新多寶來海鮮酒家

Open Now

Now Closed

本人公司中午食飯1小時，1211到該酒家落單叫左豉汁蒸倉魚飯，期間約1230左右問侍應飯未到，其回覆是即蒸，要15分鐘先到，當時其實已過15分鐘，無奈地只有等多一陣，但超過30分鐘仍未到，一問之下原來漏左單，叫佢跟番佢話已經無蒸倉魚飯了，還叫我食其他過，1244再落單蒜蓉蒸頭腩飯，話要再等多15分鐘，最後1300先到，不知所謂，點好食都唔會再來，垃圾

已經幾年冇正式喺 流浮山食飯，今次屋企人帶來食，十分好的經驗。泊車喺對面車場，叔叔已經好好招呼，先付$30，取車憑飛拎返$20。老闆任我哋坐地下或上層房間，我哋坐房間好舒服，企理乾淨。叫咗4個餸，最正係豉椒蒸鱔，仲有咕嚕肉，古老做法，好好食，必點！一定會encore👍

今日中午入到流浮山當然食海鮮啦，呢度都有好多間海鮮飯店，有幾間更有較經濟實惠嘅午市飯餐，今次見到呢間午市飯餐好多選擇，環境尚算幾好地方又唔太迫有選擇困難症嘅本人見到午市飯餐有蒜蓉蒸蝦，豉汁蒸白鳝，蒸盲鰽，蒸蒼魚，蒸班頭腩，海鮮湯飯等，諗左好耐最後要左豉汁蒸盲鰽$67,個餐有白飯同一碗例湯盲鰽即叫即蒸，魚肉蒸得啱啱好唔會過熟，魚肉又夠滑魚味又夠，同埋魚肉冇乜細骨，個豉汁用黎撈白飯幾正，蒸食真係最抵食又飽肚！食飽後可以逛逛流浮山大街順便去埋下白泥打卡添！

一行六人提早慶祝父親節 所以去咗流浮山食海鮮😚質素超好，真係要大大讚賞🥹🥹🥹我哋叫咗龍蝦芝士伊麵❤️啲肉勁爽口，而且勁大嚿😍😍絕對唔係比啲殼你食😂😂😂加上啲芝士味好香濃，撈埋伊麵食真係一流🥹🥹🥹蒜蓉粉絲蒸扇貝❤️ 隻扇貝超大隻😳😳😳又係勁好味🥹🥹🥹跟住仲有豉油皇大蝦🥰平時嘅我好憎要剝殼 但係呢味餸啲殼真係要放落口品嚐😂😂😂因為真係太香啦 一人兩隻都唔係好夠喉😨之後係薑蔥鮑魚煲😙鮑魚好彈牙又林😍薑蔥味勁夾🔥🔥🔥最後唔記得影埋個炸蠔😚啲炸蠔完全冇腥味❤️❤️❤️好正今次係我第一次去流浮山食海鮮 冇諗過個質素咁正😍😍😍下次有啲咩節日要慶祝都一定要encore🥳🥳🥳

因為疫情，好耐冇跟團四圍去，今日呢個本地遊團一架大旅遊巴士坐滿晒，我哋去咗龍尾灘同聚星樓，之後就嚟咗呢度食海鮮。首先上一大碟白灼蝦，新鮮熱辣，蝦肉爽甜。😋😋跟住炸鮮魷，外面炸粉唔算厚，好淺色望落去好似冇乜味咁，咬一啖，完全改觀，冇𦁤過咁正，味鮮肉嫩，食完一件又一件。😂歇一歇海鮮，上啲肉同菜，清炒菜心，okay 啦，甜酸排骨，味道唔錯，不過啲排骨好細粒。白切雞，相比起海鮮，就冇乜特別。加上枱上面有海鮮，個個淨係顧住食海鮮，碟雞冇乜人夾。😅今餐講明係海鮮，當然唔少得魚啦，不過一隻大碟兩條細魚，味道okay，但係賣相一般。跟住落嚟嘅蒸飽魚真係唔錯，隻隻都差唔多三分一隻手掌咁大。蒸得啱啱好，唔會韌又鮮味，正👍🏼！個餐唔包酥炸生蠔，每隻要加幾拾蚊，流浮山出名蠔，冇理由唔試！蠔身厚肉，不過味道只係一般，有少少失望。本來都覺得飽，不過個friend夾咗蒸海中三寳(其實唔知係乜，好似係魚仔、蝦亁之類……😅），試吓冇壞，鮮味而且幾有特色。

