文記火鍋小廚 (Closed)

今晚與朋友在文記吃火鍋,價格非常合理,服務亦好好,吃得高興又回味.鵝肝墨魚丸==>好味彈牙牛腩==>好得極品雪花肥牛==>肥美又夠稔其他火鍋配料也非常新鮮,值得推薦.

My husband and I like hot pot very much. We always like to try new hot pot restaurants. no matter it's winter or summer. On a Friday night, we planned to visit another popular hot pot place in Tin Hau but accidentally we found this shop. We decided to give it a try....... After that, we found tthat he food are fresh, $$$ and food portion are reasonable too. We will recommend my friends and will bring in my family to go there again.

今晚不知為何,特別凍, 經過天后,馬上約朋友食飯,當然首選火煱啦.朋友想試吓文記,門口是透明玻璃, 晚上7:40分星期三都幾多人,見到一陣陣的煙霧,非常吸引,立即跑了入店,他們安排我們入坐一間用屏風擋著的小室中,也好,比較清靜.我們只有二人,小心的點了極品肥牛$88, 醬暴鵝肝墨魚丸$68, 炸芋頭$22, 唐好菜$22, 魚片$58. 肥牛以本地品質來說, 合格. 鵝肝丸味道不錯,如果更多鵝肝會更好, 其他也ok.整體也算不錯, 選擇也多,可以再來.

早幾日成班同事去慶祝生日, 看到飲食男女 or 唔知邊本雜誌, 看到有駱駝峰甘特別, 就走去試下. 入到店中似去了大牌檔的格局, 不過係有冷氣的, 坐位比較擠迫, 不過尚算可以.湯底選了蕃茄粟米, 好清甜, 另外點了最想食的駱駝峰, 本地切牛, 貴妃蚌, 白鱔, 雲吞, 水餃等等..........發覺種種食物都很新鮮, 牛肉很香肉味, 有口感, 駱駝峰更是爽口香甜, 厚切一流, 雲吞, 水餃更是自家制, 不像其他的店的雪到石頭一樣. 各人都讚今次飯局一流

昨晚同班同事一行9個人黎呢度打邊爐, 水準唔錯.首先講o下食物, 份量仲唔算好大份, 不過材料都幾新鮮, 特別係肥牛和魚片, 非常新鮮伙記待客都幾好, 環境也幾企理.最尾每人埋單$160.

雞肉太咸 兼冇內涵食lunch....叫左個鹽焗雞飯有湯同野飲跟....埋單三十蚊左右....係呢附近的公價但係d 雞太咸喇...食完一淡一定要 食一大淡白飯或者飲一淡野尼沖淡咁都算喇.....最唔好的地方係佢d 雞肉太少喇...好似食得唔夠喉咁law可幸的是佢d 湯係幾好的老火湯...不含味精呢間野....過得去啦~

呢排好懶呀.... ~ 冇寫食評呀~~好~ 見依家得閒即刻寫番先.. 個日我地天后兄弟食完 Shake'em Buns 再行cwb跟住就番屋企番屋企休息下消化埋個burger 我地就決定去屋企附近間文記打邊爐我地天后兄弟同埋爸爸就行去文記入到去人唔係好多連埋我地張枱都係得三枱人入面環境唔錯幾乾脆幾企理都幾舒服文記係逐碟逐碟叫唔係任飲任食的… 不過對我地食量不大既人咁仲好坐落之後我地先叫個豬骨湯湯底煲先再慢慢諗食咩..最後叫左外國肥牛,鱔片,生菜,駱駝峰,龍蝦芝士丸同埋枝竹..個湯等左一陣就黎, 個湯D料都唔錯有好幾舊豬骨又有紅蘿蔔同栗米D 野食都黎得幾快同埋伙計呀姐服務幾好肥牛望落好似切得唔係好薄..咁但食落又幾好食好稔好新鮮仲好似牛腩咁唔會話韌同至於鱔片係我個人最鍾意.. 好新鮮同好肥美!! 正!!仲有第一次食既駱駝峰..未使過但食落又幾有趣同有口感因為原來熟左係好爽口架!! 都食得過生菜方面都新鮮最後龍蝦芝士丸同埋枝竹就普通少少不過龍蝦芝士丸係手打但可能龍蝦同芝士唔係好配所以…下次會使下其他丸整體黎講係唔錯會再黎過

