卜趣，很久沒吃過如此風味！咕嚕甜酸汁幾惹味，蝦球大大隻爽口彈牙。吃到尾，難免有點油膩，中國菜之特色也。後來撞到朋友，追加了一碗東陰公米粉。才$28，尖沙咀來說實屬超值之選！上桌，東陰公味撲鼻，內有青口，帶子粒等等海鮮，幾足料。可選大中小辣，來一碗小辣，發覺都幾辣的。湯頭喝下只是味精質素，應該只下了東陰公味辣醬，完全不是真正東陰公湯。畢竟是茶餐廳，這個價錢想喝一碗真正東陰公湯，才是痴心妄想吧。餐飲要了兩杯特飲，分是柑桔話梅蜜和蜂蜜生薑茶。後者薑味濃郁，前者甜到難以喝下。因我點了前者，所以只可說失望頂透。價錢不高，坐位闊落是賣點。見菜式獲氣十足，也許吃小炒晚飯會更好。重口味，間中一餐還好，為健康著想，在附近返工的還是帶飯較好。

在尖東這遊客地區，要找一家茶餐廳吃頓飯確實很難，很多地方都被那些大型的集團開設了多家分店食肆，為遊客提供服務，但對於我這些小市民來說，在鬧市區內也想來個安靜，吃得自在；這家打冷鎮茶餐廳位於商場的地庫內，可減少因地面的人多車多造成的嘈音污染不便，可平衡心靈相約友人來一小聚。很久沒有嚐過茶餐廳的小菜了，來到打冷鎮，環境寬敞整潔，兩旁設有柔和燈光，不太像茶餐廳的裝潢，供應的座位夠充足，多以四座位為主，餐廳內設置了平板電視供享用，可邊吃飯邊看電視喔~呵呵!牆上設有『是日推介』的精選小菜牌，更設有雜誌架供享用，可隨意拿來看。先找個位子座下來，看見座位上均設有資訊小提示，可下載外賣點餐apps，嘩~就連某些高級餐廳也未必這麼貼心周到，這份小心意我照單全收好了!從另一個角度看，餐廳原來也有提供WIFI的免費上網服務，那太好了，有電視看，有雜誌看，就連免費WIFI上網也有，那這家餐廳應該不會趕客結帳吧!肚子叫了，看看餐牌有什麼出色的小菜，發現餐牌上的營業時間為24小時，更有生日派對、包辦伙食等服務，實在太多元化了，帶給我有點驚喜，而大家都知道，尖東酒吧夜夜笙歌，與友人消遣過後，走到就近的茶餐廳醫肚，亦