今日入流浮山有地膽帶我哋去搵食，佢建議黎莉一間位於巴士站旁邊嘅酒家，因為佢有好抵食嘅套餐。我哋四個人就嗌咗一個四人套餐，樣樣都新鮮，值得推薦。先嚟豉油王大蝦，份量都幾足，每人都食到三四隻。清蒸海斑仔比我想像中大條，肉質都唔錯，有驚喜。鮑魚一人一隻，可以揀椒鹽或者用陳皮蒸，我哋諗住唔好咁熱氣所以揀咗陳皮蒸，d鮑魚嘅size都算大隻，估唔到呢啲套餐都有嘅好嘅質素。跟住仲可以喺12款小菜入面揀兩款，我哋揀咗脆皮咕嚕肉同埋瑤柱蝦乾雜菜煲。脆皮咕嚕肉其實夜晚真係咁脆皮，不過味道OK嘅。至於個瑤柱蝦乾雜菜煲又整得幾好，啲蝦乾好大隻，個煲嘅份量又係非常足。個餐仲有生果送，每人兩件個餐仲有生果送，每人兩件橙，我哋另外叫咗兩碗白飯，佢冇收加一嘅，不過碟花生同蕎頭就計錢嘅，另外再收茶錢，夾埋每人唔洗$200，性價比極高。

一早知道流浮山有餐廳做貼地價午餐客飯。今日順利經過，入去試下。週日人不多，1點去都有位。翻開餐牌。午餐真的非常抵食。五六十蚊就有海鮮餐🤩蒸魚 🐟 蒜蓉蒸蝦🦐！ 真的非常超值。推薦😆😆

中秋佳節，見上次咁正就同家人再嚟。第二次嚟新多寶來食海鮮，今次第一味餸就係蒜蓉粉絲蒸扇貝，基本嘢扇貝蒜蓉粉絲蒸好食冇得頂。 自己煮都唔會太差嘅餸，咁蒸嘅時間恰到好處唔靭堇熟呢方面就係一間食海鮮就唔會令大家失望。另一味就係薑蔥炒蠔啦，好多餐廳呢就會比好多玻璃芡，咁我鍾意呢間嘢佢個芡唔多。喂！我係食蠔唔係嚟食芡㗎嘛，咁先係食海鮮囉。另一味呢就係佢嘅咕嚕肉，非常驚喜豬肉用料新鮮就好基本，而最驚喜嘅係佢嘅炸粉做得好薄，變咗佢咬落去呢唔會好油又唔會好多粉非常吹口完全感受到佢外脆內嫩嘅功夫。跟住我問佢：喂！蝦轆點 整好啊？哦佢話佢出名豉油往下錄喎～ 咁試吓啦！頂！真係冇得頂㗎喎蝦腸內裝調乾淨晒揸到外殼趣博博豉油又唔會太鹹食落去真係可以連殼都食埋！大大隻好味。最後最後最後今日呢就人多鮑魚炒飯！唔好講笑^_^呢兜嘢我就食咗一半啊！我唔知你去買一鍋夠唔夠食喎！

今日第一次嚟流浮山食海鮮，試吓呢間睇吓佢有咩符fit。 食咗4樣嘢，第一味估唔到就食到舔舔脷，鹽焗奄仔呀啲油多到爆曬出嚟又香又嘢味，確實呢個季節係要食咗奄仔先嘅。頭先嗰味你可以話D奄仔靚姐，不過第二位味呢就唔同啦，第二尾就係豉椒蟶子皇粘米餅底。蟶子王靚好食就唔再講啦，佢啲豉椒完全唔會搶過蟶子王嘅味道，成道菜惹味得嚟又夠香，再將啲汁落埋去米餅到......呱！好食到揼一聲！第三味就係啫啫通菜煲，夠鑊氣唔多油就已經得喺度菜嘅精粹喇。最後一味呢就係炸乳鴿啦，皮脆肉嫩，食一人食一隻都唔夠喉，真係無野好講喇！

