新奇香冰室

Open Now

Now Closed

新搬去何文田今日同老公放假開開心心走去試下啦，入去坐低叫極個4眼呀姐都好似睇我地吾到甘，到佢睇到我地就話自己夠鐘收工，叫我地搵老細落單，叫咩冇咩，態度又差，谷氣起身走人。希望佢快d執😌仲同d客呻香港飲食難做，甘既態度真係幾好食都吾會幫襯。

呢間係勝利道既餐室話個燴意粉好好食入到去比較細，人多我地一個大肚，兩個小朋友同爸爸就等啦結果一個又一個入黎，完全冇安排亦唔理d客入黎就搵位坐唔係唔知我地等緊嫁wo即時燥左結果我叫走咁既服務態度幾好食都假啦#垃圾服務

其燴意的味道甜味弱、酸味重，牛肉亦不是醃得較軟冧的做法，只能說非我所想。如你喜歡較酸的燴意和較近似未醃製的牛肉的話，不防一試。特別一提，此餐廳的飲品未有跟餐的選擇，意粉三十多元，飲品則約二十元。

去食個早餐 本身選擇少預左 都係食懷舊情懷 叫個茄汁牛燴意粉 味道想像中一樣 其實同屋企自己整既味道差唔多 但問一句 跟餐有無嘢飲或者加錢$ 疑似事頭婆即刻黑面 個款擺出嚟 你嚟得呢度食就預咗散叫嘢飲 好求其回應講句呢度冇呢啲 佢嘅態度我連問佢拎杯水都費事 怕左你 最後散叫一杯凍奶茶$20 餐廳老闆同老闆娘同其他客人繼續大聲講大聲笑 好明顯做熟客街坊客生意 佢哋有冇諗過影響到其他客人？如果要特登走入嚟食懷舊嘢 我覺得可以慳返 唔好助長佢哋呢啲以為自己做開懷舊嘢就可以用咁嘅態度對生客 老實講唔係比唔起$20 問一句唔使咁嘅面容嘅 但你杯奶茶真係普通到唔普通 個款咁唔憂做咁 希望你哋都快啲退休

今日開開心心去試下依間茶餐廳，入到去見冇位，就企喺度等啦，樓面侍應望都唔望你，又唔問你幾多位。好！咁繼續等啦，有一枱人走嘞，侍應都冇叫我地坐埋去，跟住門外有人入嚟，侍應就招呼佢，仲叫佢坐埋去嗰張吉枱,跟住有傾有講。頂！你哋剩係招呼熟客街坊架？又唔貼張紙出嚟寫明，又唔同我地講話冇位，叫我哋走🤬。咁嘅對客態度，點做生意呀？

細細間茶餐廳，多街坊熟客，不過似乎對新客就唔多歡迎。。路過，第一次去，叫左份早餐，想問熱鮮奶駛唔駛加錢，個女店員就黑面，定左兩秒，先無尾音咁回我3個字“加兩蚊“。。食緊份早餐，諗住叫個燴意粉外賣做lunch, 由頭到尾都係同佢講要雞絲燴意粉，俾埋個盒佢裝，意粉俾左我收好左喇，無啦啦廚房叫出黎問整左份牛燴係邊個叫，個黑面女人無啦啦話係我，我話我由頭到尾都係講要雞燴兼且已經收到～成班店員猛喺度話我講錯。。你整多左份牛燴，要賴都唔係賴個客啦。。態度真係差！真係無下次～

當阿女一入餐廳嘅時候10萬個唔慣，但係呢啲就係媽咪同爸爸細個去茶餐廳嘅味道。叫嘢食唔需要等侍應，只需要大聲講就會聽得到。 今次係呀女第一次食燴意粉，一食就即刻愛上嗰種濃郁嘅蕃茄醬汁味。 另外當然要叫鮮油多啦，除咗咁仲食咗阿女鍾意食嘅奶油多。保持住以前嘅味道，呢啲餐廳買少見少。聽爸爸講伯伯已經做咗好多年，希望可以繼續食到呢度嘅味道。

旺角外圍嘅優閒！經過覺得好有舊時讀書年代嘅感覺！沒有午餐，只有散叫！但選擇不多！三寶燴意粉！佢比較乾身！有蛋絲，火腿絲，雞絲！味道OK！好有讀書時嘅味道！不過佢整體偏乾！朋友叫咗香腸燴意粉！好似只得兩條腸無其他唔明佢汽水買成$13罐一試無妨！可能會試吓佢嘅早餐！

