Video
Telephone
28111878
28111818
Opening Hours
Today
06:30 - 02:00
Mon - Sun
06:30 - 02:00
Above information is for reference only. Please check details with the restaurant.
元朗地膽尋早餐系列早餐推薦：我係超級鐘意食茶記早餐嘅人，呢間早餐性價比來講都算好唔錯，價錢適中，餐牌配搭亦都好正常👐🏻特別推薦秘製炸醬，佢真係炸醬麵然後湯另上。呢個價錢同配搭來講都算第一次見👍🏼食物味道：今次叫咗雪菜肉絲麵再配餐蛋多士，然後再加杯熱奶茶。雪菜肉絲非常足料，然後有一絲絲辣味，但係辣得來又唔會太重。湯底非常濃郁，公仔麵嘅軟硬度亦都適中，個人來講我已經非常欣賞呢一碗雪菜肉絲麵👍🏼👍🏼👍🏼🫖☕️嘢飲亦都夠熱，茶味濃郁，如果在大杯啲我會更加開心😃😹地點位置： 元朗教育路附近，唔算太方便。其實係去對面綠在朗屏環保物資♻️先至機緣巧合下入去試食。餐廳環境：座位舒適，然後有裝修，總括嚟講乾乾淨淨
continue reading
今朝同同事入元朗做嘢，食早餐。正常早餐沙牛麵，腸仔炒蛋加雞排，多士。味道問題不大，只係大家都叫加雞排，但上枱，一塊大一塊細。同阿姐講聲，講塊雞排有啲大細超，阿姐淨係講咗句，無辦法，來貨係咁，就行開咗。我明食材來貨有大細，同一間餐廳隔離枱大碟啲都係常有，但阿姐嘅回覆，真係無敵。我唔知以為塊排係供貨直接出比我，無經廚房。其實你講聲“唔好意思”我都無咁嬲。講返食物，無太特別難食，唔講塊雞排，沙牛麵，腸蛋多，凍飲，呢個價錢其實算合理。
continue reading
呢間店開到凌晨兩點，所以我成日經過雞地食宵夜嘅時候都會入去食返碗雲吞河~ 呢間舖頭24小時都好旺，如果你外賣嘅話，佢仲會幫你分湯，等你啲麵唔會浸淋曬，勁好。【雲吞河$43】餛飩由鮮蝦和新鮮豬肉製作而成，無味精，好有鮮味，真材實料。一粒雲吞最少有兩隻蝦，啲蝦好大隻，好食過大粒雲吞多多聲。河粉上面仲會加啲莞茜，蔥&蒜蓉粒，令碗麵更加香!另外，有蔬菜畀你揀生菜/菜心/芥蘭，我揀了芥蘭，蔬菜可以點蠔油，如果你唔鍾意蠔油嘅話，可以自己加辣椒油或叫待應轉牛腩汁菜都可以。凍飲唔洗加錢，我最鍾意飲凍檸茶，啲茶好夠味， 有成四五片檸檬，十二點前就更抵食41蚊！員工服務態度良好，有禮貌， 快手快腳，有效率！
continue reading