可能此店主力晚市，周末午飯時間到來只得半滿，而且全是猛男工友，我倆似是異類。炒粉麵飯的選擇也不多，不過樣樣都跟冷熱餐飲。魚腩豆腐飯($28)與斑腩豆腐差不多，不用斑腩而用鯇魚腩其實不錯，起碼魚腩只略泡油，食落還算甜滑。可能因肉價太貴，肉絲炆伊麵($32)基本上與齌麵分別不大，裏面找不到多少肉絲。不過熱辣辣上檯，味道亦適中，也未致不能收貨。人手明顯不足，雖說並未爆滿，但是其中一位阿姐去了送外賣，只剩一個兼顧樓面水吧，一腳踢也明白難望樣樣妥當；另外檯檯都要等上一些時間才有得吃，相信廚房也不夠人。

用料同服務都好好. 份量可填一半. 兩個人去食都OK.牛肉. 本地牛. 冇雪過龍. 紋路清析可見. 入口牛肉味濃. 肉質幼嫩有質感.員工態度好. 殷勤. 落單上枱有效率兩個叫左5碟但係8樣野. 食晒不過, 啤酒少選擇

初三生日時同朋友仔兩個人去幫襯，入門口時未有太大期望。餐牌上都有一些比較特別的食物，例如王喉、天梯、駱駝峰等。我哋隨便點了一些普通的食物，其中最愛是豬膶，佢啲豬膶好鬼鮮味，色澤又好，食落去好鬼滿足。另外其他食物都好新鮮、鱔鮮味之餘，肉質仲好結實彈牙。除了食物新鮮之外，老闆同老闆娘嘅服務都好殷勤。同老闆娘講話個沙嗲湯底可以再濃味啲佢都好nice咁講聲唔該。另外又會喺適當嘅時候主動問你要唔要多啲醬油之類，令人食得好舒服。

天寒地凍, 最好去打邊爐, 睇雜誌話文記都幾抵食, 決定試試…我哋三個人, 叫咗11碟火煱料, 有主打牛坑腩及蝦丸、有黑百葉、豬天梯、肥牛、粉腸、大魚頭、鵝肝肉丸、黃帝菜、豆腐及鮮腐皮。牛坑腩及蝦丸果然係馳名, 有咬口及勁彈牙, 尤其是牛坑腩, 全靠老闆係牛肉買手, 其他都非常有水準。

午餐來這裏食飯, 叫了2個小菜, 其中一個魚香茄子煲, 油好似唔洗錢咁, 半煲用油浸一樣, 味道真係一般, 最尾食利剩一大煲。而餐廳中午時段亦好亂, 成日錯單, 衛生情況亦麻麻.......唔會再黎喇

上星期一班老友到新開無耐既文記打邊爐, 此小店雖然地方唔大, 但質數唔差, 尤其醉雞鍋本人特別喜歡, 因是用新鮮雞, 花雕味勁.....正!! 包你回味無窮. 另外, 極品牛肉好嫩滑, 仲有老闆特別推介既牛滑及蝦丸, 我亦ORDER 了一碟, 好得..夠爽夠彈牙. 值得一試.

家樂麵食的天后分店最近已變身為「文記火鍋小廚」，今晚己是第二趟光顧，這裡每碟火鍋配料的賣相均乾淨企理，份量也足，食物菜蔬都新鮮，味道亦不錯，至於價錢，頭一次四大三小埋單600多元，第二次兩大三小300多元結帳，連我嘴尖的舅仔也說OK就應該不會差吧！這裡用的是電磁爐，沒有明火，對小朋友較安全，可惜也因兩次都帶著小朋友，沒有機會試試一些較特別的火鍋料如黃喉和豬天梯。

兩個人去打邊爐, 比較喜歡食牛, 睇書講天后有間新火鍋, 所以去試吓, 有個叫做極品牛肉和雞肉芝士丸真係好好味, 其它食品都好新鮮, 佢仲有出名蝦丸, 但本人只覺得沒什麼蝦味, 但視覺上都好新鮮, 價錢比較貴咗少少, 但出品與其他火鍋店比較真係好好多. 服務都好好, 兩人平均三佰蚊, 我已食過兩次了, 牛肉真係十分好味!