Video
2-min walk from Exit F1, Causeway Bay MTR Station
continue reading
Telephone
26822345
Opening Hours
Today
11:00 - 23:15
Mon - Sun
11:00 - 23:15
Above information is for reference only. Please check details with the restaurant.
#MC帶你去銅鑼灣.喺銅鑼灣唔知食咩好？！近近哋銅鑼灣站F1出口，渣甸街已經勁多嘢食啦！➖✨ 拾味正宗刀削麵館.餐廳主打新鮮即削刀削麵，有多款配料及口味搭配刀削麵，有冷熱拌麵、湯麵，仲有上海菜飯及滋味小食等；店內裝潢簡潔不花巧，用餐環境寬敞乾淨。➖🥢 麻辣牛筋腩刀削麵｜$62 ✨人氣之選✨.刀削麵與配料分開另上，超貼心！牛筋腩超軟腍入味，輕輕一夾就斷開，而且麻中帶辣，好惹味；唔食辣嘅，亦可以走麻辣！➖🥢 口水金錢肚刀削麵｜$64.口水汁比麻辣汁會無咁辣，辣中帶香，牛肚切成一絲絲，坑紋賣相吸引，質地夠曬軟腍；加上新鮮即削刀削麵，質地煙韌口感彈牙，口感一流！➖🥢 麻辣雞腎（小）｜$48 ✨推介✨.雞腎大約15至18片，厚薄適中，爽口唔韌，加上微微辣味和麻感，十分惹味開胃。➖🥢 熱豆漿｜$10（跟餐加配$6）.凍熱同價，淡淡豆香味，又唔會太甜，幾抵飲！！➖✨ 服務.餐廳採取自助形式，用QR code落單，方便快捷。➖➖➖➖➖➖➖➖➖➖➖➖➖➖#Ming_Course #灣仔區美食 #銅鑼灣美食 #香港美食 #香港探店 #銅鑼灣 #拾味正宗刀削麵館 #刀削麵 #香港刀削麵
continue reading
小妹幾鍾意食刀削麵，今晚決定同屋企人去銅鑼灣食😍 麵店裝修不錯，坐位算坐得舒服，仲有部電視介紹麵店巴刀削麵😝 麵店主要菜式有麻辣手撕雞，刀削麵，豆漿，冷刀削麵等…選擇尚算多😋越式春卷配刀削麵+ 上海水餃🍜🥟越式春卷好足料，外脆內暖，一咬已經感受到鬆化，旁邊仲有埋甜辣醬配搭，好味🤤❤️上海水餃份量不少，水餃皮唔薄唔厚，內涵豐富，又多汁～刀削麵同樣軟硬適中，煙韌口感，份量不少，十分飽肚，正😋東坡肉菜飯+燻蹄🐖🍚東坡肉份量不少，而且好大舊，半肥半瘦千層豬腩肉，煙靱有彈性，柔軟香口既肥肉😛而燻蹄樣貌似煙肉🥓 口感不錯👍🏻菜飯亦相當大碗，幾多菜融入當中～熱豆漿🥛
豆漿非常濃郁，口感香滑，唔太甜及無渣，熱騰騰既豆漿飲完好暖胃，與麵配搭非常一流🤩熱檸茶🍋☕️正常發揮以銅鑼灣餐廳🍴黎講，價錢合宜，質素中上，份量不少，好夠飽肚😌
continue reading
之前成日OT, 少咗出街食飯，晚餐就會買外賣，食咗位於銅鑼灣嘅拾味正宗刀削麵館。麻辣豬扒又硬又實，雖然鋪上麻椒同辣椒，但豬扒可以話係完全無味。所謂嘅秘製麻辣米線，湯底唔麻唔辣，仲有啲似養生湯嘅感覺。最可笑就係個竹笙，話說米線本身只包一個餸，呢個竹笙係要額外加十幾蚊嘅，但換來嘅只係得一條完整嘅竹笙加一小塊碎咗嘅竹笙。講真，呢個份量確實唔值，拾味正宗刀削麵館確實係不能令我回頭再來。
continue reading
2025年1月8日 星期三今晚放工專登出咗去同銅鑼灣行街，準備開始添置賀年物品行到渣甸街見餓餓地就諗住搵嘢醫肚，發現呢間餐廳除咗喺灣仔有開，連銅鑼灣都有分店，之前喺灣仔住成日都會去食，依家搬走咗就冇乜機會，突然間懷念佢嘅刀削麵，因為真係人手整出嚟，所以即刻入去懷緬一下以前嘅味道餐牌除咗刀削麵之外，仲有菜飯可以選擇，刀削麵可以揀熱拌、湯食或者凍撈，呢個天氣當然係湯食就最好啦，配料都有好多款選擇，價錢唔算太貴，諗得出嘅配料都有，於是我哋就每人要咗一碗刀削麵，點咗唔同嘅配料可以share嚟食一點完餐就已經見到師傅好落力咁削面，真係落足心機、一絲不苟，要每日都削到咁多面都真係唔容易，睇見都覺得辛苦等左一陣間食物就慢慢送上，首先係我要既豬扒刀削麵加上海雲吞同魚腐，刀削麵真係每條既大小都唔同，完全係食緊師傅用心削既麵，有咬口唔會好淋，同一般麵條無得比，豬扒已經剪開左一舊舊，炸到外皮脆卜卜，但裡面既肉質仍然保持幼嫩，仲食到肉汁添，而魚腐都炸得好香口又夠大塊，上海雲吞都好大粒，真係做到皮薄餡靚老婆就要左牛展刀削麵加金錢肚，無諗過配料既份量會咁多，金錢肚同牛展都整得好腍，一咬就斷開，而且好入味，最後我要幫老婆食埋啲麵同配料先食得晒埋單每人都係八十幾蚊，性價比十分之高！！
continue reading
位於銅鑼灣渣甸街Lunch set非常平民抵食 QR code落單餐牌都算多選擇 可以轉米線/拉麵/年糕 好多元化 仲有得選擇冷拌/熱拌/湯刀削麵🍜揀左個口水雞🐓刀削麵 大大碗 口感非常煙靭湯底清淡 加$10試埋上海水餃🥟 皮薄係我鍾意既水餃麻辣手撕雞菜飯 勁多飯 熱豆漿套餐加$6有杯熱奶茶無加一服務費 值得一試🌟Cp值:🌟🌟🌟🌟👩🏻 回頭指數:👩🏻👩🏻👩🏻👩🏻📸打卡比分:📸📸 📸📸
continue reading