諗住朝早落街食個早餐。同樓面嬸嬸講咗一位，望咗一眼，冇應企咗喺度5分鐘，嬸嬸搞下啲水杯，同人吹下水，眼尾都冇望過我最後走咗隔離食算，食得舒服又開心。整體環境好逼，座位都唔舒服，衛生都好一般下。食物種類唔可以話唔多，係少。服務好差，唔講我個case，見serve其他人都好惡下，好似差佢錢咁。我諗連以後排隊都唔會排呢間，更加唔會食。

話說今日要出旺角拎野，但係又唔想係旺角食，所以就行左去勝利道搵食喇😋以前成日都會去食，但依家太多野食，所以已經好耐冇食，舊地重遊～今日比較簡單，只係叫左2個燴意粉:1.  牛肉燴意粉2.  腸仔燴意粉其實配料唔係重點，個燴意粉🍝先係，買相係快餐店樣子，即係咩？港式😋茄汁好多，雖然配料唔算太豐富，但係食落口，茄汁味即刻令我諗返細個去屋企樓下快餐店食茄汁意粉既記憶。如果你鍾意食港式既茄汁燴意粉，你會愛上呢到🥰講下牛肉先，呢到牛肉其實同出邊差唔多，夾落去意粉食，真係唔錯，所以都推介食牛肉配菜😋（係呀，意粉先係主菜🤣）總結：香港快餐店既冰室/茶餐廳都已經唔算多，專注1樣梗加難做，但呢到仍然食到兒時感覺，真係好難，最重要係茄汁好好食，好香港味道😋如果想搵返兒時感覺，得閒就要黎下喇🥰

多年前看某雜誌知曉這食店，試過一次後，便深深喜歡上它。特別喜歡吃這裡的「三寶燴意粉加煎蛋」，真係吃完就是吃完，碟面完全沒有多餘醬汁，濃濃的番茄香，惹味非常，每隔一段時間總是想再來回味一下。今次另外加多件夾心多士，酥脆可口，滋味無窮！而熱鴛鴦比奶茶更為出色。#三寶燴意粉加煎蛋 (蛋絲/火腿絲/雞絲) $50#三寶湯意粉 $28#夾心多士 $13#熱鴛鴦 $17#新奇香冰室地址: 何文田勝利道26號地下B舖電話: 27133209

呢間可以話係懷舊小店，食品種類唔多，比一般茶記少好多，午市同晚市主要都係食燴意粉，30零蚊度，加底先係加2蚊，加多個餸就多7蚊，男士食就應該要加底先夠飽，今時今日呢d價錢都幾難搵了

勝利道餐廳林立，當中有一間年資比較悠久的小店 - 新奇香冰室。餐廳主要做街坊生意，充滿著濃濃的人情味。餐廳主要售賣普通茶餐廳的菜式，而且種類不是很多。是日選擇了牛肉湯麵和牛油多士。牛肉湯麵真的很好味，雖然每次光顧都發現隔離左右也在點燴意粉，而每次都會跟自己說下次一定要試試， 但再光顧時還是選擇牛肉湯麵，因為實在太喜歡牛油多士香脆美味，百吃不厭。 總結：餐廳雖然是賣平平無其的菜式，但其美味程度實在不是現在的茶餐廳能媲美。

本身今日想試下佢地個早餐，一入去見佢地個伙記(叔叔黎，得一個叔叔)唔戴口罩係個樓面攞野食俾客兼同客講野口沫橫飛都算，仲見佢入水吧整野食，一路講野一路整，口水噴哂落野食度仲要同佢落單講幾次先回應你，問野講一兩個字，都未明佢講咩野，睇番下面既食評原來主要理D 熟客，唔怪得之咁既態度今時今日疫情都仲可以唔戴口罩一路捧餐一路講野噴口水，就算幾多人排隊下次都唔去，況且野食唔係特別好食，普通通粉其實無咩特別疫情期間唔該有番D 良心戴番口罩，為己為人

我是一個不愛在外吃通粉的。但奇香冰室（現在叫新奇香）改變了我。很久很久以前，朋友帶我吃過後，從此便愛上他！以前是一對老夫婦經營的，後來以經交給明哥接手。現在更有下一代幫忙。希望味道一定要延續下去！我最愛食雞牛通粉（$27+$7）😋😋😋，另外便是牛肉燴意加蛋加芝士😋😋😋！個茶走也是茶味香而不甜 （$16）恰到好處！越正！ps 有時候仲可能見到d 明星嚟光顧添！🤩