被騙的一歺，以后不可能再來，一碟茄汁乾煎大蝦，味道可以，有六小條，同女士尾指長度差不多，一碟流浮山炆頭腩，一d肉都冇，全部炸粉，菜心一碟，有8條，蒜蓉粉絲蒸元貝，兩粒，有$5咁大，難得一碟正常的，送西瓜四小件

來流浮山當然要食海鮮啦，揸車入口就見到新多寶， 餐廳光線明亮所以就入去啦。服務員介紹海鮮餐給我們， 就點了 4人餐再配搭幾款小菜。4人餐包蝦球好香，粉絲蒸元貝火喉岩岩好，椒鹽鮮魷好脆口， 菠蘿咕嚕肉味道岩岩好，外脆內裡多肉汁呢，清蒸石斑原條上好大條呀，又鮮又滑，再加配鮑魚雞煲，份量好足，好夠味。。。整體來說，服務員態度很好，總是耐心推介菜式，有耐性，上菜時間合理，海鮮非常新鮮，火喉控制得很好，炸物不油膩，外皮脆卜卜。

2021年12頭星期六上午book左枱訂左個$8xx的餐另加了鮑魚及象拔蚌，由於是為患癌母親去散心才去，由於負責比錢的親人沒有check單，又加上加了其他海鮮，引致發現唔到佢呃左我地一個套餐內的扇貝及生果盤，其實我地係鋪已超過1小時，我地離開時佢地差唔多落場，無乜幾台人，正常一定夠時間比佢出晒，但佢可能見我地係生客又無提漏左扇貝所以直頭唔出聲連生果盤都唔出，呢d咁既「black店」大家真係要考慮清楚才好去，食物個d野味，但食完超口乾就知師父落得勁，服態度真如其他人說一樣，差不了多少，總知「black店」大家小心

未去過流浮山食海鮮，都唔知搵邊間好，見到呢度正正大馬路，咪試下囉。食物就正常啦，但係入面員工d 態度就😡尤其係貌似高層嘅高瘦亜姐，説話又串，態度又差，影響晒我地心情😠，點都唔會再光顧🤬

去流浮山緊係食要海鮮，今日一家人特登揸車入黎食海鮮，貪佢有位泊車，又可以食到靚海鮮。今次叫左:1️⃣蒸鮑魚:肉質彈牙，鲜美很嫩滑的，更能帶出鮑魚的鮮2️⃣蒜蓉粉絲蒸扇貝: 鮮甜、惹味。3️⃣炸生蠔: 炸漿好鬆脆，台山蠔好嫩滑，配埋個酸酸甜氐沙律醬(佢上菜嘅香味同金黃色嘅顏色已經知道係新鮮滾熱辣，啱啱炸好上碟)4️⃣水煮蝦:肉質都超彈牙5️⃣秘製鹵水鴨 (半隻)：味道可以👍滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟🌟

很長時間沒到流浮山尋找美食，今次重遊此地，全因與舊同事太耐無聚，借題出嚟聚一聚尋找美食。今次介紹系第一次到的食店「新寶多來海鮮酒家」，餐單如下：沙巴龍躉2食(炒球&炆頭腩)豉椒炒蟶子薑葱鮑魚煲黃金蝦 鹽焗掩仔蟹蒜蓉蒸扇貝粉絲雜菜煲紅燒乳鴿咕嚕肉(推介👍)龍躉2食：蒸的軟滑，炆的香口，火喉控制恰當😋豉椒炒蟶子，香噴噴之餘，口感一流😋薑葱鮑魚煲，打開蓋後薑葱味特濃，鮑魚軟腍適中，無牙也能應付一下😋黃金蝦就更唔洗講，咸蛋味夠惹味，咬落蝦頭連同蝦膏一齊咀嚼，味更突出😋鹽焗掩仔蟹，咸度恰到好處，咬落蟹膏連蟹肉，軟化度熔為一體，那滿足感令你齒夾留香😘😋😋蒜蓉蒸扇貝，金銀蒜蒸就扇貝鮮味，咬落扇貝主體，完全令你感受到鮮與嫩😘😋😋個人不太喜歡咕嚕肉，但今次都要介紹一下，呢碟咕嚕肉，酸甜適中，咕嚕肉掛汁平均，入口除了香口外，咬落炸醬完全包好嫩肉及肉汁，令你好想多吃幾舊😘😋😋😋其他菜款也可以喔😋